Dai Wagyu Stone Grill

九龍灣往時我只懂得德福，今天友人帶我到得寶覓食原來這商場有很多餐廳小店，一家石燒專門店傳來陣陣香味，決定一試餐廳座位寬敞，環境光猛衛生除了石燒肉外還有漢堡供應，價位親民，不設加一服務費自助區有沙律、味噌湯和日本珍珠米飯任添，一個價錢大胃牛魔王也可捧腹而歸80G和牛芝士漢堡的手打和牛肉味濃郁，口感嫩滑！套餐配小食及飲品，美國焗薯條乃之絕配主角日本A5和牛肉眼蓋只須稍為煎熟，紋路分明，油脂感滿滿加$15便可轉套餐，有小食及飲品！牛油粟米可平衡和牛的油膩感，健康之選澳洲黑安格斯西冷一上枱看到熱石上的牛肉吱吱作響，牛香在空氣中瀰漫！肉質口感紮實，帶有少許的嚼勁套餐小食加$3可要炸雞翼加$23更可將餐飲升級為札幌生啤，邊烤肉邊舉杯…Read More

原來得寶開左間石燒牛 牛控梗係忍唔住試XD 除左主打石燒牛 仲有burger🍔 可以任添飯 沙律同湯😚.▫️日本A5和牛肉眼蓋 $278/200g和牛切得厚薄適中 紋路分明食到油脂感滿滿 有牛香且細膩嫩滑 仲有鹽/黑椒調味 再點埋醬油更香口.▫️英式煙肉阿波尾雞蛋和牛漢堡 $72包身屬於粉粉果種 漢堡肉質紥實且厚實 配搭左鹹香既芝士同微微烤過既煙肉片仲有微焦既蛋 食落口感好豐富.▫️牛油粟米 跟餐有6種小食可以揀牛油粟米都幾大兜飲品都有幾款 仲可以加錢轉生啤🙈.▫️美國焗薯條+$15 連飲品另一款揀咗薯條🍟 係超級粗薯!! 薯香滿滿 外脆內軟灑左啲鹽巴上去更香脆推介大家試依個😚.總結，牛牛同漢堡 我就梗係揀牛牛🤭 重點係仲有得玩😍 今次豪氣食a5牛味果然好香濃🤤 下次試下其他划算啲既牛扒 係咪都正先～ 仲有粗薯好食!!!…Read More

今晚同朋友係得寶搵食就揀左呢間專食石燒牛既大和牛除左石燒牛仲有漢堡包餐廳提供唔同部位嘅牛肉仲有供應豚肉同雞肉最後揀左兩款牛同一款漢堡澳洲黑安格斯西冷，份量揀左200克西冷牛扒幾厚身，肥瘦適中肉味都幾濃，厚實嫩滑因為石燒熱力好充足唔想食太熟既話，反兩反就好擺上碟日本A5和牛肉眼蓋，份量都係200克和牛出名油脂夠香蘸埋燒肉汁食好惹味自家製和豚豬柳阿波尾雞蛋堡豬柳好厚身，唔同一般雪藏豬柳日本雞蛋配左三重芝士好match套餐配埋既焗薯條有驚喜，好香脆餐廳有自助吧，有沙律、麵豉湯、白飯仲有唔同醬汁可以拎，好方便…Read More

放工約朋友食飯，肉食控嘅我哋決定去食依間牛石燒。餐廳環境寬敞，雖然係燒肉店但完全冇油煙味。*日本A5和牛肉眼蓋 （$148/100g)平時明火燒肉就試得多啦，但今次係用石頭嚟燒，估唔到用石頭居然可以做到唔黐底，同時keep住啲肉汁唔會流走。我哋點咗牛肉眼蓋，100g有7塊，厚薄適中，食落香口唔會油膩，仲意重口味嘅朋友可以蘸上烤肉汁，送飯一流。*軟殼蟹阿波尾雞蛋三重芝士漢堡（$82）**配餐湯、薯條、沙律、汽水（+$15升級）漢堡包面底都焗成脆身；第一層係原隻脆炸嘅軟殻蟹，隻蟹同漢堡一樣咁大，蟹肉好厚身，好多蟹膏好鮮甜；第二層係煎蛋，同樣係厚厚嘅，蛋邊香脆而蛋黃有少許流心；漢堡中間加入左芝士同沙律醬，不單止唔會蓋過蟹嘅鮮味，更加增添左漢堡嘅層次感。最後，漢堡可以升級做套餐，薯條幼身脆口，沙律、湯、白飯都可以自助任添。…Read More

