Noah Castella (Closed)

BeautySearch 超喜歡吃甜品，除了餐後喜歡吃甜品外，平日，亦愛嚐試不同的甜品新出品，早排荃灣出名多甜品店的路德圍，開左間諾亞半熟蛋糕專門店，BeautySearch 有幸食左一次半熟蛋糕，還記得是「朱古力半熟蛋糕」。…Read More

我曾經經過九龍城諾亞蛋糕專門店，但當時未知它的來頭，只停低看到價錢不太貴，$7x - $1xx 左右一個。後來從網上得知這個半熟蛋糕在台灣非常火紅，加上「半熟蛋糕」這個名，令我有衝動去試。但身為新界友，甚少去九龍城，終等到荃灣分店開業，就帶了一個朱古力半熟蛋糕回家同家人一齊食。說真的，我覺得整個蛋糕的賣相一般，扁身、蛋糕邊又皺皺的，撕開紙又黏走一點蛋糕...同時張紙又易刮穿...令有點蛋糕浪費了。不過，不能因賣相就判定。切開蛋糕後，中間溶心朱古力會慢慢漏出。論味道，蛋糕鬆軟，朱古力味挺濃，之後仲食到淡淡蜂蜜味，至於甜度，我覺得不算太甜，可以接受。但我對期間限定的露之水滴草莓芝士蛋糕(HK$188)更有興趣，有機會再去買來試試!…Read More

小妹對諾亞半熟蛋糕的印象頗深刻的，仲記得早兩年去台北玩，同行既友人仲帶了一箱返香港。記得早期既「諾亞」，係以宅配為主，個時睇到唔少台灣博客既介紹同推介，蜂蜜味既流心蛋糕，由於蛋糕面層係凹入去的，所以亦都俗稱「凹蛋糕」，真係望到都好吸引，不過一直都未有機會試。.近來終於有口福了，「諾亞」係香港九龍城開設左第一間實體店，有賣泡芙之餘，當然仲有招牌半熟蛋糕，味道仲有朱古力同借爵茶等，一開業引來極大迴響，蛋糕基乎會係開店幾小時內賣光，認真厲害! 不過由於九龍城實在太遠，而且又要一早排隊，所以都無特登去試。估唔到「諾亞」既第二間分店要在荃灣開嚕，位置仲要係很就腳既大河道，當然要去試下。星期日係首天試業，由於仲請左尖東忌廉哥黎坐陣，人潮多到一個不行，仲要落起大雨黎，所以都有點狼狽，不過為左美食當然在所不辭。.實體店既面積唔大，就是一間外賣店，門面以光鮮的黃色作主色調，蛋糕櫃放左好多款唔同既蛋糕，泡芙、各種味道既半熟蛋糕、芝士蛋糕，仲有近來新推出，小妹亦都十分想食既「草莓王溶心芝士蛋糕」。.草莓王溶心芝士蛋糕 $188 (期間限定)面層的草莓用上「日本頂級草莓露之水滴」，可謂相當落本。草莓食落相當鮮甜呢，配埋面層既草莓味啫哩，仲有底下既草莓味乳酪，酸酸甜甜的散發出天然的草莓香，愛莓之人當然喜歡啦。.率先試左同樣係新推出既香蕉芝士溶心蛋糕 $89，呢款蛋糕無論凍定熱食都可以。.據說用原隻香蕉份量去焗製，食落有很濃郁的蕉味，能看到中間的忌廉芝士嗎? ，質感順滑綿綿的，配埋底下的海綿蛋糕不覺膩，蕉迷必試啊。.比利時巧克力淋醬原味融心芝士蛋糕 $98據說用上45度比利時朱古力所製，配埋底下既忌廉芝士蛋糕，甜度稍高，唔係小妹杯茶。再黎係招牌「半熟蛋糕」，據說半熟蛋糕只需放係雪糕既下格即可 (唔需要放冰格)，食之前拎出黎解5-20分鐘，切落應該會有流心效果。.原味蜂蜜半熟蛋糕 $75最原始的蜂蜜味道，蛋糕質感軟屬富蛋香，流心有香甜濃郁既蜂蜜味道，小妹個人頗喜歡的，相信要食一半以上唔係問題。.伯爵茶半熟蛋糕 $75食落帶有陣陣清香既伯爵茶香，甜度不高，係另一款小妹頗喜歡的口味。.朱古力半熟蛋糕 $75用上65度的法國可可所製，入口朱古力味好濃郁呢，食食下其實都幾似食緊心太軟。.抹茶半熟蛋糕 $75抹茶口味的就比較遜色，因為綠茶味唔算好突出，反而食到係蜂蜜既味道。*加忌廉哥朱古力牌需另加$20。…Read More