一喜車仔麵

之前聽過土瓜灣人氣又高質嘅 "一喜車仔麵"，最近得知新店開咗尖沙咀慶方地庫S19-21號舖，呢日經開就黎試吓啦！新商場 [慶方] 地方非常寛闊，一入門口行下好快已經見到車仔麵檔模型，工藝細緻，一於打下卡先，一去到好容易就揾到依間餐廳。店內裝潢特色，既新派又有傳統設計嘅車仔麵風格～餐單款式都唔少，除咗車仔麵，餸料有好多選擇，仲有特色飯類、小食及飲品。點車仔麵依次序 : 1. 麵底 $12 & $14，2. 餸料 $12 & $15，3. 調味醬料，以QR code落單。豪華九寶大雜麵     $59豪華車仔麵真係好豪華，材料超豐富包括牛腩、特級瀨尿牛筋丸、瑞士汁雞翼、有魷魚嘅魷魚丸、豬紅、豬皮、蘿蔔、紅腸、時菜，湯底本身鮮甜，加咗沙嗲汁之後，微辣特別惹味，米線爽口，掛滿湯汁，食完依碗真係超滿足。自選車仔麵 $63另一碗車仔麵揀選特級瀨尿牛筋丸、牛腩、白蘿蔔及紅腸，超爆汁嘅牛丸，好爽彈，牛腩炆至軟淋有少少咬口，白蘿蔔吸左湯汁非常入味，油麵用嚟做車仔麵底好夾，加埋沙嗲汁拌勻一齊食，好惹味。生菜魚肉      $30懷舊小食嘅生菜魚肉，鯪魚肉嫩滑，翠綠爽口嘅生菜，湯底味道清甜，唔錯。瑞士汁雞中翼 (4隻) $28大隻又肥美嘅雞翼，肉質嫩滑，瑞士汁味夠出，唔會過鹹，味道啱啱好，唔錯呢～椒絲腐乳通菜    $18翠綠爽口嘅通菜，好新鮮，加埋腐乳同辣椒，鹹鹹香香，帶少少辣，食落惹味。飲品選擇兩款自家製涼茶，銀花雞骨草及石斛竹蔗茅根水。食完啲辣嘢飲番啲清熱飲品，濃郁雞骨草味道，甘甘地，竹蔗茅根水清甜解渴，滋潤喉嚨。…Read More

尖沙咀好多隱世嘅小食，真係要我哋一一發掘出嚟🥰。今次就比我地搵到這一間地道車仔麪， 可以打卡之餘， 仲好有風味😙（5⭐️最高）手肘西施骨（5⭐️）肉質香嫩幼滑、 彈牙😍。 脆炸完之後加入孜然粉，所以特別惹味。👏🏻椒絲腐乳通菜（5⭐️）通菜灼熟後，加入秘製腐乳再食， 特別香滑、爽口🫦。自選車仔麵（5⭐️）黃金雞湯、 秘製豬肉餃、魚腐、馬交魚丸雞湯好特別，好香濃豬肉餃爽口、彈牙又Juicy🥰。魚腐魚香鮮味濃；馬交魚蛋，更是入口爽彈牙。 炸韭菜餃（6隻）（5⭐️） 隻隻都好足料、外皮炸得脆卜卜的；好啱夏天配一杯啤酒🍻。 沙嗲牛腩飯（5⭐️）利用柱侯牛腩做底再加入沙嗲汁，所以食落會有兩種唔同嘅感覺😘。 …Read More

