唐坊火鍋私房菜

位於旺角與油麻地交界, 在大廈最高那層, 實在有點隱蔽 🙃 下午去探訪更可以看到日落 ☺️ 餐廳有一張長bar枱, 有別於一般火鍋店。現在Openrice預約, 可以以86折訂2人或4人餐!!港式養生火鍋四人晚時套餐 $1,358 (折實價)冬瓜瑤柱美腿鍋湯底可以選擇唐老鴨或我們所選的冬瓜鍋, 冬瓜鍋配料甚多, 除冬瓜外, 還有瑤柱, 冬菇, 金華火腿, 湯頭清甜, 燒暑下火, 由於太多配料, 開頭會有些咸 😌 之後再加湯就剛剛好。手切封門柳伊比利亞像果豬2款肉都很軟腍, 封門柳色澤深紅色, 同跟粉嫩的豬肉呈對比 😀 封門柳每片不算大塊, 但有濃厚牛肉鮮味。豬肉紋理有點像大理石, 入口會感受到油脂香但並不膩。海鮮拼盤份量充足, 入面有鮮蝦, 扇貝, 大蜆, 鮑魚和魚片, 全部都大大隻。鮑魚非常煙韌彈牙, 鮑魚汁已經鎖在鮑魚裡面, 一咬就流出黎 🤩 蝦肉彈牙結實, 蝦頭更有不少蝦膏 (雖然我平時不太吃 😬) 大蜆和扇貝都有獨特的甘甜味, 海鮮比肉類更出色!三寶丸分別是牛丸, 蝦丸, 墨魚丸, 全部都手打製造, 除了口感Q彈外, 味道都比坊間濃厚 😍 牛丸入面有少許牛筋, 而另外2款就加了蟹籽, 會多一份口感。響鈴必點之選!!! 雖然係平價貨, 但最有驚喜 😳 新鮮炸已經加分, 裡面卷了幾個圈, 層次比一般多 😚 滾一陣子就做到外脆內軟效果, 豆腐味亦相當突出!!明顯餐廳嚴選優質食物入貨, 全部食物都非常新鮮! 是被世人遺忘的隱世高質餐廳。…查看更多

一黎到就比個窗景震撼咗，鬧市美景迷人到不得了，用餐環境都非常舒適愜意，食物好出色，一定會再去食。今次我地叫左個2人餐，近排咁熱，揀左冬瓜瑤柱湯底，消暑去水腫。湯底好濃郁，啲菇同元貝仔好好食。海鮮盤❤️有扇貝、大蝦、鮑魚、大蜆、脆肉鯇同蜆，食材新鮮爽口，鮮味十足。三寶丸係自家手打牛丸、花枝丸同蝦丸，花枝丸彈牙又食到粒粒口感，但我最欣賞蝦丸，有腐乳既味道，好特別喎。韭菜餃同蟹肉餃餡料豐富且啖啖肉，大大粒好滿足。手切封門柳👍🏻脂肪含量較少但牛肉味濃郁，唔怕肥。田園菜籃+烏冬有娃娃菜、菜心、油麥菜同粟米，配呢個湯底食多左份清甜味。烏冬就勁彈牙，點煮都唔爛。善良響鈴😋大推🩷🩷響鈴即叫即炸，配火鍋3秒定律，索汁，但仲保持到少少鬆化脆口，好正！椰汁雪燕食完熱辣辣嘅嘢，食碗冰鎮美顏糖水，椰香味濃，真不錯喔。❤️真係好出色，我地仲另追加左大碟牛頸脊同邪惡響鈴：牛頸脊即霜降，牛頸脊油花分佈平均，肉質細嫩，有彈性，味道豐富，都係必食。🩷邪惡響鈴呢款係小食，唔洗放入火鍋。新鮮即炸響鈴再淋上咸沙蛋黃醬真係第一次食，口感更加細膩又多層次，味道、香味同賣相都夠哂邪惡😋咁特別一定要試！…查看更多

