Evelyn's Garden

星期日杜老誌道特別寧靜，我懷疑開喺杜老誌道嘅食肆喺星期日會有幾好生意，今日提早5:30pm到日熹樓食晚餐，發覺真係冇乜人，偶然見到一位曾經同律師老公打架嘅過氣女星都嚟到食飯，去到6:30pm發覺開始越來越多人，7:00pm後已經慢慢變成全店滿座，似乎日熹樓嘅食物有一定水準先可以吸引咁多人喺假日專登嚟到唔係中心區嘅杜老誌道食飯，我睇到好些食評都係批評呢度碟頭比較細，呢次我發現碟頭的確細，不過價錢又較平啲，日熹樓嘅裝修唔錯，大家睇下相片自行評論，而我特別欣賞佢洗手間兩個洗手盆，真係焦點所在。附註: 前菜$20茶位$20/位都幾貴…查看更多

由於草根媽媽好極度喜愛吃上海菜，所以為了哄下家中女皇，草根舉家到日熹樓去吃一頓高質上海菜順便為草根家尋找一下新飯堂，今晚同草根一起食飯吧！周4晚上餐廳人流不多，而且餐館空間感高，正好可以與家人靜靜地享受一下家庭之樂。餐廳到處都可以看到精緻的中式擺設隨著年紀增長，點餐的重任就逐漸交到草根姐姐的身上，不過既然這次是特意來跟媽媽吃她最愛的上海菜，當然要特別滿足她的要求了~餐廳有提供市面不常見的中式雞尾酒，可以看到上海菜館有酒吧桌很特別呢，可惜草根都不好杯中物。故點回中國茶就好了。餐牌選擇不少，就從開胃前菜開始吧。五香薰蛋（$28）薰蛋非常流心啊~流心程度的確出色，蛋黃上更鋪上蟹子十分吸引，但可惜只有外層有色，卻沒有薰至入味，味道令人失望啊。不辣口水雞（$53）口水雞只有微辣，但有每件雞件都包裹著濃郁的花生醬汁，當中還有花生碎能夠增加咬口，對愛吃花生醬的草根而言味道有驚喜!!川味水煮羊肉（$103）羊肉的羊騷味好香，草根確實大愛此小菜！羊肉片薄身，入口軟熟而且充滿辣味，味道一流！薯粉比一般坊間的更為煙韌，口感特別，十分滑口，加上薯粉好吸味，除了辣味外，更充拆著滿口羊味。這道菜的麻辣令人開胃得可以多吃2碗飯呢甜酸菊花魚柳（$83）甜酸汁調得不錯，甜甜酸酸令人胃口大開! 不過炸魚魚肉偏薄，比例上看似炸醬份量更多，有點小失色，用上厚身魚肉彧許會更好蝦兵盡帶黃金甲（黃金蝦球）（$73）此味菜式是草根姐姐特意叫給女皇的!!一看就知她會喜歡炸蝦外皮炸得十分香脆，炸醬非常薄身，重點是亳不油膩！另外，碟底更有炒至起沙的鹹蛋黃汁，沾著同吃味道驚喜！入口已知蝦新鮮實肉，口感彈牙，一客三件，雖然價錢有點小貴，但每顆都有半個拳頭之大，質素之高的確值得向大家推介。羅春閣爆汁生煎包（$63／3件）與女皇吃上海菜另一必點菜式---生煎包。店員提醒一客只有3件，但可以額外多點數隻，向來饞嘴的草根當然要加點了。此處用上小鐵鍋上碟，賣相精緻而且能夠保持熱度! 包底煎至黃金色，非常香脆又不會過硬!!內面更盛載滿滿肉汁及高湯，絕對是整個包的精髓。一咬下去燙口的湯汁馬上流出，確實做得不錯！大家注意，吃的時侯不要太心急，不然真的會被燙到啊👅日熹灌湯小籠包（$43／3件）小籠包絕對是餐廳名物，現時市面隨處都有的小籠包質素參差，要吃到高質素的不易呢。