Wooderful

呢排仲未有得去旅行但係又掛住台灣嘅嘢食，朋友就介紹我嚟呢間木玥巷到試吓。呢間舖裝修簡約有小小日式風格，坐落都幾舒服，但係作為一個食肆最重要都係啲嘢食。我地叫咗個鹽酥雞試吓，發現呢到嘅鹽酥雞非常香脆，但係又冇出面用好多麵粉包裹，只係得薄薄一層，非常有咬口又有雞味。配埋個柚子汁，簡膩一流，係我係香港食過最好食嘅鹽酥雞！正餐到就叫咗個紅燒牛肉麵同安格斯滷肉飯。個麵湯底清甜不油膩，牛肉亦都係厚切，咬落去好有質感，牛肚有鮮味爽口，個牛筋咬落去亦都好軟滑，啲骨膠原爆晒出嚟。至於個安格斯牛肉飯簡直係好食到叫出嚟，啲牛肉肉碎炒得好香，配埋個白飯簡直係絕配。最後我地叫咗兩款飲品，店員推介話係最新推出，咁就當然要試試佢啦。一個係寒天多多，乳酸飲品個味唔算特別重，個白桃又唔會太甜，有種好清新嘅感覺，啲寒天又唔會好硬但同時又好有質感。另一個係黑糖寒天歐蕾，黑糖嘅糖香加埋歐蕾嘅奶泡香滑，甜得嚟又唔膩，仲有陣陣奶香，非常推薦大家試吓。…查看更多

知道木玥巷好多人排隊 所以今次一早係open rice book定先😊我同fd兩個人6點就去到 個陣無乜人 店員安排咗坐窗邊位。我叫咗木玥招牌紅燒牛肉麵， 朋友叫蝦排拼椒麻拌麵，另外再加咗個鹽酥雞。木玥招牌紅燒牛肉麵 $96賣相好靚 湯底十分濃郁！最正係蘿蔔吸晒牛肉湯精華 炆得又夠淋 好好食🤩👍🏼蝦排拼椒麻拌麵 $74呢個麵食頭兩啖都好好正，不過就越食越漏，朋友食咗一半就食唔到啦。鹽酥雞 $42呢個就不過不失 正常鹽酥雞嘅發揮 啱啱即炸 熱辣辣 脆卜卜👍🏼…查看更多

想試呢間好耐，但係周末係一定要排隊嘅，今次平日夜晚黎竟然唔洗排，即刻有得入。一坐低就有一個小食琥珀合桃，啲合桃粒粒分明，每粒都沾滿糖又夠脆。主食我就叫左招牌紅燒牛肉麵，男友就揀左安格斯滷肉飯。個牛肉麵湯底好唔錯👍🏻，好似平時飲嘅老火湯，啲配料全部都好入味，牛肉都好淋。面頭有一串炸豆乾，店員上菜嘅時候有提醒浸落湯度會好食啲，果然係唔錯，浸完湯之後好似打邊爐嘅響鈴，仲係脆脆地又索左啲湯。個麵底我同男友都鐘意，唔會太淋，有少少粗粗地。然後到滷肉飯，食落嘅味同台式個啲好唔同，有啲似日本嘅牛肉飯，但係加埋蛋汁係好食嘅。小食叫左個鹽酥雞，都幾大兜，新鮮炸起唔會乾，配左個柚子汁點幾好味。仲叫左兩杯飲品，一杯黃金水果茶，好大杯，兩個人share飲都得。個茶都唔錯，飲落唔甜又有水果味。另外一杯係玫瑰可可鮮奶，玫瑰味啱啱好唔會好怪。總括黎講，呢度嘅野食係有誠意嘅，但係唔係台灣古早味個啲，如果想試下新派嘅絕對可以黎試下。…查看更多

