The Cool Cousins Cafe & Noodle Bar

🏷️The Cool Cousins Cafe & Noodle Bar🍔📍觀塘開源道60號駱駝漆大廈第三座11樓J室(港鐵觀塘站B2出口，步行約3分鐘)📞3425 4611由上年見到YouTuber介紹佢個雪糕炸雞burger ，就一直心思思想一試究竟😋終於有時間過嚟trytry，即刻同男友一人一個填填肚仔🤎小店用Qr code落單，每個漢堡即叫即整，等大約15mins🤎熱辣辣🌞一坐低就見到呢個我心心念念既雪糕炸雞burger ($129)🌝一嚟到我即刻哇…賣相超級吸引😳😳伴碟就揀左同樣被推薦既花生楓糖蕃薯條🍠(跟餐+$23)超級邪惡！伴碟沙律不過不失🥹Burger 唔好諗住可以一啖咬曬，因為厚到根本冇可能🤣我先咬左啖雞，水牛城醬好突出，加埋雪糕既甜，岩岩好可以中和一下，但略嫌會令到成個漢堡濕得滯，而且冰火效果唔出，但整體連埋一齊食，食用效果好特別🌝 推薦指數3️⃣/5️⃣相反蕃薯條連楓糖花生醬幾特別，如果脆啲就更加理想，食下食都食晒成碟🤣推薦指數3️⃣.5️⃣/5️⃣呢個「招牌 72 小時安格斯牛小排漢堡」（$129）果然可以叫做招牌🤣因為一咬落去肉汁即刻咇曬出嚟，同男朋友即刻搶食，個人食落覺得有啲似BBQ醬豬肋骨，但牛肉嘅軟糯配搭漢堡更勝一籌🌝另外包嘅羽衣甘藍同墨西哥辣椒更加令到成個漢堡昇華，俾我再揀下次都係揀呢一個😋推薦指數4️⃣/5️⃣另外半碟揀咗芝士黑松露薯條（跟餐+$16）芝士松露味唔出，薯條偏腍🥹推薦指數2️⃣/5️⃣…Read More

自己不嬲都中意食Fusion野，而阿妹又中意食Burger，所以決定試呢度嘅創新漢堡滿足下兩個願望🙊。星期六中秋正日12點零嚟到，本身仲擔心要等位，點知得小貓一兩隻。招牌72小時安格斯牛小排漢堡 $121 + $15黑松露芝士醬話明招牌一定係餐廳做得最好嘅野啦!! 😏加上從未食過慢煮牛嘅漢堡，所以對佢期望幾高。上枱果陣只見佢一堆綠色嘅菜，感覺好Fresh，配上焦糖洋蔥，啱哂唔中意食生洋蔥嘅我~~😌牛質係幾淋，但老實講，真係食唔出係牛小排，食落似牛腩多D。值得讚嘅係，醬汁夠杰身，所以唔會邊食邊滴汁，唔會好”呢HEA”。至於個粗薯條，幾有薯味又夠粉；反而黑松露芝士醬係我食過最杰身，放左一陣已經琼左，薯條完全痴唔起個醬….🙄🙄麻麻地IC水牛城炸雞漢堡 $129其實我自己係衝著呢款Burger而嚟🤓，因為佢個賣相真係一流!!不過食落真係好麻煩😂最”呢HEA”就係佢，好彩我醒目有帶手套，否則要逐層食。炸雞個炸粉幾厚，而且炸到好乾硬，好處係雪糕溶左都唔會變淋，依然脆；但幾甜嘅雪糕配鹹辣嘅炸雞，真係唔太Match😅。反而我好中意個水牛城醬，辣得嚟又幾惹味😋，如果無雪糕應該會更好味😏。[題外話：食果陣要小心，當日嘅雞扒仍然有條骨痴住。]烤大啡菇黑松露芝士牛肉漢堡 $108D黑松露芝士醬好澎湃，多到完全見唔到漢堡扒😯由於有2位成員唔食菇，所以大菲菇一早比我抽起左，而我自己唔食生洋蔥，所以又抽埋出嚟，結果個漢堡高度減半，啱啱好可以一啖咬哂咁多層🙊。雖然呢個組合最普通，但最好味就係佢，漢堡扒比安格斯牛小排更有牛味，最加分係個烘麵包仲脆🤤，全因黑松露芝士醬夠杰、蔬菜夠乾身、大菲菇被抽起左。其實我仲想試埋花生醬楓糖蕃薯條，可惜當日無蕃薯條，好失望😫。估計短時間唔會再嚟，我地反而對另一間喺同一大廈較多人光顧嘅漢堡店產生興趣🙊。…Read More

