Hong Kong Taste (Closed)

夜晚想食返港式啲嘅晚餐，再去到長沙灣揾到呢間冰室食啦就。餐廳環境好白淨光亮，坐得都舒服。店員同客人好似街坊咁周圍傾下計，餐廳除左提供常餐，仲有小菜、小食同主食等😎🔸栗飼叉燒煎蛋飯 (HK$60)見menu話呢個係神級嘅主食，原來係採用伊比利亞黑毛豬整嘅叉燒。厚切得黎肥瘦適中，食落蜜汁好香甜。而且仲有2隻太陽煎蛋係面，半熟狀態可以拮穿完將蛋黃撈埋白飯一齊食，更有港式feel呀😛🔸鹹蛋黃一字骨 (HK$78)小菜方面呢個一字骨用黎送飯都幾好，鹹蛋黃味道適中，唔會太重口味到成個味蕾都得返一種味，一字骨肉量都唔少架🙂🔸金磚豆腐拼脆蝦球 (HK$78)呢個就更惹味啦，豆腐同蝦球都炸得岩岩好。豆腐滑嫩，蝦球彈呀。上面嘅避風塘口味調味粉都好多，可以自行沾多或少呢🦐🔸流心芝士西多士 (HK$28)西多士顏色炸得金黃好靚，一切開就有溶溶嘅芝士，夠曬邪惡呀😍🔸野菌濃湯浸時蔬 (HK$35)夜晚出去食飯都想食返啲菜啦，呢款就清淡啲唔洗驚油膩，可以清下個嘴都唔錯呢🥒…Read More

自從食過某華之後就愛上咗叉燒飯但因為係X店就冇得再食 望梅止渴🥺今次終於俾我搵到間可以同佢比拼！叉燒份量適中 唔會過肥或過瘦最鐘意佢啲叉燒汁偏甜多過鹹 啱晒我呢啲食甜星人🍬唔好睇啲汁咁深色以為好重味 配埋飯啱啱好仲有兩隻半生熟流心太陽蛋🍳撈埋一齊食~西多士簡直係港式茶餐廳必食之一但用芝士取代花生醬就第一次試上到抬熱辣辣 啱啱炸好切開個陣仲會拉絲必配嘅牛油🧈一啲都唔孤寒 大大塊比你 再配上香甜蜜糖 個人覺得冇原版🥜咁膩食完想再叫多一份🥺💚等得最耐就係佢 可見佢真係即叫即炸雞肉柔嫩有肉汁 炸粉唔會太厚調味適中 味道啱啱好👍🏽茶走即係用煉奶取代砂糖 入口會更順滑茶味軟淡配上甜津津紅豆 剛剛好而且紅豆都好多 佔成杯1/3👌🏼係有啲後悔太貪心叫咗一人一杯估唔到份量咁多😂差啲飲唔晒好多茶餐廳環境較差 有時都係好想入去而呢間就係新式裝修之剩保持原有味道🤤長沙灣真係越嚟越多美食~…Read More

