Congeodle (Closed)

放工約左幾位朋友去呢度食個hot pot dinner，好耐無食過，超掛住呢度既湯底，食前幾日係Openrice app 訂左位，網上訂位有75折，好抵呀。今次揀左麻辣及清湯火鍋，前幾次都係食沙嗲湯底，呢度既沙嗲及蕃茄湯底好正，簡直令人回味🤤4個人點左幾碟火鍋配料：手切牛(全份)、桶蠔、雲吞、黑豚豬肉片、響鈴、手打四寶丸、午餐肉、萵苣、蔬菜拼盤，以及炸魚皮😚我次次食呢啲蠔好怕腥和肚痾，除咗生蠔另計😂呢度既桶蠔好大驚喜，大大隻之餘，啖啖肉，仲要一d都唔腥👍🏻真係有匙羹咁大隻手切牛好美味，雪花紋好平均，一點都唔肥。日本黑豚豬肉眼花，幾靚，食落唔硬，味道不錯!! 手打四寶丸，唔知由咩時候開始，我中意食手打多過食全粒多d，就係中意食佢既刀工午餐肉好多人話打邊爐必吃，我自己就麻麻😂響鈴新鮮炸起，浸5秒，食得啦打邊爐只要食材新鮮，唔洗點落調味料，清水白𤆥已經好好味😋好耐無聚過，希望疫情快D完，可以約多D朋友食飯啦！…Read More

環境寬敞，坐得非常舒適，客人唔多，所以招呼好周到，幾個侍應招呼一枱，侍應有禮又健談。嘢食價錢較貴，不過請客或同家人去食，排場好睇，唔失禮！嘢食新鮮，份量亦都算大份！湯底價錢續款計，但勝在有質素，價錢都合理、公道！叫咗個鴛鴦湯底，乜嘢嘅配搭，都係相同價錢。叫咗個麻辣、蕃茄現洋湯底，番茄湯底極濃，鍾意番茄嘅人一定要叫！個人意見，去得食就揀啲款式特別啲嘅餸，例如鮑魚蟹肉羽衣甘藍餃！每日供應數量有限，所以坐低就盡快落單，口感豐富，富貴得嚟又健康！…Read More

去完九龍灣德福花園探朋友, 之後一齊去晚餐. 佢話聽人講, 高銀金融國際中心有間打邊爐好正, 開頭諗住好近, 點知行去原來都唔近, 行左成 20min.  去到發現果面都幾僻下. 行到入金融中心,  嘩左一聲, 好高級啊!  我地去到都已經成8點,  好靜下. 餐廳佈置非常之幽雅乾淨, 感覺好高級,  位置非常寬敞, 好舒服!!! 坐底左之後,  侍應仲俾左個ipad我地點菜, 好環保啊!! 我地見到隔壁台點左"番茄排骨鍋"好似好正咁, 就跟住叫左個  嘩! 真係好足料呀!!! 成個鍋都係番茄. 非常非常非常之濃既番茄味, 排骨好入味又林, 超級好味!!! 好難忙既味道啊~~~讚!讚!讚!桶蠔一隻有半隻手掌咁大, 勁肥美,  咬落去勁勁勁勁鮮味!! 安格斯雪花肥牛分佈得好平均, 入口即溶, 好有肉味, 超正!  手打四寶丸, 好新鮮彈牙!  花竹蝦隻蝦好靚呀, 非常之甜同鮮味 P.S. 呢度既服務非常之好, 食物質素又高, 雖然係僻D要行遠少少都值得再黎!! …Read More

Tom Lee 係mega box 大特價係1折 咪就陪🐸去行走下吧然後就去了打邊爐不論大廈，店面，店內都非常高雅，舒服。果然是甲級寫字樓，店員服務都非常好座位，環境都舒適就不用說了吧每次打邊爐我都非常在意醬汁配料這裡還有XO醬 高級! 而且很快就把所有東西都上好了。香茜皮蛋鍋香茜非常多，一開蓋吧～都有非濃的香茜味。聖子皇 我吧～就很明街外食貝類食物，怕有沙。這個處理得很好，一點沙也沒有，而且超甜的。炸魚皮打邊爐一定要有吧，香+脆口桶蠔大到不得之了，滿滿的一口都把口塞滿❤️很 好 吃。桂花蚌很爽口，而且份量也很多。我們太小看他了，以為只得太棵菜，一拿開，塞滿滿的，食極都食不完。這是我們當晚的重頭戲。牛肉拼盤，出色到爆炸。牛白肉爽爽的亦很有牛味。新鮮的牛展也特別。雪花肉嘛～就是高質。還有飯後果送呢❤️❤️❤️我滿足了❤️…Read More

