E Pot (King Wah Centre)

一向好鍾意打邊爐既我🤩火鍋絕對不分季節今晚同朋友食飯 又想打邊爐🧡朋友揀左去旺角一鍋堂📍地點方便大家-我地揀左C 餐 好似可以多D選擇📋點菜主要以QR CODE 📱同埋可以出去自取呢!湯底我地今次試左蕃茄麻辣鍋🌶🍅第一次試 我覺得比就禁麻辣鍋辣度低少少 帶少少酸 開胃🧡-牛肉方面，我地點了🥩日本產黑毛和牛🥩精選進口牛板腱🥩封門柳今次重點揀D自己想食既款 反而不斷點😆我同朋友都特別鍾意封門柳 夠薄身又滿滿牛味💯色澤平均 而且每次既份量都好足夠呢✅-其他食材分別點了🔸野生竹笙🔸彈牙魚皮餃🔸八吋長腳棒🔸牛栢葉🔸芋絲🔸金針菇🔸鮮萵筍🔸海帶結🔸蟹籽手打墨魚滑🔸公仔麵其實食材方面，我地點了蔬菜為主🥬特別一定要試野生竹笙 配麻辣湯好入味✔️仲有八吋長腳棒 味道唔會太假蟹籽手打墨魚滑 夠彈牙😋-飲品方面 有自家製的洛神花茶🍹同埋唔同飲品特別想分享有熱飲 唔會只有凍飲呢🤎-滿足既晚上👯‍♂️岩晒鍾意咩都試下既朋友不過建議大家最好預約 位置會坐得更舒服!💡…Read More

喺旺角有兩幢最為人熟悉嘅地標，一個就係創興另外一個就係瓊華，兩幢建築物都係專食放題，所以全天候都保持咁熱鬧，成為左聚會萬能地。 😜同樣都係打邊爐，最緊要講求性價比同埋選擇多，比較左咁多間，最後停留咗喺一鍋堂，😌屬於偏日式嘅火鍋店，涼浸浸嘅環境咁就可以無論爐有幾熱湯底有幾辣都唔怕。😛而呢一度亦都有三個套餐選擇，C餐雖然價錢較高，但就係有和牛，就算貴少少都非常值得😎首先就要揀個最適合嘅湯底，越係食高質嘅食材就需要越清淡嘅湯，🍲我就揀咗一款沙參玉竹鯊魚骨湯，滋補得來又有營養，🍲同時呢個配搭亦都唔常見，而且個湯底裏面真係有真正鯊魚骨🍲日本產黑毛和牛— 🥩首先就入到今日嘅主角就係日本黑毛和牛，🥩激到鮮嫩嘅紅色再配合條理分明嘅油脂，而油脂亦都比較粗身啲，🥩喺淥嘅過程就唔需要太耐，半溶嘅脂肪瞬間綻放，加上少少有彈性嘅筋位同埋牛味沖天嘅肉質，🥩同我哋一般所接觸到嘅雪花紋理和牛有啲唔同但油香味依然非常飽滿🥩手切牛脊肉— 🐮手切就確保左薄身唔會太韌，脂肪位唔多，肉身就更加鬆軟，🐮鍾意食滑牛嘅感覺就絕對鍾意。最簡單就配合埋辣椒豉油，咁就完美帶出肉鮮🐮花雕浸安格斯牛肉— 🐄平時安格斯牛肉好少撈埋其他配料，而呢一度就帶出一啲創新，🐄將花雕醃落去安格斯牛肉裏面， 酒香味重，🐄淥完之後花雕酒味依然揮之不去，所以喺食緊嫩嘅牛肉之餘，🐄更有花雕酒帶出嚟嘅甜味，多出一種層次感🐄北海道千歲戶米豚肉—豬肉係另一賣點，🐽採用左北海道嘅豚肉，亦都可以見到雪花紋佈滿肉嘅周圍，🐽喺豬肉來講算係非常少見，只需要比牛淥多少少時間同樣都早出水潤鮮嫩嘅效果🐽除咗肉之外，其他嘅配料亦都各有特色，當中亦都要推介一下佢哋嘅手作餃子，🥟有餡料到包餃子都係人手製作，獨一無二嘅味道。 🥟另外無論係海鮮定係打邊爐常見食材，例如香辣牛肉滑、蟹籽手打蝦滑、野生竹笙，牛柏葉呢一類嘅食材都可以見到色澤上鮮艷，🥢大部份食材都可以用爽口來形容。絕對符合高性價比。🥢一鍋堂 (瓊華中心) (旺角)旺角彌敦道628號瓊華中心6樓…Read More

