L'attitude (Closed)

本人首次寫食評，恰好揀了間值得寫的餐廳，因為真心覺得好味！同女朋友黎自細長大既地方-西環用饍。西環近幾年有新樓落成，亦帶動了附近新式店舖進駐。今次我地黎Latitude用饍-餐廳裝修清新，用了公仔圖案、綿花糖燈飾，樓底亦很高。這種裝修以前座落西環既餐廳很少見，感覺舒適的。我叫了“明太子炸軟殼蟹忌廉汁意大利麵”，麵底呈粉色，賣相吸引。炸蟹size適中，整碟份量滿意。最滿意係汁，食落有少少辣味刺激食欲，好好味。另外有特色飲品，配合現場環境適合影相打卡用。下次有機會我會再諗依間餐廳，亦推介朋友黎。…Read More

《夢幻熱氣球》$52依款甜品一出餐簡直吸睛力爆登，全場望住，見到隔離枱點左，小編少女心大爆發，唔理窮到破產都要跟住點一個試試。🤤呢款甜品上面係一個巨大綿花糖，糖身雖然係粉色，但味道係普通綿花糖味，但勝在有D甜甜酸酸既小莓粒係上面，滯度大減，建議一啖綿花糖+雪糕一齊食🤤底下個雪糕濃朱古力味又滑，正——《8安士美國特級肉眼排》$198牛排點左三成熟，識食一定食三成熟，最食到牛既鮮味，🤤牛排煎得岩岩好，表面輕脆，切開睇剛剛三成左右，粉粉無over cook，牛排質素唔差，肉質唔鞋口但又未去到入口即溶feel，都ok百幾蚊可以一戰～——《明太子炸軟殼蟹忌廉汁意大利麵 》$138佢個忌廉汁係激多明太子係入面🤤忌廉味都幾重，Creamy既，幾掛汁。隻軟殻蟹就較為失色，炸得唔脆，調味亦不太足夠，略淡，份量唔算多，一個人都未必飽肚。—野飲就係好似檸檬汁，顏色靚靚但冇咩驚喜，飲落好普通，檸檬梳打味，細細杯咁，得個睇字。—節日同愛人黎依間高級餐廳就要岩，西餐黎講唔算超貴，棉花糖同飲品真係好夢幻好靚，最岩情人節同寶寶去。…Read More

好多舊雲既餐廳☁️ 四處都有公仔好有童真😆而且野食都好好味😋😋▫香煎帶子羽衣甘藍意大利麵 (HKD 138)🍝煎到半熟嘅帶子好鮮甜✨配羽衣甘藍一齊食好香口呀😻鐘意佢健康得黎又辣辣地好惹味🤤⠀▫ 明太子炸軟殼蟹忌廉汁意大利麵 (HKD 138)🍝鬆脆嘅軟殼蟹🦀 撈埋脆卜卜嘅明太子同紫菜 口感豐富😋⠀▫ 曲奇忌廉奶昔 (HKD 46)🍪🥤上面個棉花糖好得意呀☁️岩哂相機食先 📸 棉花糖慢慢溶落曲奇忌廉奶昔一齊飲 甜甜地🍭⠀▫Truffle Fries (HKD 78)🍟薯條唔算香脆 不過佢配左3款醬都不錯 最愛當然係黑松露醬🍄⠀▫️環境⠀▫️menu⠀…Read More

又黎到西環發掘美食朋友仔帶我黎到L’attitude兩個人食到超級飽 原因係叫得太多🤪叫左一個明太子炸軟殼蟹忌廉汁意大利麵 ($138)炸軟殼熱辣辣 明太子配上忌廉汁味道啱啱好 推薦的😛之後叫咗個小食拼盤 ($88)有薯條，雞翼，軟殼蟹 全部都脆卜卜再黎一個串燒拼盤 ($108) 串燒很巨型下當然牛柳串 肉汁豐富好juicy😽當然點少得我杯特色飲品 曲奇忌廉奶昔 ($46)有個棉花糖蓋住杯野飲 成日奶昔都好creamy☁️________________________裝修環境：✨✨✨✨✨服務態度：✨✨✨✨✨食物質素：✨✨✨✨(5個✨為滿分)________________________唔信我嘅可以自己去試試😂…Read More