每逢星期日外出食飯, 四周的食店總是擠滿了人, 又有時間限制, 之前係友人介紹下去了位於九龍灣的高銀金融國際中心的江南庭敘食晚飯. 唔係友人介紹, 也不知這裡有食店. 店內怖置簡約, 環境相對較靜. 餐牌以I PAD 供客人睇, 方便又環保. 鍋底我地選了香茜皮蛋和蕃茄排鍋鴦鴛鍋. 食火鍋一定要混醬, 一共有八款醬料選擇. 以下是我的混醬. 難得來到這裡食火鍋, 對於愛食牛的我地, 當然要一試佢地的手切肥牛. 另外, 也點了桶蠔, 手打蝦滑和炸千層腐皮. 手切肥牛. 肥牛的色澤夠鮮紅, 夠新鮮, 而且雪花分怖也平均. 先試了放在蕃茄排骨湯底, 牛肉味道幾重, 即時食全熟的我, 牛肉也算嫩滑. 而放在香茜皮蛋湯底, 我就點混醬來食, 相對較為濃味. 不論單食或點醬也各有好食之處. 桶蠔也是我常常點的配料之一. 蠔非常大隻, 脹卜卜, 好吸引. 蠔一整熟, 多數也會縮細不少, 但這個蠔只是細咗少少. 蠔夠肥美, 再點醬一齊食, 更能突出鮮味. 手打蝦滑. 既然是手打, 當然也要試一試. 蝦滑面放了不少瑤柱. 蝦滑帶點彈牙, 而蝦滑中還見到一粒粒的蝦肉, 所以多了一份口感. 炸千層腐皮. 這款菜式平日較少見到, 覺得幾特別, 便點了. 腐皮質感軟硬適中, 而且吸收晒湯的精華, 所以特別好味. 最後, 點了薑汁芝麻湯圓. 食完火鍋, 食番杯糖水最好不過. 湯圓幾大粒, 皮煙煙韌韌, 而饀的芝蔴味道幾濃郁. 飲完薑汁糖水, 個胃會舒服一點. 最後, 還奉送生果. 可以一邊食火鍋, 一邊傾計, 真是不錯.…Read More