但此處的真是值得一讚同樣地一客3隻，故額外多點了一件。從外觀已看到外皮晶瑩通透，內面的肉質柔軟，而且肉汁豐盈，大家來到一定要試試老北京牛肉卷餅（$83／1件）整個牛肉卷的味道與北京片皮鴨很相似!!卷餅份量不少，餐廳十分貼心地幫大家切開一客六件，好讓大家無需動手，方便食用，十分適合如草根妹妹般的大懶人吃下的第一口感覺很多蔬菜，很清新🌿，第二口開始嚐到牛肉及醬料，牛肉薄身但重牛味，醬料甜甜的很好吃，卷餅外層烘得有點微脆，草根姐姐認為比片皮填鴨更好吃啊~由於蔬菜量很多🌱整體感覺一點也不油膩，令人很回味呢!朝陽菠菜婁（$43／2件）第一次看到菠菜婁，不了解什麼是"婁"，看到餐牌上的照片大概就是包吧~抱著小小的冒險心態點來一試。這個是素食之選🌿包身好柔軟，中間的白菜餡菜味好突出，多吃幾口更嘗到有蝦米味，好香呢~雖是素菜但其實調味十足，加上新鮮細嫩的白菜很可口呢！四川紅油龍抄手（$73／4件）紅油抄手是草根妹妹的最愛，當然少不了要顧及她的喜愛。抄手外表雪白滑身，好吸引，而亮點是下面的醬油。辣紅油加上帶點甜味的豉油，甜甜辣辣竟是合拍的配搭，好吃呢!每餐吃到最後，甜品是必要的環節。吾是南瓜（南瓜團）（$48）點了這個外形趣緻的點心，擁有南瓜的造形，而糕點外皮的確由南瓜蓉做成，非常非常的煙韌，而內裹的餡料應該是麻蓉，味道甜甜，也算不錯香糯擂沙湯丸（$28／3粒）擂沙湯丸十分軟糯，芝麻味香。餐廳很細心用上充滿中國色彩的碟子，很美呢!這裹標榜傳統中式糖水來自源記出品。舊桑寄生茶+蛋（$26+5）草根爸爸點名要點的糖水，此甜品一向是他的最愛每次更要加蛋!!!據他反映此處的桑寄生茶做得很不錯，桑寄生味夠濃！同時蛋醃得夠味，而且蛋內夠嫩滑，高質無異!芝麻糊（$26）女皇對芝麻糊有種執著，明明說很難吃到好吃的芝麻糊，但每次看到餐牌中有總忍不住要點一客。可惜這晚吃到的質感較稀，只有甜味，芝麻味較弱。整晚服務員的服務都很好呢~不但主動加水，又會幫我們清碟，草根一家都吃得十分滿意呢~食物的賣相精緻，份量全部以細細份的形式上桌，正好方便人少來造訪時也可以多試幾道菜式。大約200元一人，雖然價錢不算便宜，食物質素不錯加上環境及服務好，適合與一家人和朋友來把酒談天呢…查看更多

一早聽聞過日熹樓嘅大名，尤其係嗰幅「百碟宴」嘅相片，共44款菜式，100小碟，好有霸氣，印象深刻。餐廳嘅菜式運用小碟形式，希望客人可以試多幾款食物，人多固然可以冇問題，人少都唔怕點多幾款會食唔哂浪費。日熹樓嘅裝潢都花過唔少心思，單睇都會以為係非常高檔，價錢不菲嗰種。餐廳位置闊落，燈光稍暗，用上木枱木櫈，木屏風、瓷器陳設、餐紙等都甚有中國傳統元素，特別係牆上嘅熊貓壁畫及熊貓圖案嘅小碟。餐廳中央位置有吧枱，客人除左食到京川菜，亦可以摸下酒杯底，中式雞尾酒有米酒、花雕、汾酒、茅台等，佢地嘅名稱玩味十足，【軍】、【攻】、【和】、【喜】、【靜】、【真】、【情】、【流】、【露】。