之前見朋友打卡見倒d 甜品好靚環境好靚，公仔又可愛今次決定捉男朋友陪我黎食 L 'attitude～一入門口就見倒有好大隻熊仔喇好可愛～Menu 選擇好多，甜品選擇仲多～小食拼盤薯條、雞翼、軟殼蟹仲有茄汁、牛油果醬同沙律醬薯條熱辣辣～雞翼夠滋味軟殼蟹都炸得好正，推介～明太子炸軟殼蟹忌廉汁意大利麵依個好好味啊～～意大利粉好彈牙～ 好入味，忌廉汁同明太子好香濃～軟鼓蟹炸得好香脆～厚肉卡邦尼溫泉蛋扁意粉（經典版）有得揀夢幻版～不過隻色唔係太接受到哈哈配料好足啊～好多煙肉～混埋溫泉蛋黎食～～ 滿足Hot Air Ballon (Swirl)依度d 甜品咁靚咁適合打卡，冇理由唔叫嘅～不過選擇好多，揀左好耐，決定揀有棉花糖嘅～雪糕係朱古力溝牛奶，好滑好Creamy，朱古力味好濃郁～食完影完相勁滿足 店員仲好細心咁俾埋濕紙巾你放心用手撕棉花糖黎食啦～入夜開左燈，環境特別寧靜，個感覺好舒服，好適合黎傾計有好多公仔俾你攬住影相打卡一流啊～～食完晚飯之後，視覺味覺都滿足左連心情都好埋 …Read More

網上見過呢個餐廳既甜品，覺得好靚，所以今日經過堅尼地城，順便就入去試試啦:)未食甜品前，我地就叫左2樣正餐，份量不是太多，覺得小貴呢～明太子炸軟殼蟹忌廉汁意大利麵 $138 忌廉汁十分creamy，而且明太子很爽口，兩者十分配合～原隻軟殼蟹香脆，仲有大量紫菜作伴碟，頓時胃口大增～ 2個人好快就清晒一碟～ 加勒比海薄餅 $138 薄餅上有蜆肉、菠蘿和檸檬，味道較為清新開胃。因為薄餅質地比較薄脆，所以一人食3件都唔會覺得好濟~食完正餐，甜品終於黎喇～～小雞棉花糖雪糕 $58 太可愛了吧，實在唔太忍心食❤️❤️❤️棉花糖係芒果味，牛奶雪糕香濃幼滑，仲有啲爆炸糖以增加口感👍🏻除左小雞造型，仲有熊貓/烏雲等圖案，一樣咁可愛😝櫻花樹下 $88 一見到呢個甜品，就不其然哼住''還記得櫻花正開 還未懂跟你示愛''❤️～ .同上個甜品一樣係棉花糖雪糕，但就多左心太軟同水果❤️ 我覺得呢個棉花糖同雪糕好似溶得快啲，不得不讚就係個心太軟非常流心，朱古力味夠重😋 成間餐廳既佈置都好可愛，岩晒影相呀～ 餐牌 …Read More