週末出旺角買嘢，旅遊放寬防疫放寬之下，市面人流多番好多。揀咗去「一鍋堂」貪佢坐得舒服，食物質素穩定，價錢大衆化仲係任飲任食。入座前就要揀好湯底，揀咗套餐C 100分鐘任飲任食放題，已可以品嚐日本和牛、澳洲精選牛肉和美國安格斯牛等等，牛魔王輕易就可以回本了😌芫荽皮蛋鍋多款湯底已經試過，都係還原基本最喜歡嘅「芫荽皮蛋鍋」。芫荽味道好香，與任何食物都好夾。👍🏻飲品櫃有好多選擇，當然最受歡迎嘅係自家製養生茶飲，特別喜歡洛神花茶，酸酸地好啱食火鍋。仲有暖嘅飲品，紙包綠茶，大紅袍等等。自助吧分開冷盤、前菜有麻辣薯絲，秋葵、車厘茄、粟米，蓮藕、菠菜、醃蘿蔔等等。酸辣鳳爪最美味爽口，另一邊仲有丸類、腸仔、餐肉、魚腐、另有響鈴，炸魚皮和各種麵、米粉。日本產黑毛和牛油脂豐富，入口嫩滑，切得厚薄適中，每一個都美味無窮每啖都美味無窮~美國安格斯牛肉質柔軟，牛肉味好濃。澳洲精選牛肉沒有任何肥膏，有牛柳嘅質感。封門柳同樣地肉味香濃，有嚼勁👍🏻牛脷拓心薄切爽口，記得一放湯就差唔多熟。其他推介款式仲有自家包製鮮蝦雲吞，餡料十足好鮮味。梅菜豬肉餃每次來都會點選，甜梅菜肉餡味道太經典!熱食區有兩款一品鍋都以麻辣為主：麻辣豬軟骨及麻辣滷豆品。水魷魚今日厚身大大塊，口感夠爽不韌。蔬菜款式亦很多，較有驚喜的有日本南瓜，又香又甜。肉茄、冬瓜、粟米、蓮藕、海帶、鮮冬菇等等都新鮮健康。最後試咗唯一一款甜品：草莓雪糕，唔算太creamy ，似沙冰質感，食完火鍋清新口感。…Read More

今早阿女學校課外活動結束後，因為感覺太累🥱，所以想舒舒服服坐低食餐勁保充體力😆。記得上次和阿仔食過“一鍋堂”，坐得舒服之餘食物又唔錯🥰，附近瓊華中心好似都有間，阿女又未食過，就決定食個放題充充電😊。店舖在瓊華中心6樓，地方同樣好大，設有好多卡位🛋，每個卡位都舒適闊落，又夠私隱度。阿女今日話想重點食牛🐂，所以最後選了C餐，食高級日本和牛🐂。和另一間旺角分店一樣，100分鐘任食，星期六每位收費$258，如果想食海鮮，每位要+$30。自助區有丸類、冷熱盤、飲料、甜品及雪糕。選擇非常多，擺放企理乾淨。我選擇了檳城喇沙湯，喇沙味道香濃，不愧是推介湯底之一🥰。掃過QR code，我點了以下火鍋料試下：🌟日本產黑毛和牛🌟美國安格斯牛肉🌟封門柳🌟牛脷心托🌟蟹籽手打墨魚滑🌟手作蝦丸🌟蟹籽手打蝦滑🌟8吋長蟹柳由於我和阿女都是牛魔王😆，所以今次我地主打食牛🐂，其他只試少許😂。牛肉普遍質素唔錯，肉質軟腍有油香，其中日本產黑毛🐂和牛和牛脷心托👅特別出色。當中要講講牛脷心托👅，我下單點了3️⃣碟，上枱時3️⃣碟竟然完全不同，店員🙍‍♀️話因為是牛脷的不同部位，3️⃣款口感不同，3️⃣款都好好食，一次試勻不同的牛舌，正😋。其他如手作蝦丸🦐、蝦滑🦐及墨魚滑🦑同樣新鮮彈牙有肉汁🥰。飲品方面，依舊推薦多款自家製健康花茶🌷，獨立樽裝乾淨衛生，微甜帶花香味🌷，好飲又健康😋。總括而言，店舖位置方便，坐位舒適闊落，睇環境衛生乾淨，食物種類選擇多又有質素，價錢合理，店員禮貌又勤快，尤其要讚一讚的是收碟速度。整體值得再次回訪。…Read More

