雞駅花膠雞米線專門店

Open Now

Now Closed

由佢啱啱開業史努比已經bookmark咗結果拖拖下 拖到而家先去🤣🤣因為佢長期排長龍呢間嘢真心勁誇張 無論系中午定夜晚都排長龍排到癲唔早啲去就有排等架啦🫣好彩史努比醒目 5點幾未到6點就即刻去坐低咗冇耐 一搭正6點佢就開始排隊啦😂嚟到梗系要試下佢哋嘅signature花膠雞米~👍🏿招牌花膠雞米線 $68湯底呈奶白色 不過望落都好清 睇表面冇乜油👍🏿飲落清甜 有淡淡嘅雞味而唔油膩😚米線軟硬度適中 開頭食帶少少煙韌即使浸耐咗都冇話變到淋晒~不過唔知系咪史努比唔好彩 呢碗嘅雞件佢比親都系雞胸/雞翼雖然冇加錢轉髀但都唔使全胸掛🫣份量就好足嘅 計埋翼都有6件雞左右不過雞胸唔系好夠滑(史努比食開雞胸 知點先叫滑🤭👌🏿)部分偏鞋口 某部分就滑啲但都未稱得上系好嫩嘅雞胸🤔另外有唔少花膠 木耳同蟲草花木耳好爽脆 索咗啲雞湯幾好食!花膠就略嫌偏硬身 同埋口感唔似花膠 不過唔肯定佢系咪鱈魚膠所以唔敢亂講🙌🏿淨系知如果炆淋啲再軟滑啲會更加好但呢個價錢有花膠都唔會expect太多~因為雞件所以令到佢低分咗 但亦都因為湯同米線令佢tone返高啲🤣味道: 8/10性價比: 8/10👍🏿藥膳黃酒花膠雞米線 $68呢碗

🙋🏻‍♂️餓底探員今晚去咗觀塘調查呢間雞湯米線專門店，佢嘅招牌雞米線有多款口味，仲有水煮牛肉，酸菜魚，濃雞湯米線，甚至擔擔麵，飯類都有，款式選擇多，小食都好吸引🥰🍗招牌花膠雞米線 $68 （轉雞髀+$10）🙋🏻‍♂️表示碗米線配上乳白色雞湯，湯頭味道濃郁鮮甜，花膠大隻，口感軟腍，雞髀肉質嫩滑，果然係招牌米線👍🏻🥥椰子雞湯飯 $60 （轉雞髀+$10）🙋🏻‍♂️表示雞湯除咗配米線，仲可以選配飯，米粉或者上海麵，呢個椰子雞湯㨂咗配飯，湯頭同樣濃厚仲多咗份椰香，將飯倒入湯裡面做成湯飯，飯粒吸收咗湯汁，食落更加入味🧱金磚豆腐 $42🙋🏻‍♂️表示個豆腐細細粒炸到金黃色，食落外脆內軟，口感嫩滑，非常香口🌽椒鹽粟米 $38🙋🏻‍♂️表示個粟米上面鋪面炸蒜粒，食落炸蒜嘅香口加上粟米嘅鮮甜，口感特別📈吃貨指數😋好味度 8/10🔙返啅度 8/10

駱駝漆真係為食鬼嘅天堂😆美食好似食極都食唔哂🤤🤤今次去咗一間又係想試好耐嘅雞湯米🐣🐣花膠雞煲翅配飯 ($98)鍋上嘅雞煲翅一路食都保持熱辣辣😁花膠同翅都算足料，花膠煲得入味夠腍😋相比之下翅較為遜色，仲係有啲硬🫣雞肉肉質鮮嫩唔鞋，雞湯濃郁夠味，配飯一流👍🏻🥥椰子雞米線 ($60) 米線上枱淨係聞都聞得出好香椰子味🤤一飲湯完全體會到椰子嘅清甜🥥雞肉同樣鮮嫩多汁😙但令我最驚艷係佢嘅米線🤩米線滑嘟嘟又帶煙靭，平時怕食米線粗鞋，或者煮到太淋嘅質地可以黎呢度一試😛第一次食米線會後悔自己叫咗少米線😂😂講起都想再食🥹🌽椒鹽粟米 ($38) 粟米本身唔算好甜😂不過調味唔太重手，輕輕灑咗鹽同炸蒜，所以食得到淡淡粟米香🌽凍檸檬薏米水🍋（+$18）