呢間觀塘工廈小店主打泰國粉麵都同埋Burger，見到其他客人都係食Burger為主🍔 我都唔例外， 結果都有驚喜嘅😋 Weekend Lunchtime 去食雖然唔係話大排長龍，但最好都係打電話訂咗位先。💛招牌72小時安格斯牛小排漢堡 ($119)佢嘅肉好有份量！而且夠入味，鹹鹹地，好有特色❣️不過啲醬就較多，容易流出嚟，食個陣就要小心啲。💛烤大啡菇黑松露芝士牛肉漢堡 ($105)一向都鐘意食大啡菇❤️ 今次呢個勁Juicy又重菇味，不過就有少少蓋過咗啲肉味🤏🏻 而黑松露芝士醬汁唔重，唔漏又唔會搶曬其他味道，就算食埋一樣味嘅黑松露芝士薯條都唔會話好寡。💛黑松露芝士薯條 (餐加$10)值得加呢$10去轉黑松露芝士薯條👍🏻 食完佢再食一啖普通薯條🍟 就會覺得跟餐薯條真係好普通😂 佢仲有好多醬淋咗係面，但唔會好漏，如果想試下好唔好食嘅朋友可以同我一樣，一份普通薯條，一份轉，咁仲可以拎普通薯條去點埋淨低嘅汁😋 💭整體嚟講兩款Burger都十分足料🤩 佢麵包皮有烘過，食落好脆，有口感。同出面軟淋淋嘅包相比，我會鐘意呢個多啲😍 而包嘅價錢已經包埋沙律🥗同嘢飲🍵飲品方面揀咗唔洗加錢嘅無糖冷萃冰茶，解解渴，又唔會好似汽水咁飲完成肚氣，值得一試。職員服務態度好，不過運作上就比較混亂，我等咗半個鐘啲嘢食都未嚟😵‍💫 但遲過我Order，又叫同一樣嘢食嘅人一早食緊。另外電話訂座佢就咁問你有冇訂位 & 幾多個人，但冇問到啲可以識別身分嘅資料。有時仲會送錯餐去隔離枱，同埋落漏咗黑松露芝士醬落啲薯條度🤦🏻‍♀️ 所以大家食之前記得Check下係咪自己嗌咗嘅。…Read More

