Poach

早前mark咗好吸引嘅呢間，就趁天文台預告26-7-2025（Sat）好天，就book嚟呢間同老公呢晚食晚飯，我哋準時到達，店員話張枱埋𡁵單，我哋就等，等咗大約8分鐘至有。我哋睇完menu，就決定要：3. $32.50嘅櫻花忌廉草莓泡泡啤（冇酒精）呢個係叫一汁三菜包嘅飲品，轉冇酒精飲品就加嗰杯嘢嘅半價可就得。呢杯嚟到，睇到顏色係分咗3個層次，白，淡粉紅同紅，店員擺低時話要攪勻嚟飲。呢個我只飲到草莓味，稠杰度適中，亦會啜到櫻花。3分4. $135.00嘅半湯烤五花腩片冷麵，要讚岐烏冬如果要蒟蒻拉麵，價錢係$155.00。一端上嚟，就嗅住木魚味，而佢伴以wasabi，一食，烏冬口感好好爽口有彈性；五花腩片唔係太肥，啱我哋，wasabi同食，又幾好味。4分1. $128.00嘅十小麻辣花椒豚肉燒薯條餅即製須時約20-25分鐘，所以都好耐至到，見佢有多片青瓜舖上面，有心思，我撩起隻煎蛋後，發現冇豚肉，原來豚肉係混咗入薯餅裡面，而佢嘅口感好特別，但係都幾辣，不過解到膩，但攪到我係咁飲上面杯嘢。4分2. $150.00嘅一汁三菜中嘅大阪燒風味黑胡椒烤雞塊配野茶薯仔薄班戟嚟到後，我哋根據小木牌嘅指引去食，個飯我就覺得未煮透，仍有啲啲硬，加佢哋嘅慢煮蛋同湯，都唔會改善到。雞塊係一件過，唔算烤得好香，口感同味道都正常。而薄班戟呢？𠲖o家寫食評至留意到係野茶薯仔薄班戟，喺食嘅時候唔多覺同普通班戟有咩分別，只係厚啲啲。2.67分5. $90.00嘅200ml嘅阿童木成份有南高梅梅酒，宇治抹茶同鹽炙檸檬唔知點解呢個咁耐至到，同樣店員放低時話攪勻嘅飲，佢杯邊洒咗啲鹽，老公話飲𡁵鹹抹茶。我就試吓，第一口但俾我嘅感覺係甘苦味抹茶，之後飲到上面講嘅材料味道，酒精苦味好出，但濃度唔係好高。2分6. $108.00嘅桂花麻糬傳統班戟呢個後上，味道好清，清到幾乎食唔到桂花味，但老公話食到，而呢隻班戟口感比較實。2.5分其他：我23／7晚打電話去book位，冇人聽就留言，到翌日12點打去有人聽就book到，我亦問可唔可以book坐室外？職員答可以。我又問，如果落雨室外有冇嘢遮擋？佢答冇，到時落雨如果室內full晒冇位，就冇辦法俾我哋喺喥食，咁不如book住室內先，如果到時想轉坐室外，就提出，不過同樣，如果落雨，室內又冇位，就冇得食。啊，咁我book室內啦。book完就有條link send嚟確認已book位，重有佢哋嘅規條同menu，規條就有：留枱時間為10分鐘；6點前同後（入座時間計）嘅用餐時間分別限80同90分鐘；每位最低消費分別係每人一項食品／飲品，同每位$100.00（未計加一），大小同價，3歲以下小童例外；享同外來食物／飲品，收$150.00一項；客人用過嘅紙巾同牙簽，要自己帶走。鼓勵客人揀定嘢食同預訂。到25／7又send個message嚟，提醒如想取消booking，就按“取消‘’。我就喺25／7睇定menu揀定嘢食，26／7晚雖然冇落雨，但天氣又熱又翳焗，都係唔轉室內喇。我哋坐低後就即落單啦，點知店員問我喺邊喥睇menu？嗰啲冇lu喎。我答你哋條link。佢答啱啱改咗menu，叫我哋睇枱上嘅menu。抵食係2.7分…Read More