今日又去咗關心住喺三彩嘅獨居長者，然後就同佢落咗去得寶商場搵食，長者朋友話呢間石燒牛開咗一段時間，一直都好想試，今日就一於同佢去試吓啦！呢間大和牛總共有八款牛肉俾你揀，而且仲有豬肉同雞肉可供選擇。店內裝修簡潔，所以牆上嘅呢隻牛牛公仔尤其突出，成為了餐廳嘅亮點，下面就係一個矮櫃，放有不同嘅餐具，而枱上面就係自助區域，客人可以自取沙律菜、湯、白飯和一系列嘅醬汁。沙律菜切得幼細，用料新鮮。湯係雜菜湯，入面有洋蔥、蘿蔔、西芹等，感覺清新，可以解去一點點肉類嘅油膩感。我就最鍾意白飯任裝啦，哈哈！枱上有黑胡椒同粉紅岩鹽，可以自行為牛肉作適量嘅調味，不過我就覺得原本嘅肉味已經好足夠。因為我同長者都超鍾意食牛，所以揀咗澳洲M6和牛小排($298/300g)。店員首先會將牛小排嘅表面稍稍煎過，然後就會放上熱石上面供客人自己再烹調。然後我自己就將牛小排切成小件，再每邊煎一下。長者朋友真豪氣，仲叫咗日本A5和牛肉眼蓋($278/200g)。 A5和牛上枱嘅時候已經係薄片，所以慳返唔少功夫，放喺石上面大概每邊煎10秒就可以享用。和牛嘅油花真係好靚，所以食起上嚟非常甘香，絕對值得一試。呢一餐有咁美味嘅牛肉，仲有任食嘅飯同菜，真係非常滿足！…Read More

近排食得日本菜多，想轉轉口味食肉，大熱嘅石燒牛扒就啱哂我！呢晚我去咗搵個住九龍灣嘅朋友食飯，佢陪我食大啖肉😛，食咗位於德寶商場嘅「大和牛石燒專門店 」。跟同類型嘅石燒牛店比，呢度環境好舒服，餐枱大好多，衞生又好👍。再者，女店員超級有禮貌，主動提醒客人要注意嘅事項。餐廳主要食牛，但都有一兩款豬同雞揀；我同朋友心有靈犀，一致被A5同M6嗰兩款牛吸引。價錢亦係最高嗰兩款🙈，人一世物一世即管試下。落完單後我哋隨即到自助區拎嘢食，🍴餐具、碟同圍裙等亦係擺喺嗰樹。呢晚有唔少客人，好難等到無人先出去，哈哈。🇯🇵日本A5和牛肉眼蓋($278/200g)，呢款肉好矜貴，係Ribeye最頂嘅位置✨，一大隻牛都無幾多片。200克嘅份量係兩碟，咁100克即係得一碟，我相信100克只係好勉強夠一個人食🙊。肉眼蓋嘅大理石紋靚到一個點😍，脂肪分佈好平均，油脂滿滿的，一放入口感覺到好重油份，食其他部位嘅肉真係無呢個效果。⚠️留意番，由於肉質薄薄的一片，所以基本上放上熱石將兩邊輕輕一燙就食得！🇦🇺澳洲M6和牛小排($298/300g)，牛小排其實係指牛胸肋骨部位嘅肉，簡單啲講即係去骨嘅牛仔骨，咁樣會易明啲😆。300克嘅牛扒相當大件，餐廳會預先幫我哋切成四件，咁就會易煎的。一上菜嘅時候，🐮牛小排已經放咗上熱石上面煎緊，唔係全生。第一個步驟建議先將佢搬出隻碟度，想食時再拎番上嚿熱石上面燒，咁就可以避免煮得過熟同肉質變韌。牛小排牛味濃郁，口感有嚼勁，唔錯😋。自助區拎嘅湯同飯亦算係咁，最重要係熱辣辣的🔥。白飯任裝嘅情況之下，一定會夠飽哈哈🍚。另外，沙律菜都幾新鮮。醬汁主要有兩款，亦係喺自助區到拎。食大塊肉真係好飽肚，有令人滿足嘅感覺🥩。店員超好人，見熱石開始唔熱，就幫我哋換過嚿，好細心😊。總括嚟講，我無諗過德寶入面竟然有間高質牛牛石燒店🐂🤤，餐廳喺各方面都較同行表現出色，不過價錢就貴少少，但都同肉嘅質素掛鉤嘅。點都好，呢餐晚餐好豐富，令我哋好愉快！…Read More

