醉潮館

同屋企人食飯，想食潮州/打冷野，所以一試。餐廳裝修有心思有特色，木板枱凳，「武林秘笈」餐牌。地方唔算大，滿座後不寬敞，但氣氛熱鬧，而且乾淨舒適。鹹魚青菜，各有所好。食物中上水平，性價比高，值得再來。下次會點乳鴿、卜卜蜆和蟹粥。…Read More

中秋約埋大佬同媽子食餐飯，媽子係潮州人大佬就揀呢間開餐 😀Openrice 訂座只可揀 6：30，我哋泊車遲咗啲，打去餐廳講聲，好有禮貌回覆叫我哋慢慢 👍坐底就由大佬發辦揀食物，媽子鍾意食椒鹽九肚魚，粉槳一啲都唔厚，炒花甲個汁好香口，最正就係無沙 🤣 韮菜豬紅大佬話食返以前老豆煮嘅味道 🥰西蘭花鮮魷啲魷魚好正，唔好理膽固醇住啦 🤭🤭 其他食物都美味，係啲菜有啲老，食材可以揀好啲。餐廳格局有小小迫，隔離檯班大叔講嘢好大聲，成間餐廳都比佢哋啲聲蓋住 😣😣 嫂嫂話有機會試多次都係咁嘈就唔再返轉頭 😅😅媽子都話啲嘢好食，其實係見到大佬就乜都好食就真 🤣🤣🤣5 條友 8個餸兩碗粥，埋單 $900，一啲都唔貴 👍👍…Read More

醉潮館係荃灣三坡坊入面一堆潮州打冷鋪入面既其中一間。同傳統潮州打冷鋪唔同，呢間裝修感覺古色古香咁，而且菜單都有設計過，佢有本菜單叫「本草湯目」😂入面係佢啲燉湯。呢度坐得比其他打冷鋪舒服，而且菜式都有好多新穎啲既，有興趣可以黎試下！ 1⃣️金湯酸菜魚（$128）入面除左魚片之外，仲有啲芽菜同辣椒粒，但係個人覺得呢個酸菜魚🐟味道比較普通，夠酸味，但係味道比較單一，而且入面既配料都比較少，通常酸菜魚入面都有薯粉，但係呢度都冇😕  2⃣️椒鹽九肚魚（$88）九肚魚唔係好食到骨，炸得夠曬脆😋面頭仲有好多炸蒜。  3⃣️牙籤雞（$58）呢個係比較特別既菜式。啲雞粒真係一粒粒用牙籤拮住😲面頭鋪左啲麥皮先炸，食落好脆好香口，雞肉入面仲一啲都唔乾！  4⃣️小米餃（$42）細細粒一粒，外皮好煙韌，一啖一粒啱啱好😋  5⃣️鴨蛋煎蠔烙（$88）食親潮州打冷我都一定會嗌蠔餅🦪個蠔餅勁脆唔油，點埋魚露或者辣椒醬食一流！而且入面既蠔仔大大粒，都幾多添！  6⃣️芥末牛仔粒（$108）牛仔粒好juicy🤤面頭既芥末醬比想象中嗆鼻，食落好正，夠曬刺激，而且牛柳都炒得好入味！  7⃣️雪裏紅蝦干芥蘭煲（$88）入面除左芥蘭之外，仲有啲蝦乾同埋肉碎，成個煲咁上，撈既時候咋咋聲，好香好惹味🔥  8⃣️蜜桃咕嚕肉（$78）咕嚕肉每舊都幾大舊，啖啖肉，酸甜啱啱好，食落好開胃👍  …Read More

三陂坊有成幾間大排檔，夜晚超熱鬧。今次就同朋友黎左呢間潮州菜館，新派嘅打冷好多人推介😜餐廳位於最邊邊位置，都幾隱蔽。室內位置都稍狹窄，傾計要好大聲大家先聽到🤣🔸即滾潮汕砂鍋海鮮粥（HK$220）大推呢個砂鍋粥，有大小份量選擇，就算少人黎都可以食呢。粥底唔會太稀都唔會太實，口感岩岩好。揀左蟹同魚肉，而且可以自由配搭食材，好多海鮮選擇，散發陣陣鮮味😍🔸 椒鹽九肚魚（HK$88）經過見到每一枱都有呢個，椒鹽味唔會太鹹，好惹味脆口，咬落都唔多骨😆🔸 蠔餅（HK$88）蠔餅大大塊，蠔都算多，而且唔會有明顯腥味，食到後期就略油左少少啦😂🔸香辣炒蜆（HK$108）份量都多，食落唔覺得有沙。醬汁幾濃郁，蜆肉好入味，就咁食會有少少鹹，配飯會比較好🙂…Read More

