野川拉麵の深燒食堂

來到野川拉麵の深宵食堂，入到嚟心情會好好🤭，因為裝潢霓虹燈好繽紛，好有happy hour既感覺。打開Menu嘢食選擇好多好吸引，刺身壽司小食炸物串燒拉麵烏冬壽喜燒都有！就連嘢飲嘅選擇都好多！feel到我有幾high嗎，我有鍾意見到好厚書本嘅癖好😂🍣壽司：正常水準，帶子同鰻魚很不錯，整體偏細舊，甜蛋偏薄身，優惠時段$10~20有2件，CP值超高！🦪廣島吉利炸蠔：推薦❗️上菜時熱辣辣，外皮好脆，蠔多汁，$35/4隻辣味牛油蒜蓉焗蜆：個汁辣辣地好過癮，蒜香味適中，蜆幾大粒厚肉，但係有碎左嘅殼，要好小心食！$70/份🍢蜜汁墨魚丸，野燒牛舌串：推薦❗️墨魚丸表面蜜糖味濃，好似去咗BBQ嘅感覺，牛舌厚身有咬勁，$20/$36🍢脆脆鰻魚串：推薦❗️燒得好香口，魚肉脆身有口感$44🐟燒鱈魚乾：推薦❗️仲以為係墨西哥脆脆😂，脆口魚香加沙律醬令人一塊接一塊停唔到口$70/份🍆香蒜大茄燒：顏色賣相很好，望到都開胃好夠蒜蓉，味道正常，但比較難夾起食$40🍜自家製叉燒烏冬 芝士辣湯底：推薦湯底❗️湯底賣相超過癮，完全刺激味蕾自家製叉燒好特別，同平時食到嘅叉燒唔一樣，望落去有啲似風乾嘅做法，嫩身好咬但個人有啲偏向平時嘅叉燒😳🫣$88🍹日本信州蘋果梳打：推薦❗️唔算太甜，清香蘋果味夠唔會只得梳打味食串燒飲佢太爽了$35整體來講，嘢食水準唔錯，做緊優惠有啲嘢仲超級抵食添，好多選擇😍，超適合同一班朋友聚會，坐低飲嘢慢慢食📍 野川拉麵の深燒食堂 (元朗)元朗又新街40-48號榮豐大廈地下B號舖…Read More

之前食過午市 拉麵的確不錯湯底又濃朋友山長水遠黎到 帶佢試下個晚市依家多款食物更設有分享價(˶‾᷄ ⁻̫ ‾᷅˵)好彩有訂枱 七點左右都爆爆地室內外位置 營業至凌晨1點半工業風設計 搶眼Nano燈多款選擇 價錢合理 質素中上(以下🏷️=有分享價)- 刺身/ 壽司 -▸ 油甘魚壽司（𝟐件）$𝟏𝟗 🏷️▸ 六品刺身盛合 $𝟐𝟓𝟗 🏷️第一眼就見到海膽🤩軟滑細膩入口即溶 好～鮮甜不苦不腥另有紫菜配搭 我當然喜歡就咁食厚切三文魚油甘魚 甜蝦鮮 赤貝爽唯一帶子差少少 有點腥- 串燒 -▸ 燒雞軟骨(𝟐串) $𝟐𝟒▸ 厚燒牛舌 $𝟑𝟔 /串▸ 燒豬頸串 $𝟑𝟎 /串▸ 燒黑豚肉五花腩 $𝟑𝟎 /串每串肉都係鹽燒 厚切啖啖肉又多汁私心五花腩 看似好肥膩但食落唔油反而脂香細緻 瘦肉位十分柔軟- 炸物 -▸ 吉列蠔（𝟒隻）$𝟑𝟓 🏷️▸ 椒鹽雞軟骨 $𝟑𝟑 / 客 🏷️▸ 軟殼蟹天婦羅（𝟐隻）$𝟕𝟒正確來講 係兩隻大大隻🦀炸得酥脆可口不在話下有不少咸香蟹黃 肉質滑嫩配埋蘿蔔蓉甜豉油 油膩感拜拜👋🏻- 麵/烏冬 -▸ 極上牛肉贊岐手打烏冬 $𝟖𝟖畢竟係一間拉麵店 點都要叫碗食有湯麵冷麵 湯底有辣有唔辣(我好辣 食過辣湯底的確夠辣🤤)今次叫芝士湯 芝味香濃不過咸烏冬係偏寬厚身 彈而更煙韌牛肉幾多味香且嫩 仲有蛋 粟米 海帶- 飲品 -個個啤酒一杯接一杯 我地就老老實實飲杯野😂▸ 日本信州蘋果梳打 $𝟑𝟕一大杯梳打 夏天飲夠爽蘋果味香濃 唔會話太甜▸ 可可脆片阿華田芝士奶蓋 $𝟓𝟎奶蓋非常綿且滑順 濃稠度高芝味奶味平均 咸咸微甜不覺膩阿華田濃淡度剛好 正合我口味…Read More

