Sing Kee Seafood Restaurant (1 Lyndhurst Tower)

幾位朋友相約午飯揀咗星記。朋友力推之前試過嘅椒鹽鮮魷，我就揀咗馳名嘅生炒骨同藕餅，最後點個清清地嘅蒸水蛋撈飯。等餸期間上咗個例湯紅蘿蔔豬骨湯，無乜味精味合格。魷魚新鮮炸起，全部魚身無魷魚鬚，配喼汁脆中帶稔有驚喜。生炒骨酸甜味道平衡，排骨唔會好肥食到一口炸粉咁，水準保持得好好。藕餅反而有少少跌watt，以前蓮藕比例多d咬落去脆脆地沙沙聲，今次魚肉比例多咗無乜𡁻頭太稔。而且鯪魚肉味道有d重會覺得腥腥地，但鍾意食鯪魚肉嘅朋友就話正。水蛋剛剛好，有蛋味，配料肉碎又唔會好鹹。最後仲送雪耳桃膠糖水，好滋潤~!…Read More

在中環可以吃到傳統港式小炒的地方不多，除了史丹利街一帶的大排擋外，我只想起星記了。由於地點方便和水準穩定，星記是我常到的飯店，光顧星記的次數已多於以往必到的灣仔生記了。很久沒有和幾位老友共餐，這晚上便決定來星記一聚，一抵步便點了椒鹽鮮魷和小炒皇作頭盤。椒鹽鮮魷：脆漿薄，魷魚嫩，點上少許淮鹽和喼汁，鮮味可口。小炒皇：有韮菜花，腰果，魷魚和大蝦仁，鑊氣夠，很香口。老火例湯(4*)：足料，味道有家的感覺，不要錯過。椒絲腐乳通菜(3*)：個人喜歡多一點辣味腐乳，令其更惹味。蜆芥牛肉煲(4*)：用上大量蒜子、老薑片和大葱段，再加上鮮味的蜆芥，這調味組合能大大提升牛肉的味道。勝瓜浸豬膶：往常會叫九杞浸，可能九杞不當造，今天只有勝瓜，豬膶煮得爽脆，不韌。蒸豬下靑：混入了蝦膏去蒸，香氣四溢，豬下青很爽口，嚼口比豬頸肉更佳，而且沒有豬頸肉肥膩，有驚喜。煇哥煎鹹雞：用上香蔥和蜜椒去乾煎雞球，味道微辣，雞肉鮮嫰，不錯。另外我常點的菜還有豉油皇煎海中蝦、美極煎排骨和香煎蓮藕餅，這些都是不錯的選擇。不得一提的是老闆星哥對出品質素的執著和以客為先的態度，每次向他提出意見，他也欣然接受；每次向他投訴食物，他頭也不回便直奔廚房去了解事件，這一絲不苟的態度值得客人欣賞。…Read More

大食會會員中大部份都係灣仔X記o既常客，最近得知中環開業只有幾個月o既「星記海鮮飯店」，老闆當中原來有一位曾經一度喺X記做過，而且灣仔早有店舖，所以就決定擇日晚聚，試探究竟。「星記」喺大廈二樓全層，繁忙時間搭唔到升降機都可以選擇行樓梯。食店正門左邊為大廳，排咗兩行圓枱散座，室內四周全為木屏風，設計極具中國色彩。右手邊有個大魚缸，似乎係想表明餐廳主打海鮮菜式，而且食材新鮮 。當晚我地十一人出席，被安排入房坐，都好鬆動吓，房內仲有個大電視同私人洗手間，牙籤仲包有牙線 ，設備都幾齊全。大食會中已有會員曾多次幫襯「星記」，寫菜重任亦好順理成章地交托咗俾佢。餸菜續樣上，時間配合得恰到好處，故房間亦不乏伙計，加茶、換碟等功夫全部自動波，服務稱心體貼 :) 。 椒鹽九肚魚：蕃薯伯伯大讚九肚魚不但皮脆惹味，肉質更加係超級嫩滑 。 椒鹽鮮魷：魷魚煙韌彈牙，炸皮香脆乾爽，送酒一流！ 生煎蓮藕餅：煎餅入面有粒粒蓮藕肉，香口爽脆有嚼口，每人一件剛剛好。 杏汁花膠燉豬肺湯：為怕飲到喉嚨痕，寫餸時講明要少杏汁。少杏汁o既豬肺湯足料唔油膩，濃甜香潤，一啲都唔粉， ！ 拔絲鳳梨生炒骨：鮮橙色o既生炒骨鬆脆甜美，招牌菜果然名不虛傳 。 苦瓜炆蟹煲：除咗XO仔因敏感問題唔食得蟹之外，各會員都邊食邊點頭。Uncle W極其欣賞苦瓜入哂味。L姐就形容苦瓜同蟹都一樣咁甘香，蟹膏濃郁軟腍，蟹隻不但足肉，而且好夠厚實，絕對係星級貨式 ！ 蟲草花鮮荷葉蒸雞（$200/半隻）：菜單上冇寫雞，Auntie Y話好想食，所以就即場追加咗半隻荷葉蒸雞。雞肉散發著清香o既荷葉味，但可惜蒸煮得有啲過火，肉質變得偏嚡同老，係成晚較為失色o既一味！ 薑蔥蜆介鮮牛肉煲：牛肉唔夠香，而且偏咸，會員中o既幾位隱世廚神建議廚房換上新鮮手切肥牛，唔好「乸」啲肉，再以高質o既蜆介炒煮，效果會好似神仙放屁咁，非同凡響 ！ 鮑汁蝦籽扒柚皮：柚皮好夠厚身，而且一啲渣都冇，加上鮑汁香濃，簡單美味。 香芒糯米棵：芒果糯米糍酸甜鬆軟，清新輕巧。「星記海鮮飯店」喺中環開分店，雖則係樓上舖位，但相信租金都唔會弱得去邊。餐廳光鮮企理，服務貼身，加上海鮮菜餚高質美味，又唔會話開天殺價，大食會各人都非常滿意 ，仲約好月尾會再返黎食星級海鮮添！…Read More

中環食粵菜閒閒地都要$300位，但呢度竟然唔駛，仲要有水準，聽講好多名人就係鍾情星記既小菜！一行6人叫8個餸，部長好識做先上4碟慢慢食，唔會一次過上哂！最怕某D食店係咁上菜，未能夠趁熱食，仲要有壓迫既感覺。先上椒鹽鮮魷，望上去已見粉漿非常薄，幾乎都只是魷魚邊沾了粉漿，所以食落脆身，有咬口，魷魚好彈牙！必食！再來免費送的蛋豆腐，可能新開張關係，所以有意外驚喜！正價叫呢碟豆腐都起碼$90-100，部長特別介紹豆腐裡有蛋汁，放近嘴邊已經聞到好香蛋味，豆腐做得好滑，羨汁做得剛好！香煎蓮藕餅同樣出色！肉質彈牙！煎得剛好！每次小菜必食咕嚕肉！呢度個咕嚕肉唔錯，甜酸度剛好！唯一個汁較黏身，少少杰。招牌菜煎鹹雞必食！個汁做得好出色，皮脆雞嫩。好好食！成碟雞最後一件不留！另一招牌菜 - 蜆介牛肉煲！牛肉煮得唔老，幾tender，配埋個汁簡直一流！出面好少食到呢味！…Read More