平日晚上客人唔多，加上餐廳空間感足，坐得舒適餐牌選擇豐富，涼菜、鍋巴、湯、京川主菜、水煮、炸物、素菜、海鮮、飯麵、點心、甜品等，定價同一般京川菜館差唔多，但部分菜式以小碟形式呈上，變相份量較少，性價比相對而言較低。坐低後，店員就會送上前菜、開茶。不得不提，呢度嘅店員服務都非常好，加上客人唔多，照顧很足。茶位 $10/位茶壼都印上一個日字，簡單美。花茶芳香，飲落微甘，清新解膩。花雕杞子醉雞 $53醉雞帶好微弱嘅花雕酒香，雞件係非常滑溜，肉多皮唔肥膩，個人就怕酒味太勁嘅醉雞，所以覺得不俗但如果鐘意食濃烈酒味醉雞嘅人，或者會嫌唔夠醉。白切黑豚肉粉皮 $73粉皮好碎好碎，幾乎用筷子都唔係好夾到。黑豚肉亦都普普通通，感覺太似火鍋放題嗰種，醬汁有點少，食落有啲乾雲吞雞湯 $58/位雲吞雞湯位上，細細一碗，入面一件雞、一粒雲吞、白菜。湯底呈乳黃色，金華火腿味道非常突出，雞件煲過湯都唔會鞋口，雲吞亦大粒皮薄，滲入湯汁嘅味道雲吞雞湯熱辣辣，作為湯怪當然滿足，可惜份量真係太少。日熹灌湯小籠包 $43/3件小籠包湯汁豐富，一咬入去已經湧出黎，幾有驚喜餡料唔會太鹹，所以湯汁飲落就略淡。如果小籠包皮能夠再做薄身一點更出色。羅春閣爆汁生煎包 $63/3件以鐵鍋上，店員都提醒我地小心湯汁太熱。生煎包嘅皮唔會好厚身，而且好脆口，咬開少少已經見到啲湯汁咇出黎，湯汁夠多餡料就唔算好多，而且冇落太多調味，湯汁較清，唔會好鹹。整體黎講，都相當滿意呢個生煎包。辣子雞丁 $63雞丁炸得唔會太乾身，所以食落就唔夠脆口，入面仲有唔少腰果，食落只有麻辣嘅香，唔食辣嘅人都食到。但我食得辣，先點辣子雞，只有麻香食唔到辣，就覺得唔夠過癮。宮保蝦球 $73本來覺得價錢稍貴，但見到一碟有三隻大蝦球都可以一試，真係好少食到咁大隻蝦球蝦球炸粉唔厚，蝦肉除左大隻，仲非常新鮮彈牙，調味就完全唔辣嘅，似拔絲，所以食落甜甜地，好好味金腿炆津白 $53金華火腿味道強烈，津白入味，不過不失啦。韭黃鱔糊 $83平時好少點鱔糊，因為通常都搵笨全部係韭黃。呢度嘅鱔嘅份量都算多喎，而且唔會切到好幼，保留口感調味適中，炒得剛好，唔會過乾過濕，如果加配饅頭或老銀絲卷一流！見到店家嘅甜品menu以源記甜品專家嘅門面為背景，順便試埋啦。芝麻糊 $26芝麻糊都夠稠身，味道香濃，但就唔會好滑。杏仁露 $26杏仁露好食呀，杏仁味好香，飲落唔會好甜，好滋潤。總括而言，日熹樓嘅食物都幾有水準，大部分都好啱我地口味，特別喜歡生煎包、小籠包。餐廳定價就唔貴，只係份量略少，勝在可以點多幾款，乜都試到，夠豐富。環境方面比好多上海菜館都坐得舒服，我好欣賞佢地嘅餐具，印花好靚又配合主題而且服務都冇話說，幾位店員都非常細心有禮。…查看更多