這次剛好有事要去太子，完成後就去了一直想試的蟲二食晚飯。餐廳裝潢具特色，但實在太肚餓兼要趕last order，就沒花時間拍環境照了。點了份壽喜燒日本牛肉湯鍋 ($388)，附送一壺日本焙茶，茶味清香。鍋物用料十足，有豆腐、野菌、野菜、年糕福袋、蒟蒻及竹輪，單是這些材料已滿滿一鍋！還有霧島蛋及日本穀米杞子醬油炊飯，好豐富。壽喜燒湯底香濃不鹹。牛肉肥瘦均勻，入口軟嫩，有牛味亦略略有油脂香。飯以醬油調味，味道恰好，不會太濃，配上飯素，令飯更香。一汁三菜 ($150），即鰹魚昆布茶高湯＋副菜、慢煮蛋及主食，主食6選1，還可加錢追加鹹甜小食。主食選了櫻花蝦豆乳味增豚肉高麗菜卷配高野豆腐及年糕福袋，相對清淡的一款主食。高麗菜包裹著豚肉，吸收了帶櫻花蝦香氣的豆乳湯汁，柔軟多汁。連年糕福袋都滿滿吸收了湯汁。一汁三菜加$50的配Tiramisu，濕潤度恰好，並帶香濃咖啡酒香。Mascarpone cream香滑，甜度適中，不會令人覺得膩。甜品是桂花麻糬傳統班戟，班戟面層灑上許多黃金桂花並配上桂花醬。班戟厚得來而質感濕潤鬆軟，內裡的麻糬軟糯煙韌，口感豐富，pancake富有蛋香又帶淡淡桂花清香。青梅梳打咖啡aka青梅竹馬，有汽的咖啡帶點青梅味，味道酸爽有趣。蟲二酒釀桂花啡，香醇的黑咖啡中帶點桂花清香，還有淡淡的酒味，入口還有粒粒酒釀。柚肉檸檬蜜梳打，柚子肉加上檸檬蜜糖，味道酸酸甜甜。蟲二的食物及甜品都很好吃，飲品款式有新意，雖然價格略貴，但它是值得試試的一家餐廳。…Read More

🎀旺角。市區內獨有的寧靜 Chill爆露台景😇🎀🪄店名* #蟲二🔮地址* 香港旺角上海街618號頂樓 🔮🗾分店地區🗾 沒有分店💰價錢$516 已加一 (2人)➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_旺角剩系食呢一類👉食物類型搜尋🔍🍜#pickyme_西餐➖➖➖➖➖➖➖➖➖➖➖➖➖🎵餐廳環境🎵呢間咖啡店位於旺角上海街618號頂樓，室外位置景觀開揚，室內設計優雅，帶有日系風格。天氣好時可以坐喺空中花園，環境好靚又放鬆，輕鬆愉快。整個大廈經過活化，入面有唔少特色小店，值得一探究竟。🍽️食物質素🍽️餐廳主打日式家庭料理同班戟，非常適合繁忙人士來放鬆。菜單上有「一汁三菜」嘅定食選擇，仲有幾款Brunch，選擇多樣。麻薯班戟係老店名物，咬落去口感一流質素穩定，份量都合理 而且氛圍靜謐宜人，適合和朋友傾計令人感到愉快輕鬆👀評分💖💖💖💖🪄一汁三菜-烤芝士漢堡扒伴海苔肉鬆 $150呢道烤芝士漢堡扒店舖熱門之選，厚厚嘅漢堡扒經過烤焗，外層金黃酥脆，裡面保持住嫩滑。上面有香濃嘅烤芝士，再加上海苔肉鬆，層次非常豐富。搭配嘅醃牛蒡開胃小菜，酸酸甜甜，真係令人食慾大開。63°C半熟慢煮蛋，混埋自家製嘅蛋醬油，以及加入特製湯汁，淋上穀米飯上面，口感就更加滑順，健康又美味同台每位點一執生菜，更可以免費添飯及湯 性價比極高👍👀評分💖💖💖💖🪄半湯豚肉冷烏冬 $135呢款冷烏冬係夏天幾好嘅選擇！讚岐烏冬，滑捋捋，仲配咗涼拌秋葵同火炙叉燒，令整碗面嘅口感豐富好多。再加上日本忌廉慢煮蛋，口感綿密。秘製嘅醬油冷湯清爽可口，配合度幾高如果減肥嘅人士仲可以選擇蒟蒻拉麵 低醣質超正！👀評分💖💖💖💖🪄 桂花麻糬傳統班戟 $108除了熱賣的伯爵茶味 呢道桂花班戟都值得一試，食材用咗黃金桂花，經過煮過嘅桂花醬係清甜去除澀味。班戟外層濕潤鬆軟，裡面埋藏咗煙韌紅糖味麻糬，仲有新鮮水果同埋香滑雲尼拿雪糕，味道香甜，層次感相當豐富。👀評分💖💖💖💖🪄飲品-櫻花忌廉草莓泡泡啤 $65 & 洛神花青檸紫梳打 $58洛神花青檸紫梳打擁有好靚嘅天然色彩，飲落去酸酸甜甜，非常解渴。而櫻花忌廉草莓泡泡啤係粉紅色，充滿少女心，味道同樣酸甜，就算唔飲酒嘅朋友都可以試吓。(5個💖為最高)✴️✴️✴️✴️✴️✴️✴️✴️✴️✴️✴️✴️✴️⚜️整體評級⚜️🎈味道評分*😋😋😋😋🎈環境質素*🎇🎇🎇🎇🎇🎈抵食程度*💰💰💰💰🎈服務態度*💌💌💌💌…Read More