同朋友附近行街經過哩間鋪頭，聽到入面"炸炸聲"，望入去原來係熱石燒緊牛排既聲音，見到都好吸引。每款食物都可以選擇大份或細份，主要係食牛，但如果唔食牛肉既都有豬肉同雞肉揀，不過款式選擇相對較小。沙律菜、飯、湯都係可以無限添加，必定可以食得飽，我自己食左好多蔬菜，因為沙律既胡麻醬好食，而且可以解一解牛肉既油膩感。日本A5和牛肉眼蓋($278/200g)，總共有2碟牛，每碟有8片，牛肉呈鮮嫩粉紅色，油脂分佈均勻，放上石燒一燒好快熟，放入口即刻滿口油份，油脂既香味真係無得頂，和牛果然非同凡響，一分錢一分貨，哩款牛肉必定要食，點埋個牛肉汁味道更加夾。澳洲M6和牛小排($298/300g)，份量確實好大件，岩晒食肉獸人士，牛排表面熟，內裏呈鮮紅色，估計係煮至7成熟才送到客人，如果想熟d可以切開係石上再燒一燒，哩款牛肉身較結實，但牛味較重。…Read More

自從石燒牛在香港掀起熱潮，專門店開得遍地開花，上星期就來到位於九龍灣的大和牛石燒專門店吃晚餐。餐廳雖然面積不大，不過座位排得頗寬敞，環境光猛衛生。餐牌亦是獨沽一味賣石燒肉，最平燒雞脾只是$68，價位親民，不設加一服務費。枱上有黑椒和岩鹽，可以自行調味。日本A5和牛肉眼蓋 200g $278200g 份量很足，肉眼蓋為肉眼牛排的精華部位，脂肪稍多，因此肉質特別柔軟。A5和牛色澤嫩紅，大理石狀紋既細緻又分明，佈滿霜降花紋，燒烤時帶有陣陣油香。當牛肉接觸到灼熱火山石的一剎那，滋滋咋咋，煙霧瀰漫，熱氣逼人，燒得香氣撲鼻。一放入口就吃得出是上乘品質的和牛，A5 和牛的脂肪溶點較低，入口如同雪花般融化，緩緩地在口中化開，滿口瀰漫著牛脂香氣。澳洲M6和牛小排 300g $298厚切和牛小排有300g重量級份量，上枱時已呈外熟內生的狀態，帶有較多肉筋，肉質相對較結實。燒肉時最好燒好一邊才反轉，切忌兩邊反來反去流失肉汁，當石燒板放久了不夠熱時，店員亦會再加熱。澳洲和牛脂肪分佈平均，肉與油香相互平衡，牛味香濃，不需過多調味已能牽引出濃郁有層次的肉香。自助區提供任添沙律、味噌湯和白飯，保証大胃牛魔王也可吃到捧腹而歸。吃完這麼多和牛，添點清爽又輕怡的沙律，可以中和肉食的油膩感。和牛肉質細嫩，肉汁豐富，加上甘甜香醇的日式照燒汁，相當好下飯。飲品就加了兩罐汽水 $10。…Read More