上次同老婆去堅尼地城探佢姊妹嘅小BB時經過L'attitude時, 老婆已經心心眼好想去試。今日趁大家都放早就直接約係堅尼地城呢間L'attitude等, 因為L'attitude好近地鐵站, 由B出口直行到卑路乍街轉左就搵到, 所以今次唔駛專登約係地鐵站接老婆。😆L'attitude裝修好有童話世界嘅感覺, 店內擺滿可愛嘅公仔, 而且天花更有雲彩燈飾, 一入到店老婆已經忍唔住要我幫佢周圍去影相。😁Menu上除左有呢度出名的雪糕同其他甜品外, 主食選擇都好多而且款式都好吸引, 我地揀左明太子炸軟殼蟹忌廉汁意大利麵同蟹膏帶子海膽拌飯。蟹膏帶子海膽拌飯賣相已經非常吸引, 蟹膏份量好多, 拌上調味似壽司嘅飯, 蟹膏味道濃厚而且飯微酸, 味道好配。因為老婆唔食海膽, 所以帶子俾佢食哂, 我獨享的海膽好大件, 非常鮮甜。😋明太子炸軟殼蟹忌廉汁意大利麵唔會太膩同太咸, 明太子混上忌廉汁味道濃郁, 意大利麵口感爽滑, 掛上忌廉汁非常惹味。炸軟殼蟹好香脆, 同老婆一人一半唔多夠喉。😙曲奇忌廉奶昔上枱時好驚喜, 估唔到奶昔上的綿花糖咁大舊, 從上面睇係完全睇唔到奶昔。😂呢個綿花糖老婆超級喜歡, 又香又甜。奶昔好滑, 唔算太甜, 曲奇味濃, 頂層仲有雪糕。今日嘅主角熊貓軟雪糕應該冇女士會唔鍾意, 賣相極可愛, 老婆影左好耐先批准食佢。朱古力軟雪糕好軟滑, 朱古力味好濃厚配上曲奇碎, 口感嘅軟滑又有爽脆口感。$50呢個價錢超值。👍老婆勁鍾意呢間店, 離開時走到地鐵站已經問我下次幾時會再黎食。😂…Read More

是晚等大佬收工，在他上堂前和他吃個便飯。之前跟他提過L'attitude的雪糕又靚又好食，所以帶他來試一試。這個是新出的，又有芒果醬，所以點了一個給大佬。內裡的裝修很韓國FEEL。好可愛的白雲燈罩。好多公仔好了！入正題講返野食先*明太子炸軟殼蟹忌廉汁意大利麵($138)每一條意粉都沾上了忌廉汁和蟹子；口感CREAMY，味道又不會太咸；炸軟殼蟹很脆，但細隻了一點。*德州燒烤牛肉漢堡($128)漢堡包上塗了牛油和烘得脆脆的；薯條剛炸起，很熱很脆口；少有地中間夾了炸洋蔥圈；漢堡牛很有黑椒和牛味；燒炸醬甜甜的，又帶點酸，很開胃。*熊貓軟雪糕(牛奶$46)是小時候最愛吃的棉花糖；耳仔、黑和嘴都是朱古力片；點了牛奶雪糕，質感CREAMY重奶味；中間有OREO碎作TOPPINGS*Puyooma軟雪糕(扭紋$60)大佬點的…Read More

自熊大推出以嚟，已成功俘虜左好多fans。特別是香港開設的旗艦店，經常人山人海，因為可以同大大隻熊大公仔合照。而最近在面書經常見到朋友打咭一間餐廳，裡面有疑似熊大的巨型公仔，又有得意甜品，當然要去睇下。餐廳位於堅尼地城，好近地鐵站。一入門口已經見到好大隻公仔。似熊又似兔，但因有幾分似熊大，我就叫它偽熊大。餐廳的無論牆壁上，坐位上都有偽熊大的公仔，喜歡影相的朋友應該會影過不停。餐牌上都有不同種類的選擇，飯，意粉，漢堡，甜品等等。特別是甜品的餐牌上都見到造型有趣的甜品。明太子炸軟殼蟹忌廉汁意大利麵 $138明太子加上忌廉汁的份量適中，味道香而不膩。意大利麵滑口彈牙，炸軟殼蟹香脆。最喜歡是有大量紫菜絲，又香又脆，配合意大利麵一齊食，更加開胃。溫泉蛋三文魚籽松露漢堡 $128整個漢堡非常豐富，最上面有溫泉蛋，黑松露和三文魚籽，中間又有牛肉，蛋，蕃茄，和沙律菜，咁大個漢堡真係一口都食唔晒。溫泉蛋口感嫩滑，配搭松露和三文魚籽的漢堡好有新鮮感。牛肉厚身，口感實在。曲奇忌廉奶昔 $46杯上有好大個棉花糖，令到造型感覺特別。吃過棉花糖後，下層是曲奇忌廉奶昔。口感香滑，又有曲奇的咬口。Puyooma 軟雪糕 (特濃牛奶) $58同樣係棉花糖，但加上朱古力的眼和口，有少少比卡超既feel，非常可愛。裡面的軟雪糕選了特濃牛奶味，奶味香濃又順滑。餐廳除了有偽熊大做賣點，又有得意的甜品和舒適既的環境，絕定適合打咭一族。…Read More