今日係旺角行街，行到咁上下想休息下食下野，行到活化左既618上海街附近，所以上去商場頂樓既「蟲二」食個tea。店名既意思係《風月無邊》，店家做的是中日家庭料理，製作一啲在別家食唔到既菜式同味道😋仲有係招牌班戟。店員安排左我同朋友坐係榻榻米嘅座位，望住室外嘅位置，景觀開揚。一汁三菜 $150主食：烤芝士漢堡扒伴海苔肉鬆配蟲二開胃前菜・慢煮蛋・日本穀米杞子醬油炊飯・鰹魚昆布茶高湯・熱培茶 (可半價轉其他非酒精酒品)有2塊厚厚的漢堡扒，有濃濃既肉味，而且仲好juicy☺️加埋面頭烤過既芝士同醬汁，非常滋味。底部仲放左海苔和肉鬆伴食☺️店家跟左一塊木牌仔教你點食，將鰹魚昆布茶高湯倒入日本穀米，食到一半再撈埋慢煮蛋同漬物一齊食，令飯更香。桂花麻糬傳統班戟 $108用上黃金桂花加埋烹煮過嘅桂花醬拌入pancake，桂花味好清甜，pancake好結實，但食落好鬆軟。上枱時熱辣辣既pancake配凍凍既雲尼拿雪糕，切開入面仲有煙煙韌韌既mochi，伴碟仲有生果提子同香橙，味道非常豐富。葡萄綠茶 (熱) 用綠茶與葡萄調製成果味熱茶，所以葡萄味香濃，飲落好舒服。柚肉檸檬蜜梳打 (凍) 呢杯係homemade mocktails，用上自家製嘅syrup，檸檬味濃郁，仲飲到新鮮嘅柚肉，味道酸酸甜甜，好清新解渴！✨️惠顧一汁三菜便當可以半價換購轉其他非酒精飲品。…Read More

旺角上海街618最近成為咗呢區新地標，今日就去咗位於頂樓嘅蟲二。餐廳位處於空中花園，設有室內亦有室外座位，天氣唔太熱的話，室外都幾受歡迎。蟲二主打中日家庭料理，其中一汁三菜便當可以話係佢哋嘅signature之一，我哋就選擇咗清酒醬燒鰻魚，擺盤非常精緻。每款食物都附有一張建議食法咭，真係體貼又細心。首先將一半鰹魚昆布茶漬湯倒入日本穀米杞子醬油炊飯。然後茶漬飯就可以配以清酒醬燒鰻魚一併享用。食咗一半茶漬飯之後，就可以混入63C慢煮蛋，令茶漬飯變得更加Creamy。漬物係豆腐同野菌，亦可以混入茶漬飯一齊食。估唔到一份午餐都可以咁講究，食起上嚟都份外優雅。食完主食當然要食甜品，而蟲二係以pancake起家，當然要試吓其中一款。桂花麻糬傳統班戟伴以一大球雪糕，厚厚嘅班戟之內仲藏有軟糯嘅麻糬，令口感更加豐富。班戟當然同樣配有說明書。不過我就選擇咗用自己嘅方法去品嚐，因為好味嘅甜品點食都係咁正！點餐後仲可以優惠價嘆飲品，洛神花水果茶酸酸味味又清甜，加入提子同薄荷葉就更清新。Baileys Choco就有淡淡的酒香，Baileys配朱古力真係冇得彈。…Read More