傳統冰室同茶餐廳食物一定係港式美食嘅經典。有日同男朋友去搵朋友，咁啱行過見到間以經典黑白色⚫️⚪️為裝修嘅冰室，於是就入去試一試！呢間冰室下午茶時間有成21個下午茶餐，選擇困難症嘅我真係咩都想食🥺，所以就叫咗兩個小食再加一個皇牌快餐！🍚栗飼叉燒煎蛋飯 $60男朋友係一個超級鍾意食叉燒同蛋嘅人，平時晚市叫小菜都係會叫叉燒炒蛋，所以佢對叉燒都有幾高嘅要求，點知呢度嘅叉燒竟然可以符合到佢嘅口味😲！睇menu見到呢度嘅叉燒係用西班牙伊比利亞黑毛豬🐷製造，上網search先知呢隻豬嘅肉質🐖係比較鬆化，而且肉嫩多汁。的確呢度嘅叉燒係超級好食，肥瘦適中。雖然色澤偏深，但不會過甜或過鹹，而係蜜汁好入味。男朋友最讚不絕口係個口感👍🏻，超級軟嫩，真係皇牌🏆！值得一提係兩隻煎蛋🍳煎得剛剛好，蛋黃超靚。督穿佢將啲蛋汁撈入飯，超正！👅評分：8.5/10🧀流心芝士西多士 $30港式下午茶最最最經典一定係西多士🍞，金燦燦嘅表面睇到已經覺得開胃。雖然表面睇落同普通茶記西多無分別，但係切開就可以見到佢廬山真面目😍。炸得酥脆嘅西多外層，入面包住超多芝士🧀，熱力融化芝士變成流心狀態♨️。切開一個角就可以見到慢慢流出嚟嘅芝士，真係超邪惡但又好好味！口感外脆內軟，甜甜嘅蜜糖🍯西多配上芝士嘅鹹香，無咁膩之餘，風味亦更豐富！👅評分：9/10🐓麻辣雞翼尖 $32比較少喺冰室見到有麻辣雞翼尖，點知竟然有驚喜。上枱有10隻雞翼尖，隻隻都爆滿有肉，辣味都幾夠配埋伴菜青瓜🥒又覺得好refreshing。但個人比較重口味少少，覺得可以再辣🌶啲就仲正。👅評分：8/10🥤港式茶走紅豆冰 & 忌廉薄荷朱古力 各$25男朋友揀咗茶走，入面嘅煉奶味好突出，但成杯紅豆冰又唔會超甜，入面勁多紅豆粒好足料🙌🏻！我就比較鍾意自己嘅薄荷朱古力🍫，上面一大層cream，當然要就咁食返幾啖先🤣。味道超似dreyers嘅薄荷朱古力，入面仲有朱古力碎碎，超級好飲，大推！👅評分：9/10…Read More

茶餐廳係大部分香港人嘅共同回憶 今次嚟到長沙灣覓食就俾肥Glor發掘到一間新式茶餐廳！餐廳保留舊式茶餐廳格局 同時又加入左唔少時尚元素如霓虹燈同以黑白色為主色調👍🏻menu款式多 座位都算寬敞舒適🙌🏻·［神級］栗飼叉燒煎蛋飯 $60（取用伊比利亞黑毛豬）叉燒超厚切 又腍又入味而且非常焦嫩 用黑毛豬整果然唔同啲🙌🏻連個煎蛋都做得好出色 蛋邊脆皮 蛋黃晶瑩 啲白飯充滿醬汁得嚟又夠熱 真係神級美味👍🏻·鎮店清湯牛腩飯 $68終於明點解佢係「鎮店之寶」！牛腩湯好清甜 用嚟撈飯就最正最開胃喇🙌🏻牛腩爽口軟腍 而且燜得入味 牛味極濃👍🏻白蘿蔔又腍又鮮甜多汁 簡直係索哂成個湯嘅精華👏🏻·流心芝士西多士 $28西多士表面炸至金黃香脆 好夠熱👍🏻食落除左有濃郁個牛油香氣且富有蛋味 口感亦十分鬆脆！最有驚喜係裡面嘅流心芝士 完全唔膩口👍🏻·咸牛肉炒蛋潛艇 $32估唔到原來係咁大個 炒蛋好滑 咸牛肉味濃郁但唔會蓋過蛋嘅鮮味 亦唔會膩口 值得一試🙌🏻·［袐制］瑞士雞翼（6隻）$45雞翼皮滑肉嫩 香口入味 大家想叫小食嘅話都可以試試佢喔！·忌廉薄荷朱古力 $25（跟餐 $9）哩杯大人小朋友都一定會鍾意！造型吸引 有彩虹碎碎作點綴 朱古力味又夠哂濃郁 肥Glor好鍾意👍🏻·紅豆冰 $25（跟餐 $9）紅豆甜度適中而且大粒有咬口 比起坊間其他紅豆冰佢都算好足料 唔錯唔錯👍🏻#𝙛𝙚𝙞𝙜𝙡𝙤𝙧_𝙚𝙖𝙩📍 港口味冰室 (長沙灣)長沙灣元州街409號地下…Read More