KOKON2 (Kwun Tong Industrial Centre)

觀塘工業區其實好多有特色既樓上鋪食店。朋友推介，係觀塘工業中心四期一樓。Lee間店鋪勁多款卷物，仲當畫甘掛哂出黎添，款式配搭都幾有創意添家。我2大一細叫左2個午餐，及幾款小食。🍱雜錦刺身飯都幾大碗，多款新鮮刺身，有海膽自選湯麵併卷物餐，叫左火山+費城卷+烏冬。⭐️火山：由帶子、蟹柳、芝士、青瓜、牛油果組成，再稍微焗一下，再落蟹子係面，層次非常豐富。我老公唔食青瓜牛油果，但lee個組合清哂😍烏冬都唔細碗，仲有半件半熟蛋添🍤天婦羅外皮鬆化，唔太厚身可以接受。每次食日本菜必叫枝豆，今次有驚喜，係熱食，唔係凍冰冰，我女食唔停。雞軟骨棒都唔錯，仲叫左2set，我女搶食🤭鋪外佈置都好有特色…Read More

上完第一堂學車，真係心血都消耗得七七八八。估唔到真係咁難學，唯有叫朋友出黎俾啲貼士同建議所以就揀左古今呢度，居酒屋嘅環境令人坐落幾舒服。知道呢道捲物出名，所以點左幾款慢慢嘆。龍捲風沙律。用上蟹柳絲／蟹籽／薯片／沙律醬等混和沙律菜。口感豐富之餘味道幾清爽，作為開胃前菜啱啱好。食時覺得有些少辣味提醒味蕾，應該係用上山葵及辣味薯片作為調味，係細節位做功夫幾唔錯。蜘蛛。主要以青瓜／牛油果及軟殼蟹組成，傳統紫菜卷做法，應該用上兩隻蟹而成，頭尾嘅腳切左出黎，有啲似蜘蛛而得名啩。裡面嘅軟殼蟹好酥脆，配上醬油及青瓜絲抵消油膩感，唔錯。只係覺得壽司飯壓得太實，口感影響左少少。煙花。吞拿魚碎鋪滿壽司表面。肥美十足油香幾夠而且刴得夠細，所以魚肉入口綿滑。一開始以為係個MENU打錯係無三文魚的，但吃落先發現三文魚藏左係底下，些許嘅辣味為吞拿魚作出點綴，相輔相成。忘不了你。芒果／牛肉／芝士三樣都係朋友最愛，所以佢差不多包辦2/3分量，只能分到兩件。因為芒果當造所以食落好清甜，配搭上芝士及牛肉嘅咸香，十分唔錯又夠清新。食完個味道到依家都記憶猶新。最後追加左個煎豆腐，香滑豆腐配上偏甜醬汁的確唔錯，表面又煎得少少香口令到食落更濃郁。呢度以屋酒屋自居，氣氛一流又唔會太多街邊人騷擾，加上食物質素有保證。所以話觀塘嘅工廈一向令人有驚喜。…Read More

放工後同好友一同晚飯，朋友選了觀塘工廠大廈中的日式食店。起初真的估不到這一個工廠大廈中會有食店，而且它有個好特別的名字叫"古今二"。坐升降機上去的朋友，一定要小心望左邊去找它。一不小心就會找不到它了。 店裡的裝飾好有特色，和工廠外的氣氛及感覺差甚麼，內裡有古舊的裝飾物，如舊唱機、彈珠機。 而內裡裝修卻十分現代，與外面的工廠完全不同，好像去了不同時空一樣。 時間有點早，先點些前菜，首先點了朋友十分之喜愛的「毛豆」，日本稱為「枝豆」。 然後是日式麻醬凍蕃茄，凍蕃茄的質感很特別，好似甜西瓜一樣起曬沙，入口時有陣陣的麻醬味，回味無窮。 點了海鮮沙律，上面三文魚、舌拿魚刺身、中華海藻、蟹柳、蝦同三文魚籽。刺身大大片、鮮味十足；份量不少又感覺清新，十分之適合作為開胃菜。 凍盤之後，當然是熱薰，首先是安格斯蔥牛卷。牛肉卷著香蔥，煮得香噴噴，蔥香令牛肉卷變得更香口、野味。 另點了辣味三文魚壽司薄餅，薄餅以炸飯作為餅底，上面報滿了辣味三文魚，另加了少量的薯片、蟹籽。入口餅底有飯香又脆脆的，加上大量的三文魚碎，少少辣，口感十分特別。 主菜當然是這裡的招牌菜"卷物"，我們分別點了蕉魔(左)、火山(右)。 蕉魔卷被放得似石雕圍城一樣，外觀已經十分之吸引；起初以為黑色的是甚麼魚肉刺身，原來是香蕉。卷物中有蕉、牛油果、炸牛肉、芝士，估不到味道好夾，點點的蕉香、甜味，加上牛油果的厚、滑，牛肉的油香。 火山卷俾我的感覺似一個又紅又橙的火海，內裡有帶子、青瓜、牛油果、蟹柳，估不到的清新，每一口過後依舊吸引繼續食，不油膩，停不了口。 …Read More