Hestia Kitchen (Lai On Building)

近排星期日唔想離開屋企，因為要留低煲返五集全民造星🤩。不過飯就點都要食嘅，而我會選擇買外賣，邊食邊睇嘛。夜晚我哋開外賣App揀咗嗌「燧記廚房」，自取有九折優惠。我哋一去到外賣就經已準備就緒🥡，原來餐廳有少量堂食座位，但店舖面積較細，住附近的話買返屋企食會比較舒服。小店主打川味小菜🥢，款式總共有十多款，當中唔少都帶有辣味。套餐同單點價只相差$5，而餐就多碗飯🍚同飲品/例湯，正常都會嗌埋吧。芳香惹味孜然牛肉($60/套餐)，估唔到呢碟牛肉落咗咁多辣椒同蔥炒，辣味強烈🌶，再加埋孜然香，整體係一道幾惹味嘅菜式，但千萬要小心唔好咬爆辣椒籽。牛肉約有十片，肉質唔韌🐮。有內涵紅燒馬鈴薯排骨($55/套餐)，呢道餸味道OK，但如果將排骨換上肉片會開心啲，因為唔使噒骨🐷🦴。菜式唔辣，鹹度適中，唔重口味，而且仲有唔少薯仔粒🥔，外面煎香内裡軟淋。是日例湯係蛋花紫菜湯🥚，味道偏清淡，普普通通啦，唔要湯可轉揀飲品。總括嚟講，今晚終於夾啱時間初嚐呢間經過多次嘅川味小菜外賣廚房😄。如果辣癮起，可以考慮嚟呢度食食。題外話，我留意到有唔少港大嘅內地生嚟幫襯，相信佢哋認為口味正宗呢。…Read More

行到邊食到邊～西營盤-上次在西營盤發現有間好特別嘅A I智能廚房可惜當日已經吃飽了晚飯😔今次我們舊地重遊一定要吃香港一間智能廚房～燧記廚房。-HK$56好鬼Q彈肉臊蒸蛋～名副其實真係好鬼Q彈嘅蒸水蛋好似布丁咁震震下好滑溜拌飯一流。-HK$55有內涵紅燒馬鈴薯排骨～上檯時聞到一絲絲糖醋的味道排骨炆煮後好軟熟連白色的軟骨也可以吃下肚。馬鈴薯吸收了醬汁及排骨的精華。咬下去不會太膩及有爽口的感覺👍🏻。-HK$55酸酸甜甜的宮保雞丁～炒的沸沸揚揚很有鑊氣。因為朋友不可吃太辣，所以這是微辣版及有點酸酸甜甜的感覺。這點與其他餐廳宮保雞丁不一樣的地方。-套餐是包紫菜蛋花湯，好多好多紫菜所以湯有咸鲜味道。-餐廳裝修簡潔俐落，以科技進步來減省人手及保持品質嘅水準。這個會是未來餐飲業的大方向，香港越來越多高科技餐廳。每個套餐不過60元，便可以吃到智能烹調的食物，正。…Read More

