三小姐海鮮小菜

足足一年無黎3小姐呢度食飯，以前住呢區成日食既。為慶祝好友生日，約左三個朋友食飯，一坐低就要order幾個椰皇燉奶。再叫左沙薑雞腳，生炒骨，炒蜆，金銀蛋波菜，炸花枝丸，籠仔糯米蒸蟹，仲有豬肺湯。食物比起以前係有d失望，生炒骨偏酸，波菜今日唔係好靚，糯米偏硬，豬肺湯偏淡。但整體黎講都還可以，可惜真係無以前咁好味既！希望下次可以回復以前既水準啦！食完飯就食甜品，好好彩呢個椰皇燉奶仲keep到以前既水準，椰汁清甜奶又好滑，值得推介！至於價錢都係標準價，四大一小平均$150 一位！…Read More

聞說三小姐是一位以前的明星開，雖然不知道是誰，但這是我老公告訴我的，哈。這間餐廳在大埔街市內，環境就是本地熟食中心的感覺吧，可惜在進食其間，隔離枱有兩位先生食煙⋯ 害我們不太享受食物，想快啲食完走人。:(叫三餸一甜品，侍應服務一流，:)有介紹，有禮貌，不過其實店舖都好多招牌菜，我叫了椒鹽雞軟骨，椒剁魚雲，豬頸肉陳村粉，椰皇燉奶。椒鹽雞軟骨，一上枱個下可能太餓，一開始都覺得好味，食落又覺得好膩，因為份量都好多下，椒剁魚雲都好食架，少少辣，不過食得多魚油都有啲漏，豬頸肉陳村粉好食，佢係用蝦膏整，啲汁流哂落啲粉度，但豬頸肉有少少偏咸。最後最值得一提當然是那個椰皇鮮奶，好賣得，所以要一早叫侍應留定，但其實都貴，成45元一個，不過的確是好味，啖啖椰皇水滲入滑滑嘅牛奶🥛當中，齒甲留香…Read More

今日去大埔的慈山寺參觀後，便去位於大埔墟街市及熟食中心的三小姐海鮮小菜吃晚飯。我們大約5:15到達，侍應很客氣叫我們先坐一會，原來他們5:30才開始營業。侍應替我們點菜時很好笑容，這在一般街市的食肆是比較少見的，而且整體的服務和招待真的很好。椒鹽九肚魚 九肚魚很肥美，脆醬不厚而且炸得很香脆，加上炸得金黃色和香口的蒜蓉，真得做得不錯。籠仔糯米蒸膏蟹蟹雖然不太大但很新鮮，用籠仔蒸的糯米飯吸收了蒜蓉味，吃時再若加上九肚魚的金蒜更加好味。中式牛柳味道不錯，洋蔥很好食，可惜牛柳只是普普通通。椰皇燉奶燉奶很滑很好味，份量很足，兩個人也夠吃，甜度適中，還附上長柄不銹鋼匙羹可以把椰皇肉也吃光，真的很貼心。…Read More

真係唔好講笑, 噚日都有 9 成 full, 我成 10 點走都仲有 6 成滿, 掂牙! 點左前菜花雕話梅豬手, 不過有小小失望, 味道唔夠!醬烤骨 : 呢個骨唔錯, 而且份量十足, 正!椒鹽腰果雞軟骨 : 呢個好好食, 真係停唔到口, 送啤酒一流!!籠仔糯米蒸蝦 : 我想食籠仔糯米羔蟹架! 不過老闆黃翊同我講因為冇貨, 所以用蝦代替, 仲say 晒sorry, 好啦食唔到蟹都要食蝦, 味道都唔錯, 我覺得係蟹會仲好食, 唯有再試啦!!椰皇燉奶 : 呢個簡直係亮點, 好香, 好滑, 必食推介!!仲有好幾樣想試又未試, 下次要再黎過牙!!…Read More

相約一眾好友到大埔三門仔馬屎洲旅行, 晚上當然要找找大埔區有名的美食試試吧!今次得居住在大埔的朋友介紹, 來到大埔墟街市熟食中心上的三小姐大排檔開餐。一行5人, 到達時間不太晚 (大概7點), 所以不用等位。是此用餐可謂不過不失，普通大排檔質素，食物尚算有鑊氣，但食材感覺不太新鮮。下次再到此熟食中心會試試其他店，因為整層真的很大，選擇很多，而且環境乾淨企理。…Read More

前一排,見到facebook有朋友登了一些到三小姐晚飯的美食食物相,之後便立即上openrice看看,原來也有很多食家也讚好,所以幾個星期前便約了一班朋友,專登由九龍搭車到大埔來大吃一番.以下便是我們今晚order了的小菜.1) 籠仔糯米蒸蟹-$68很多時,糯米總給我的感覺是很硬,但今次這一個糯米飯咬起來完全不硬而且很煙韌,加上這個很香的荷葉味使到整個飯也香嘖嘖,而且完全詁不到蟹是有羔的,食起來也特別開心.2)醬爆芝士丸-$68本人很喜歡吃芝士頪的東西,不知是否我要求高,總覺得今次的芝士丸少了一點芝士,感覺上不是太重芝士味而且也不太彈牙,不過這個食法也是我第一次品嚐到,感覺很新穎.3)沙拉骨-$42這個醬汁好好味. 而所謂的骨也只是豬扒,不過豬扒也不錯,加上這個特別的醬汁是一種新的食法,不是一些吉列豬扒,咖哩豬扒的食法.4) 脆皮炸大腸-$42和沙拉骨同一價錢,但反而這個比較輸了一點分數. 其實炸是炸得很脆的,只不過大腸的腸很少,給我感覺有點dry,可能我吃過一些街邊的炸大腸,腸是很肥沃,所以便有這種dry dry地的感覺.5)炸菜肥牛陳村粉-$48這一個,是我朋友的勁力推介,又真是好好味喎. 陳村粉很爽口,加上肥牛,十分絕配,之後我們也order了蝦醬豬頸肉陳村粉,但都是肥牛比較合拍一點.6)炸茄子炸茄子是我身邊的朋友點的.本來聽到茄子,我也打算不會吃,因平時我是不吃茄子的,但今次這一碟在我面前出現,而且也是一小塊的,便夾來試試.原來好好味的,甜甜地,有點像炸鮮奶的感覺. 而這一點炸茄子已成為我今晚最好味的小菜第一名.7) 椰皇燉奶吃完那麼多小菜,係時候要吃吃甜品了.今晚我們每人也order了一個椰皇燉奶. 超正,很重燉奶味,又滑又香,就算吃完燉奶也可以抓抓椰皇的肉地來吃,如果我的肚還有空位,我會在添食多一碗的. 不知道,如果有機會晚上經過大埔街市,可否只order一個椰皇燉奶當甜品呢? 哈哈.其實,今晚我們還order了小炒皇,金銀蛋莧菜,醉雞等. 由於我覺得小菜太平凡而且放相片的地方已沒有位置了,所以便寫了以上這幾個小菜.今晚,最可惜便是見不到黃翊. 不過這間三小姐有這麼多好吃的小菜,相信很快我便會再來,希望下一次可以見到黃翊的風采.…Read More