Mrs. Sweetie (Closed)

話說嚟九龍城食左一餐很不爽的海鮮餐，飯後甜品潤一潤嚟彌補胃部的失落感是常識吧～但剛剛中伏嘅內心陰霾不去，經過附近有間口甜舌滑糖水鋪⋯未試過，真係驚伏完又伏⋯但為左胃仔，一於搏多鋪啦～點了一個楊枝金露同一個清心丸紫米露外賣$60。老闆好有禮貌，感覺還不錯喔！:)清心丸紫米露我只試了一啖，味道中規中矩，紫米煲到粒中帶糊，不錯！如果加入花奶，相信會更畫龍點睛！重點係楊枝甘露～真係好足料，西米粒粒分明，柚子肉粒粒漲卜卜，芒果唔酸仲帶小甜，成個糖水質感調教得啱啱好，唔會太稀亦都唔會太杰，所以相當易入口，成碗楊枝甘露甜度恰到好處，只係小小甜！好味，仲大大碗！食到有啲飽添～最重要係感覺到誠意嘅存在，用心去製造一份食物，完全食得出！口甜舌滑，下次到九龍可以再試試堂食，算係有多一間糖水鋪選擇！…Read More

九龍城係一個美食天堂，對於某幾種類來說，更加係集中地，例如：泰國菜、潮州菜同火煱等等，而相對地每種菜式都各有佢地既特式，可能因為多野食既關係，香港人對甜品更加係愛不釋手，甜品舖都越開越多，差不多每條街都有一間。而今次這間都算係區內既表表者，不知渡過了多少個年頭，仍然努力經營。呢個甜品舖以前都幾有名，好多日本雜誌都介紹過，由其是佢地既楊枝甘露，大件夾好食，味道仲幾好添，十幾蚊一碗，用料一D都唔馬虎，泰國金柚，香甜芒果，椰味重既椰汁，加上超級冰凍，夏天食真係一流，如果嫌細碗唔夠喉，不妨來一個大碗裝，成個湯碗咁大，食完都飽到上心口。另外，芒果布甸有別於一般許留山既出品，因為布甸呈半透明，十分好味，而且芒果肉超甜，雖然比楊枝甘露細碗，不過勝在飯後甜品，只宜淺嚐，不宜過量。每逢九點後，慢慢開始熱鬧，有時可能仲要坐街邊，遇著落雨，更加有”風”味添。哈哈！更多資料：http://hk.myblog.yahoo.com/zysk-c/article?mid=981…Read More