嚟呢間<醉潮館>食個晚飯，順便慶祝朋友生日。我哋叫咗好多個小菜，味道都唔錯！首先我哋叫咗兩個燉湯，分別有花膠螺頭燉雞同核桃蟲草鮑魚燉雞。兩個湯都好清甜，湯亦都無乜油，用料十足。我個人較為喜歡核桃蟲草鮑魚燉雞多啲，味道較香濃！椒鹽九肚魚~炸得好香脆，一咬入口啲九肚魚無滑潺潺嘅口感，亦都咬唔到魚骨，正呀👍🏻籠仔荷葉膏蟹蒸飯～一大隻蟹放喺啲飯上面，勁多膏，膏蟹亦都好新鮮，蒸飯吸哂荷葉香味之餘亦都粒粒分明，越食越想食。金湯酸菜魚～湯飲落酸酸帶啲辣，不過不失。但可惜啲魚帶泥味，影響整體嘅味道。雪裹紅蝦干芥蘭煲～翠綠嘅芥蘭，炒得啱啱好，又唔會炒得過老，好香口！加上蝦米咸香味，不錯。醉潮口水雞～微辣口水雞，食落啲雞無雪味，肉質都唔錯。辣酒煮醉螺～呢個醉螺一啲都唔辣，螺肉煮得好入味，每粒都好大粒。黃金秋葵～每一條秋葵都被啲咸蛋黃均勻地包住，咬落唔油膩，秋葵亦都炸得好乾身。真係比起平時食烚秋葵完全唔同口感，好有新鮮感🤤椒鹽鮮魷~鮮魷炸得好香脆，而且咬落都好彈牙，可惜炸粉過多，如果少返啲炸粉口感更脆！椒鹽孖寶一口方塊~裏面分別有炸豆腐同炸饅頭，夾起舊豆腐無鬆散，外脆內滑，勁好食。炸饅頭亦都炸得啱啱好，外表金黃，配上煉奶，香甜鬆脆，勾起細個喺酒樓食炸饅頭嘅回憶🤔呢間《醉潮館》被我譽為「炸之神」!!全部炸物都炸得好金黃，亦唔油膩，非常之好好食👍🏻👍🏻👍🏻下次一定要食埋呢間嘅潮州鹵水拼盤🤣🤣…Read More

今次同朋友經過荃灣二陂坊見到呢間裝潢夠晒古色古香嘅潮州茶館，不嬲鍾意試新野嘅我就決定試試佢！入去坐低後見到個menu仲成本武林秘笈咁，幾有玩味，而食物方面亦都夠晒鑊氣🤤唔錯呀🔻椒鹽九肚魚評分：8.5/10價錢：$78必叫呀！炸粉真係做到好薄，食落口好脆同香口，而且連d骨都幼細到唔太覺有骨咁，好好食呀🤤🔻蜜桃咕嚕肉評分：7/10價錢：$78酸酸甜甜好開胃，而且佢切到容易擺入口嘅形狀，好有心思！🔻蒜蓉椒絲炒通菜評分：7/10價錢：$68好香蒜蓉味同好惹味🔻花膠螺頭炖雞湯評分：8/10價錢：$68不嬲好鍾意飲湯，特別係炖湯，呢個好足料，食到雞同好多湯渣，又係黎呢到食必叫食物之一😋📍醉潮館 (荃灣)荃灣三陂坊30號地舖…Read More

哥哥一家都唔喺香港，趁住週末陪下兩老，晚餐帶佢哋嚟荃灣食呢間口碑唔錯嘅潮州菜，我哋差唔多八點到，門口依然有幾枱人等緊，生意超旺。我自己之前食過一次，對佢嘅燉湯印象良好，今次嗌咗核桃蟲草鮑魚炖雞，湯味香純，濃郁清甜，仲真係有鮑魚，而且唔細隻，真材實料。一盅可以分到三碗仔多少少，我哋三個人分剛剛好，性價比高！九肚魚炸得又香又酥，口感外脆內嫩，味道鮮甜，沾上喼汁，令鮮味更濃。好有趣嘅名字，原來係四季豆炒豬頸肉，好夠鑊氣，醬汁香濃入味，豬頸肉咬起嚟好有口感，餸飯必備。BB乳鴿用鳥籠裝住，賣相相當別致。乳鴿雖然奀咗少少，但皮脆肉嫩，肉汁豐富，即使唔洗點五香淮鹽同喼汁都已經好滋味！黑松露蟹膏蒸水蛋係屈機之作，令我一直念念不忘，松露嘅香氣配上嫩滑嘅蒸蛋本來都已經係天作之合，加上大量嘅蟹膏，邪惡程度爆曬燈！每一啖都係享受！荃灣有得食潮州菜或者中式小菜嘅地方其實唔少，但能夠令人留低咁深刻印象嘅真係只此一家，難怪能夠喺短短幾個月賺到咁多口碑。…Read More

