359
31
27
Level3
30
0
2023-11-18 109 views
朋友生日,揀左食泰國菜,睇食評都唔錯,㨂左食呢間泰國菜🤡 位置係銅鑼灣廣場二期,地點都好就腳,應該同同一層另外兩間食肆係同一個集團,個reception同落單code都係共用😛▫️坐低就叫咗個二人餐✨($508)✨明爐冬陰功海鮮湯(+$12)個湯係有啲驚喜地好飲,夠濃味,辣得嚟又唔搶,有青口、魷魚仔、鮮蝦等材料,兩個人每人都添咗三大碗,份量好足👍▫️少少敗筆嘅係…上咗湯冇耐,其他嘢食三兩下手勢全部出晒😆但我哋坐緊張二人枱(四人枱變二人嗰啲),張枱唔夠擺,侍應係咁過嚟想幫我哋收走啲嘢.. 連水杯都收埋,然後係咁想將我哋食咗一半嘅嘢倒埋一碟😢其實唔夠位擺都未係重點,而係兩個人邊食得切,所以食左一陣就開始凍晒🥲▫️✨沙嗲串燒四串可以揀牛豬雞唔同嘅組合,我哋就揀咗兩串豬兩串牛,口感頗乾,0 juicy,食完豬食牛嘅時候,串牛已經凍咗..▫️✨泰式炒雜菜呢個頗足料好大碟,有椰菜、翠玉瓜、蘆筍等,幾好味 。不過都係凍咗,我哋感覺佢上枱嘅時候都唔係好熱▫️✨泰式鮮蝦炒金邊粉(+$48)睇張相可以見到,喺未飲完湯同未食串燒前,個金邊粉已經到咗😆所以我哋食咗一串串燒再食粉時,個粉已經變咗一餅嘢🥹鮮蝦都算彈牙,其他
Read full review
朋友生日,揀左食泰國菜,睇食評都唔錯,㨂左食呢間泰國菜🤡 位置係銅鑼灣廣場二期,地點都好就腳,應該同同一層另外兩間食肆係同一個集團,個reception同落單code都係共用😛
▫️
坐低就叫咗個二人餐✨($508)

明爐冬陰功海鮮湯
4 views
0 likes
0 comments

✨明爐冬陰功海鮮湯(+$12)
個湯係有啲驚喜地好飲,夠濃味,辣得嚟又唔搶,有青口、魷魚仔、鮮蝦等材料,兩個人每人都添咗三大碗,份量好足👍
▫️
少少敗筆嘅係…上咗湯冇耐,其他嘢食三兩下手勢全部出晒😆但我哋坐緊張二人枱(四人枱變二人嗰啲),張枱唔夠擺,侍應係咁過嚟想幫我哋收走啲嘢.. 連水杯都收埋,然後係咁想將我哋食咗一半嘅嘢倒埋一碟😢其實唔夠位擺都未係重點,而係兩個人邊食得切,所以食左一陣就開始凍晒🥲
▫️
沙嗲串燒
3 views
0 likes
0 comments

✨沙嗲串燒四串
可以揀牛豬雞唔同嘅組合,我哋就揀咗兩串豬兩串牛,口感頗乾,0 juicy,食完豬食牛嘅時候,串牛已經凍咗..
▫️
泰式炒雜菜
4 views
0 likes
0 comments

✨泰式炒雜菜
呢個頗足料好大碟,有椰菜、翠玉瓜、蘆筍等,幾好味 。不過都係凍咗,我哋感覺佢上枱嘅時候都唔係好熱
▫️
泰國鮮蝦炒金邊粉
3 views
0 likes
0 comments

✨泰式鮮蝦炒金邊粉(+$48)
睇張相可以見到,喺未飲完湯同未食串燒前,個金邊粉已經到咗😆所以我哋食咗一串串燒再食粉時,個粉已經變咗一餅嘢🥹
鮮蝦都算彈牙,其他嘢就冇乜特別..
▫️
海南雞半隻
3 views
0 likes
0 comments

✨海南雞半隻
賣相唔錯,但係食落去完全唔好食.. 無雞味,怪怪地,又好鞋… 最後都係食咗兩嚿停左手😢
▫️
跟餐包兩杯$30嘢飲(普通茶啡),加錢亦都可以轉青檸梳打或者其他特飲👍嘢飲就正正常常不過不失啦🤡
▫️
兩個人埋單六百幾蚊,不過就唔係食得好滿足…始終星期五夜晚旺場,對餐廳嚟講係好事👍不過如果坐二人枱,或者可以考慮唔好一次過上晒幾個菜,放到逼一逼,唔使係咁叫客人將啲餸放埋同一碟俾佢可以收走隻碟🙃感覺上好似不斷比人催住食咁,我哋都想可以逐樣享受吓,一路食一路傾吓偈🥲
🥺
整體上我諗最好都係一開頭個湯👍

(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Dining Method
Dine In
Spending Per Head
$330
Celebration
Birthday
Recommended Dishes
明爐冬陰功海鮮湯
泰式炒雜菜