炙・宴 (新城市廣場三期)

Open Now

Now Closed

今次同老婆一同試左呢道火炙宮崎和牛豬骨湯拉麵，呢碗拉麵用左豐富的豬骨湯底和宮崎和牛作為佢嘅賣點。而聽店員講湯底係經長時間嘅熬煮，湯底配搭和牛的肉汁令我係有驚喜。我覺得麵條相對地幼身，麵條吸收了湯和肉汁。而經火炙後的宮崎和牛則是呢碗拉麵的亮點，鮮嫩的肉質，加上微微焦香的外層，讓每一口都充滿了層次感。此外，拉麵上再加上了新鮮的蔥花，增添了清新的味道，使整道菜式更加平衡。對於拉麵愛好者來說，是一道不容錯過的美味，值得推薦。

之前都食過呢間幾次，今次再嚟，晚市多左啲套餐，好抵食。環境座椅舒適，夠大，職員服務都幾好。雞扒丼+熱烏冬，套餐仲有麵豉湯、沙律、沖繩豚肉餃子、甜品蕨餅。雞扒都幾大舊，皮少少脆，肉都嫩。宮崎和牛丼+熱烏冬。和牛勁油香，好滯，但好軟熟。黑咖哩芝士炸雞丼+生雞蛋豬腩肉丼隻生雞蛋店員放錯左喺雞扒丼個餐盤度，其實係配豬腩肉丼。呢個餐係最飽因為兩個都係飯，而且兩個飯都有餸，有炸雞同豬腩，好抵，其中一個直接打包咗做埋第二日午餐。豬腩肉唔會淨係得肥，都有好多肉，嫩，唔硬。炸雞都唔錯，第一次食黑咖哩芝士都唔錯，甜甜地咁。豚肉餃就比較淋，但一咬就爆晒汁。南蠻炸雞好好食，個醬好食，雞好大舊，好脆入面又好多汁，肉嫩唔會有筋。炸池魚，好脆，不過偏咸芋蓉餅，估唔到咁細舊咁迷你，但好濃芋味。

朋友上次介紹我去這家吃丼飯時，他說味道不錯，但那次飯可能豚肉燒得太耐，所以有些失手，肉質（鞋口）。今次我再到沙田新城市中心，想再給這家餐廳多次機會，果然豚肉係好美味！這次燒得恰到好處，味道很香濃，肉質也嫩滑。它使用日本米，符合我的口味。點餐時還可以選擇多汁的，我選了多汁口味，因為將汁撈入飯裡好吃很多單點$88另再一，我認為價錢合理。

炙・宴聽名或者未聽過，但見到豬仔燈籠就記得佢，超可愛!!店鋪以優質日本豚肉丼及和牛做主打，除左丼飯仲有各式麵類，選擇富豐。🐖- 宮崎和牛壽喜燒烏冬 HK$199 🐂🍜牛肉嫩滑配生雞蛋一絕!!宮崎和牛牛味香濃，牛脂花紋幾靚，肉質非常嫩滑，不過得3塊有D唔夠喉。跟餐提供月見可配和牛食用，令到牛肉更香濃更嫩滑!!壽喜燒鹹甜適中味道濃郁，可加錢轉彈牙烏冬吸收壽喜燒汁精華超濃味!!- 酥炸宮崎青眼魚 HK$48 🐟酥脆香口炸魚仔!!外皮炸至金黃色酥脆，魚骨及魚皮都入口即化!!魚肉味道帶點甘香，幾好食!!- 炸雞芝士黑咖哩飯 HK$98 🐣🍛超吸睛咖哩飯!!黑蚊蚊咖哩飯真係第一次見，但味道其他同普通啡色咖哩差唔多，芝士添加奶香非常好送飯，炸雞炸皮唔會過厚幾香脆!!