今日放假同朋友去旺角618商場一間日式Cafe ,餐廳有分室內同室外，天氣咁熱我哋就揀咗室內坐，環境方面有點文青復古裝修，坐得相當舒服。我地分別簡左主食、甜品、同2樣特飲😋✨一汁三菜-清酒蒲燒鰻魚 $165主食好有日式定食擺法有3個菜式，我簡左蒲燒鰻魚，鰻魚好大條，醬汁香濃，口感軟身，肉質細嫩😋。配有前菜豆腐乾木耳，63°c慢煮蛋，日本穀米杞子醬油炊飯 🍚。當中餐廳有指示一汁三菜食用方法，把一半鰹魚昆布茶漬湯倒進穀米飯配主菜進食。飯食到一半時，把漬物及慢煮蛋拌入飯内，忌廉狀的日本蛋黄分飯更香。最後把剩餘的湯倒進剩下的飯溝埋一齊食，我同朋友都好鐘意呢種食法💕。另外主食再跟熱焙茶，好香茶味☺️。✨桂花麻糬傳統班戟 $98班戟暖暖地好軟身，空氣感綿密Q彈，有香濃蛋味同焦糖香味，切開一半嘅時候入邊會有麻薯，食落好煙韌。再配合埋桂花雪糕，冰火交融，好creamy🥰。✨蟲二酒釀桂花啡 $55自創飲品👍🏻酒釀桂花帶清香桂花味同淡淡嘅酒味，配合黑咖啡好夾好創新🤩突出咖啡的香醇同濃厚😍✨Emperor 花香黑茶 $55口感香醇，茶香味都幾濃，有淡淡的花香，飲落好順口，食咗咁多甜品可以消滯😇整體來講，食物好有特色，亦有好多創意fusion 菜式；服務態度細心有禮；環境舒適，係一間寫意放鬆嘅日式Cafe，推薦喜歡文清風格嘅人嚟打卡❤️…Read More

明知晏晝會有密密麻麻嘅meeting要開，lunch仲專登過嚟618過一個短暫又慢活嘅一個鐘食呢間舒適午餐comfort吓自己呢間環境舒服，一汁三菜便當都令人食得好calm大胃就食大阪燒風味黑胡椒雞塊配鐵板牛油炒椰菜，雞肉相當嫩滑，沙律醬提升美味程度。底下嘅大阪燒好香口，但又唔會油膩日本穀米杞子醬油炊飯都好樸素可口，倒壺鰹魚昆布茶高湯，食落更似置身農田之中食到一半，倒埋隻63°C慢煮蛋，蛋味香濃出眾，拌飯一流仲有啲開胃前菜，有蓮藕、漬物同甜黑豆，醒胃又唔刺激，整體幾出色Lunch想甜一甜但又唔heavy，桂花味嘅pancake係個好選擇，面頭嘅桂花、雪糕同忌廉恰到好處又清甜切開pancake仲有麻糬，好驚喜呀連咖啡都有桂花味，仲要係酒釀，大胃就未見過喇沉積喺底嘅酒糟，中和咗咖啡因嘅沖擊，原來咖啡都可以好似飲茶咁沉著胃民就擔心咖啡會搞到想去廁所，開會唔方便借尿遁，就飲茶，伯爵茶溝綠茶都唔常見原來又可以起到中和互調嘅作用，嫌Earl grey太女孩子嘅人可以一試…Read More

工作過後，去旺角食晚餐，間餐廳位置係天台全層，可以坐室內，亦都可以坐室外，室外環境好舒服 點咗個【一汁三菜便當 $150】有埋張卡仔話你知點食法一菜：漬物三吃芝麻醬拌牛蒡 - 爽脆好味、青瓜漬 - 好酸呀，但撈飯食就好正、柚子蓮藕片 - 香甜柚子味，爽口蓮藕片二菜：日本極上太白63度慢煮蛋 - 好滑呀三菜：主菜-大阪燒風味胡椒烤雞塊 - 外層燒得香脆，內裡肉質嫩滑汁：鏗魚昆布高湯 - 撈飯食真係一流飯：日本穀米御飯 - 飯香，粒粒飯分明 1. 將一半鏗魚昆布高湯倒入穀米飯，配大阪燒風味胡椒烤雞塊一齊食2. 將3款漬物 及 慢煮蛋 一齊撈飯食，再將餘下嘅湯倒埋入去一齊食 飲品就揀咗熱飲【花香黑茶 $55】泡下茶，再倒出，花香味好香，入口香醇 及 凍飲【洛神花青檸紫梳打 $55】味道酸酸甜甜，夏天飲就最啱 有三款班戟，揀咗呢款必食推介【桂花麻糬傳統班戟 $85】班戟中間係凍冰冰嘅雲呢拿雪糕，雪糕上撒滿滿桂花；班戟內層有麻糬，口感煙煙韌韌，班戟口味似白糖糕；忌廉醬、香蕉、提子、脆脆拌碟 蟲二Poach（旺角）上海街618頂樓全層…Read More