/ ɴᴀᴍᴇ ᴀ ғᴏᴏᴅ ᴛʜᴀᴛ ᴜ ᴄᴀɴ’ᴛ ᴘᴜᴛ ɪɴ ʙᴜʀɢᴇʀ /꧁𝗖𝗼𝗼𝗹 𝗰𝗼𝘂𝘀𝗶𝗻 𝗰𝗮𝗳𝗲 & 𝗻𝗼𝗼𝗱𝗹𝗲𝘀 𝗯𝗮𝗿💛꧂ #黃店推介𝘾𝙤𝙤𝙡 𝙘𝙤𝙪𝙨𝙞𝙣 名符其實由四表兄弟合作主理表哥Wayne是前𝘾𝙤𝙫𝙖, 𝘼𝙦𝙪𝙖西廚表弟Naptha則有十多年主理東南亞料理的經驗所以店內既有特色burger 又有喇沙粉麵等東南亞菜慕𝐼𝐶(𝑖𝑐𝑒𝑐𝑟𝑒𝑎𝑚)水牛城炸雞𝑏𝑢𝑟𝑔𝑒𝑟的名而來 但當日實在太旺場竟然在落單十分鐘後才獲告知已售罄(;´༎ຶٹ༎ຶ`)對於當時已在門外等了約半小時位的我來說實在是晴天霹靂....老實說如果一早獲告知無𝐼𝐶炸雞𝑏𝑢𝑟𝑔𝑒𝑟我應該就不會等下去了....然後落單後又要再多等個二、三十分鐘食物先到飲品又漏單整個人真是HANGRY到不能(｡ì _ í｡)Anyways burger確實是好味的 但在整個用餐體驗上來說確實有改善空間☽ 烤吞拿魚扒莎莎漢堡 $𝟙𝟛𝟚𝑇𝑢𝑛𝑎 𝑠𝑡𝑒𝑎𝑘好厚身 肉質比較lean不過無筋 比想像中容易咬質素比好多平價壽司店的吞拿魚好外層舖滿芝麻 再烤到微脆香口 口感👍🏻另外菠蘿甜椒𝑠𝑎𝑙𝑠𝑎 酸酸甜甜好開胃 同吞拿魚又幾夾成個feel比較light啱哂on diet人士食又可以補P☽ 招牌72小時安格斯牛小排漢堡 $𝟙𝟙𝟡不愧為招牌呢 慢煮牛小排肉質超腍 唔會乾配自家煙燻BBQ汁好好味仲有蘑菇焦糖洋蔥等配料令到成個層次更豐富不得不提兩個burger的麵包都烘得超級脆但又不會乾質感是偏實淨的一種 不會軟塌塌 like!!另外不知當日的薯條是否已售罄 轉了做炸素菜春卷好像有點點羽衣甘藍的苦青味 麻麻地💬 其實味道真的不錯 但有點under staff handle不了weekends peak 大家可能平日或non-peak hour去會好點ⓄⓋⒺⓇⒶⓁⓁ: 🦦7.5/10 👱🏻‍♀️7.7/10♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎📍 The Cool Cousins Cafe & Noodle Bar (觀塘)觀塘開源道60號駱駝漆大廈第三期11樓J室...#cty_黃店#cty_觀塘#cty_burger...…Read More

觀塘駱駝漆大廈不嬲都多好野食自從上次食完慢煮屋之後今次搵左間食burger因為見到佢有個慢煮安格斯牛既漢堡即時扑錘食呢間·裝修好簡單 用剔剔紙落單✿慢煮72小時牛小排漢堡🍔個店員好sweet知道我哋share食所以專登幫我哋分開咗一半呢個漢堡算係今年食過最回味最驚喜既食漢堡好驚d包淋哂而呢度既包烤到好脆身但仲會好鬆軟慢煮牛小排好淋腍帶少少脂肪🤤脂肪入口即化 · 油脂感爆分裡面既烤菇·焦糖洋蔥🧅配搭埋個BBQ醬個口感好豐富食完真係會好滿足✿烤大啡菇黑松露芝士牛肉漢堡🍔成個包好厚身有牛肉/大啡菇/芝士/蕃茄/羽衣甘藍配料好多🤤一啖完全咬唔哂牛肉裡面仲粉嫩粉嫩好juicy💦芝士岩岩半溶狀態🧀黑松露味唔算好濃係一個好高質嘅漢堡但食完牛小排再試呢個不禁被比下去原本漢堡係配粗薯條🍟但當日我哋太晏去到粗薯條唔夠兩份店員幫我地轉左其中一份做蕃薯條🤭🤭🤭蕃薯條同薯條都炸到岩岩好外脆裡面仲有薯泥感但蕃薯條本身甜甜地相對地比較好食🍟除左漢堡佢地仲有世界各地嘅手工啤酒今次試咗兩款手工啤酒🍺✿VandeStreek Bock （$30）來自荷蘭入口甜甜地回甘有少少咖啡味✿Big drop Pine Trail Pale Ale ($32)來自UK呢枝幾香飲到有菠蘿味…Read More