因家中o既煮食爐出現咗問題，XO仔近日午餐都要外出覓食。上週三哥哥就孖靚靚媽咪落黎探細佬班，順便一齊走咗去試以「百碟宴」作宴席廣告o既「日熹樓」。中菜廳室內光線暗淡，牆上o既熊貓圖案及四周o既擺設燈飾則極富中國色彩，組合感覺有啲中西合璧。店子面積廣闊，間隔開揚通爽，午市唔係咁逼人，所以一啲都唔嘈吵。大堂中央有個大酒吧，似乎晚市多做酒客生意，不過午飯時間吧位都會用作餐枱之用。打開餐牌一看，發現最後三頁為調酒師以花雕、芧台等中國酒自創o既中式雞尾酒項目，極具特色。晚餐更以日本清酒配對中菜小碟訂造$550/位o既「兩人對酎餐單」，好唔傳統。午市則推「一人便當午餐」（$88/位）及「瓷熹小碟午餐」（$788/八位）。由於家中只有哥哥一人食得辣，三口子就決定每人先點三款，唔夠先追加。中英對照o既餐牌共有兩頁。另外亦附有多頁彩圖餐單一本。餐具以旭日初升o既圖案道出店名「日熹樓」有「日光微明」之意，直接到題。七里香醉乳鴿（$103）：乳鴿肉質唔算嚡，但未夠嫩，且唔夠醉，七里之外肯定聞唔到酒香囉！白切黑豚肉粉皮（$73）：黑豚肉脆薄輕巧，墊底o既粉皮都好軟滑，簡單以甜豉油調味極為恰當。經典肴肉（$53）：個人覺得肴肉又凍又實，不吃也吧！日熹灌湯小籠包（$43/三件）：可能之前兩款上海代表醉乳鴿及肴肉都不甚出色，當食到皮薄多汁且肉餡軟嫩o既小籠包時，大家都好意外。萵筍拌蜇頭（$53）：萵筍蜇頭都好爽脆，無奈菜式帶有一陣雪味，令小肥有啲反感。清炒蝦仁（$63）：蝦仁食落成口油，又唔夠清脆，同屬失色之作。上湯茶樹菇伴翡翠苗（$63）：翡翠苗鮮綠脆嫩，清香健康。迎賓海膽賽螃蟹（$63）：內含海膽o既賽螃蟹雖則質感滑溜，不過味道卻帶點腥，極不討好！木邦肉鬆大餅（$73）：大餅熱辣鬆厚，入口更覺其皮脆包鬆軟，肉鬆餡料香口惹味，係眾多小碟中最掂o既一味！灣仔新店「日熹樓」由環境到雞尾酒都融入中西合璧o既元素，以供多款小碟o既概念都幾創新，唯一食物質素比較參差。小碟有貴多不貴精之嫌，廚房略欠火候，價格亦略為偏貴，個人覺得絕對有很大改進空間。…查看更多

升降機門打開一刻，餐廳內昏暗的燈光讓我以為去錯樓層，沒想到吃中菜竟有如些情調，牆上的熊貓給了最大提示。黑漆之中，感受到摩登的氣派，卻不失中式的特色。設有吧枱，滲入西式元素，除了酒瓶，還有酒呈。店員先送來前菜，邊吃邊看餐牌，聽店員介紹。硬豆腐豆味濃，配肴肉，肉帶鹹香，啫喱則有清清的高湯味，各有不同口感。青瓜爽脆，調味較輕，很清新，沒想到竟有刺激的辣，十分開胃。Welcome drinks是由玫瑰、藍莓和蜜糖混的茶，有酒精／無酒精各要一杯。有酒精的，酒味幾重，蓋過其他味道。無酒精的，要先讚讚它的杯子。杯身是透明的花紋，相當精緻。玫瑰的花香很出，以適量蜜糖的甜調味。荔之菊／熱情果香片頗喜歡它的welcome drinks，猜以茶調製的mocktail都會不錯。荔枝和菊花的組合，以菊花清香配荔枝天然的甜，意料之外地夾。熱情果和香片的配搭反而沒那麼融和，熱情果偏甜，完全蓋過淡淡的香片。不過，單純以一杯飲品來說，味道不錯，又清涼解渴。五香薰蛋以鐵觀音燻的蛋，蛋白染成淺啡色，帶幽幽的茶香。入口涼涼的，咬口軟彈的蛋白，慢慢咀嚼，清淡而柔和的茶香漸漸散發，直至充斥口腔。或者會嫌茶味不夠重，好處是跟濃稠的流心蛋黃不會撞。蛋黃在口裡厚稠的口感叫人滿足，蛋味不特別濃，以蟹籽補上。