ABURI-EN (New Town Plaza Phase III)

第一次行到去沙田新城市廣場三期呢邊見到呢間日式餐廳 啲丼飯好似幾吸引😋好似份量都好多下 就同屋企人試吓坐低之後 見到佢裝修都幾特別超級多好大型嘅豬燈籠做燈飾🐷好可愛 haha月見豬腩肉丼 $82見到個碗都唔算好大🙊諗住個份量都係正常但其實佢嘅肉係超多🐽🐽🐽我同屋企人都唔算細食 食完一碗已經好飽😂至於個豚肉嘅質素我覺得正常 🤪肉質都偏林 唔會因為話係豚肉煮熟晒就好難咬開😆所以都食得幾開心醬汁都好味 個味道都係偏濃少少🥲就有啲似平時燒肉嘅醬汁特尚日本豚肉飯 $112試埋呢個日本豚肉飯我覺得個分別係佢嘅肉係再薄啲😆所以肉亦都林啲 更加易入口🤪至於個醬汁就同另一個丼飯都一樣 偏濃味但整體都好味 而且份量絕對唔少🙊總括嚟講呢間店超級適合鍾意食肉類嘅人🐷🐖因為佢嘅用途返比例接近一比一🥳即係你每一啖都一定會食到肉🐽非常適合肉類愛好者🤪🤣…Read More

呢間餐廳開咗一段時間都未去食，淨係畢認得佢門口隻紙大豬，睇openrice先知原來佢都幾多好評。呢日一於去試吓，夜晚7點幾都滿座，要等15-20分鐘，入面都幾大間幾多位，但好多人食。聽個名就知呢度出名炙燒，同埋豬，另外燒和牛同燒鰻魚都係招牌菜。宮崎和牛鰻魚雙拼飯 $169加$15轉套餐配埋沙律同湯個沙律一般，麵豉湯都係普通個飯唔錯，一上枱已經好香和牛彈牙又唔會un，而且好香鰻魚都好香，有口感，唔會淋patpat，亦冇乜骨月見豬腩肉丼 $82d豚肉都燒得好香，唔會太乾炙燒北海道帶子海鮮丼 $138炙燒完d刺身冇咁鮮味，但都唔錯睇個人口味鍾唔鍾意食炙燒過的刺身飯係酸飯不過唔太酸反而小食就麻麻地可以唔洗叫沖繩豬肉煎餃 $48 五件勁淋炸北海道八爪魚 $58勁少，唔係好多肉，又唔夠熱唔夠香脆…Read More

比門口嗰隻肥豬燈籠吸引咗，見佢裝修都幾有地道日本餐廳嘅感覺，又好耐無食過丼飯，一於試試佢🐖🐷🐽入到去發現佢食物嘅選擇都幾多，除咗主打嘅豚丼之外仲有宮崎和牛，有一人鍋、拉麵、咖喱飯都有⋯⋯😹不過今次第一次去食就梗係試吓佢嘅丼飯啦！✧ 月見豬腩肉丼 $𝟠𝟚見間鋪周圍掛晒豬仔燈籠咁，無理由唔試佢主打嘅豬肉丼！一個燒肉丼好唔好食，都不外乎米飯嘅質素、秘制嘅醬汁同燒肉嘅火喉。根據餐牌介紹呢間餐廳用嘅都係日本宮城縣嘅「一見鍾情」（ひとめぼれ)米。呢隻米香味同黏度都好適中，的確適合用嚟做丼飯。不過咁，隻米靚都要煮得好食先得，最驚啲餐廳用完日本米但又煮到啲飯爛晒咁，真係徙晒！好彩今次無呢個情況發生，米飯方面安全過關！至於醬汁，味道夠日式但唔係特別突出。重頭戲炙燒豬肉⋯⋯竟然有啲韌😭個表面雖然有炙燒嘅香氣，但咬落去時有啲乾，無期待中嘅juicy效果😭 總體嚟講算係好食，不過未去到好好食🥺✧ 特選宮崎和牛飯 $𝟙𝟞𝟡係入口即溶嘅宮崎和牛呀😻不過講真如果連宮崎和牛呢種咁靚嘅肉都煮得唔好食就死得了😹望住啲炙燒咗有一層亮晶晶油脂係面嘅和牛放喺個「重箱」（即係漆盒）入面真係好吸引！但一撥開面個層牛肉，發現⋯⋯得好少飯，唔係好夠食🙈🙈🙈 講起日本和牛，前排喺第二度食咗個好好食炙燒石垣牛飯，價錢貴呢度一百蚊，但啲飯同樣咁少🤫所以呢度個和牛丼嘅性價比其實都算Ok🙈✧ 沖繩四季柑威士忌梳打 $𝟜𝟠威士忌梳打，即係Highball，清爽易入口得嚟又帶到比人一種微醺感覺，喺日本幾普遍但喺香港就唔係度度有得飲同好飲，試過去一間港島區嘅居酒屋飲但稀到好似淨飲緊梳打水咁😹 呢度有最大路嘅Suntory角瓶highball，亦有三種果味（四季柑/ 香桃/ 熱情果）嘅highball。啱晒啲鐘意飲少少酒但又唔係好飲得嘅人。呢度個highball幾抵又幾好飲，大家可以趁Happy Friday試試佢🤗…Read More