之前已經有朋友推薦過木玥巷，最近有啲想食台灣野，就去左食。野食選擇都係一般台灣菜，比較特別既係有安格斯牛肉滷肉飯，用牛肉整成既滷肉飯，不過今次我地就冇食到。呢度野食真係好有，今次食左既嘢都好滿意，而且鋪頭入面既裝修係偏木系小清新，坐落都幾舒服😌覺得有機會會再黎試佢其他野食。1️⃣琥珀核桃（前菜）一坐低店員就比左一碟我地。勁鍾意食呢個❤️唔知係咪自家製ga la不過真係好好食。核桃有蜜糖既甜，而且唔會過甜啱啱好，食完一粒接一粒，真係想問佢有冇得添😂  2️⃣木玥招牌紅燒牛肉麵（$96） 係我食過最豐富既牛肉麵🤤配料除左牛肉之外，仲有牛肚、牛筋同埋風琴豆腐。牛肚食落幾彈牙，而且好有牛味，牛筋夠滑，牛肉大大片而且一啲都唔韌。入面仲有紅蘿蔔同埋白蘿蔔，兩個都煮得好淋冇渣👍另外第一次食風琴豆腐，食落好脆，浸啲落個湯到飲索埋湯汁正😋  呢度牛肉麵既湯底好香，濃郁香甜，但係唔會過鹹，飲曬成碗湯😂麵係類似手工麵既質地，煙韌有咬口。  3️⃣蟹肉明太子炒新竹米粉（$90）好大碟。炒得好乾爽好香。蟹肉存在感唔係好強，但係米粉同啲紅蘿蔔絲、洋蔥、蛋等等既野炒埋一齊，一啲都唔油好好食🥰  4️⃣櫻花蝦煮蛙蛙菜（$64）娃娃菜煮得夠淋夠甜，面頭有好多櫻花蝦，同啲菜一齊食鹹甜鹹甜咁，清淡得黎唔會太單調😚  5⃣️金沙抹茶奶泡（$32）賣相好靚😍係一個六角形既杯裝住，面頭係一層奶泡，上面有一粒金沙。奶泡散得算係比較快，抹茶鮮奶飲落抹茶味好香，而且奶味好夠，好鍾意呢杯野飲。  6⃣️木玥黃金水果茶（$38）係有鳳梨加百香果。對我黎講偏酸，但係入面水果好多，面頭已經有好多粒粒菠蘿、菠蘿片、青檸，入面仲有勁多百香果籽，一路一路係咁咬野😂酸酸甜甜係好開胃既，而且極大杯😳黎到既時候嚇親😂 …查看更多

住屯門區嘅朋友帶咗我去食呢間充滿文青氣色嘅木玥巷😯餐廳門面好靚，牆上面都有唔少裝飾品，而且入面啲位都好闊好好坐😚一入到餐廳店員就比咗碗免費嘅琥珀合桃作為餐前小食餐廳入面仲播住台灣流行曲，真係好似去咗台灣旅行咁🇹🇼由於今個夏天實在太熱啦所以我地一到就叫咗木玥招牌水果茶🍋🍊份量勁大杯而且入面仲有好多百香果籽同果肉，感覺好似台式手搖飲品咁😆個人覺得佢味道偏酸，唔單止消暑仲好開胃🤗我就叫咗個湯底好清甜冇乜甜精嘅紅燒牛肉麵，炸豆卜吸曬啲汁非常正！全個麵仲有好多唔同嘅配料，牛肉好大塊之餘牛筋同牛肚都好入味🤤麵底好有咬口唔會一咬就斷，有啲似手打麵咁，不過麵嘅份量多啲就好了🤧朋友就叫咗個安格斯滷肉乾拌麵😃佢話個安格斯牛煮得好淋，而且啲肉又唔會散開曬👍🏻小食方面就叫咗朋友鐘意食嘅日式炸吉列蠔🇯🇵賣相真係好靚而且都算大隻😮‍💨地址：屯門井財街7號力生大廈地下4-5號舖…查看更多

成日會搭幾個輕鐵站過景峰揾食，呢邊都唔少美食，今日就試想試好耐既台灣菜——木玥巷👀🐮木玥招牌紅燒牛肉麵（$96）份量好夠又足料，有牛𦟌、牛肚、牛筋、蘿白等，牛𦟌煮得好入味，肉質較稔，湯底比想像中清淡，麵條頗有彈性，幾掛湯👍🏻🐮台灣雙色腸（$46）呢碟小食有普通台灣腸同黑色墨汁腸，煎得皮脆多汁，仲可以配上醬汁，有另一番風味😬🐮戰斧鹽酥雞扒（$82）果然無改錯名，一上碟大塊到我嚇親，真係成個斧頭咁大塊🤩雞扒炸得香脆可口，仲有秘製醬汁，大塊到最後要打包返去食😅🐮木玥招牌水果茶（$38）一上枱個size真係嚇親我，大杯到兩個人share都得😮西柚和百香果既配搭十分清新，酸酸甜甜，好開胃🐮木玥黃金水果茶（$38）同招牌水果茶大同小異，係菠蘿和百香果既配搭，比較清甜，十分解膩👍🏻總括來說，能在大西北揾到好食既台灣味，可以一解思鄉之愁🤣唔怪之得咁多人排隊食啦😬…查看更多