御品水晶翅做成冷盤的翅不常見。先以高湯把翅煮熟，然後做成玫瑰狀的啫喱。咬開有一條條頗粗的魚翅，有爽彈的口感，用料絕不吝嗇。咬魚翅的同時，啫喱溶化，味道跟平常吃的羹如出一徹。吃這個水晶翅，彷如吃魚翅凍湯。可以伴醋稍作調味，個人卻喜歡原有的鮮味。京派冰鎮鮑魚以酒糟浸入味的鮑魚，呈暗黃色。清涼開胃，軟腍彈牙，酒香出眾。不辣口水雞只麻不辣的口水雞，以芝麻花生醬的香取代辣味。厚身的麻醬，滲著很出的花生香，比一般上海菜的涼拌粉皮濃得多，香得多。醬夠滑，最特別是帶麻，為舌頭帶來衝擊，印象更深。雞肉嫩滑，雞皮更滑，卻毫不油膩，十分清新。麻辣魚肚絲五個前菜之中，把這個留到最後，因它的味最重。又麻又辣，吃了幾口後，辣得要喝口冰涼的荔之菊。吞下茶後，發現唇邊輕麻，舌頭碰著嘴唇，暖暖的，鹹鹹的，很過癮。頗硬的魚肚絲，沒甚自身的味道，在口裡慢慢咀嚼，細心品嚐它的麻辣。共／喜吃著飲著，把兩杯mocktail喝光。這次試試cocktail。橙紅的喜由花彫、君度 cointreau、檸檬汁和Red Bull Summer Edition調製。原來紅牛出了果味版本，讓這杯雞尾酒甜甜的，很易入口，酒味有，但不及喜重。喜混了玫瑰露、米酒、君度、檸檬汁、青檸汁和雪碧。酒精重得多，沒有甜。宮保蝦球喜歡這裡的菜式細細份，兩個人都可以點多幾款。蝦球剛好兩件，炸得脆口的外層沾滿醬，甜中帶辣，以甜中和辣，以辣平衡甜，味調得一流。蝦球爽口。上湯茶樹菇伴翡翠苗幼細的翡翠苗在口裡的感覺特別細膩，咀嚼上來很爽口，有清清的草青香。較淡的茶樹菇做配角，增加滑卻爽的口感。辛辣水煮黑豚肉餐牌上有四隻辣椒的水煮菜式，果然夠辣，辣得很惹味，很刺激，越吃越上癮。湯內的菇，吸盡水煮的精華，辣的同時溢出自身的汁，中和一下，有水煮難得的清新。除了豚肉，還有水晶粉。滑入口，煙煙韌韌，嚼勁十足。 前幾天剛吃完韓國菜的冬粉，相比起來，闊身得多的水晶粉，更有口感。 浸在辣湯之中，卻不會吸過量的味，辣得剛好。薄切的黑豚肉，肉不嚡不韌，除了辣，還滲出肉汁肉香、油脂油香。椒鹽小黃魚為兩條好看的小黃魚拍完照後，店員替我們切開，稍作起肉。原以為似大排檔的椒鹽九肚魚，包著粉漿去炸，原來是把皮煎香煎脆，較健康。皮微脆，十分香口，椒鹽調得恰到好處，不會太鹹，不會太搶，保留了肉的鮮味。肉又輕又滑，魚鮮清香。小黃魚的骨不算多，吃起來都方便。 外婆紅燒肉小鍋子內竟藏了起碼五件紅燒肉，還有爽脆的荀、又腍又粉可惜不甜的南瓜和大塊腍爽多汁的菇。肉即使炆至深啡，仍然清楚見到一層層。一啖肉在口裡自動分成三個層次。脂肪慢慢溶化，化成香而不膩的油脂。肉炆得很腍，逐下細嚐，享受它的軟腍、肉香。頂層的皮，沒有隨脂肪溶掉，而是充滿膠質的一層，咀嚼時間甚至比肉還要長，予人如吃豬手的感動，很喜歡它的咬口。整件肉都炆得很入味，又濃又香，不過甜度或可稍微調低。加一絲撒在上面的蔥花，清香吊一吊味，又是另一效果。吃到最後，在鍋底找到寶。叫腐皮還是甚麼？實實的，口感十足，吸滿汁，有硬豆腐的豆香。