Tin Lung Heen

今年生日，男朋友帶咗我嚟食天龍軒～為咗呢一個窗口位，我哋三個月前已經book定，可惜天氣麻麻哋，俾啲霧遮住咗啲，但入黑之後景觀都算清晰，嘆住靚景食嘢特別開心😆首先會先上咗一個前菜，今次係魚湯啫喱配日本魷魚包住冬瓜，首先個魚湯啫喱一試已經非常驚艷，好濃嘅魚鮮味，但係亦都唔腥，不過本身唔鍾意食魚嘅就應該未必接受😛魷魚一咬落去好爽口，配埋冬瓜嘅清甜，係一個非常清新同開胃嘅前菜🤤之後我哋就叫咗蜜燒西班牙黑豚肉叉燒(半份)($216)，半份有四件，佢採用咗肥瘦比較均勻嘅部份，令到成個口感好平均，而佢嘅醬汁都非常好食，整體嚟講係好鬆化好食😋不過我同男朋友一致認為之前食過唐閣嘅叉燒略勝一籌🤣另外，我哋都叫咗脆皮炸子雞(半隻)($368)，我都係第一次食去骨嘅炸子雞，佢個皮好薄好脆，但係一啲都唔油，而肉質方面都相當嫩滑嘅，即使唔洗點淮鹽都好夠味，不過佢唔算好大隻，但都好滿足🤭之後想叫多個肉，就叫咗個特別啲嘅巨峰提子煎牛柳 ($368)，不過呢個的確令我哋有啲失望🥲首先個賣相本身唔算特別靚，提子去皮係好香甜嘅，但係牛柳略欠牛味，有兩件亦都有少少韌，呢個比較失色一啲～蔬菜方面叫咗一個松露翡翠竹笙卷 ($272)，係好爽嘅竹笙包住啲莧菜，上面仲有黑松露片，我覺得呢一個好清新，而且成個配搭都好match，幾好食😆另外我哋都對個花膠瑤柱伊麵 (半份)($159)好有興趣，職員仲好好同我哋講可以半份，結果一人一碗，份量啱啱好，個汁有膠質得嚟唔會過鹹，好滿意😌本身我哋都叫咗兩份甜品，但因為男朋友一早同餐廳講咗同我慶祝生日，所以一上就上咗個甜品拼盤，打卡超靚，仲要冇收到我哋甜品錢😳上面有我哋想食嘅雪燕紅棗凍糕同奶黃煎窩餅，仲有紫薯糯米糍同壽包😆個奶黃煎窩餅係最好食！外皮好柔軟，入面嘅奶黃爆哂出嚟，好啱我口味🤤嚟得酒店嘅中菜廳都expect服務態度要好，但今次簡直係比滿分，serve我哋嘅職員好nice，又會介紹每款食物嘅特點，仲主動幫我哋影相～講真大部分食物質素都不錯，但服務態度同環境的確為我哋用餐體驗加咗唔少分😆…Read More