入到元朗除咗要食香蕉仔泰國煎餅，都要揾間餐廳醫醫肚😋呢一間居酒屋食物好多元化，價錢又唔貴，同娘娘個晚就入去試下。💂🏻‍♀️《吉列炸蝦讚岐手打烏冬 》$76嗌咗濃豚骨湯底，配讚岐手打烏冬！食烏冬一定要食讚岐，夠彈牙同湯底又夾👍🏻配埋吉列炸蝦🍤好正！炸得好香脆，唔會有油益味，仲好新鮮。評分: 80/100💂🏻‍♀️《壽喜燒》$98壽喜燒最吸引嘅喺個湯底，甜甜地配搭牛肉🥩同蔬菜🥬都咁好味🤤 成個鍋鋪滿晒牛肉，仲有娃娃菜、金菇、冬菇等，仲有隻日本蛋。最驚喜嘅係有啲粉絲係底。食落易入口又好暖胃。評分: 80/100💂🏻‍♀️《香蒜大茄燒》$29燒得好軟身，啲蒜蓉多到好似唔洗錢咁舖哂係茄子的上面，辣辣地，調味料都足夠👍🏻評分: 85/100💂🏻‍♀️《燒扇貝》$22一隻分別嗌咗一個蒜蓉辣味同芝士味燒扇貝，一上碟就聞到好香濃郁的蒜香味，扇貝焗完都唔會話好韌。食咗一啖蒜蓉，配合埋扇貝汁嘅精華，真係好惹味，食唔停口。芝士味就比較濃郁，如果係芝士迷嘅話應該會好鍾意。評分: 85/100💂🏻‍♀️《自家製芝麻雞翼》$38兵仔好鍾意食啲炸野小食，芝麻雞翼都唔使我講就係炸到好juicy，唔會好似平時放題咁炸定！一咬啖雞翼，入邊仲有肉汁🍖3隻夠哂止口痕。評分: 80/100💂🏻‍♀️《牛油蒜蓉焗蜆》$38啲蜆好大隻好新鮮，一粒沙都無，洗得好乾淨！一放入口每一隻都索哂牛油蒜蓉嘅香味，份量同樣地都好多，真係好抵食。評分: 85/100💂🏻‍♀️《蜜汁燒牛丸+椒鹽雞軟骨》$18/ $28嗌咗燒牛丸，呢度嘅串燒質素都幾好，唔會燒得太窿，而且甜甜地，好似平時自己燒嘢食嘅感覺。椒鹽雞軟骨成鑼咁上，啲份量多到嚇親，份量多之餘，質素都好好👍🏻評分: 75/100💂🏻‍♀️《M5澳洲和牛》$84呢個係餐廳推介嘅，一上碟已經切好晒，用咗海鹽來調味，肉質鮮嫩，燒到啱啱好半生熟的質感，唔會燒到太靭太鞋，兵仔覺得好食😋評分: 80/100💂🏻‍♀️《日本信州蘋果梳打》$35飲品用好大個玻璃杯裝，將飲品倒插入杯中，再加大量碎冰，飲到尾都仲係好冰凍👍🏻評分: 85/100總結：個環境好大，同朋友夜晚黎真係一流，嗌啲小食串燒傾下計就可以傾成晚。餐廳嘅裝修都好特別，而且6:00後係社交平台 留言讚好仲可以享用多款低至半價優惠的食，上面兵仔同娘婷食嘅嘢好多都係用優惠價，cp值真係爆燈😂😂！頒發軍階：上將🎖🎖🎖🎖…Read More

朋友想食拉麵但係我又想食小食唔想食一碗麵咁飽，朋友話要來呢度就可以滿足晒我哋兩個嘅願望同要求。之前有經過已經記低左想試吓，朋友就梗係叫拉麵啦！我見到餐牌有好多小食即刻好雀躍，於是樣樣都叫，樣樣都試吓。朋友話拉麵好食我呢就食咗佢1塊叉燒，好味呀，入口唔會好肥！有我最鍾意嘅鮮帶子刺身一定即刻叫，鮮甜肥美！熱氣鬼上身不斷叫炸嘢😛😛😛持住可以返屋企飲涼茶，但係真係好香口好好味。吉列蠔好甜好好味好鮮，雞翼唔係好夠喉，魷魚鬚好軟熟唔會硬，龍蝦鉗喺第二度好少見到一見到一定要食！其實我本身想食三文魚水撥架，不過佢原來有限量發售到我叫嘅時候已經冇晒，所以唯有叫三文魚骨，燒得夠香口都好好味唔會有腥味！我哋仲叫咗兩樽嘢飲，嚟得呢度食就一定唔會叫普通啤酒汽水，要試一定試日本嘢！🤩🤩🤩…Read More