今天在堅尼地城做完野見到這間＂L'attitude "似曾相識好似尖沙嘴都有一間，但這間比較寬敞，而且食物種類繁多連生蠔，湯鍋，牛排，羊架…都有😉我們到達時剛過了六點少少，但侍應也給我們點下午茶餐，而且招呼殷勤，食物美味，希望一直能保持水準😎滋味小吃拼盤（炸軟殼蟹，雞翼) - 軟殼蟹足足有兩隻，大隻又多膏配上酸酸的沙律醬美味可口👍🏻雞翼是濃濃的BBQ sauce，味道較濃鹹咗少少😆明太子炸軟殼蟹忌廉汁意大利麵 - 意粉相當出色意粉軟硬適中口感極佳，賣相吸引，明太子醬汁很惹味，細小的蟹籽在口中增添複雜層次😋溫泉蛋三文魚籽松露漢堡 - 除了面上有隻溫泉蛋𥚃面還有一隻煎蛋真的份量十足，麵包十分鬆軟，松露很夾漢堡扒，漢堡扒很香很Juicy三魚籽鮮味跟餐飲品(藍柑檸檬特飲) - 微微的酸甜夠清新是夏日消暑解渴飲品抺茶提拉米蘇 - 最後當然要叫他們的甜點雲糕啦，淡淡的抹茶味配上紅豆蓉不太甜，雲糕滑溜融得很快，要快快吃掉喔😆😆…Read More

餐廳裝潢很特別，使人感覺好像去了韓國。店內有很多可愛的公仔，又有如雲似的燈飾，所以甫進餐廳已很開心。無論店長或其他侍應都非常有禮貌和很好笑容，讓客人在整個進餐過程也很舒服，有賓至如歸的喜悅。海膽蟹肉牛油梨芒果他他 當侍應端這食物上桌時，我們已被它的精美賣相吸引了，因為賣相可以媲美酒店的菜式。大大片的海膽和蟹肉都很新鮮，牛油果成熟程度剛剛好，而且很香滑；再加上黑松露和芒果粒味道酸酸的，是一道很清新很開胃的前菜。蟹膏帶子海膽伴飯賣相很特別，非常多的蟹膏把整個碗飯也鋪滿了。吃飯時每一口都有鮮味的蟹膏，而且海膽也非常大件。蟹膏、海膽和帶子都很新鮮，帶子很鮮甜而且煎得很香和火候剛剛好，所以不會覺得靱，還有脆口的魚子，令整碗飯的口感有很多的層次。這個伴飯非常足料，只售$168真的很超值。明太子炸軟殼蟹忌廉汁意大利麵 意大利麵煮得剛剛好，軟硬適中，份量很多。明太子意大利麵一向是我喜愛的配搭，但這次有很多明太子，所以每一口意大利麵都可以吃到明太子。忌廉汁很香滑很好味，還有脆脆的海苔，再加上很大隻又新鮮和炸得很香脆的軟殼蟹，這道菜值得一試。芝心小草莓 雪糕牛奶味很香濃又很滑，而且不會太甜，很適合不太嗜甜的朋友。店長說是用韓國配方，所以質地比較挺身，有別於一般很稀的軟雪糕。和雪糕中間的餅乾碎一起吃，軟滑中又帶點香脆，再加上雪糕上面烘乾的士多啤梨碎，吃時很有層次感。可惜今天棉花糖機壞了，未能嚐到這裡出名的棉花糖甜品，下次再來必定要試試。…Read More