12月的一餐生日飯，102樓高位置，望著醉人景色，享受美食，沉醉天際🏢🥳1️⃣頭盤: 龍蝦湯左囗魚蝦粉豆腐推薦指數：👍🏻👍🏻👍🏻凍龍蝦湯配豆腐面加左口魚，鮮嫩滑配搭，味道清新😛2️⃣ 窩貼大蝦多士 $198推薦指數：👍🏻👍🏻👍🏻👍🏻👍🏻炸得剛剛好，蝦肉爽彈🦐多士香脆鬆化，好好味😍💕3️⃣ 脆皮燒三層肉$180推薦指數：👍🏻👍🏻👍🏻👍🏻👍🏻厚皮脆，肉間薄薄脂肪肉，肉嫩肉汁燒得剛剛好，好味😋4️⃣ 化皮乳豬件$360推薦指數：👍🏻👍🏻👍🏻薄皮脆，🐷肉嫩肉汁燒得剛剛好😝5️⃣ 片皮烤鴨(半隻) $498推薦指數：👍🏻👍🏻👍🏻👍🏻即埸在旁片片皮烤鴨，皮肉香脆，用餅皮包裹青瓜和大蔥加上醬汁，中和了烤鴨的油膩🦆鴨肉味香濃，口感豐富，好味😋6️⃣ 炸釀鮮蟹蓋 $368推薦指數：👍🏻👍🏻👍🏻👍🏻👍🏻即炸上碟，外皮香脆香噴噴，蟹肉豐富鮮甜，啖啖蟹肉🦀️，配上炸酸薑，中和油膩感，好味😍7️⃣ 松露翡翠竹笙卷$260推薦指數：👍🏻👍🏻👍🏻即蒸熱辣辣上枱，竹笙捲着蔬菜🥬加上松露片，蔬菜清爽滲出松露味😆8️⃣ 豉椒鮮鮑雞球脆麵(半份)$160推薦指數：👍🏻👍🏻👍🏻點菜時想試豉椒鮮鮑雞球脆麵，同時擔心食唔晒，酒店侍應貼心轉做半份🥰豉椒很香，包雞球嫰滑，脆麵很幼又脆，火候剛剛好😝9️⃣ 蝦乾鮑粒荷葉$115推薦指數：👍🏻👍🏻👍🏻👍🏻荷葉包蝦乾鮑粒飯，材料很足，味道夾，食落帶有荷葉味，溫度剛剛好，第二次食，好味😍🔟 壽包$192 (6個)推薦指數：👍🏻👍🏻👍🏻自帶西式生日蛋糕，再預先點中式壽包，餡料蓮蓉，有吉祥意思，增添氣氛，味道一般🥳1️⃣1️⃣ 美點雙輝推薦指數：👍🏻👍🏻👍🏻送上紅噹噹美點雙煇，上次熱辣辣送上枱，好味好多，今次冷上枱，上次較好食😆------------------------------總評味道：⭐️⭐️⭐️⭐️⭐️-0.5環境：⭐️⭐️⭐️⭐️⭐️服務：⭐️⭐️⭐️⭐️⭐️…Read More

入餐廳後安排左坐窗邊，海景系望葵涌碼頭方向，因為想試多d菜式所以叫左tasting menu上菜前職員攞左開胃小菜比我地，分別有栗子、山藥、蘿蔔等，酸甜適中，而且栗子同山藥比較少有口感比較特別 職員建議食左由涼菜開始順時針食❗️海蜇凍鮑魚絲：很香麻油味，唔會蓋過食物味道。❗️蝦多士：蝦膠彈牙麵包脆而鬆化，配埋甜酸醬一d都唔會膩。❗️桂花蜜汁叉燒：二件都屬於唔同部分，前面比較整齊一塊既肉質比較爽實，後面就系軟淰，叉燒味道較淡，肉味突出，食完都幾失望，因為外皮無焦糖化，唔香口❗️炸釀蟹蓋皮薄而且非常脆，入面蟹肉大小不一好有口感，就甘食都好夠味，加上喼汁更帶出蟹肉鮮甜味，酸薑炸過後好淡薑味，但都好好食❗️椰皇花膠燉雞個湯好清甜，不過唯一就系花膠本身都無乜味，個湯既味不足以令花膠入味，食落只有少少少椰皇香味❗️油泡星斑球魚肉滑溜，香氣十足❗️珍珠洋蔥爆和牛因為厚切既關係味道夠之外，仲突出左牛肉既味道，不過少左d鑊氣❗️松露翡翠竹笙卷味道好清淡，無咩特別❗️鮑粒荷葉飯飯已經很好濕同淋、好大鴨味，完全食唔到其他味每食完一道菜就好期待之後會有驚喜，點知愈食愈失望！但整體質素都可以最後因為黎慶祝生日，餐廳都好細心準備，甜品不過甜…Read More