呢間開喺屯門虹橋嘅餐廳算係我嘅飯堂之一，個 menu 都差唔多食過了！佢由開業到而家，個個星期六日晏晝都排長龍，係最近元朗開咗分店，夜晚先唔洗點排隊！雖然以台灣菜嚟講其實有啲高，不過真材實料，水準都好穩定，小食份量仲好大份𠻹！次次同屋企人/朋友嚟食都食唔晒，要打包拎走呢！主食份量唔算大，但小食嘅份量就一啲都唔輸蝕，特別係戰斧鹽酥雞扒，有成塊面咁大，真係好誇張！…查看更多

去左屯門咁多次都無帶過細佬嚟過，今日就帶佢去食佢最愛嘅台灣菜啦😗見佢地啲menu都好多選擇 好期待😋😋——————————————————————————— <黑糖蘋果西打豬軟骨 ($70)>豬軟骨煮到好淋身亦都好入味，蘋果醋味甜甜地好開胃，份量都足夠兩個人食，依家諗起都好想再encore啊😌.<木玥招牌紅燒牛肉麵 ($96)>嚟到緊係要食下招牌嘢先得喇，見到餐廳大半數人都會點呢個麵😏對比一般台灣紅燒牛肉麵嚟講，佢唔算好濃味，但清清地都帶到牛肉湯底味出嚟，個人夜晚唔鍾意食太濃味，所以覺得幾唔錯，至於牛肉同蘿蔔都煮得淋身同入味👍🏻.<鹽酥雞 ($42)>對於食肉獸嚟講，呢個份量俾呢個價錢，係超抵🤣講返正題先～鹽酥雞係即炸嘅，配埋酸酸甜甜嘅汁點嚟食都幾夾，之後仲叫咗支啤酒，飲住啤酒食鹽酥雞，好爽啊🤤.<雪菊蘋果茶 ($28)>個人認為幾啱女仔口味，雖然佢屬於比較甜嘅口味，但都無蓋過左蘋果嘅香味，唔錯。———————————————————————————…查看更多

[ #caloriefoodie屯門 ]• 木 玥 巷 •🦦-一坐低侍應就會擺碟合桃 可以比我哋一路食一路揀野食😆-🍜木玥招牌紅燒牛肉麵 💰$96雖然呢個價錢嘅牛肉麵少貴 但真係一試難忘！湯底有白蘿蔔同紅蘿蔔 十分清甜(＾ν＾)配料有牛𦟌、牛肚、牛筋、乾豆卜豆卜幾特別 佢唔係平時一浸湯就變林嗰隻 係會仲有少少脆脆地但同時又可以索到牛肉湯嘅精華~-🐔鹽酥雞 💰$42估唔到鹽酥雞睇落去細細份 但感覺有成三十幾粒😹份量適合3-4個人share!每舊係比較細粒 但唔會只係得塊炸皮 肉係佔左9成🤣另外有酸酸甜甜嘅柚子醋 配炸物一齊食可以解膩！-🍗戰斧鹽酥雞排 💰$82一拎上枱嘅時候嚇親 塊雞排仲大過我隻手切落去都有啲肉汁 炸得好酥脆同鹽酥雞一樣都係有柚子醋可以點~呢個都係適合3-4人share 實在太大份！-🍍木玥黃金水果茶 💰$38由鳯梨同百香果製成 裏面仲有粒粒百香果籽味道好fresh好解膩嘅水果茶！-🌹玫瑰可可鮮奶 💰$32面頭有一層忌廉 唔會過甜 有淡淡嘅玫瑰味~-📍屯門井財街7號力生大廈地下4-5號舖-#caloriefoodie #caloriefoodie💛…查看更多