開了Account好耐，耐到唔記得了，因為工作太忙，難得有機會同家人第一次黎到呢間小店試食，當然唔客氣豪食一下啦。一入到黎，見到有大大個公仔企左係店入面，係必影的景點之一。因為太多人了,所以當日冇機會影到。入面好多張椅上都會放有毛公仔，鍾意公仔的女性一定好開心。店員仲會有趣咁講話D公仔會不定期咁自己走黎走去嫁。每張枱上都有燭光，非常有情調。首先黎的係店員推介的兩款新鮮生蠔。店員好細心咁介紹兩款生蠔的特色，咁當然我係唔會記得係咩名啦一放上枱新鮮的賣相同打燈效果已經吸引左我。兩款蠔入口的味道同咬口都的確不同。淡淡的海水味，爽脆的蠔邊加上飽滿的蠔身，食完會好想問自己做咩唔叫六件慢慢食。之後呢個海膽蟹肉牛油梨芒果他他完全攻破左我，可以講係係非常香滑濃郁。 香滑的牛油梨加上濃郁的大大塊新鮮海膽，中間的蟹肉再加添了食材間的口感和海洋的味道，最後中間細細粒的芒果肉為整碟菜色加添了果香，令人更想食完再食。呢個蟹肉帶子海膽拌飯又係另一充道完全係愛上了的菜色。可以講係愛蟹的人必食之選。香濃的蟹膏份量非常多，再加上新鮮的海膽同脆口的魚子，放係熱熱的珍珠米上，米飯的熱度令到蟹膏的香味進一步昇華。當香氣飄入去大腦的時候，原來手已經情不自禁咁去拎黎食啦。而家諗起都係咁流口水了。薄餅都係水準之作，張放係上面檸檬再滴落去薄餅到，即刻令到整個菜色更開胃。明太子炸軟殼蟹忌廉汁意大利麵。新鮮炸的軟殼蟹再加上煮得岩岩保留了麵心的意大利麵，成為了今餐美好的結尾。知道餐廳有出名的甜品，但真係食得好飽好滿足，就留返下次再黎食啦。另外真係值得一讚的係店內氣氛非常好，店員會主動介紹菜色，有時仲會同你傾幾句，好開心嫁。…Read More

記得3個月前左右食過L attitude係尖沙咀店既甜品，一直都覺得呢間野味道唔錯。點知道佢竟然係我屋企樓下開左分店，當然要去Encore下啦。同尖沙咀食個時唔同，食物款式多左好多，比左佢！呀媽好鍾意呢度好多公仔，影左勁多相又真係幾得意既先黎左兩款生蠔，同呀哥一人兩隻。兩款生蠔食落都好新鮮，雖然金屬味唔重，但係鮮味十足。媽媽唔鍾意食蠔，所以點左呢款海膽蟹肉牛油梨芒果他他比媽媽。大大片既加拿大海膽，配以香氣十足的牛油果已經好好味架啦，加埋少少黑松露的味道，味道更強烈。雖然係咁，但係細嘗之下重食到蟹肉的味道，唔錯。Pizza係我同哥哥之愛的食物之一。超薄的餅底十足之脆口，上面有好多海鮮料，我再將表面的Lemon汁加入pizza上面，令到食起上黎有少少似taco。Pizza材料好足，而且餅底夠薄，可以一整口品嘗唔同的味道。味道係好食的，推介大大隻的軟殼蟹，係咪好吸引呢？炸得好香脆，入面有好多蟹肉的肉汁，唔錯~意粉加左明太子，所以味道比較濃，愛食明太子的人必試~家下好多地方興食蟹蓋甲羅燒，估唔到呢度都有蟹膏飯食！正~海膽丶煎帶子同埋蟹膏加埋一齊，真係每一口都咁鮮味呀！蟹膂拌飯簡直就係豪華盛宴。黎到必食的雪糕，入口超滑身，好香的味道。連媽媽都忍唔住食左一大杯，好味…Read More