餐廳有好多燈籠豬掛飾，可愛又特色！中午有平價版和牛食，餐包主食、味噌湯、蕨餅及飲品，立即試一試！日本產和牛鐵板（配白飯）（$98）份量足料，雖然不是頂級和牛，入口軟嫩無筋，洋蔥爽甜，吸收了肉汁，但燒醬汁偏甜！蕨餅是滿滿的綠茶粉，非常香濃，內裡晶瑩剔透，煙韌有口感👍🏻❤️日本產豚肉生薑燒鐵板（配白飯）（$78）薑味滲透肉片當中，去除了肉腥味，不太辣，反而甜味更突出，入口啖啖肉，配上香軟珍珠米飯，暖胃飽肚！熱咖啡熱烏龍茶

下午大約三點同朋友去食嘢，去到門口見到有4個員工都企喺樓面中間有講有笑，全部背住門口企，我入到去企左喺收銀機前面十秒先有同事見到，一坐低就見到不遠處有一張6人卡位，有一個廚房員工除左鞋訓左喺度，我明白員工落場需要休息，但喺食客附近，可唔可以著返對鞋，非常影響食慾🤧🤧🤧

地方寬敞，環境清幽，座位舒適的和風食堂。餐廳內有大量舒適的的卡位，還有很多可愛有趣的燒豬燈籠作點綴。沖繩豬軟骨湯麵加煎餃，拉麵軟硬度適中，豬軟骨煮得比較林，湯底味道濃郁，分量剛剛好。餃子是菜肉餡料，拉麵配餃子，是最佳組合。另一碗是炙燒北海道帶子海鮮丼，有三文魚、帶子、燒玉子和三文魚籽。三文魚厚薄適中，帶子略帶鮮甜，整體不錯。餐廳服務員有禮貌，定時加水，如果想跟家人或朋友清靜地聚會，這是一個不錯的選擇。

今既嚟左新城市食呢間炙宴，我地叫左1。炙燒北海道帶子海鮮丼北海道帶子鮮甜彈牙，處理得很好，沒有水汪汪既感覺，炙燒過後令到表面稍為乾身同香口，配埋豉油同wasabi感覺更佳。三文魚都好滑，魚子粒粒都多汁爽口。玉子亦都唔馬虎，很厚很鮮甜。2。宮崎和牛丼和牛十分爽嫩易入口，唔會太生太熟，而且非常入味。牛本身既油脂亦豐富，令到整個飯都充滿牛油既香味。菇亦吸收左牛既味道令到整體十分香口。總括嚟講，食物質素都唔錯，亦感覺到佢非常細緻。

去完泥涌影相出返沙田食個lunch～想食日本嘢，但唔想嚟嚟去去都係食壽司，就揀咗食丼飯。如果大家好似我咁有選擇困難症，可以揀佢嘅雙拼，試晒兩樣。我就揀咗豚肉同牛肉，睇相十分吸引！當日嘅牛比較韌，有啲難咬斷，但燒得好香。豚肉較牛肉薄身，無牛肉咁juicy，但都唔差，味道十足！飯嘅份量對女仔嚟講適中，米飯有口感。配埋醬油同蔥，成個口感好豐富，香得嚟唔會過咸，唔錯～

經過呢間舖頭好多次，今次第一次過黎食，水準的確唔錯！食得幾滿意👍🏻 環境幾舒適，店員服務態度很好。叫左佢地嘅宮崎和牛壽喜燒，個鍋一黎到已經很吸引，上面放左幾片和牛，蔬菜配料十足，配上烏冬，整個壽喜燒味道都好正👏🏻

睇左網路紅人介紹，就趁生日帶小朋友去試試，順便打下卡，整體食物質素不差，和牛味道和口感都符合預期，但份量少得可憐，連小朋友吃一個大丼也不夠飽，小食真的是小食，炸雞一碟衹有三件，炸魚衹有五條，像手指尾大小一般。拉麵口感，味道和湯底都不錯..........價格相對偏高，以這個價格，可以有更多更好選擇，員工服務也不算好，但一家大細氹下小朋友尚算可以，環境都算舒適，但基本上不會再光顧，因性價比太低。