💛蟲二·一汁三菜便當$150佢呢個價錢雖然真係偏貴少少 但係真係幾好食 尤其係佢個茶漬飯比我想像中好食超多😍😍佢個飯本身質感整得好好 而且佢個昆布茶漬湯係濃昆布味多D既 好似紫菜撈飯咁我自己幾中意🤤之後佢個慢煮蛋都煮到啱啱好 撈埋啲蛋汁又係好正😎至於主食我地揀左個豚肉野菜卷 佢呢個索曬汁都係好食嘅 而且中間嘅肉餡調味唔錯 個年糕福袋都超級煙煙韌韌😌·桂花麻糬傳統班戟$85 l 炸雞軟骨豚肉棒棒餃子$68佢個甜品都比我想中出色 佢係厚身個種pancake黎既 但係又唔算超實 無窩夫咁大負擔 而且佢中間都幾多麻糬😈佢個桂花味都出既 而且佢碟嗰啲水果都好甜 佢另外個雞軟骨餃子就偏油少少 無前面兩個咁出色🤭··📍旺角上海街618號頂樓…Read More

呢間係上環3rd Space既姊妹店，比起上環呢到既地方同空間感都大好多，坐得好舒服☺️————————❦ 一汁三菜便當 $150/1D漬物同蛋都整得好好味，昆布湯幾清甜，同d飯+漬物撈埋食好夾！- ❧ 主食1：烤芝士漢堡扒伴海苔肉鬆肉鬆好香，但漢堡扒有d過鹹。評分：🌕🌕🌕🌗🌑- ❧ 主食2：清酒蒲燒鰻魚 (+$15)清酒味就冇，但鰻魚好大條，好味😍評分：🌕🌕🌕🌕🌘-❦ 桂花麻糬傳統班戟 $85Pancake鬆軟，入面有紅豆蓉同麻糬，d麻糬好軟糯仲可以拉絲😍不過桂花味冇乜。評分：🌕🌕🌕🌕🌗…Read More

公園未開，無🉐️打韆鞦，所以上個禮拜同仔仔去咗一間🉑️以一邊食嘢一邊打韆鞦嘅樓上cafe 撐枱腳👩‍👦佢仲搖到唔捨得走添😂蟲二位於上海街一座外型古舊但內裏modern嘅building 嘅頂樓，所以🈶️戶外同室內🉑️以揀。早幾日天氣咁好☀️同埋有韆鞦坐，就梗係揀戶外啦🏖我哋點咗必食嘅一汁三菜便當🍱同麻糬班戟🥞再加一杯洛神花檸檬紫梳打，超滿足咁落樓🥰 一汁三菜便當 🍱第1⃣️菜係漬物三吃，最欣賞就係柚子藕片，感覺清新爽口😌第2⃣️菜俗日本極上太白63度慢煮蛋🥚蛋白嫩滑蛋黃流心兼味道香濃，拌飯超正🤤 第3⃣️茶我哋揀咗烤芝士漢堡扒伴海苔肉鬆🍖 漢堡扒juicy兼唔會食到成口渣，加埋芝士同燒汁，十分惹味🤩飯到加入少許鰹魚昆布高湯🥣仔仔自己食咗一舊加半碗飲😚飯後甜品桂花麻糬傳統班戟以色彩繽紛嘅生果做伴碟，外貌非常吸引，而且仲好有內涵😆喺鬆軟嘅pancake入邊藏有紅豆麻糬，口感軟糯，一啖就有多重口感😋 Pancake上面淋上桂花糖，感覺好清新。海鹽忌廉芝士醬亦中和返桂花糖及牛乳雪糕🍨嘅甜。食物質素高而且環境又好，喺臨走嘅時候已經傾好咗下次要帶一齊再嚟食。我自己都好期待呀☺️…Read More

餐廳位於一棟活化建築物嘅頂層室內係日系懷舊風 室外係輕鬆田園風仲有兩張好特別嘅搖椅🧸有興趣嘅就要早少少BOOK位喇～🔖 一汁三菜茶漬飯 無加錢轉鰻魚 食翻套餐本身嘅箱漬鯖魚🐟條魚燒得乾身脆皮又唔多細骨 VERY GOOD✅另外呢種魚油脂比較多 所以份外甘香再加埋醬燒嘅關係 條魚會無咁重腥味連唔太喜歡食魚嘅我都表示OK😎至於茶漬飯方面 將鰹魚昆布高湯 倒入日本混合穀米中再加入慢煮半熟蛋搞拌而成配埋飯面層嘅紫菜 & 木魚碎 勁好食呀🔖 桂花麻糬傳統班戟PANCAKE並唔係空氣感個隻☺️但配埋麻糬係夾層 煙煙韌韌 多重口感 好鬼過癮!!…Read More