上個月頭的週末，跟好姊妹到九龍灣行街，行完街大家也肚餓起來！天寒地凍，食一些暖胃飽肚的食物最好不過！ 聽說位於高銀金融國際中心有間食友推介的火鍋店 <江南庭敘>！由 Megabox 行過來，要花上 15 分鐘！相對九龍灣展貿較近，也要行好幾分鐘！沿途行天橋過去，最特別莫過於發現這座商業大廈外，有一座泰國四面佛！我們也覺得嘖嘖稱奇！忍不住問保安叔叔！我們下午 6:30 到達火鍋店 ，以優雅柔和的裝潢，這是一間高級火鍋店！時間尚早！尚未有食客！ 地方都幾闊落，設有卡位，而且桌子與桌子之間有充裕空間感！加上樓底高，好讓食客在一個舒適寧靜的環境下慢慢享用火鍋！整潔的餐具已齊備在桌子上！:) 另配備調味料供食客選用！店子與時並進，以 I-Pad 給食客看餐牌，向侍應落單！女侍應們殷勤有禮！服務貼心！值得一讚！香茜皮蛋鍋 $108 若非好姊妹話我知，我都無留意皮蛋上的梅花圖案！ 可見店方用料上乘！而且份量也不少！炸千層腐皮 $68  這是女侍應推薦的！浸湯後，吸收湯精華！千層質感特別有咬口，炸過的腐皮變得柔軟！果然無介紹錯！招牌四寶丸 $98 + 韮菜餃 $78  由於，我們兩人都不食牛，然而四寶丸包括牛丸，女侍應很體貼為我們把牛丸換上韮菜餃！韮菜餃摺位工整，粒粒飽滿！皮薄餡豐， 韮菜帶出肉鮮，餡料鮮美無比！爆出肉汁！ 特別推介蝦丸！混入新鮮蝦肉，真材實料！鮮甜爽口美味！順德鯇魚腩 $78  以原條鯇魚劏，取其魚腩部份，肉質厚身， 新鮮貨色食出啖啖鮮味！就算是魚腩卻不肥不膩；魚皮軟滑富骨膠原，是女生恩物！ 我們也不怕吃！珊瑚蚌 $128  橙色的珊瑚蚌口感爽脆！貴妃蚌 $128  厚身的貴妃蚌食落一般，不及珊瑚蚌的口感！桶蠔 $188  生蠔隻隻飽滿，嫩滑可口、多汁又鮮美！唐生菜 $58  簡單的一款唐生菜，擺盤也絕不馬虎！吸收湯汁精華，入口柔軟美味！:)日本南瓜 $58 一客份量都不少！平平無奇的薄切南瓜勝在快熟，入口天然甜美，纖維高而且幫助消化！最後，店方送上西瓜及哈密瓜！給我們滋潤喉嚨吧！這間用料新鮮上乘的高級火鍋店，值得推介！…Read More

若然不是看傢俬，就不會走到九龍灣工業區來，若然不是走到九龍灣工業區來，就吃不到這個幸福的火鍋了。這家火鍋店，裝修雅致，私隱度高，屬於非常高檔次的中式火鍋。非常喜歡他的梳化卡位，坐得舒適寬敞。店員每一位也充滿笑容，令人很舒服的。火鍋湯底點了蕃茄排骨鍋，大量的新鮮蕃茄切件，加上半肥瘦的排骨，新鮮清甜，充滿濃郁的番茄香味。看一家火鍋點的食材好不好，就只看兩項東西。是什麼呢？牛肉和海鮮！香港的牛肉買手買少見少，不是經驗豐富人脈廣，又怎能拿到最靚的牛肉呢！光看圖片就知道我們這一餐吃都相當滿意呀！安格斯肥牛分量充足大大碟，一片片厚薄相稱，油脂均勻，色澤鮮艷，絕對是靚肥牛。 淥熟之後爽口彈牙，全沒有雪藏味，而且有濃郁的牛肉味，實屬上佳之選。新鮮桶蠔有見過這麼大隻的桶豪嗎？平時在其他酒店級的火鍋店吃不到吧，中上的價錢，給你滿足的份量和質素，鮮甜濃郁，爽口有海水味，這碟桶蠔是非常之抵食！珊瑚蚌樣子一般，但吃下口非常之爽甜，一淥即熟，極之新鮮。蚌裏面沒有沙，吃得很放心。四寶丸併韭菜餃店員很細心提議我們吃這個拼盤，一次過試勻店裏的巧手小點。我覺得最好吃的是鮮蝦丸， 粒粒人手鮮打，肉眼看得出一件件鮮蝦。很是鮮甜，用料上承！炸千層腐皮第一次吃這個腐皮東西，算是集合了響鈴和豆腐於一身吧。外邊炸到脆卜卜，裏面是超薄的腐皮用25層壓成，是非常到位的手工小點，不是隨意任何火鍋店都可以吃，真的不可以錯過。吃到最後，有少少美中不足，因為番茄濃湯其實是有茄膏的，吃到尾段有點像羅宋湯的漿著，有點不自然。中菜火鍋還是純中式的好。擂沙湯圓好戲在後頭，吃完火鍋打算點一個甜品。足足等了20分鐘，原來這個湯丸是即叫即做的，湯圓皮軟綿綿，端出來的時候還是熱哄哄呢，配合流心的芝麻餡，好吃得令人感動，絕對值得等待！幸福就是要行多步，追求美食的如我。火鍋店是遠一點點，我也不介意行多一步去尋訪美食，哈哈！…Read More