一喜車仔麵😘😘😘大家見一麵尖沙咀heath慶坊地庫、有新開張以「車仔麵」為主打、店鋪很寬敞開陽、店前攞放「車仔」裝飾、很有氣氛、勾起兒時回憶、70年代流行推車仔麵檔😆😆*材料新鮮、自家烹調、咖喱都是每日新鮮製作、選用廿多種香料炒、魚肉以新鮮鮫魚攪打、爽口彈牙🎉@真心製作、讓客人食🉐️開❤️、🈵️足👏🏻👏🏻沙嗲四寶麵+米線🍜/沙嗲汁$65⋯⋯鎮店之四寶（牛腩、牛柏葉、魚蛋、水魷魚）、選材皆以A級、客人食🉐️開心、能推動主廚硏發更多美食👍🏻👍🏻牛腩濃牛味又腍又入味、牛柏𦳑/水魷魚爽口彈牙有嚼口、魚旦自家出品、自家配調！質素有保正👍🏻、拌米線、濃香沙嗲汁、辣🉐️過癮又滋味！+支裝黑芝麻黑豆豆漿$10店主硏配的有益食品、益街坊、有益黑芝麻、混🈴淡淡黑豆香濃味、少甜、合心水！蔥油雞扒飯$59⋯粒粒飯、煙靭軟綿綿、雞扒炸至金黃酥脆、咬－口、汁爆口腔、yummy yummy 😋、淋上有甜味豉油、又香又吸睛！追加酸齋$12⋯⋯少有車仔店、提供酸齋、甜酸度啱啱好、一定要吃！+奶茶$8椒絲腐乳通菜$18⋯通菜翠綠、爽口、配椒絲、絕配👍🏻瑞士汁雞翼四隻$28⋯⋯甜香瑞士汁炆至入晒味、陣陣甜香清香撲鼻夠creamy😝炸韭菜餃六隻🥟$30⋯⋯精緻細細粒、饀料飽得🈵️滿、炸至外脆內軟！生炸潮汕三寶（馬駮🐷肉丸、深海墨魚丸，尤魚丸）$39⋯⋯自家攪作、真材實料、吃時有嚼口、爽口彈牙、高質作品！12粒咖喱魚蛋$28⋯⋯比美離𡷊大大粒魚旦、魚肉自家攪作、超🈶️口感、又彈牙、重點配自家每日製作咖喱汁、陣陣咖喱香撲鼻、辣度調配剛好、適🈴️一家大細一家大小😋必食！必食！必食！一起車仔麵尖沙咀彌敦道36-44號重慶大廈Heath慶坊地庫S19-21號舖港鐵尖沙咀/尖東站H出口、步行約2分鐘…Read More

只要同你一起，一切都歡喜！今天同男朋友影完婚紗相，雖由朝踩到晚，但只要一起就歡喜！大家都肚餓到爆，緊係第一時間去搵食，見到這間一喜車仔麵，就諗到…只要在一起，食乜都歡喜！門口放了一架模型車仔麵車，啲食物好真實，太有趣！懷舊嘅設計，但環境一啲都唔舊，光猛企理，有圓枱，亦有長枱，地方闊落，坐得幾舒服。唔止車仔麵咁簡單，仲有多款飯、飲品、特色小食，連返屋企加餸都有。今晚叫得好狂，因為大家都好好好餓….椒絲腐乳通菜（$18）翠綠幼嫩，加了腐乳的鹹香，不會太鹹，少油少鹽，正！蠔油菜心（$18）粗壯翠綠，新鮮爽嫩，好清新，唔錯！秘製一試難忘沙嗲牛腩（$55）味道香濃！牛腩夾雜筋膜，腍嫩中亦帶煙韌，非常入味。還有，蘿蔔好腍嫩，沾上沙嗲汁，鹹香美味！生炸潮汕三寶（$39/9粒）即點即炸，金黃香口，熱辣辣！係邊三寶？有汕尾馬鮫豬肉丸、有魷魚的魷魚丸和深海粒粒墨魚丸，三款都好彈牙，最鍾意係馬駮豬肉丸，好鮮香；魷魚丸就真係混入粒粒魷魚，真材實料！我要了自選車仔麵（$91），揀了六款麵料，有一口一隻汕尾小米粿外皮黏滑；蘿蔔多汁無渣；魚腐有魚香；小花菇又爽又香；親手製韭菜餃都係一口一隻, 皮薄饀靚；紫菜滑身無沙（各款$12）配淥得岩岩好嘅淮山麵（$14）。特別推介係配了一喜黃金雞湯（$5），鮮甜美味，最後我把它通通喝光。男朋友就要了碗尊貴十寶麵（$69），比我碗更豐富，好滿足！有牛腩，瀨尿牛筋丸、瑞士汁雞翼、翼尖、魷魚丸、豬紅、豬皮、蘿蔔、紅腸和時菜配彈牙滑身唧烏冬，而湯底就要秘製黃金雞湯($5)加辣咖喱汁，佢話添了香辣，更惹味，好正! 佢最鍾意係瀨尿牛筋丸，一咬就爆晒汁，牛味好濃；魷魚丸又彈又香，粒粒魷魚好有口感；瑞士汁雞翼肥美嫩滑，好吃! 有幾款自家製飲品，男朋友要自家製石斛竹蔗茅根水(+$10/跟餐)，清甜滋潤，可清熱明目。我就要自家製桔柑酸梅湯(+$10/跟餐)，酸酸甜甜，消暑解渴，仲好喜歡!…Read More