椒鹽九肚魚 ($78)九肚魚肉好鬆化，蒜香味好夠，又唔會炸到油林林，食落熱辣辣脆卜卜，好正 ☺芥末牛仔粒 ($108)每粒牛肉都鋪滿甜甜地既蜜汁，上面又鋪左芥末醬，D牛肉冇醃到lar到林晒，仲好有肉既質感。好味 🥰雪裏紅蝦干通菜煲 ($88)小菜唔少得叫個煲啦，D菜好新鮮，大大條但又唔會硬，葉都keep到有D口感，食到底唔覺油，而家菜汁。佢加左D雪菜同肉碎，令成個菜煲層次再提升左，送飯一流 😆加返枝藍妹 😎 perfect match…Read More

又係星期六冇飯家庭日，難得放假緊係休息下，出街食我至愛既大排檔一碟清清既菜足以反應師傅既巧妙巧夫脆綠既通菜，油份充足，配以蒜蓉椒絲，每條通菜都索哂d精華我就好鍾意食牛柳粒，呢款仲可以帶俾我無限既刺激感，因為面層加左d白色既芥末醬，食落就辣辣地，好似平時食壽司點wasabi咁大排檔既香口野又點少得，一黎到已經聞得陣陣蒜蓉香味內脆外軟真係冇形容錯，外層脆皮夠哂薄，入面既魚肉好滑溜最後又點可以少左個椰樹牌既椰子汁…Read More

又到星期五可以約班fd出黎食飯，今晚就有朋友介紹去到荃灣既醉潮館食小菜，地點有啲難搵，好彩有地膽帶路，8點半到都全場爆滿，等左15分鐘左右就入得，一早已經念左叫乜送涼伴魚皮爆好食，睇電視介紹得多，今次可以食到啦，一啲都唔腥，好爽口🤤🤤加埋啲薑蔥好野味，讚讚讚椒鹽九肚魚打冷必叫，一上台就知正，份量唔洗講，滿滿的，重要係個炸粉漿剛剛好，粉漿好簿身，炸到外脆內軟，九肚魚好肥美紅燒bb鴿用鳥籠上菜幾特別，燒得唔錯，唔會太乾，仲好juice，味道剛剛好另外我地仲叫左小米餃(似魚皮餃)，炒通菜(好入味),鐵板黑椒豬仔肉同蜜桃柚子骨，都唔錯，可惜2碟肉類係最先上菜，有點太飽，不能慢慢品嘗，每碟量好多大，價錢唔算貴，所以好抵食，好適合大班人，而且多熟客，服務好好…Read More

三陂坊比人既感覺就係好多大排擋 但係我地今次食既呢間潮洲菜館就同以往食既好唔同 裝修幾靚有特式 又坐得舒服😌雖然裝修靚左 不過睇menu價錢又差唔多無特別貴👍🏻 我地就叫左幾個小菜同小食試下 先泥比較特別既小食 我地揀左紅燒籠中BB鴿子同小米餃😆 BB鴿放係籠入面上菜打卡真係幾得意😂 size的確較細 所以背部都入哂味唔駛再點其他調味 而小米餃幾特別 新鮮蒸好熱辣辣 外皮超煙韌 肉饀又夠濃味 連蠔油都唔駛點😋小菜我地就試左椒鹽九肚魚 蜜桃咕嚕肉同鐵板雙蔥燒豬腩肉🤤 3個餸都份量十足 九肚魚唔會好鹹 肉質嫩滑😋 咕嚕肉大大件啖啖肉 酸酸甜甜調味剛好好開胃👅 鐵板雙蔥燒豬腩肉用鐵板上 熱辣辣超夠穫氣 好香口惹味👍🏻 呢到岩哂想食打冷又想同朋友坐得舒舒服服既你地🌟…Read More