𝐎𝐯𝐞𝐫𝐚𝐥𝐥新界人有福了! 終於唔使出九龍、港島 都可以吃到地道台灣風味菜店面較小 但勝在座位舒適 氣氛不錯🌟午市性價比更高🥰⁣—————————————————⁣🍜木玥招牌紅燒牛肉麵$96湯底十分清甜 配菜好豐富牛肉口感軟腍 牛肚爽彈 乾豆粕非常入味配上台灣麵 頗開胃🍚櫻花蝦鰻魚炒飯$82鰻魚份量不多 但炒飯非常香口 有鰻魚香氣以醬油調味 偏向濕潤🐣鹽酥雞$42分量十分澎湃 適合三至四人share🤣酥脆雞粒配上酸甜醬汁 不錯🍫玫瑰可可鮮奶$32可可味道濃郁不會過甜帶有淡淡玫瑰香氣…查看更多

近排食到都唔知食咩好放左工朋友話入屯門食飯更係立即開openrice睇下有咩好見到木玥巷排名都唔差於是就同朋友一齊去啦😂去到都好多人排隊我地都等左半個鐘左右終於有位可以入去啦坐底佢都會提供一份前茶味道係ok既甜甜地既合桃一邊食一邊揀野食都幾吸引餐廳有台式款同日本菜既👍一間餐店可以食兩款菜式真好滿足每個人的需要🤣我就揀左黯然銷魂牛肉滷肉飯首先一黎到好大碗既 店員都好細心甘問我地要唔要細碗 我可以同朋友share食啦👍👍👍隻蛋係半生熟既蛋 會流蛋汁出嚟撈飯而且佢成碗既肉都係牛肉碎 真係有啲估唔到 唔掛得叫黯然銷魂飯 我以為係用豬肉碎 以我識認滷肉飯都係用豬🙂不過用牛肉都好好食 牛肉係有牛肉香味的 應該係用左一D既調味料炒到牛肉味更突出既 所以撈飯係一流👍👍👍👍不過佢既牛筋偏韌 唔係入口溶個款 可能就係要留住d骨膠原 😂就唔煮到甘霖 朋友揀左招牌紅燒牛肉麵認食既緊係第一啖要試試個湯先 湯底濃又帶點甜 甜係因為有用白蘿蔔熬製配料係有牛𦟌 牛筋 牛肚 感覺滷得幾入味 而且肉質鮮嫩以麵質口感煙韌有嚼口 唔係d霖BiBi既麵我最欣賞佢既豆卜 因為佢係乾豆卜 如果佢唔沈落D湯到係脆卜卜既 但沈湯係索湯味 好特別😋酥炸排骨一上枱 真係嘩左聲塊豬扒係大個我塊面 重要有兩塊即刻同朋友都擔心緊點食 甘多大塊佢個汁好開胃的 用柚子汁 酸酸地 配炸物一流解膩😂豬扒炸得乾身 炸粉唔多 放左一陣先食 都係有質汁流既 而且有骨既部分真好 可以論骨 好味🤤最後有杯玫瑰蜜桃水果茶 茶香帶酸 好適合食完甘多野飲 開胃之餘解油玫瑰可可鮮奶 忌廉做到不膩 鍾意唔搞暈黎飲 甘就可以飲到可可同忌廉既口感 又埋乾玫瑰碎🥰🥰🥰最後餐廳播既歌都係一D流行歌曲 我好似聽緊自己既歌單🤣真係簡約既文清風格既餐廳🤩🤩🤩…查看更多

屯門台式食店唔多，呢間小店開左幾個月，一直想試吓，終於有機會可以黎食喇！— — — — — — — — — — — — — — — — — — — 【木玥招牌紅燒牛肉麵】$96湯底屬於比較清甜果種，唔會好勁味精，材料有牛𦟌、牛筋、牛肚，炆得幾腍又入味。配料有豆腐卜、白蘿蔔、紅蘿蔔，幾中意個豆腐卜，脆脆地好香口。麵底係比較幼身嘅台灣麵，軟硬適中。— — — — — — — — — — — — — — — — — — — 【戰斧鹽酥雞扒】$82真係重量級雞扒，超大份！外層炸粉好夠脆，雞肉嫩滑多汁，食落唔覺油膩，係正宗台底鹽酥嘅味道😋 佢重配埋一個甜酸醬，更加惹味。— — — — — — — — — — — — — — — — — — — 【台灣雙色腸】$46黑色估計係墨汁腸，兩隻腸都充滿台灣風味，同埋份量都幾多，過口癮真係啱哂喇😆— — — — — — — — — — — — — — — — — — — 【玫瑰可可鮮奶】$32【玫瑰蜜桃果茶】$28兩杯飲品都係價錢合理，欣賞佢熱飲都有咁大杯，唔錯！…查看更多