野川拉麵之深宵食堂就在元朗又新街40-48號。第一次在元朗找拉麵店，找來這間野川拉麵，希望有個suprise。門面大，好易找到。店外燈火輝煌。店內十分之有特式，牆上全是rock的裝飾。餐牌上的食物選擇多，拉麵、燒物、刺身應有盡有，你想得到的都有。首先點來飲品。一杯日本信州蘋果梳打$35，一杯西班牙白葡萄桃子果汁$35。兩杯都好有誠意地用上大肚杯裝上，加上冰，chill到一個地步。味道當然不錯，生果味足。鮮帶子刺身（12切）$68鮮甜！還挺新鮮的。份量多，兩三個人都夠食的。雪場蟹柳稻庭烏冬$65湯頭非常的濃郁，奶白色的湯，有著豬骨的精華，油香滿滿。雪場蟹腳切不錯，大大的一條，滿足。極上牛肉稻庭烏冬$81同樣是湯頭出色，奶白色的湯可以說得上是精華，濃濃豬骨味。極上牛肉嫩滑，肉質有口感之餘又不失牛味。稻庭烏冬爽口彈牙。一口芝士$42外脆內軟的口感，芝士味香濃，不過要盡快食，熱食才更有口感呢。蒜蓉燒紅蝦$48手掌咁大隻的蝦，燒過有香烤味。不過最搭配的是蒜蓉香，非常香的蒜香，與彈牙的蝦肉簡直絕配。…Read More

今晚想同老公食拉麵，於是去左呢間成日經過，成日都想試下嘅深燒食堂。店裏面細細的，鮮艷嘅顏色櫈，令人覺得輕鬆愉快。座位細心安排可以放手袋😊。裝修有花心機，利用英倫電話亭，路標等歐美街景元素佈置，成為店舖打卡點。食物種類多元化，唔會單一得拉麵烏冬食，仲有燒物，刺身同小食。我地叫左3個小食同2個拉麵烏冬。金菇牛肉捲串燒，牛肉夠薄又夠嫩，火喉岩岩好，唔會太熟而變韌。醬汁少少甜甜地，又香又滋味。炸雞翼外皮非常脆，裏面仲留有肉汁唔會乾，確實「皮脆肉嫩」😋不過豬咬落去時俾d肉汁辣親個咀，所以要小心d😓炸魷魚鬚唔係厚厚既炸粉， 新鮮嘅魷魚經過簡單嘅調味，鹹鹹地而且好惹味。炸到脆卜卜嘅魷魚肉質脆韌彈牙又香噴噴，大大份，食極都有😋自家製豬軟骨叉燒湯麵（豬骨湯底)，湯色帶點啡白色，飲起黎帶有輕微豬骨香味，唔會油膩或太鹹。而拉麵口感好好，有彈性，麵條帶點香稔。豬軟骨肉質香軟，份量多，有兩三舊，仲要係大大舊，味道濃郁。老公再加15蚊追加左叉燒，夠曬淋又夠滑，食落口有種入口即溶嘅感覺，而且好入味，唔錯。麵嘅配料本身有糖心蛋，京蔥，木耳，粟米，紫同菜筍。湯底方面有幾款可以選擇，血池地獄湯底，蕃茄湯底，芝士湯底，豬骨湯底同芝士加辣湯底。由於豬唔食辣，所以叫左個番茄照燒雞扒稻庭烏冬，個蕃茄湯好濃好入味；照燒雞扒好嫩滑；烏冬有彈性，柔韌之如仲好滑溜，配香濃蕃茄湯汁，每一啖都雪雪聲，失禮晒🤭Order左2個飲品，有日本信州蘋果梳打，半甜的有汽梳打，帶有淡淡蘋果香，甜甜酸酸真係好好飲。老公叫左紅桑子生啤，喺 Hoegaarden 花園入面，一年365日都出產最好味，最完熟嘅紅桑子，每分每秒都係紅桑子成熟時，濃郁果香令人回味。小食加兩個主食，肚子已經漲卜卜，實在冇能力再食甜品，唯有下次再黎食過啦～…Read More

唔知痴起邊條根🙆‍♀️突然之間好想食蜆~ 醒起呢度有得食，仲唔即刻走過嚟😁落order嗰時，侍應姐姐話得番一個😯嘩😳好好彩呀一路煮嗰時已經聞到好香🤭開餐嗱~ 好香芝士味😚同平時食開嘅炒蜆又係另一種風味呢度勝在款式多泰式生蝦都有得食😀就算突然之間想食燒牛肉呢度都可以食到，仲要淨係叫一串都冇問題， 燒牛肉都夠曬juicy，牛味香濃😋炸物梗係要試個薯餅啦~ 炸得金脆可口~再黎兩個烏冬~ 蕃茄湯底香濃🍅好似飲緊羅宋湯咁再叫埋兩杯蘋果味汽水，真係大滿足😍叫咁多野食，每人都係200蚊度，抵~…Read More