星記海鮮飯店 (1 Lyndhurst Tower)

Open Now

Now Closed

幾位朋友相約午飯揀咗星記。朋友力推之前試過嘅椒鹽鮮魷，我就揀咗馳名嘅生炒骨同藕餅，最後點個清清地嘅蒸水蛋撈飯。等餸期間上咗個例湯紅蘿蔔豬骨湯，無乜味精味合格。魷魚新鮮炸起，全部魚身無魷魚鬚，配喼汁脆中帶稔有驚喜。生炒骨酸甜味道平衡，排骨唔會好肥食到一口炸粉咁，水準保持得好好。藕餅反而有少少跌watt，以前蓮藕比例多d咬落去脆脆地沙沙聲，今次魚肉比例多咗無乜𡁻頭太稔。而且鯪魚肉味道有d重會覺得腥腥地，但鍾意食鯪魚肉嘅朋友就話正。水蛋剛剛好，有蛋味，配料肉碎又唔會好鹹。最後仲送雪耳桃膠糖水，好滋潤~!