醉標無骨海南雞 (協和大廈)

好耐之前偶然見到呢間外賣專門店既介紹，之前咁啱有事去觀塘，醒起呢間鋪頭就順便買返去試下🤤🐥冇骨海南雞飯($32)：佢地既外賣單上面寫左「我們只做滑雞」🤣幾搞笑，不過雞件食落真係幾滑喎🐷泰式滷豬手飯($32)：豬皮幾淋，同埋滷得頗入味🐷泰式燒豬頸肉飯($32)：每一塊都切到一口size方便食，燒得幾香，唔會太油，3個飯入面最鐘意食呢個💖3個飯都多料而且份量好大，仲要全部都係跟油飯！另外仲配有泰式醬汁，酸酸辣辣好開胃，除左飯之外仲試左：🥣椰子雞湯(加配+$2)：好清甜，雖然味道偏淡但椰子味都幾出，絕非一般例湯🥛牛奶燉雪燕($20)：雪燕都幾多，但冇乜牛奶味，反而係冰糖味重啲，整體上偏甜🥭楊枝甘露($26)：第一啖已經飲到好濃芒果味，仲飲到好多西柚同西米，飲到底仲發現有好多舊大芒果粒係入面，既好味又抵飲，推薦👍🏻👍🏻除左飯同甜品之外，佢地仲有小食賣，價錢大概都係$10~35左右，大件夾抵食，而且味道又唔錯，唔怪得係等緊外賣個陣見到不斷有街坊同學生黎幫襯啦👻如果經過不妨試下啦！…Read More

陪呀媽喺觀塘打完針，費事要佢煮，所以喺附近買埋嘢食先返屋企。佢成日都話觀塘啲嘢特別平，果然係真😆。我哋呢晚幫襯咗位於瑞和街嘅「醉標無骨海南雞」，勁多人排緊隊。我相信咁墟冚係因為佢超抵食，新開張價每個飯只售$32🈹，簡直係難以置信。其實原價亦都係$38，性價比極高。我一向認為外賣飯盒根本就唔應該咁貴，而係主張平靚正，呢間小店絕對做得到👍！我買咗兩盒飯同一枝飲品，埋單都唔使$90🍱。再者，外賣份量一啲都唔少，餸同飯畀到足，男仔食都夠飽。泰式口水雞飯($32)，🐔雞肉大致上經已去骨，雖然唔算好厚肉，不過起碼肉質嫩滑，雞皮爽彈，而且去毛去得乾淨。🌶口水雞醬幾惹味，辣度適中，麻香突出，無川式嗰種咁重藥材味，但食到尾就有少少油。泰式燒豬頸肉飯($32)，🐷豬頸肉有成十幾塊，即使係外賣，但都食得出邊邊位燒至微脆。同時，豬頸肉無太多脂肪，感覺無咁肥膩🙈。配豬頸肉嘅汁分開另上，咁就唔怕整淋啲肉，醬汁帶蒜香，微微酸辣，開胃。油飯，我估唔到小店連飯都煮得幾出色🍚，飯粒分明，口感軟熟，並均勻地染上黃色，食落帶油香，但絕唔油膩。旁邊有少許青瓜味搭伴。椰子雞湯(+$2)，例湯望落平平無奇，不過堅係滲出椰子香🥥。佢味道偏清淡，亦証明咗係無落味精。牛奶燉雪燕($20)，甜品相比起飯好貴囉，講笑啫。🥛牛奶燉雪燕飲落好清潤，甜度啱啱好，口感絲滑。小店雪燕落到足，出手唔孤寒，我每啖都飲得到，希望飲完真係有美容嘅功效啦🤣總括嚟講，基本上我對小店嘅出品無乜其他可挑剔嘅地方👍。價錢完全係時光倒流價，仲要食物味道同份量都好好，無退而求其次。呀媽話下次去開觀塘買餸，一定會再幫襯。…Read More

位於觀塘協和街開咗間新嘅外賣小店～ 主打平民價無骨海南雞飯☺️ 除此之外亦提供多款泰式主食同小食，有口水雞、麻辣豬手🐷 滷水豬手、燒豬頸肉🔥 無骨鳳爪、炸蝦餅、涼拌青瓜🥒 應有盡有，一定有款啱你心水😍🐔 無骨海南雞飯 $32海南雞無骨啖啖肉，肉質超級無敵嫩滑～ 皮同肉之間仲有啲透明啫喱😗 雞油飯色澤好靚，有油香得嚟食落去完全唔唔油膩！點埋泰式辣醬都幾過癮～ 三十幾蚊有交易仲要咁高質真係好抵🥹 十分推介😍 🐷 泰式滷豬手飯 $32好有驚喜！滷肉豬手炆得夠腍，味道適中唔會過鹹，上邊亦冇毛毛出現🤣 食得好安心😝 整體份量十足，食完超級滿足，推薦推薦～ 🥥 椰子雞湯散發著淡淡又清甜嘅椰子香味，健康又養生，好有住家嘅味道呀🥰🥛 牛奶燉雪燕 $20估唔到海南雞店都有甜品🍮 滿滿嘅雪燕好足料呀，美顏又滋潤食多啲都唔怕😍 …Read More

