Hung Kee Seafood Restaurant

入到西貢，咁多海鮮餐館，勾起我食瀨尿蝦嘅心癮🤤其實見啲海鮮餐館嘅2人餐好抵，但係坐低已經5點，無信心可以6點完場😢唯帶散嗌，價錢貴啲，種類少啲，但就可以自己揀海鮮。好彩海鮮都唔可以煮太耐，5:15pm開始上菜，勁擦45分鐘，趕得切6點埋單走人☺️（食環一直兜嚟兜去🥶）飲食記錄：❶ 椒鹽瀨尿蝦好多肉🤤而且肉質質實肥美，帶彈性又多膏🤤🤤新鮮好味🤤🤤❷ 油鹽水花甲花甲無沙👍🏻質感韌口😋調味偏淡，主要係食花甲嘅鮮味❸ 辣酒煮東風螺東風螺無沙，肉質都幾肥美q彈👍🏻我地唔係好食得辣，所以揀咗bb辣😅所以調味方面都係偏淡，主要食東風螺嘅鮮味❹ 上菜炒菜心…Read More

過年前自駕遊到西貢買年花，順便吃頓海鮮餐。我們選擇了A.二人超值套餐$588，有魚有蝦有蟹，甚是豐富。蒸魚方面，我們加$100轉沙巴大龍躉，店方蒸功不錯，一尾魚熟成得剛剛好，魚肉細嫩而鮮美。白灼基圍蝦蝦肉新鮮爽彈，蘸點辣椒豉油吃，風味至佳。清蒸鮑魚仔不過不失，只因小人從來都覺得鮑魚仔的鮑魚味是淡的。薑蔥蟹煮得入味，薑和蔥的香味盡情發揮。椒鹽瀨尿蝦乃惹味之作，椒鹽炒得夠香，瀨尿蝦亦容易拆肉。相對地清炒時蔬略嫌油份太重。餐後還有水果盤，茶錢每位$15，連小費整餐共計$750，CP值算高。…Read More

一行二十人去左西貢食海鮮, 等人之際當然要叫番個沙薑雞腳, 唔知點解舊式海鮮菜館都有做沙薑雞腳, 是日海鮮餐有:海膽剌身: 睇落好靘,OK! 海膽炒滑蛋: 過左火 , 蛋老, 浪費左D海膽白灼生海蝦: 一般OK!蒜蓉蒸扇貝: 蒜蓉粉絲好味過隻扇貝上湯龍蝦伊麵 : 中式煮龍蝦一般都太熟, 有d實, 伊麵仲好味過佢!!鼓椒炒蟶子：蟶子唔係太大隻, 煮得太熟, 好似香口膠咁!酥炸生豪 : 夠大隻 , 可能一次過炸成20隻 , 一D剛剛好 , 一D太老清蒸東星斑: 二十人分一條中大SIZE既班, 比較容難控制火喉, 仲有小小生血椒鹽賴尿蝦：大隻, 而且炸到唔太乾唔太硬, OK蒜蓉炒生菜：白灼生菜一碟..PS. 室內環境不太乾淨(天花會有野跌落黎) , 可能座出面好D !同埋D服務不太好 , D 侍應要叫幾次先有反應(成日係到吹水) , 仲有10:30開始打烊!ps. 去海鮮店，如你本身不熟海鮮又沒詳細問幾錢幾重，唔多唔少總會被人呃~食多幾次會知如何應付海鮮阿姐~ 只要佢覺得你都識食，同佢傾下笑下，海鮮又自然會靚d~ ;)…Read More

又到星期五，第二朝又唔使返工，當然係諗吓有咩節目搞啦......同事話會同老公入去西貢食海鮮，問我地有冇興趣一齊去，於是放工去旺角執埋班長同妹妹就出發，結果雖然冇塞車，都要用咗35分鐘至入到去。在冇咩選擇之下，就咁選擇了洪記。星期五晚嘅西貢，唔特別多人，好易就搵到位，之後我地出去揀海鮮，同事老公同個老闆討價還價，又減加工費，又減海鮮價，勁呀......講返我地食嘅嘢：1. 白灼蝦 > 非常老，一上檯一望就知係over-cooked，都唔明點解咁簡單嘅嘢都可以搞成咁嘅，蝦殼表面已經白哂，離哂殼，肉裡面啲水已經走哂出嚟，搞到啲肉又老又乾。辣椒豉油應該一係就啲辣椒唔靚、又或者係佢地冇將佢煮過，一啲辣味都冇，失敗....2. 楊州炒飯 > 本來係落單時講明係最後至上，但係竟然係第二樣上枱，唯有又係同經理講，伙記唯有死死地氣拎返入廚房，最後再一次上枱，但係妹妹話好明顯係再炒過，因為飯粒表面啲油多咗。3. 蒜蓉粉絲蒸元貝 > 雖然你見到佢表面係舖滿蒜蓉同蔥，但係其實一啲都唔香，粒元貝明顯過熟，好韌...4. 椒鹽瀨尿蝦 > 算做好啲嘅一道菜，夠香口，夠乾身，唔會油淋淋5. 清蒸老虎班 > 又係過咗火，豉油唔香，帶唔出魚嘅鮮味，都唔明點解個師傳日日都不知要蒸幾多條魚，但係竟然都會失手嘅，真係失敗中之失敗6. 清蒸重皮蟹 > 一係就佢啲蟹唔靚，一係就唔係當造期、已近尾聲，雖然仍然見到層皮，但係明顯隻蟹應該係keep緊fit，如果唔係根本就冇理由得咁少膏，而且都係一樣-- over-cooked。7. 蒜蓉炒菜心 > 啲菜好嫩，但係冇咩鑊氣總評：服務態度強差人意，可以話係不升反降，仲差過以前。平均消費$220/人。食物就大部份都煮過籠，徒哂啲食物，其實海鮮本身冇咩調味料需要，烹調技巧亦冇乜，但係個廚子都竟然可以煮成咁....真係失敗中之失敗，以後去到西貢盡可能都唔好幫襯呢間，唔怪得呢間一向都係少啲人幫襯嗰一間啦.....…Read More