🐮炙・宴🐮🐮#hkbeeflover_和牛🐮#hkbeeflover_沙田每次去都唔洗排隊幾好• • • 🐮🐮評價🐮🐮特選宮崎和牛飯 $179Premium Miyazaki Wagyu Rice Box 牛肉肉質鮮嫩口感豐富唯牛的份量與飯不太相配飯很多如可追加和牛更好醬汁也可多一點加多隻蛋就更好🐮宮崎和牛小知識🐮於宮崎縣內飼育之4種黑毛和種、褐毛和種、無角和種、日本短角種宮崎和牛的飼料主要是飼料和玉米並且給予注重細節的飼養管理如按摩、音樂和清潔等以確保和牛的健康和幸福🐮滿分為5個emoji🐮評分也以性價比作衡量油脂：👅👅👅牛味：🐮🐮🐮🐮• • •🐮男友總評分 🤎🤎🤎🐮女友總評分 🤎🤎🤎🤎🐮炙・宴 (新城市廣場)沙田沙田正街18號新城市廣場三期2樓A215號舖

今晚去咗食個蠟筆小新推介，位於新城市廣場3期2/F 嘅 @aburien_hk , 7pm左右到要排左20分鐘隊先入到 😓😓😓 拎咗ticket, 過對面Muji行咗陣岩岩夠鐘入場 😬😬😬 入到去成個Theme都係小新，包括門面、牆壁、Menu、杯墊、筷子套……. 啱哂一眾小新粉絲打咭～ 部份更可以拎返屋企留念 😃👍👍是次點咗以下食物 ：1.）小新仲夏物語 🧋🧋🧋：Calpis Soda + 椰果粒 😋😋😋2.）小葵草莓物語🍹🍹🍹： Calpis Soda + Strawberry 🍓 😊😊😊3.）小食 ：武士豚肉腸，用沖繩豚肉精制，好味 😋😋😋4.）小食 ：炸沖繩魷魚 🦑🦑🦑 肉質比平時嘅魷魚軟身少少～ ok啦～5.）小新特選和牛飯 🍱🍱🍱 ：d宮崎和牛好得 ，香口又有油脂，今餐之最 ⭐️⭐️⭐️ 6.） 炙燒北海道帶子海Don 🐠🐠🐠 : d 刺身火炙🔥🔥🔥 完有d偏乾，要點wasabi soya先得～ 整體有重拾童心嘅感覺 😂😂😂 蠟筆小新主題至2023年9月底～

之前疫情時候, 外賣有做折, 所以都有買黎試下, 食落味道都唔錯, 今次黎到新城市想食下丼飯, 就諗起呢間, 朋友未食過就同佢一齊食下飯,等了一陣就有卡位座, 都舒服我叫了鰻魚雙拼飯, 鰻魚拼雞扒, 鰻魚都厚身，皮有啲脆, 食落腍，用既係日本米，食落口感煙韌，黏度高，唔錯, 不過雞扒就覺得有啲'鞋", 所以下次只叫鰻魚飯就好了,想食多小小其他, 可以加錢追加小食朋友叫了豚肉飯, 燒到剛好，不會太乾，食落好腍, 配埋醬汁味道很好，唔會覺得咸, 同日本米好夾價錢唔算平, 但而家一般日本丼飯都差不多, 又可以味道好又坐的舒服的餐廳朋友都滿意, 下次會再光顧~食飽飽又可以行下商場和超市, 都很方便

見到有丼飯食，賣相唔錯，價錢唔算平，但想食日本野，一於試下。裝修唔算好高檔，但坐落舒服，叫午市優惠套餐: 豚肉，鰻魚雙拼飯，價錢$138，如果加$12-25可以追加小食。豚肉燒到岩岩好，唔會太乾，幾香口，水準之上，，配埋醬汁味道岩岩好，唔會覺得咸。  鰻魚都算厚身，食落好腍，但無太大驚喜，食落咩鰻魚味，味道一般，有少少失望。飯係用日本米，食落口感煙韌軟糯，黏度高，好好食，飯份量唔算多，但都夠飽！整體性價比一般，如果食午餐嚟講，算貴。