住喺西環嘅表姐間屋裝修好，叫我上去坐吓， 我話新居入伙，點都要食番餐入伙飯， 人哋個廚房新簇簇，我點好意思整亂佢呀？我話入伙飯就由我發板啦! 我好有誠意㗎，做哂功課， 睇埋openrice， 見到佢屋企附近有間叫"燧記廚房", 話係第一間用機械人炒小菜嘅食肆， 聽落幾得意，我決定去見識吓！我搭叮叮去西環，落車行2分鐘就到，幾方便吓！ 佢門面裝修簡約清爽，淺灰色調。門口見到呢張海報， 幽默兼有創意，簡單講出重點: 就係 "人工智能嘅大廚就係呢度!""燧記廚房"係間小店，菜牌一啲都唔複雜， 冇所謂呀， 寧可做精啲，好過周身刀冇把利！菜牌一共有10款餸 : 拿手小菜有4款，炒肉小菜有3款，另外巧手蒸餸有3款。價錢夠實惠，午餐$55起，包咗一個飯同一個飲品，外賣自助再9折。如果想飲湯， 就要食晚飯先有！今日我哋雖然得兩個人食，但想食豪啲， 叫夠三個餸啦， 橫掂都唔貴！於是我喺拿手小菜，炒肉3兄弟同埋蒸餸裏面各叫一款，就係呢三款啦 ⬇️。一嗌咗餸，廚房即刻開工！ 雖然話係機械人炒菜，但前期工作 (例如洗，切，調味) 都先由廚房姐姐準備好。 佢哋收到柯打後，會將材料放入彩色膠盒裏面(睇相啦⬇️)， 跟住以後嘅工序就真係由機械人去做啦 !好食嘅小炒，唔係同一時間所有材料一齊炒。係要根據食材性質同快熟狀况而決定落鑊嘅先後。唔同顏色嘅膠盒用嚟裝住各種材料，按照電腦預設嘅次序加入電炒鍋裏面。係呀，就係講緊呢個似超巨型電飯煲嘅電炒鍋， 佢炒餸嗰陣上下搖動，仲會發出陣陣炒鑊聲。 如果矇住眼，淨係聽啲聲，仲以為隔住玻璃有個大廚即場明火炒鑊，勁有氣勢！機械人速度真係好快，三扒兩撥就搞掂三個餸！趁新鮮，拿拿林拎上表姐屋企，佢一開門見到個紙袋，仲以為我買西餐上嚟食，呢個袋既環保又型仔！入夥飯開餐喇， 兩個小炒一個蒸餸！🔸️ 拿手小菜 : "有內涵紅燒馬鈴薯排骨"賣相一流，好夠鑊氣！薯仔先煎再煮，唔會散哂，有口。蔥頭爆鑊，再燒煮排骨，入味唔嚡口。加埋紅椒， 色香味齊備！🔸️ 炒肉3兄弟 : "大哥-攸縣香乾炒肉"店長介紹，話燧記主打做湖南小菜， 菜式味道較濃帶辣， 佢推介攸縣香乾，話係湖南家鄉豆乾。冇介紹錯喎，呢種豆乾豆味濃， 質感煙煙韌韌。 豆乾係瘦物，要加入帶油嘅薄切豬腩肉同埋紅綠辣椒，香辣濃味先带到出嚟， 夏天食零舍醒神開胃！店長好細心，落單時問我食唔食得辣， 佢話如果客人唔太食得辣，廚房可以減辣，呢啲係小店先做到！🔸️ 巧手蒸餸 : "好鬼Q彈臊子蒸蛋"好多人認為蒸蛋係一般家庭餸，簡單易做，點解要出街食？！好食嘅蒸蛋唔易做，要識得掌握蛋同水嘅比例， 同埋火喉嘅控制。 呢個臊子(即係肉碎)蒸蛋加埋葱花，香嫩滑溜，送飯一流！表姐話對呢餐到會入伙飯好滿意！ 佢問我攞咗"燧記廚房"嘅地址， 話遲啲自己都去睇吓究竟機械人點炒餸， 開吓眼界！😊…Read More

呢到標榜係全港首家用機械人廚房嘅餐廳。🤖 右邊第二幅圖就見到嗰啲機械人㗎啦，就係全靠呢啲機械人去攞食材，炒餸，出菜同埋清潔嘅。😮 每個飯餐都只係55或者60蚊，有埋汽水送。⁣⁣💰⁣⁣冇你想像咁辣黑椒牛柳（$60）【好味度：7/10】⁣⁣⁣⁣⁣⁣⁣⁣⁣⁣牛肉係薄切嘅，唔韌，而且分量都幾多吓。😋 黑椒唔會好辣，反而有淡淡嘅黑椒味。😗 雖然佢係機械人炒餸，但係竟然都好有鑊氣，非常驚喜。 ⁣⁣😯⁣⁣有內涵紅燒馬鈴薯排骨（$55）【好味度：6.5/10】⁣⁣⁣⁣⁣⁣⁣⁣⁣⁣馬鈴薯煮得幾淋，入口啱啱好。🥔 排骨數量都唔少，有好多肉食。😄 亦都係一味唔錯嘅餸。⁣⁣✅⁣⁣酸酸甜甜宮保雞丁（$55）【好味度：7.5/10】⁣⁣⁣⁣⁣⁣⁣⁣⁣⁣宮保雞丁嘅酸甜度啱啱好。😝 而且味道真係好正宗，好少喺香港食到咁正宗嘅宮保雞丁。🐉 但係好欣賞佢嗰個辣度調較到香港人合適嘅辣度。🇭🇰 少少麻辣得嚟又唔會好刺激，辣得好舒服。😚 而且雞肉都好嫩滑。🍗 最後連啲花生都食埋晒。⁣⁣🥜⁣⁣雖然係機械人作品，但係口味竟然同唔少老師傅不遑多讓。 ⁣⁣🤩⁣其他評分⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣食物外觀（4/5）⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣性價比（4/5）⁣⁣⁣⁣⁣⁣⁣環境（3.5/5）⁣⁣⁣⁣⁣⁣⁣服務⁣⁣⁣⁣⁣⁣⁣⁣⁣⁣⁣⁣⁣⁣⁣（3.5/5）⁣⁣⁣…Read More