日熹灌湯小籠包小籠包有三種味，鮮肉原味、芝士和四川麻辣，先試最正宗原味。咬下去，滿口湯，肉幾鮮幾清，但驚喜不大。皮不厚，但似乎有點乾。正宗四川紅油龍抄手龍抄手跟坊間的抄手不同之處，在於它的形狀和皮。用的不是又滑又薄的雲吞皮，似餃子皮，口感較實在。長條形的龍抄手，是師傅把肉放在掌心，一下握出來的形狀，它的長度，正是師傅掌心的長度。把醬汁拌勻，龍抄手染色，實中帶爽的口感一流。肉味幾香，醬汁入味，少少醋香但不酸，輕得不太察覺的甜，竟然沒有預期的辣。店員說，屬三隻辣椒的紅油龍抄手很多食客都覺得頗辣，或者是舌頭適量了剛才的水煮豚肉吧。羅春閣爆汁生煎包即叫即造的生煎包要稍等一會，正好消化一下。明明很飽，眼闊肚窄，難以取捨之下，點了很多菜式。很飽之下，依然覺得好吃，肚餓時相信會是人間美食。用鐵鍋上的生煎包又是另一驚喜。除了小心燙嘴的牌子，店員亦特意提醒，著我們先把包子咬穿，讓它透一透氣，以防燙傷。果然，一咬便爆汁，且是熱辣辣的湯，得非常小心。以為湯全瀉在碟子上，有點可惜，才發現包子裡還有不少。皮不厚卻有包的綿，下半則硬脆。肉很大粒，沒有多餘的調味，純粹是湯汁和豬肉的鮮。純正杏仁露本來飽得想放棄甜品，但一聽到店員說是傳自源記的手藝，即時心癢癢，還是點了兩款。懷舊的碗碟，寫著萬壽無彊，近來絕少見，很有特色。杏仁露厚滑濃郁，杏味相當出色，甜度比自己煮的還要低，滋潤無比，十分好吃。香滑燉蛋剛做好的燉蛋上枱時，碗子還是熱燙燙的。滑溜溜，入口即溶，蛋香十足，同樣接近零甜度。預知情人節九成不會跟男友一起過，沒想這頓中餐，竟然提早給我們播著音樂、輕鬆而浪漫的環境和氣氛、五星級的細心有禮服務和最重要，超乎預期地高質素的食物。對於貪新鮮的我來說，滿有fusion特色的飲品，比不少西餐廳隨便點支酒吸引又難忘得多。精緻的賣相，亦不比西餐遜色。做成細份的食物，比多道菜的tasting menu試得更多。中菜的烹調方法，博大精深，做出來的味道、口感更多元化。可能是近來難得地十分滿意、超飽超滿足的一餐。碰巧這天是元宵。祝天下有情人元宵節快樂。…查看更多

三王五帝夏商周春秋戰國亂悠悠秦漢三國傳兩晉南朝北朝是對頭 隋唐五代與十國宋元明清後帝王休 帝王休!!!當朋友帶我逹日熹樓門口 我個腦就忽然浮現了中一既時候中國歷史課既必讀七言 何解?! 因為好似去左穿越一樣回到過去既感覺好強烈 會唔會秦始皇就係隔離枱食飯呢?!每一個細節都處理得宜 我相信由開餐廳之前既資料搜集到真正入舖店主都用上很多心思 不得不稱讚一下就連咁難搵既酒杯酒壼都有 係睇戲先有!!!環境有氣氛 晚飯時間真係食都食得安落又溫暖人多既話仲可以要求長枱或者房間圓枱 私人空間方面無得輸一坐低緊係要睇下MENU 餐前酒 很西式 中西和洋 配合度都好高雖然古色古香味濃 但要明白仍在20世紀未有叮噹但都有TABLET 餐前酒用上TABLET去落單 係咪有啲項少龍既感覺呢?!