娘娘呢幾日黎左香港旅行，百幸中抽到時間同我食餐飯見過面，作為一名老兵，當然要扭盡六壬，務求令娘娘有一餐愉快又難忘嘅晚飯回憶﹗娘娘平時係台灣都食慣好野，而台灣都不乏出色嘅西式日式餐廳，所以今晚就揀左相對娘娘係台灣小食嘅中菜啦﹗頭盤係黑醋魚乾 (個名唔係好肯定，掛住聽娘娘呻唔見左部電話，都唔記得聽服務員介紹)，雖然只得兩細條，但入口異常香脆，作為頭盤相當唔錯。頭盤之一，亦係招牌菜之一，窩貼大蝦多士，薄薄嘅多士，緊緊貼住厚厚嘅大蝦，加埋甜甜酸酸嘅醬汁，呢個頭盤係滿分﹗最後嘅頭盤，招牌菜之一，西班牙黑豚肉叉燒，有別於一般叉燒，極少肥膏，但口感有如肥叉般軟綿，冇筋冇渣，微燶帶香口，引用 Peter Wong 名句，神奇，頂級，超卓。呢個娘娘好捧場，食左一半呀﹗花雕蛋白蒸蟹拑，大肉蟹拆出黎，睇 size 就知本身隻蟹有幾大隻，蟹肉新鮮具彈性，唔似雪藏貨霉霉爛爛 (收得咁貴仲要食雪貨)，蛋白帶蟹香而滑，唯一可惜係花雕味淡啲 (酒鬼！？)。龍軒東坡肉，蘇杭名菜，食東坡肉最怕死咸死甜，呢度就啱啱好，要挑剔嘅話。。。肉本身瘦左啲，只有一層薄薄嘅肥膏，當然未去到柴頭，不過食得東坡肉都唔會追求健康要走肥掛？松露翡翠竹笙卷，一定要有菜，松露嘅香味支配左竹笙卷，我自己就好鐘意，不過娘娘好似一般麻，兩件就冇再要。。。硬野，鮑粒荷葉飯，賣相精緻 (即係細啦？)，比珍珠雞大小小，但材料豐富，每一啖都有鮑魚粒，不錯不錯。甜品，酥皮焦糖蛋撻仔，酥皮香味差啲啲，不過焦糖獨特嘅香甜味又補返唔少分數。娘娘推薦，因為頂左兩隻。(唔好意思，張相炒左)送嘅美點雙輝 (個名我幫佢)，芝麻餅唔錯，椰汁芋蓉糕就一般般。…Read More

生日飯有人請，一於食好啲！試一試米芝蓮食府-天龍軒。訂咗7:30pm, 餐廳响ICC 102 樓，由九龍站經Ritz Carlton 到天龍軒都算易搵。為咗有好啲 view, 訂位時最緊要話要窗口位。但因為天龍軒响ICC對西九龍果邊，個view主要係西九龍青衣同少少青馬景，如果要睇維港景，可能就會有少少失望啦！言歸正傳，睇睇有乜食先！小食點咗砵酒軟殻蟹，軟殻蟹係炸嘅，一隻蟹切開大約六、七件，香脆，再加砵酒造嘅汁，味道都幾好！要食主菜啦！兩個人一共點咗三個主菜，本來仲點咗個炒飯，但因為天龍軒嘅份量充足，實在食唔落，唯有取消咗，下次再試啦！第一個主菜係天龍軒必食嘅蜜燒西班牙黑豚肉叉燒，鬆軟，燒到啱啱好，又唔太濃味，好食！可能係用黑豚肉嘅關係，呢個叉燒同其它出名餐廳嘅叉燒有啲唔同，冇咁燶，味道淡少少，食好大啖都唔覺膩，想試吓唔同嘅叉燒，不防試試。跟住就點咗櫻花蝦油泡斑球，係餐廳即場推介。石斑好足料，啲肉好實在，完全冇腥味，連我一向唔食魚嘅都可以接受！再加上一杯美味嘅白酒，😋。但係櫻花蝦就冇乜特別，作為配菜尚算可以。食咗咁多肉，要食番啲蔬菜啦。點咗松露翡翠竹笙卷。唔似其它餐廳淨係得松露碎，真係有一片片黑松露響生竹笙卷上面！好濃嘅松露味，喜歡松露嘅朋友可以一試。本來食完主菜都已經飽到上心口啦，但唔食甜品又點滿足呢！結果點咗一客冰凍嘅蘆薈香芒楊枝甘露，清淡又唔太甜，最啱食完大餐後換一換好感。埋單時間，有少少驚喜（唔係唔洗錢，我都想！），餐廳送上桂花榚同笑口棗，睇落好好味！唯有冒住曝肚嘅危險，將佢地食淸！笑口棗好好味，但桂花榚就一般！總括嚟講，天龍軒嘅出品唔錯，相對係貴咗啲，但味道同服務都唔錯，可以一試！…Read More