難得星期日出港島為左睇祖祖演唱會, 就周圍去搵下有咩好食~ 今次就黎到西環~ 原本係打算食完可以去行下影下相, 但天氣不似預期就算了~依間CAFE我記得係TST都有一間, 而依間個位置都非常唔錯, 係MTR B出口一出, 行3分鐘就到~ 幾好幾好~間餐廳既outlook就好似韓國個d cafe咁, 佢本身自己有一個主題公仔~ 入到cafe仲有一個超大超大既公仔係到tim~ 鐘意可愛公司既你一定會放唔少時間去影下相~今次就叫左3樣野食~首先第一樣係salad~ 女仔既~真係一定要食下菜先可以幫助減肥既~依個Caesar Salad 同平時有d唔同, 平時個d材料通常都係得一粒粒脆既煙伕粒, 但你可以見到佢有好大條Parma Ham 同埋好大塊 Smoked Salmon~ 如果比起出面, 依個salad $88真係好抵食, 再加上佢唔係一粒粒麵包粒, 起初見到以後係一條好乾既麵包條, 但食落佢係外脆內軟, 真係有d驚喜~沙律醬方面都岩岩好~唔會太多都唔會太咸~ 開胃就岩岩好喇~之後就黎左個意粉先~依個明太子炸軟殼蟹忌廉汁意大利麵, 真係好好味, 首先講左佢個汁先, 佢既汁係被明太子粒滿滿呾包圍住, 同埋佢cream得黎岩岩好, 不太稀都不太"傑", 味道亦都岩岩好, 唔會太咸同太濃~ 一大隻軟殼蟹亦都炸得岩岩好~ 平時食開既cream 意粉通常都係比較"漏" 同埋好full, 但正正因為佢個汁調得岩岩好~ 所以食完都仲有位可以食埋個burger~平昤出街, 好少會見到有burger係配藍芝士, 今次見佢咁特別就試下啦~好老實, 個芝士真係真係真係有d臭, 但正正都因為佢係臭既blue cheese~ 真係別有一留風味, 鐘意食cheese既朕, 就緊係一食就愛上啦~佢既牛肉有小小似係手打個d質地, 食落唔係好實, 咁當然牛味已經俾blue cheese搶晒啦~ 重點要講下佢個包~ 最鐘意既就係加左牛油焗既包, 佢個邊焗到有小小脆脆地, 同埋牛油味好香~成個burger既配搭都做得岩岩好~食食下途中其實都叫左野飲既~ 見到佢依到主打係所有野飲上面都加個棉花糖, 咁點都要試下既~再老實說, 個賣相真係幾好~ 但我見到佢既時候真係有小小唔知應該要點入手去飲佢, 所以waiter都有suggest我1. 拎起棉花糖食左佢先飲2. 等棉花糖溶左先飲而依d咁辛苦既工作就緊係留返俾d男人做啦~ 當佢食晒個棉花糖之後, 杯朱古力既味道都幾好, 佢唔係一味得個甜字~ 都唔會飲完係好口渴個d~其實佢一開始黎既時候, 睇到佢個底係分左一屠屠咁架~總結係: 依間cafe佢既價錢同外面差唔多, 但佢既裝修, waiter服務同食物都真係幾好, 好唔錯~ 無論係材料同味道都係above average~當大家都去開西環去影天空之鏡, 不防考慮下去依間cafe坐下食下野~…Read More