Thaiology (Causeway Bay Plaza 2) (Closed)

朋友生日，揀左食泰國菜，睇食評都唔錯，㨂左食呢間泰國菜🤡 位置係銅鑼灣廣場二期，地點都好就腳，應該同同一層另外兩間食肆係同一個集團，個reception同落單code都係共用😛▫️坐低就叫咗個二人餐✨（$508）✨明爐冬陰功海鮮湯（+$12）個湯係有啲驚喜地好飲，夠濃味，辣得嚟又唔搶，有青口、魷魚仔、鮮蝦等材料，兩個人每人都添咗三大碗，份量好足👍▫️少少敗筆嘅係…上咗湯冇耐，其他嘢食三兩下手勢全部出晒😆但我哋坐緊張二人枱（四人枱變二人嗰啲），張枱唔夠擺，侍應係咁過嚟想幫我哋收走啲嘢.. 連水杯都收埋，然後係咁想將我哋食咗一半嘅嘢倒埋一碟😢其實唔夠位擺都未係重點，而係兩個人邊食得切，所以食左一陣就開始凍晒🥲▫️✨沙嗲串燒四串可以揀牛豬雞唔同嘅組合，我哋就揀咗兩串豬兩串牛，口感頗乾，0 juicy，食完豬食牛嘅時候，串牛已經凍咗..▫️✨泰式炒雜菜呢個頗足料好大碟，有椰菜、翠玉瓜、蘆筍等，幾好味 。不過都係凍咗，我哋感覺佢上枱嘅時候都唔係好熱▫️✨泰式鮮蝦炒金邊粉（+$48）睇張相可以見到，喺未飲完湯同未食串燒前，個金邊粉已經到咗😆所以我哋食咗一串串燒再食粉時，個粉已經變咗一餅嘢🥹鮮蝦都算彈牙，其他嘢就冇乜特別..▫️✨海南雞半隻賣相唔錯，但係食落去完全唔好食.. 無雞味，怪怪地，又好鞋… 最後都係食咗兩嚿停左手😢▫️跟餐包兩杯$30嘢飲（普通茶啡），加錢亦都可以轉青檸梳打或者其他特飲👍嘢飲就正正常常不過不失啦🤡▫️兩個人埋單六百幾蚊，不過就唔係食得好滿足…始終星期五夜晚旺場，對餐廳嚟講係好事👍不過如果坐二人枱，或者可以考慮唔好一次過上晒幾個菜，放到逼一逼，唔使係咁叫客人將啲餸放埋同一碟俾佢可以收走隻碟🙃感覺上好似不斷比人催住食咁，我哋都想可以逐樣享受吓，一路食一路傾吓偈🥲🥺整體上我諗最好都係一開頭個湯👍…Read More

————————————————————————泰地址：銅鑼灣駱克道463-483號銅鑼灣廣場2期6樓這家泰餐廳提供美味的泰國料理，推薦他們的明爐冬陰功海鮮湯、青木瓜沙律、泰式沙爹串燒、原條青檸明爐烏頭魚和泰式鮮蝦炒金邊粉。湯品濃郁，菜品口感豐富，味道正宗。特別推薦他們的榴蓮麻糬甜品，麻糬外皮Q彈，內部充滿了濃郁的榴蓮果肉，每一口都令人陶醉。🟠推薦食物 Recommended 🔹明爐冬陰功海鮮湯（+$12）：湯的賣相美觀，濃郁的湯底中融合了海鮮的鮮味，微辣的口感令人舒適，是一道經典的泰國湯品。湯中的海鮮份量十足🥣🔸青木瓜沙律：沙律帶有清新的口感，青木瓜爽脆，搭配醬汁的酸甜味道非常開胃🥗🔹泰式沙爹串燒4串：有雞豬牛選擇，沙爹串燒烤得剛剛好，肉質鮮嫩多汁，外層炭燒的香氣不錯，調味料讓每一口都充滿了泰國風味🍢🌶️🔸原條青檸明爐烏頭魚（+$38）：這道烏頭魚經過明爐燒烤後，魚肉保持了鮮嫩的質感，表面呈現微微的焦香。搭配青檸的酸味，給予了魚肉更豐富的層次感，非常美味🐟🔥🔹泰式鮮蝦炒金邊粉（+$48）：炒得香氣四溢，鮮蝦的鮮甜和金邊粉的彈牙口感完美結合🍤🍜🔸榴蓮麻糬：絕對不能錯過，麻糬外層Q彈，內部填滿了濃郁的榴蓮果肉，每一口都充滿了榴蓮的濃郁香甜🟡不推薦食物 Not Recommended 🔹無 No🟠員工 Waiters有效率 熱心🟡環境 Environment 充滿泰式風情🟠總評分 Overall (7.5/10）💰$500/person#ezukokofood #ezukokomongkok #ezukoko旺角#ezukokocausewaybay #ezukoko銅鑼灣#ezukokothai #ezukoko泰式#foodiehk #foodie #hkfood #美食 #食好西 #隱世美食 #銅鑼灣餐廳 #西泰fusion…Read More

泰國是另一個家鄉，這晚我來 Thaiology 解思鄉情懷，因為$468的二人套餐很豐富，正好迎合非常肚餓的同伴，我們亦追加了吃得更盡興。上菜很快，一下子來齊了，員工靈活，拿走玻璃隔板，二人用了四人桌枱面，才夠位上菜。青木瓜沙律爽口微酸，份量不少，作為前菜先填胃適當。明爐冬陰功海鮮湯 +$12最重要是明爐上，海鮮湯必須熱騰，大蝦有兩隻，小海鮮若干。泰式沙嗲四串（雞、豬）燒至微焦，大大肉粒，肉滑不嚡，口感粒粒的沙嗲如想像中。 海南雞賣相對板，皮爽肉滑，雞胸肉不嚡，配三款醬包括薑蓉、辣醬及黑油，水準不俗，值得找天午餐來吃個飯。泰式炒雜菜四色雜菜，炒得爽脆剛好。泰式鮮蝦炒金邊粉 +$28味道均衡豐富，乾濕度剛好。榴槤麻糬 +$28今晚的亮點，麻糬非常軟熟，榴槤味香，口感軟棉，好吃至停不了口，一客4粒我吃了3粒，哈哈！檸檬茶新鮮椰青 +$34位於銅鑼灣廣場二期，地點方便，環境算是寬敞，性價比合理。    …Read More