優惠無時無刻都會有 四圍望唔好蝕要左一杯「守」$50中國風中國茶/酒杯配合埋中西烈酒 由調酒師獨創的雞尾酒「守」夾雜著中國米酒, 伏特加, 白胡椒簿荷酒, 橙酒, 鐵官音茶及青擰汁由甜酸苦辣 不同程度加減之下得出一杯口味清新 而且酒味不重的雞尾酒入口芳香宜人 不過濃度上其實都有一定程度既高 飲完開胃酒就到點菜單食正既時間白瓷器具 亮麗如新 感覺簡單又高貴薺菜魚羹 $38/一位其實北方人好鐘意食薺菜 咬落爽口又有高營養 只不過要係南方既香港搵到真係有啲難度要特地從遠方運過黎 實屬有心思 而且味道鮮甜 用上既魚肉亦肉質滑又甜而且眼見材料十足 每一啖都足夠令你感到滿足麻辣魚肚絲 $48雖則係麻辣菜式 但因為主廚都配合返香港人口味特意都減少左麻辣既份量 營造返適合既口味所以麻辣味足夠 但又唔會令到食者過份辛辣而且魚肚極爽口 所謂魚肚其實即係未到花膠等級的程度骨膠原相當豐富 女士們真係要食多啲喇!!!白肉黑豚肉粉皮 $68雞絲粉皮成日食 所以今次特別揀左白肉同黑豚肉作為前菜口感鮮嫩而且加上豚肉脂肪 入口更加有層次甜酸豉油更加令到我食指大動 更加開胃七里香醉乳鴿 $98醉雞醉豬手 成日見亦都成日食但一眼望到有醉乳鴿食 朋友就即刻話要點要試因為識食一定係食乳鴿 點解?! 因為夠嫩口入味乳鴿之所以貴係因為養既人開始少 而且養左幾個月就要出售 矜貴程度一定比雞同豬更高!!! 食落都重花雕酒味道 而且慢慢浸出七黑香香味原來仔細配合下 可以咁好味 肉質當然嫩滑入味 而且非常甩骨 容易進食日熹灌湯小籠包 $38/一籠白雪雪  熱辣辣 看得出的用心仲出住煙 即叫即整食都要食得新鮮好味 咁先可以食到小籠包既精粹而且叫得灌湯小籠包 當然入面既湯汁都極度充足味道鮮甜得黎 又夠味道同溫度 食完係有一種溫暖由口直入胃部辛辣水煮桂魚片 $98水煮魚 其實我就唔係話極之食得辣既人黎所以我本來都停左起筷 等朋友們慢慢品嚐但經理走過黎擺底個菜既時候 話知道我地唔太好辣特別減低辣度 絕對唔會過火 可以食用眼見朋友們都好食又唔算好辣搞到我都要食返一件 食落先發覺 真係唔算好辣 而且辣中帶香 香中帶甜魚肉更加係滑到可以自已跣入喉嚨添果然係特別調制又有心思玫瑰浪漫 $20杯「守」飲得七七八八 待應走過黎問我要唔要加野飲我反而問佢有咩好飲得黎又可以解辣佢即刻同我講 餐廳因為顧及客人需要酒吧特別調配左一杯飲品可以滿足到我一杯玫瑰浪漫 由梳打水加玫瑰露再加其他飲料而調制成酸甜之間又夾著玫瑰花香味 真係可以解辣又解渴 京味韭菜肉饀餅 $38賣相好似土耳奇既kebab 但聞落就似片皮鴨咁既味道特別之如又好睇 而且蔬菜多 感覺清新入面有牛肉饀 開頭以為會好乾身點不知食落係充滿住肉汁 燒烤醬味道都好出 肉質唔會un 好鬆軟易咬吾是南瓜 $48咁快就黎到甜品 點左一個吾是南瓜當然賣相極之可愛非常 都係相機食左先再到我地執二攤架喇 哈哈!!! 真係影極都有 因為為實在係整得幾靚雅緻的南瓜仔包住甜度適中既紅豆蓉 熱住上 熱住食 作為最後甜品 好滿足!!!!再黎我會帶埋屋企人一齊黎 呢到感覺好似一個家!!…查看更多