高質牛，有平有貴，最平$68、最貴既$298，不過都成300g咖，物超所值‼️-仼食沙律、湯、飯💕 日本A5和牛肉眼蓋 (200g) $278💕 澳洲M6和牛小排(300g) $298-💕 日本A5和牛肉眼蓋 (200g)［滿星］⭐️⭐️⭐️⭐️⭐️‼️200g有2碟既A5和牛，每塊都鮮紅色🥰其大理石油脂花紋分布均勻，肉質滑嫩，十分鮮甜，一放上石燒板上肉汁滿溢😍😍高質到有80%似係日本食靚牛既口感！必食！/💕 澳洲M6和牛小排(300g)［滿星］⭐️⭐️⭐️⭐️⭐️‼️300g有3大塊和牛😍和牛脂肪分佈平均，肉與油香平衡，牛味香濃，放上石燒板時加少許的鹽便能夠引出澳洲和牛的香濃肉味，肉質軟腍，必食！-環境：8/10服務：8/10好味指數：10/10回頭率：10/10…Read More

今晚九龍灣放工，發現得寶新開了一間石板燒肉專門店「大和牛石燒專門店」，從九龍灣地鐵站走過去大約8分鐘。「大和牛石燒專門店」顧名思義是和牛石板燒，餐牌上的食物都是高質的肉類，非常適合食肉獸，如A5和牛肉眼蓋、澳洲M6和牛小排，另外餐廳也有豚肉和雞肉提供。而份量基本上是由200g起跳，大食的人可以揀300g。自助區的白飯，沙律和湯是無限任裝。飯是珍珠米，很軟熟。而日式蔬菜湯味道清甜，也有很多蘿蔔，都算足料。飲品方面有各款汽水、奶茶、咖啡。日本A5和牛肉眼蓋日本A5和牛肉眼蓋切成一塊一塊薄片，雪花紋路的油花均勻，色澤鮮紅。烤過散發香濃肉香，迫出部分牛脂，能感受到牛油嘅澎湃，入口即溶，肉汁豐富，啖啖滋味，令人一試難忘。高溫石板可維持大概半小時熱力，可以自己自由控制合適熟度。美國STF和牛板腱美國STF和牛板腱相對上牛肉味相對較豐盈，肉質也較結實。食落肉質香滑不嚡口，都算軟腍，也不多筋，讓人齒頰生香，回味無窮。「大和牛石燒專門店」是一間高質的和牛石燒餐廳，價錢不算貴，而且白飯，沙律同湯是任裝，如果想一試和牛石板燒，絕對推介「大和牛石燒專門店」！…Read More

九龍灣終於有熱石燒牛店了!!!小妹是非常喜歡食牛的人，真係非常興奮尤其健身後更餓，需要高質素的蛋白質餐廳裝修簡潔新淨，啡色木色為主望落有光猛且偉生有獨立卡位可以選擇，可跟朋友自成一角，私隱度高其實餐廳不止只有牛可以選牛肉或者雞肉或豬肉不過小妹此行只為牛，就盡情食牛吧!!!分別點了日本A5和牛肉眼蓋 & 澳洲M6牛小排在等待上菜前到自助區準備埋餐具 醬料發現日式雜菜湯  、 珍珠米白飯  、沙律  OMG 原來是無限添加的 !!!!沙律非常fresh ，配胡麻沙拉醬 或 柚子醬汁也很正!日本A5和牛肉眼蓋 $278/200g A5和牛肉眼蓋片是刺身片上菜附上熱熱的石燒板，可以根據自己嘅喜好 肉眼蓋牛片 油花脂肪分佈平均，肉質好柔嫩，充滿牛味，肉汁豐盈小妹認為只需配 黑胡椒或海鹽 就好夠味入口充滿牛肉油香味，非常幸福亦可配上自助區的柚子汁、燒肉汁、味增醬汁，令味道更有層次。澳洲M6牛小排  $218/200g牛小排上菜嘅時候只有一成熟在石燒板上，發出渣渣聲，非常吸引也是由客人因應自己喜好，燒至適合的熟成度  貼心地上面蓋上紙，免把汁彈到身  牛小排勁厚，肉汁豐富， 肉質柔軟不韌，牛味濃郁  配埋嘅黑椒同海鹽也真是醉了加上珍珠米白飯仕裝平日不吃飯的我也食左成碗另外餐廳好貼心，有圍裙提供  免把汁彈到身！不需加一，性價比十分之高，期待下次再來。…Read More