🙋🏻‍♂️餓底探員去咗油麻地調查呢間火鍋私房菜，餐廳位於大廈頂樓，可俯瞰旺角鬧市，環境舒適，主打多款精選湯底，每款湯底都真材實料，非常豐富，更有多款新鮮火鍋配料供應，喺度可以享用到高質嘅私房火鍋盛宴👍🏻🦐濃蝦蕃茄鍋 $168 🙋🏻‍♂️表示湯鍋以蝦頭蝦殼熬煮成，配上鮮蝦，蕃茄等湯料，湯頭充滿蝦嘅精華，味道鮮甜香濃，加入辣椒調味，令蝦味更提鮮🐖橡果豬 $148🙋🏻‍♂️表示選用伊比利亞橡果豬，大理石紋油花豐富，肉質鬆軟，入口即化，味道濃郁，有獨特嘅橡果香氣🐤花雕雞件 $138🙋🏻‍♂️表示雞肉半隻切件，以花雕酒浸泡，肉質鮮嫩軟滑，食落充滿鮮味，帶有花雕酒香，味道香醇🍡三寶丸 $92🙋🏻‍♂️表示三寶丸分別有蝦丸，牛丸同花枝丸，全部手工製，口感爽滑彈牙，牛丸香濃多汁，蝦丸同花枝丸味道鮮甜，配上蟹籽提升口感層次🥟蟹肉雲吞拼韭菜餃 $78🙋🏻‍♂️表示兩款餃都大粒飽滿，雲吞包入蟹肉同豬肉，味道鮮甜，肉汁豐富，韭菜餃味道濃郁，充滿韭菜獨特香氣🍲稻庭烏冬 $38🥬油麥菜 $38🙋🏻‍♂️表示烏冬口感滑順，吸收咗濃蝦湯嘅精華，鮮味滿滿，食咗咁多肉，食返啲菜平衡下，油麥菜清新爽脆，有助減輕膩感🥥椰汁雪燕🙋🏻‍♂️表示最後仲奉送椰汁雪燕，味道清甜，含豐富膠質，夠晒滋潤養顏📈吃貨指數😋好味度 8.5/10🔙返啅度 8.5/10…查看更多

呢排晝夜溫差都幾大，夜晚涼涼哋，啱晒打邊爐。之前聽朋友講呢間私房菜餐廳好正～今次試咗二人套餐極濃蝦鍋湯底揀左極濃蝦湯湯底，入面已經有好多隻蝦熬製而成。無論味道賣相都好似龍蝦湯。開頭味道會清清地。之後煮左啲高級食材，慢慢變左濃郁嘅蝦湯咁，又清甜又好飲。同埋唔會好似出面啲邊爐咁愈煮愈油。個湯底已經高質又健康。刺身拼盤刺身好新鮮，三文魚光澤十足，油脂分布平均，章魚爽口彈牙，特別讚賞個魷魚，味道好鮮甜，而且口感很Q，新鮮到十足韭菜餃及蟹肉餃兩款餃子的外皮都好有彈性，係新鮮包既餃子先會有既口感，同急凍餃子不同。個人覺得蟹肉餃比較特別，因為唔多地方有手切特級牛呢個必點，每一塊既色澤同油脂分布一睇就知係好嘢，肉嘅質感嫩滑，牛味好濃郁，唔夠食可以用追加優惠，加五十蚊食多盤😍2人海鮮盤海鮮全部又大份又新鮮，有大粒原隻爽口鮑魚，爽口彈牙的大蝦，原隻新鮮北寄貝，仲有大蜆和脆肉鯇。全部靚海鮮，好滿足😌手打烏冬打邊爐打到最後加烏冬應該係常識，可以吸晒所有湯汁。由於我哋個湯底係蝦湯，烏冬最尾索晒濃郁蝦湯，真係超級正！低糖果汁西柚汁幾清爽，可以解一解油膩～…查看更多

這間火鍋餐廳格局和平日的火鍋餐廳不同，反而像一間西餐廳，閃閃發亮的天花吊燈泡，掛畫裝飾感覺很有情調！之前來過這間火鍋餐廳，感覺今次的食物比起上次還更加好吃呢！而且座位舒適，推介～♡邪惡魚皮$78 🥢必點🥢名副其實，超邪惡唷！魚皮炸得香脆無比，剛剛炸好，放進口時仍然帶有溫度的，而且咸蛋佈滿每一塊魚皮，滋味無窮啊！♡濃蝦湯蕃茄鍋$168 🥢必點🥢職員叫我們先勺一碗湯喝再開始火鍋，我們喝一口都異口同聲說蝦味十分濃郁！而且蝦肉肉質也不錯，感覺很鮮甜。♡豆腐紙$28口感類似腐竹糖水的腐竹，質地很沾醬汁，非常入味唷！♡手打蝦滑$98是餐廳自家打的蝦滑，表面還有些魚籽，口感滑溜，帶有蝦的香味。♡極品牛丸$78想不到吃牛丸都有濃郁的牛味，帶有點肉汁，味道出色！♡特級手切肥牛(小)$248 🥢必點🥢可以看到油花和牛肉色澤新鮮，吃下去肉質軟腍，十分濃郁的牛味～飲品方面，清涼透心的椰子水可以下火和解油膩感，味道清新，配火鍋一流呢！最後還有甜品唷！是椰汁雪燕，不甜不膩，畫上完美句號！.✔️餐廳設加一服務費…查看更多