與友人好久不見，是晚下班後選了於一鍋堂打邊爐大吃一番。特選B餐和高級牛C餐只差$50，決定對自己的肚皮好一點，選更多靚肉選擇的C餐。入座先點了湯底，選了其中一款標示推介的養生藥膳湯，夠養生之餘亦想吃到食材鮮味。餐廳部分食材用QR Code電子下單，包括套餐限定的肉類、海鮮及限定食材等，另外前菜、飲品、蔬菜、丸類及醬料均採用自助形式。自助區的食物都擺放整齊，亦有標示清楚生熟夾及有搓手液提供，很衛生。既然選了C餐，當然少不了要點些靚肉試試。日本產黑毛和牛油花靚，入口近乎即溶，充滿油香，忍不住encore了。個人另外亦喜愛精選進口牛板腱，在咬口之餘牛味亦濃。令人有驚喜的是手切牛脊肉。初初見又厚又大塊，以為煮熟後會韌，誰不知竟然很滑且有肉味，值得一讚。亦試了封門柳及牛脷心托，肉味口感亦不錯。另外也點了較特別的北海道千歲户米豚肉，薄薄一片豬很快便熟，有豬油香而沒有常見的豬氣味，果然是北海道豬。肉類配養生鍋已夠味，沾點醬也是不錯，除一般火鍋醬油外，沾點沙茶醬也不錯。喜愛清新口味的亦有柚子醬油提供，選擇豐富。其他食材選擇相當多且質素亦佳。野生竹笙吸了養膳湯底後爽脆清甜。紅心蘿蔔較少見，亦是清甜美味。蝦滑釀油炸鬼蝦滑彈牙，油炸鬼吸了湯底精華，正。100%濃汁爽彈牛丸的確與一般牛丸不同，咬下爆汁，彈牙且牛味超濃。海鮮選擇亦有不少，蜆無沙亦算大隻鮮味，蝦很新鮮肉質爽彈，值得一吃。自助區的丸類質素也高，芝士魚腐麻吉燒炙燒芝心包也有。蔬菜除了常見的生菜娃娃菜等，還有高纖的羽衣甘藍，個人最愛。另外不得不提前菜區選擇非常豐富，選了幾款麻辣小食試試。麻辣鴨腎大大片且夠淋，麻辣蓮藕片及土豆絲都非常爽脆，蝦子炸得香脆可連殼吃掉。麻油菠菜及四季豆亦新鮮。愛辣人士可試試醬料區旁的熱麻辣豆皮豆卜，像是吸盡四川麻辣鍋湯底的精華，嗜辣人士必試。整體性價比很高，300多元有多款靚牛且其他配料選擇多亦高質，2小時很夠吃，飽得都吃不下雪糕了。見到店內的超值新推廣21:00後入座選C餐加$30可任飲1664/Asahi生啤，下次可選星期五晚下班與友人大吃暢飲一番。…Read More

早放工又約到人晚飯，食火鍋放題好似已經成為生活嘅日常😍性價比高嘅「一鍋堂」絕對係首選👍🏻最喜歡瓊華中心嘅分店，坐得較為舒服，裝修新淨。嗜牛的朋友今次揀咗套餐C，主攻多款高級日本牛肉和豚肉七點前結帳，仲每人減$40，更抵食！「蘿蔔粟米豬骨湯底」清甜得來有胡椒味，超大件豬筒骨正！🌟日本產黑毛和牛雪花紋理清晰細密，入口柔軟甘香，有牛脂香氣。薄切小巧，要encore幾個round 先夠😋😋🌟手切牛頸脊厚切夠稔滑，有調味，啱晒喜歡啖啖肉嘅朋友～😋北海道千歲湖米豚豬🌟西班牙栗飼豬肉C Grade 套餐連豬肉都好高質！切得夠薄，一淥就食得，豬肉帶甜又嫩滑。👍🏻🌟西班牙伊此利亞黑毛豬🐽有豬肉香，唔韌，美味可口。😋🌟羊肉唔錯，又嫩又滑唔羶。飲品櫃有勁多選擇，當然少不了招牌自家製養生花茶。另一邊十分貼心，仲有保溫嘅飲品，熱茶，飯後來一杯勁消滯。唔點唔得項目：🌟梅菜豬肉餃，梅菜爽脆超正！自助區仲有丸類、菜類和冷盤。凍菠菜做得好吃😋麻辣雞腎好入味又爽！潮州牛肉餅牛味濃。👍🏻😋海鮮：今晚嘅蝦🦐非常惦，好新鮮好甜！👍🏻👍🏻沙白肥美，仲有鱔片，手做雲吞啖啖鮮蝦味！潮州魚蛋，推介！超彈牙有魚味。👍🏻全程冇漏單，落單後好快送上。最後都必試唯一一款甜品，北海道哈密瓜雪糕，滿足而回！❣️😋…Read More