上兩次分別試咗豬頸肉及泰式豬手，今次終於試埋個雞啦！我今次揀咗少人叫嘅口水雞飯，而唔係好多人叫嘅招牌海南雞飯，原因係泰式醬之前試過，想試埋佢嘅口水雞汁究竟係咩一回事，我亦相信店家唔會另外再獨立烹調一個口水雞，而只會用現成海南雞做口水雞，結果我嘅推論係正確嘅。謎底終於揭盅啦！原來呢個汁同麻辣豬手飯個汁一模一樣，即係話佢哋主打食材有三款：去骨滑雞、豬頸肉及泰式豬手，而醬汁有兩款：泰式酸辣汁及麻辣汁。咁究竟個口水雞飯係唔係可以叫麻煩雞飯，而麻辣豬手飯又係唔係可以叫口水豬手飯呢？既然係咁，點解店家唔提供多一個選擇：麻辣豬頸肉飯？又或者簡單啲，主打食材，三揀一；醬汁二揀一，合共6個不同組合，咁係咪好啲呢？先講個湯，上次剩係見到有椰子，今次有埋粟米同甘筍，而且今次我買完之後，因為某啲原因，延遲幾個鐘之後先至食，通常咁嘅情況下，雞湯嘅話一定有一層凝固咗嘅黃油浮面，但佢無，雖然凍咗，依然好清甜，唔油，好好飲。加$2便可以紙包飲品同例湯二選一，咁梗係要例湯啦！分分鐘好飲過，又有益過阿媽嘅老火湯，絕對無呃你。至於個飯味道又點？好多人都話個飯係雞油飯，我就堅持話係黃薑飯，原因係如果係雞油飯嘅話，啲飯無理由食唔到有油，尤其是啲飯咁黃，要用幾多雞油至有咁嘅效果？而且我係攤咗幾個鐘之後先至食，係雞油飯嘅話，點可能食唔到有凝固咗嘅油？至於啲雞肉呢，完全係喜出望外，即使係雞胸，都可以做到好嫩滑，完全唔嚡，更大驚喜係一排雞胸肉下面有一隻雞中翼，當然隻雞翼係有骨啦，但我鍾意。莫講話$32咁平，即使雙倍價錢都未必食得到咁嘅質素。要挑剔嘅話，我覺得個汁份量太少，而且無紅辣椒粒，影響外觀。口水雞畀人嘅印象係好多醬汁，而且蒜粒同紅辣椒粒，鋪滿啲雞嘅上面，但佢完全無，只係薄薄一層汁起個底度，對於喜歡食辣嘅人嚟講，絕對係到喉唔到肺，對於追求賣相嘅人嚟講，亦唔吸引；當然，對於唔食得辣又喜歡食麻辣香味嘅人嚟講你係可以接受嘅。當然，以我口味嚟計，醬汁多少少會更好，用嚟撈飯，成口都係麻辣香味，再飲一啖例湯，更加美味可口。豬手同雞都做得咁出色，外賣加餸又多兩個選擇了，唔知散叫嘅話，啲麻辣汁可唔可以分開上？一於搵日試吓先。…Read More

疫情對大眾飲食習慣最主要既改變就係多左買外賣同在家煮食。協和街一帶食肆小店同麵包舖林立，當中好多間都係主攻外賣為主。星期日未到中午12點午飯時間，諗住早啲黎唔使等，點知店家已做緊好多單，仲有幾個客人企喺門口度等緊。價錢咁吸引，難怪咁多生意。新開張優惠價$32一個飯，如果無優惠其實都只係$38，咁平仲可以去邊度搵！啖啖肉泰式鹵豬手飯豬手既份量同肉既比例相對頗多，肉質軟腍唔癡牙，皮質黏糯有膠質，要補充骨膠原就岩哂！無骨海南雞飯雞肉真係嫩滑，雞皮爽口，個酸辣醬汁好好味，勝過唔少大舖！兩個油飯份量好多，肉量亦都唔少。加兩蚊仲有椰子雞湯，清甜無油，好飲之餘仲有湯渣紅蘿蔔同粟米可以食。叫飯餐真係飽肚又好味，見到佢鋪面個凍櫃仲有好大枝楊枝甘露，仲有小食餐牌，想下次試埋。咁平既價錢，但有咁高質素，真係抵到一個點！一定會推介比朋友同encore!…Read More