Petit An Nam (YOHO MALL)

今日三姨媽同四姨媽話想約埋我們一齊見面同食晚飯，所以我們就約咗去元朗形點嘅「安南小館」食晚飯！我們叫咗個越式晚市套餐有：炭燒豬頸肉沙律嘅肉質好爽滑，而且炭燒過，所以味道更加芳香，再加埋啲爽脆嘅青瓜絲、洋蔥絲等等等等⋯⋯一齊食，酸酸辣辣感覺好醒胃！椒鹽大頭蝦嘅肉質好爽甜彈牙，而且都幾大隻，椒鹽嘅味道相當惹味，最好係唔會好鹹！明爐香茅青檸桂花魚都幾大條肥美，肉質好鮮味嫩滑，而且吸收晒香濃嘅香茅味同清新嘅青檸汁，真係好正呀！越式咖哩肉鬆炒飯炒得都幾乾身同粒粒分明，材料除咗有肉鬆之外，仲有切成細細片嘅扎肉片、蝦肉等等等等⋯⋯都幾足料豐富！雜菌炒西蘭花嘅油比較多，食落成口都係油，感覺非常油膩，呢樣係令我們覺得比較失望！跟餐嘅甜品椰汁粟米糯米「熱」嘅糯米好煙煙韌韌，加埋啲香甜嘅粟米粒一齊食，令到口感更加豐富，微微熱嘅椰汁相當香甜濃郁！椰青果凍「凍」果然好夠冰凍，而且味道非常清甜芳香！另外我們再單點咗沙嗲牛肉炒河粉炒得都幾夠鑊氣，河粉嘅質感好煙韌軟滑，沙嗲味亦相當濃郁！菠蘿海鮮炒飯雖然唔係用原個菠蘿盛載著上碟，但切成粒嘅菠蘿份量非常多，差唔多每一啖都可以食到，酸酸甜甜相當醒胃！…Read More

元朗形點頗多食肆，平日多數吃中餐，這晚改口味吃越南餐，預早訂位，準時去到入座。翻閱餐牌看到食物和飲品款色頗多，花多眼亂，幸好有套餐供應，二話不說便點了498元二人套餐，由於我們有3人，所以再加肉骨茶及牛尾煲。由於點了二人套餐，因此飲品有半價，我們分別點了熱情果梳打及越式清補涼，前者帶酸甜味頗開胃，後者有荔枝肉及涼粉條薏米等材料，感覺頗有特色。先來肉骨茶配油條，味道帶少許藥材味，做法頗地道。再來牛尾煲，牛尾跟紅蘿蔔一樣軟稔味美，略嫌牛尾太少。接著上炭燒豬頸肉沙律，帶少許酸甜味頗吸引；雜菌炒西蘭花則普通貨色，味道一般。越式咖哩肉鬆炒飯香氣撲鼻，飯裡夾雜鮮蝦肉，鮮甜味美。至於椒鹽大頭蝦當然是香味濃郁，蝦膏美味，蝦肉爽甜帶有彈性。最後是明爐香茅青檸桂花魚，湯汁甜味為主帶少許檸檬酸味，魚肉新鮮可口。甜品是椰青果凍加椰汁粟米糯米，令這頓飯增添充實滿足，縈繞著越南風情。…Read More

最近家姐搬咗去元朗住，所以成日同佢去 Yoho Mall 行街，兩個人搵嘢食，見到門口張 poster 有晚市套餐，兩個人先至$398，有好多個餸，入到去坐低準備落單，個侍應話今晚D桂花魚大大條好好肉，問我地試唔試下另一個二人餐，有炭燒豬頸肉沙律、椒鹽大頭蝦、明爐香茅青檸桂花魚、越式咖喱肉鬆炒飯、雜菌炒西蘭花、甜品仲有得揀椰汁粟米糯米或椰青果凍，但比另一個香蔥雞套餐貴$100（二人共$498），諗諗下都想食椒鹽大頭蝦，就試下呢個$498二人套餐。好快就黎咗個豬頸肉沙律，豬頸肉燒得幾香，好爽口。再黎椒鹽大頭蝦，最初以為二人餐應該有兩隻大頭蝦，點知原來有四大隻，食完都飽咗一半，好惹味，正！再黎條魚，又係好大條，厚肉得黎又好滑喎，個汁酸酸地，香茅味好出，可以當湯飲。雜菌炒西蘭花無乜特別，中規中矩。跟住碟炒飯又係大大碟，我地已經飽到食唔落，所以打包拎走留返第二日食。就算幾飽都要食甜品，本來想食椰青果凍的，但果凍已經售罄，我又唔想食糯米咁飽，個女經理好好人，幫我轉咗做芒果 pancake，上面仲有一球椰子雪糕，好香濃椰子味，仲食到有小小椰絲，真材實料，好開心。呢個套餐真係超抵食，三個人食都一定夠飽，下次黎試埋個香蔥雞套餐先。…Read More