上星期約咗幾個朋友出嚟食飯朋友介紹呢度有間景觀又靚食物又好食嘅私房菜火鍋四個人唔想諗直接點咗個四人套餐 ($1,588)湯底可以六選一🤩🤩最後響極濃蝦鍋同埋煲冬瓜瑤柱美腿鍋掙扎一輪我哋揀咗清清地嘅冬瓜湯做湯底個鍋一上店員好好提醒我哋滾起咗可以先飲湯果然係足料👍🏻𢳂上嚟已經好容易食到瑤柱同金華火腿率先驚艷我哋嘅係今日精選嘅原條刺身魚 - 目仁奈孤陋寡聞真係冇聽過魚肉好有光澤一睇就知好新鮮食落好爽口好有質感未試過嘅真係要試下👍🏻接住落嚟就見到好豐富嘅海鮮拼盤海鮮係由老細每日親自響街市挑選最新鮮嘅食材基本配置有海蝦同鮑魚而今日仲加咗超巨型嘅北寄貝、沙白同埋白鱔不得不說新鮮嘅海鮮食落真係好唔一樣海蝦非常大隻肉質爽口有彈性大大隻鮑魚店員叫我哋水滾淥五分鐘一定要撈起果然係經驗之談👍🏻鮑魚一啲都唔韌好有彈性第時返到屋企都識煮😆北寄貝超大隻勁肥美攞嚟打邊爐真係一絕其他幾款海鮮亦都非常出色之後到手切特級牛肉望落已經知道好高質🤩雪花好均勻亦夠鮮紅食落果然好濃牛味其餘配料包括韭菜餃、蟹肉餃、三寶丸、蔬菜盤同烏冬餃子好大粒餡料好足👍🏻手打丸有蝦丸、墨丸同牛丸😋 彈牙👍🏻食埋菜菜子同烏冬真係好滿足呀！當已經打算埋單走～竟然仲有甜品送😍😍是日糖水係椰汁雪燕唔會太甜而且真係好多雪燕🤩滋補又養顏為呢一餐私房菜火鍋畫上完美嘅句號❤️整體嚟講餐廳食材新鮮用料上乘環境非常舒適而且景觀一流居高臨下可以俯瞰成個旺角絕對係一次舒適又高質嘅火鍋體驗…查看更多

知唔知出街打邊爐最唔想遇到咩情況？就係啲餐廳要你坐到迫迫夾夾，如果遇到咁嘅情況，就真係食咩都冇味。上個星期同朋友一齊去咗油麻地站附近嘅「火鍋私房菜」，餐廳個名叫做「唐坊」。個名叫得做「私房菜」，我就對佢個要求就會提高啲，我諗點都唔會迫迫夾夾啩。點知一入到去，成個感覺啱feel 喎，落地玻璃，成個旺角幾乎一覽無遺。裝修又精緻，餐廳闊落坐得舒服，誠意分max。我哋一行四人叫咗個四人套餐，先講講個刺身先，刺身魚係目仁奈，目仁奈出名魚味夠搶，質地有少許彈牙又不失韌性。刺身夠哂新鮮，擺盤又有心思，呢條目仁奈作為頭炮可謂十分精彩。鍋底方面，我哋揀咗「煲冬瓜瑤柱美腿湯」就係貪佢比較清甜，飲落果然好味道，鍋入面亦唔難搵到瑤柱同火腿嘅蹤跡，係足料架。4人嘅海鮮盤方面，聽店員所講，蝦同埋鮑魚係基本配置，其他海鮮就會由餐廳老闆到街市即日選購。而我哋食到嘅就有沙白、鱔片、同埋巨型北寄貝，個擺盤又係打卡一流。蝦肉彈牙唔會霉、鮑魚清洗得好乾淨、鱔片肥美、沙白揀得好，落鍋煮完冇沙、仲有個北寄貝非常鮮甜。「手切特級牛（大）」亦都上咗枱，牛肉份量足夠，牛味夠濃，有嚼頭而唔會靭，都係上品。「三寶丸」手打製作，「蟹肉餃同韭菜餃」都好味。「田園雜菜籃」份量同款式都多，有蕃茄、粟米之類，亦有幾款蔬菜。「手打烏冬」都有四個，用呢個湯底食烏冬的確係好主意。套餐仲包咗四杯無酒精飲品，有汽水果汁可以選擇。你以為咁樣就完？我都以為係。但係原來仲有甜品，今日嘅甜品係椰汁雪燕，清甜又可口，打完個邊爐之後食返個甜品，個人都會舒服啲架。整體嘅講，呢次嘅私房菜嘅體驗係出色嘅。唔講嘢食，淨係個裝修同景觀都好靚，計埋嘢食就更加出色添。…查看更多