Valor Cheung Chau (Closed)

承上一篇食評今日係因為工作關係黎到長洲一定要寓工作於娛樂食完晚飯，但又未夠鐘上船喺碼頭附近行吓行吓飲埋杯咖啡作完美結束喇！店員係非常之細心幫我落單前溫馨提示問我：有冇15分鐘呀？可能好多遊客都會趕船而製作一杯咖啡連埋享用可能都要15分鐘所以店員落單前都會細心問定有冇足夠時間？？如果有就嚟啦費事落左單遲出菜又要要趕船，就會心急如焚店員細心，值得一讚！餐廳環境非常Chill 咖啡亦都非常之好十分喜出望外！今次叫咗一杯《椰皇冰滴咖啡》非常之好飲！之前飲過其他椰子類咖啡其實係非常之高風險因為椰皇嘅甜度 係會有唔同再配落咖啡度配搭得唔好就會又酸又苦但係一杯非常之好飲一入口就感到椰皇的香味同清甜跟著清香嘅咖啡味就到達味蕾椰皇同埋咖啡配合得非常好！強！如果再嚟長洲，一定會再飲！…Read More

呢個椰皇冰滴咖啡嘗試咗好耐㗎喇，可惜之前兩次去都冇機會嘗試到，因為係期間限定。今次真係熱到傻啊，由長洲碼頭行去呢間舖，我哋已經出晒汗。好彩今次俾我哋試到，呢個椰皇冰滴咖啡果然並非浪得虛名，有咖啡味之餘又有椰皇味。個椰皇仲要係新鮮開出嚟。題外話，門口個狗狗勁得意…Read More

長洲愈來愈多特色野！好似呢間文青Cafe，只係碼頭🛥行數分鐘就到。🏖假日得閒入去chill下真係唔錯😌。.佢地嘅椰皇冰滴咖啡就夠哂特色！新鮮椰皇水加上冰滴咖啡，竟然冇違和感，兩種味都好出！椰皇嘅甜味更加中和左咖啡嘅苦味☕️。用上原個椰皇，仲可以食埋啲椰肉添！.冰滴咖啡嘅價錢從來都唔低，因為製作過程漫長，係用低溫、慢滴嘅方法萃取咖啡⏳。一般要滴漏6-8個鐘先完成💧，每一滴都係精華同心思！.店內嘅真木櫈、冰滴咖啡壺、牆上面嘅藍色壁畫⋯絕對值得哂菲林影番幾張🎞️。壁畫由@bluestunnel_artwork 操刀，店家好有心思地將長洲張保仔洞作為壁畫嘅一部分。至於雲石門牌，雖然曾經俾途人整碎但修復後更有特色。…Read More

長洲🇭🇰趁依家冇乜遊客可以去行下食下野🍢 雖然好曬但相比平時真係少人好多 多左香港人少左內地旅客😊 買野食既舖頭多左好多 但買飾物既小店就少左...... 行小巷經過一間咖啡店外貌好吸引 臨走前都係要走去買返杯咖啡飲☕️ 店舖顏色好舒服 色系有啲懷舊既感覺 係我鐘意既小店類型😍 牆身有一堆冰滴咖啡既器皿做裝飾 好特別好新奇👍🏻👍🏻🥥椰皇冰滴咖啡 COCONUT ICE DRIPPED COFFEE HKD 50• 選用新鮮椰皇• 配上果香、酒香味淺炒咖啡豆• 椰香味突岀冇諗過原來佢係會將原個椰皇一齊上🥥 開頭仲驚會中伏 但意想不到 原來椰皇同咖啡個味係可以咁夾 冰滴咖啡係冇奶既 飲完感覺尼杯椰皇咖啡又解渴又消暑👍🏻 性價比 : ⭐️⭐️⭐️⭐️⭐️📍啡寮 Valor Cheung Chau- 長洲新興街4號地下…Read More

悶熱的一天 走入呢間以黑白為主調既cafe 店 店內座位不多 牆身畫上大幅藍色既畫好靚 點左signature 既椰皇冰滴咖啡同氮氣冰滴黑咖啡 椰皇咖啡入口順滑 有好天然清香既椰汁🥥味 同咖啡味道出奇地好match! 有驚喜 而且外型好特別 打卡一流😝😝氮氣咖啡相對平淡 menu 上寫係生啤口感但無太大感覺 帶輕微果酸 大熱天飲透心涼店內播放既音樂好好聽 梳化幾chill 幾好坐 係長洲歇腳既好地方 …Read More