相信好多人都鍾意食車仔麵，我都唔例外😍😍😍😍因為可以自己揀想食啲乜嘢，又可以食好多種餸，由湯底、麵底甚至餸係自己揀🍜經過尖沙咀重慶大廈附近行街竟然見到新開嘅車仔麵，即管試吓先。應該啱啱開裝修就比較簡單少少座位闊落，價錢方面喺尖沙咀呢個旺區十分之親民，老闆娘仲話因應大家嘅需求，推出咗車仔飯😹😹😹仲有好多種自家製食品招牌龍蝦淮山麵$79(另加秘製黃金雞湯$5)老闆娘極力推薦所以試一試🫢一上枱估唔到係油炸🤫見到有熱煙出，係即叫即炸，有半邊龍蝦同埋蟹鉗🦞龍蝦新鮮比較彈牙，炸完都唔算太油膩，配埋個淮山麵一流唔係度度都有。另外黃金雞湯一定要試，十分滿意，飲落去非常之清甜，係嗰啲落足材料去煲嘅雞湯🪿，最後發現原來有加少少南瓜溶落去，所以顏色非常之靚自選車仔麵$54(另加麻辣汁$3)油麵、特級瀨尿牛筋丸、瑞士雞翼、秘製菜肉餃估唔到呢度好自家製食品同埋特別嘅嘢食。特別推薦特級瀨尿牛筋丸，真係好有牛味同埋真係識得瀨尿😂😂食落完全爆汁，怪唔之得餐廳都要貼住小心彈到其他人🤫另外秘製菜肉餃都唔錯，食得出有肉嘅味道，而且餡料唔會太少啱啱好獨立淨餸$48 (另加秘製黃金雞湯$5)魚腐、冬菇、蘿蔔、汕尾小米粿蘿蔔冇渣，而且非常甜配埋個黃金雞湯一流😚😚另外汕尾小米粿係唔係度度都有，喺好耐之前有幸試過記得佢係煙煙韌韌嘅，估唔到車仔麵都有呢樣野食，番薯粉做外皮，所以比較煙靭，餡料方面應該係豬肉餡椒絲腐乳通菜$18份量足夠，都算嫩口，食通菜一定要加埋腐乳，一流😎😎😎生炸朝鮮三寶$39墨魚丸、豬肉丸，魷魚丸每款有三粒，啱啱好夠食😍熱辣辣同埋感覺材料新鮮，仲要係真材實料。比較特別係豬肉丸，原來係汕尾馬鮫豬肉丸，食落去有少少魚鮮味，比較煙靭彈，推薦俾大家未試過既人😍😍一喜車仔麵尖沙咀彌敦道36-44號重慶大廈heath慶方地庫S19-21號舖…Read More