近排四處都有分店的這家日本火炙燒肉飯專門店,初初經過他的日式柔和燈光充滿能量已經吸引到我了,今次踩完單車經過就入去一試究竟.例牌非常多人排隊,所以增加我的考慮成本,在門口的餐牌上不斷尋找心儀的食物,揭到第二頁這本月見豬腩肉飯已經吸引到我了.令到一向要排隊就走嘅我今次都排咗5分鐘.入到店內柔和燈光確實非常舒服,在設計學上色溫暖和柔和是給人放鬆神經和感覺溫暖所以家居士適合這種色溫,而工作空間才需要加入較冷的色調以提升專注力.藍色紫色等等較冷的食物顏色都會勾起人類大腦天生的基因記憶覺得是有毒的食物,令食物大打折扣.所以在裝修的時候使用溫暖的材料和燈光能給人教良好的飲食體驗.由於食客太多為了不影響他們進食,而沒有影在餐廳環境,大家嚟到就能明顯感受到.清新百花香一路擔心與菜單上的相片貨不對版,但好快就送到上我的桌面上火炙豬的碳化與梅納反應加上高級豬肉的由香有如香烤的咖啡加清新百花香一樣.油的香味代表豬所食的食物質素,而且沒有發情期的豬騷味,更可能是母豬,脂肪較多又平均.蛋黃雖然較細但都是高品質的因為顏色非常之深黃和挺身.擺碗方法唔錯像花開一樣展示食物的模樣也能夠張薄薄的肥豬片表達得更加豐盛.一食入口確實是高品質的豬油,入口清新爽口油脂芬芳,豬的溫度足夠所以沒有油膩感. 豬肉片的醬汁味道非常好如果可以多啲就好了,一般食法都是將豬肉片夾一些飯而進食,但因為我很快食曬豬肉片,要將豬肉片的醬汁塗上底下的飯上,如果唔係開心完就要食白飯.論白飯白飯雖然沒有響日本能夠周圍食到的鮮甜煙韌白飯的感覺,雖然少了鮮甜和撲鼻的飯香,但在香港都算是高質的日本飯.貪心無盡而感恩這個價錢都能食到一碗好味的豬肉飯實在是有驚喜,當然作為食客都是貪心無盡的,如果醬汁多一啲,飯甜啲煙韌啲,整個旅程就沒有洞口了.另外店面爆滿他們都能維持既定質素,讚賞一下廚房人員的努力.店面職員依舊能專業保持笑容和放鬆,辛苦曬.多謝大家收看此食評…Read More