觀塘駱駝漆大廈多嘢食就係人都知，聽聞有間花膠雞米線近來好火，咁我係街坊街里，今日就同老細去一探究竟啦！！😋🥳一上到去就陸續見到有人響入面行出嚟，望一望～真係全場滿座㗎！見有位就坐底掃碼自助點餐，見到佢有期間限定「麻藥雞撈米線」，梗係趁新鮮試下啦～🍜🥰麻藥蛋就食得多，麻藥雞真係未食過～估唔到雞肉又幾嫩滑😍👍🏻而且好有雞味😋糖心蛋都做得唔錯，浸好入味！🥰😍米線比較淋身，但係味道又唔錯喎～老細要咗「招牌蟲草花花膠雞米線」～🍜雞湯果然濃郁～除咗大舊雞，仲有大大舊花膠😋👍🏻有成仲有蟲草花～滿足！小食叫咗明太子釀雞翼，炸得好香口，配埋沙律醬，啖啖明太子餡，好滿足！！🥰🥳叫多個燒豚肉配生菜（韓式辣椒醬），啲五花腩又係炸得好香口，醃得幾入味包埋生菜食，好似感到一陣韓風！😅🇰🇷最正係個椒鹽粟米～老細話直頭係今日mvp🥰🥰👍🏻唔會油膩，反而清甜嘅粟米有種清新嘅感覺，配埋避風塘炸蒜，一絕！！🥳👍🏻💞街坊小店，價錢公道，有機會都可以再嚟試吓其他菜式！

觀塘工廈出名多少店，呢間雞湯米線真心推介！店面唔係好大，不過乾淨企理，價錢唔貴，性價比高，仲好有人氣嚟呢度一定要食招牌花膠雞米線，雞味極濃，味道鮮甜，完全冇味精味，未食米線已經飲咗三份一。雞肉嫩滑，仲有花膠，舊舊都好厚身，夠晒足料胡椒湯都係另一推介，唔係好辣既胡椒味，食落唔嗆喉但係又夠香，燒豚肉軟滑，好味金磚豆腐上枱嘅時候仲熱辣辣，真外脆內軟，唔覺唔覺成碟食晒椒鹽粟米加咗香口既炸蒜，夠惹味，又唔辣，小朋友都啱

我同女友每逢星期六就會去駱駝漆大廈按摩，按摩之後我哋都會發掘下駱駝漆大廈嘅美食，今次試左同一樓層嘅雞駅花膠雞米線專門店。餐廳裝修無咩特別，座位唔算太多。不過食物質素最緊要，米線同小食款式都幾多。- 招牌雞米線米線唔會煮到好稔，口感有少少煙靭。湯底味道甜甜地，加咗花膠之後湯底質感變得稠身，花膠本身都幾好味。雞件真係冇得彈，全部肉質嫩滑，而且啖啖肉👍🏻- 期間限定餐廳定期會推出期間限定菜式，今次係胡麻醬雞件撈米線。雞件一樣好多件同埋肉質嫩滑，另外仲有非常性感嘅糖心蛋。每一啖麵都俾胡麻醬包住，味道非常濃郁。- 金磚豆腐豆腐外脆內嫩，每一粒都炸到金黃色而且四四方方，而且加咗芝麻令味道更香。- 椒鹽粟米粟米一分為四，上面灑上蒜粒，同甜脆既粟米味道好夾，不過略嫌味道太鹹。個人認為淨係食雞已經值回票價，其他小食都唔錯，性價比非常高，下星期按摩完再食過！