燚火鍋專門店 (Closed)

一向食開平價的打邊爐放題。第一次去九龍城打高質邊爐，十足大鄉里出城。朋友是這裡的熟客。老闆送了：～香煎黑松露墨魚餅。魚餅彈牙美味，作為餐前小吃，立即食慾胃口大開。😀🩷❤️時令海鮮拼盤，賣相非常吸引。龍蝦好食好鮮甜。👍❤️。蠔就只是一般貨。原條象拔蚌刺身，推介之選。炸響鈴，美味。蔬菜新鮮。金牌牛筋丸，質素OK。牛肉只是一般，不算是很高質。象拔蚌，必食推介。…Read More

九龍城一直都係美食既集中地，淨係打邊爐都起碼十幾間，要生存除了要價錢夠抵外，食物質素亦好重要，今日又俾我發現到一間抵食又高質的火鍋專門店。火鍋店的名字好有趣，<燚>，真係三把火都唔夠要整夠四把內裡沒有太花巧的裝修，不過最基本的乾淨和企理是做得足的。打邊爐湯底非常重要，我們選了豆腐雞湯鍋，來到嘅時候真係嚇親，點解有咁多菜，菇同豆腐係入面的個湯底$68炸喎，老闆你唔驚我食飽左唔叫餸？？講返正經，個湯底足料又夠味，真係話係一個上湯咁賣都ok！！打邊爐當然要叫肥牛！！牛肉顏色好靚，雪花好均勻。輕輕一焯好快就熟，入口軟滑，牛味濃郁，而且仲好大份！！老公不太喜歡海鮮，不過我就超喜歡，見到有優惠：5款海鮮只係$98位，雖然要2位起計，但實在太吸引，真系抵到爛，計返埋200蚊都不用就有依盤新鮮海鮮，2人份量有一隻龍蝦，蠔同蟶子同鮑魚各二，仲有4隻鮮蝦，我絕對有信心可以一手包辦。食緊其他野嘅時候我忽然發現隻龍蝦郁吖！！就咁講大家未必信，來來來！有圖有真相！圈埋俾大家睇煮好既龍蝦大大隻好厚肉，龍蝦肉呈雪白色，口感彈牙又非常鮮味新鮮到會郁既唔止龍蝦，仲有鮑魚果下真係有小小因為要親手煮佢來食而產生罪疚感，唯有懷住感恩的心好好把它吃完後真心多謝它們滿足了我的口腹之欲。鮑魚煮好後依然大大隻，口感稔滑得來有口感，好好食蠔亦都好大隻，蠔味逼人，食完真係成個口都係蠔味，果然新鮮既海鮮只要焯熟不過火就不加調味都會好好食拼盤內仲有鮮蝦同蟶子，同樣都新鮮好好味。鮮蝦彈牙，蟶子鮮甜，好正之外真係唔識再形容最後我們亦點了手打豬肉丸，另外仲可以加10蚊轉做芝士心。肉丸內的芝士香濃，豬肉香而不羶，質素好高真係特別要提一下，8粒咁大粒既芝心豬肉丸都只係58蚊！！超值吖另外叫左枝大支裝烏龍茶$28,所以連加一服務費後$552.2結賬，雖然只係叫咗幾樣火鍋料，但每碟份量好大而且質素超高，下次一定要帶屋企人再來…Read More

早兩日有個朋友介紹左我地一間新鮮又抵食既火鍋店，朋友食過翻尋味，強烈推介我地要試下呢間火鍋店。九龍城一向比人印象都係食泰國野比較多，呢間火鍋店就正正開左係全條街90%都食泰國野既南角道，真係萬綠叢中一點紅。鋪面一塊落地玻璃，望入去就見到有位刺身師傅係到處理緊新鮮既海鮮食材。入到去門面乾淨企理，坐位間隔寬敞，一入坐服務生就即刻介紹店鋪推介「時令海鮮拼盤」$98一位，內有5款時令海鮮，而我地今日既時令海鮮包括有，龍蝦、鮑魚、大海蝦、貴妃蚌、生蠔。好，睇左主菜食咩之後，就揀鍋底了，服務員推介左我地試個粥底火鍋「四把火柱皇鍋」$68。簡簡單單既鍋底最能帶動到海鮮同所有配料既最原始最真實既味道！呢個粥底配以瑤柱、少許雜菜、大白蔥吊味，可以大大增加海鮮既鮮甜味度。亦可以作為最後既精華總結，所有海鮮煲出泥既粥底，隔住張相都能令我夠口味無窮！火鍋配料：手打墨魚丸$78爽滑彈牙原來仲可以加10蚊轉芝士，黑白松露及麥提沙，但係我地食完後先發現，實在可惜，想試芝士既呢。麥提沙呢個新口味又唔知會係點呢🤣自家制雲吞$58大大隻鮮蝦係入面，皮薄，食落去爽口彈牙。山根$32稻庭烏冬$38面條偏幼，不是雪藏急凍那種，係乾面條煮開既冷稻庭面種。只需要係鍋拖一拖就食得入口軟滑彈牙。炸午餐肉$42熱辣辣，脆卜卜海鮮好新鮮，黎到時鮑魚、海蝦同龍蝦都仲郁緊。食落唔洗問，緊係超鮮甜。龍蝦多糕又多肉鮮甜新鮮鮑魚、貴妃蚌、海蝦都非常鮮甜，生豪大大隻，新鮮冇鯹味。全部使用新鮮食材，絕不馬虎！飲品：自家制菊花茶$28淡淡既菊花香甜味，大大咁減低左打邊爐既熱氣，同埋中和返油膩感。食完海鮮同火鍋配料後，急不及待要試吓個粥底，真係甜到呢，我自己食左4碗，老婆大人都食左3碗。埋單價錢$620 ，非常抵食…Read More

天氣開始涼，最好齊齊打邊爐，暖下身...九龍城確實係一個美食集中地，今次呢間火鍋店真係令人讚不絕口!火鍋湯底有20多個，而今次選擇左椰子雞鍋，非常足料，雞隻採用新鮮雞，肉質鮮嫩滑溜。水滾起來，椰香味撲鼻。海鮮拼盤$98，有足五款海鮮：龍蝦、鮑魚、蠔、蟶子、蝦，望埋去已經流晒口水，鮑魚同龍蝦上檯時仲係好生猛，彈下彈下，真係從未試過咁新鮮嘅海鮮火鍋，又大又抵食，無得彈頂級手切牛肉味十足，油脂分佈平均，口感嫩滑，老闆教落最好唔好灼得太熟，否則會影響肉質。墨魚滑可以自由選擇加黑松露或白松露，今次揀左白松露，mix埋一齊味道好香，爽口Q彈。手打五寶丸，客人選擇加$10可以有芝士/麥提莎/黑松露/白松露饀料，今次揀左黑松露同麥提莎，松露味突出，而麥提莎味道新穎，老闆仲會特別教客人灼2分鐘左右，效果係最好，墨魚丸剛剛熟，麥提莎依然脆口，但有流心效果。雲吞必食之選，蝦肉粒粒新鮮爽口，真係好味至極。所有食物都好新鮮，絕對一讚…Read More