Monster Carbs (Closed)

而家想掃街都會選擇係旺中，今次就試左依間漢堡店，又唔貴又多特別野簡😳分別有漢堡、炸紫菜粉絲卷、迷你西多士拼雪糕、西班牙油條、可樂餅、仲有炸蠔/香蕉/燒賣、年糕😍，炸蠔都係$15/3粒，平到笑🤣🤣。-💕 炸紫菜粉絲卷(芝士鰻魚) $24👅好味指數：8/10即叫即整，熱辣辣食既話真係好正炸得好脆口得黎乾身唔油膩☺️芝士、鰻魚同粉絲比例都係1:1:1味道平均，所以食落冇話邊個味偏重啲反而係口感層次好豐富😚正！-💕 蜜糖芥末芝士漢堡 $29👅好味指數：7/10成個漢堡都好Juicy，配料有生菜、蕃茄、青瓜落左好多醬汁，仲有半溶芝士，整體好重蜜糖芥末味！🍯味道偏甜，中意甜既可以試依個🤤！-💕 日式炭燒雞扒漢堡 $35👅好味指數：7.5/10依個都係落左好多醬汁好juicy！配料有洋蔥、生菜、蕃茄、青瓜，加左洋蔥，香左好多☺️醬汁味道酸酸甜甜，好惹味，雞扒肉嫩多汁👍🏻-環境：/10服務：9/10整體味道：7.5/10回頭率：7/10

繼續晚市冇堂食，繼續在家抗疫，但都要食野嘅~ 旺中可以稱得上係外賣聖地，有勁多小食舖，任君選擇😻 今次清清地食個burger先，仲要唔同小食都好吸引🤩✨日式炭燒雞扒漢堡 - 好juicy, 雞扒肉都多，連埋中間配菜一齊食口感幾足，有層次，$34 算好抵✨醬燒牛肉炸紫菜粉絲卷 - 牛肉醃得好夠味，炸得好香脆，好好味✨西班牙油條 - 因為外賣我唔要雪糕，哥哥仔好好人，俾多兩條我，我本身好鐘意食churros, 果然冇失望，夠脆夠香肉桂味✨白桃烏龍茶 - 食左炸野真係要飲返啖茶解膩，鐘意佢大大枝又唔會甜，清清地啱晒我平日夜晚都多人泥買外賣，食物有保證😋

今日經過旺中，人流唔算多😣 行咗陣就口痕買咗幾樣小食🙈Menu:1️⃣ 雙重芝士煉奶脆皮年糕 （$22）年糕控不能錯過！強烈建議當場解決咗嚿年糕🥺 雖然我拎到返屋企仍然好食，但仍然比我當場拎到嗰一刻咬嗰啖硬咗一半左右😥 （都怪天氣太凍❄️☃️ 本身係想食秘製甜辣醬嗰款，但店員話怕我唔食得辣，所以都係建議食比較受歡迎嘅雙重芝士煉奶呢款😌 作為cheese lover 當然唔會say no to cheeee😆🧀 煉奶嘅甜味中和咗芝士嘅鹹味 & 一大件年糕嘅膩🥰 是喊是甜嘅味道令人忍唔住食晒成件年糕😎💛2️⃣日式炭燒雞扒漢堡（$34）呢個漢堡會令我想再encore 嘅原因就係嗰兩塊鬆軟嘅麵包& 肉質超嫩、醃料超入味嘅炭燒雞扒！🥯🐥 蔬菜配料方面亦頗豐富，有青瓜、蕃茄 & 生菜😛 即使外賣拎到屋企個漢堡仍然係微暖☺️🍔3️⃣ Churro拼雪糕 ($28) 表面佈滿砂糖，淋上朱古力醬，雖然有點油膩，但鍾意食甜點嘅可以試下😆 但我覺得令我驚喜嘅係個雲呢拿味雪糕🍨