今日同一班朋友去長洲玩下。試咗長洲依間冰滴咖啡，間舖門口有店名嘅牌，同一張木製嘅椅子。入面會有冰滴咖啡嘅滴漏展示比大家睇，同唔同品種嘅咖啡。入面有好似bar 枱嘅高桌子，同啲木製椅子，當然有新sofa位。店舖有新嘅裝修，牆壁上油滿海景嘅油畫設計，美學十足，具有藝術🎨色彩。叫咗杯椰皇冰滴咖啡☕️$48蚊。而朋友就點咗長洲冰滴咖啡$38-白（奶）。因為無試朋友杯咖啡，暫時不作評論。不過朋友話很普通的。不是太有特別。杯椰皇冰滴咖啡，好有果香，而且椰青汁好鮮甜，椰香味好突出。而咖啡豆香味比較淺香，所以唔會苦澀，喝落去唔似飲緊黑啡咁，喝完後口入面會留有咖啡同椰青嘅回甘甜香。而且咖啡☕️放咗少許冰塊，所以好清涼。…Read More

好耐無來長洲啦，多左好多新店。今日同老公同埋兩個兄弟難得來長洲玩兩日，所以就搵搵有咩靚靚小店好食同岩打卡話說有位兄弟又好鬼鐘意飲咖啡☕️ 咁岩俾我見到尼間店裝修簡單得來好靚同好休閒 岩晒傾計既好地方好靚既門牌先在門口位下單，之後入去慢慢坐叫左尼到招牌《椰皇冰滴咖啡》$48樣子非常可愛仲有椰皇肉食，尼杯用椰皇水加上冰滴咖啡☕️真係幾好趣，味道又吾會吾夾，吾太鐘意飲咖啡都不防試試尼個幾清甜尼到最正都係環境岩晒打卡尼到最有名是冰滴咖啡☕️即叫即沖手調有誠意當然除左冰滴外仲有其他咖啡☕️同茶或朱古力下單後就入去影相同邊吹水一邊嘆咖啡…Read More

與一位居住長洲的同事閒聊之間，她推薦我如果去長洲，記得要去《啡寮》！適逢今次週末與家人、台灣朋友去長洲一天遊，一於去試試！😃據說，《啡寮》老闆是土生土長的長洲人，在沒有《啡寮》之前，他是從街邊檔形式開始。由於主打「冰滴咖啡」口碑好，逐漸多了島上熟客，而且更吸引遊客慕名而來。現在《啡寮》有屬於自己的咖啡小店，裝修簡潔而又時尚型格，Calbeepapa亦被此吸引。😍「冰滴咖啡」是這店的招牌，今次我選了最具名氣的「椰皇冰滴咖啡」，而Calbeepapa點了「氮氣蜂蜜冰滴咖啡」。先説「椰皇冰滴咖啡」，椰皇是即叫即開，以原個新鮮椰皇奉上，非常特別。此款是採用了烏干達冰滴咖啡，與撬開倒出的椰皇水混合，感覺清甜解渴，咖啡味雖然不會好濃，但非常甘醇，我不是一位可以飲到醇黑咖啡的人，所以這款咖啡味不太濃的「椰皇冰滴咖啡」，乎合我口味，我十分喜歡！💯👍🏻😋至於「氮氣蜂蜜冰滴咖啡」，口感確實有些像生啤！它以特製機器將氮氣打入冰滴咖啡，表面一層厚厚的泡沫，賣相也像生啤！此款咖啡味道較濃，香醇而不帶酸，加上蜂蜜，甘甘甜甜，感覺滋潤，有別於其他傳統冰滴咖啡。😻後話，值得一讚的是，Calbee👶🏻小腳一時間不小心踢倒Calbeepapa的咖啡，《啡寮》職員很好，立即清潔，而且還為Calbeepapa另做一杯「氮氣蜂蜜冰滴咖啡」，這種待客至上的態度，十分值得讚揚！💯👏🏻…Read More