一入座便有小吃琥珀合桃，香脆可口木玥招牌紅燒牛肉麵的牛肉高湯令人一試難忘，有濃而不膩的牛味，滲透著淡淡的蘿蔔回甘，令湯頭多了一絲清甜。牛𦟌、金錢肚、牛根都燉煮至軟腍，蘿蔔沒有渣，非常入味。豆卜可浸進牛肉湯裏吃，吸收牛肉湯的精華🤤🤤黯然銷魂安格斯滷肉飯 以安格斯牛肉製成的滷肉特別軟腍多汁，入味的肉末拌飯最適合😋飯面蓋上的漂亮煎蛋，也可弄破半凝固的蛋黃拌飯吃~鹽酥雞炸得酥脆肉嫩，沾上醬汁提味也不錯！點了兩杯水果茶，原來超大杯🤩 木玥黃金水果茶使用最近大熱的鳯梨，還有百香果製成，入口有粒粒百香果籽，很有口感又清甜的一杯水果茶🤤🥰…查看更多

間中都會黎新墟依頭搵食，貪餐廳夠多！早幾個月前見到依間台灣菜餐廳就想食，可惜撞正中場休息時間摸門釘。開返晚巿後，我地過去周末睇戲前就去左嘆晚餐。木玥巷係井財街較尾段轉角位，附近環境比較靜，但餐廳人氣卻好旺場，全場滿座。餐廳背景音樂係台灣流行歌，同自己playlist好似，有台灣既感覺～岩聽！＊－。－。－。－。－。－。－。－。－。－＊🔸木玥招牌紅燒牛肉麵 $96湯底係我鐘意既味道，唔辣好香濃，比起一般紅燒湯甜少少牛肉大舊，半筋半肉，燜得好腍，牛肚爽口彈牙三角形既炸豆卜脆口之餘，又可以吸湯食，似響鈴🔸蟹肉明太子炒新竹米粉 $88蟹肉vs明太子vs米粉比例平均，炒得好香口米粉夠乾身爽彈，唔會碎濕濕🔸雪菊蘋果茶 $28杯中有蘋果乾片及少量菊花上枱個刻已經聞到好香蘋果味菊花清熱明目，蘋果潤肺養胃，養生之選🔸藍莓多多綠茶 $32藍莓、多多味較重，甜甜酸酸飲落感覺清新，甜度適中杯頂放左棉花糖串，造型好似cocktail咁＊－。－。－。－。－。－。－。－。－。－＊…查看更多

屯門井財街竟然有間隱世小店👉🏻簡約日式裝修，濃厚台式風味，只有<木玥巷>先至做到👍🏻木玥黃金水果茶(凍)👉🏻入口清香，味道酸酸哋帶少少甜味😽杯邊有一大片新鮮菠蘿肉入面有一粒粒果肉，分別有西柚、梨、百香果等！仲有想像唔到有咁大杯水果茶個杯超過我一隻手指嘅長度玫瑰蜜桃果茶（熱）👉🏻暖笠笠嘅果茶，玫瑰味芳香撲鼻，入口後清甜濃香茶味，令人再三回味😍汁煮豬軟骨配安格斯滷肉飯👉🏻豬軟骨炆得非常入味口感軟硬適中，食落豬軟骨又唔會覺得油膩😋而安格斯滷肉飯味道香口，配上粒粒珍珠米，口感非常軟腍木玥招牌紅燒牛肉麵👉🏻牛肉麵最重要係個湯頭🍜夠唔夠清？味道夠唔夠濃？木玥巷嘅牛肉麵就會做到清而濃嘅味道，飲落完全無油膩嘅感覺，入口順滑😋牛肉軟腍而彈牙，牛根有𡁻口，牛肚入哂味！碗內有一大塊豆卜，豆卜索哂湯𥚃面嘅精華，而且食落仲有豆香味😋加上紅白蘿蔔，色彩同營養變得好豐富！麵條爽滑，十足似喺台灣食到嘅口感💯💯💯💯💯蛋黃炸芋球👉🏻炸到金黃色，咬入口完全無油膩感！芋泥加上少少蛋黃餡，鹹甜味道適中，食落非常夾！我一個人都可以食哂三舊😂P.S木玥巷唔單止味道濃，入面人情味都好濃！點解咁講？原先我哋坐喺二人枱，而我個背囊非常大，店員一見到有四人枱就即時安排我哋調枱，呢種細心安排，只有呢度先有😍…查看更多