近排小編去咗觀塘駱駝漆大廈入面嘅一間餐廳 聽聞佢嘅burger好出名 唔知好唔好食呢😚👅經典美式𝑀𝑎𝑐’𝑛 𝐶ℎ𝑒𝑒𝑠𝑒牛肉漢堡 （配薯條+沙律）$135呢個真係超級推介‼️佢超級澎湃 Mac’n cheese嘅份量好多 芝士味幾濃郁😋而佢嘅漢堡好juicy 煎得啱啱好 一啲都唔乾🤤再配埋一啲好似焦糖蘋果味嘅醬汁 令到食完都唔會覺得太漏 特別一讚嘅係佢嘅漢堡包外皮有少少香脆 入面好軟熟 真係好好食😍👅招牌72小時安格斯牛小排漢堡 （配薯條+沙律）$119呢個就相對普通啲 不過都唔錯😛牛小排食落有啲似平時西餐食嘅牛扒 同漢堡扒嘅質地有啲唔同 就略嫌乾咗少少 佢亦都落咗好多芝士 好邪惡 調味都幾好🙈👅黑松露芝士薯條 （跟餐+$10轉）黑松露醬都幾多 薯條唔會過淋 幾好味🥰👅手撕豬薯條 （跟餐+$18轉）醬汁有啲似燒烤醬 手撕豬就正正常常😝值得一讚嘅係呢度嘅員工好友善 服務唔錯😚總括嚟講 呢度嘅漢堡包幾好味😋大家嚟到觀塘不妨一試🥰😋 好味：8.09/10🤑 價錢：7.84/10🤗 服務：8.00/10😝 環境：7.53/10😚 衞生：7.34/10🤩 整體：8.07/10…Read More

去親觀塘食嘢都無咁順利，想食嗰間竟然東主有喜唔開，上網又無講，搞到霎時之間唔知食乜好。由於接近四點我朋友都未食第一餐，我都唔好意思再挑三揀四🙈，所以去咗駱駝漆其中一間我一直都有興趣想試嘅餐廳「The Cool Cousins Cafe & Noodle Bar」。餐廳面積唔大，一眼睇哂，座位有啲迫，但未算坐得太唔舒服，而且每枱都放有隔板，咁就同其他食客有些少距離。呢度仲有兩幅好得意😎嘅卡通改圖。香煎法式油封鴨脾·金邊粉·冬蔭茄湯($76)，🍜其實菜名已經講哂呢碗粉有嘅嘢，各樣食物嘅味道唔錯，但成個組合又好似唔多搭調。🍗先講鴨脾，鴨幾厚肉，肉質都嫩，但調味較為清淡。同時，一上枱嘅時候鴨脾經已無乜煎香嘅感覺，更何況唔係分湯上，擺耐咗塊鴨皮直頭淋哂。冬蔭茄湯色澤深紅，未飲仲以為好辣🌶，但實際上連BB辣都不如，香味亦欠奉。因為茄味先係主角，佢有蕃茄嘅酸味🍅，但就並非冬蔭功嗰隻魚露酸辣。如果追求泰式好重味嘅，可能會有啲失望。麵底係指定咗嘅金邊粉，同湯底幾夾，而且亦無碎濕濕。另外，湯麵附有脆炸豬皮同秋葵粒，前者為呢道菜加返啲分。招牌72小時安格斯牛小排漢堡(配薯條+沙律)($119)，漢堡包係呢度嘅主打菜式🍔，有成十款選擇，但定價都幾貴，最平嗰款索價$90。不過好在配埋薯條🍟同沙律🥗，感覺完整啲(雖然味道就無乜特別)。呢款漢堡包嘅材料包括慢煮美國安格斯牛小排、自製煙燻BBQ醬汁、手工芝士醬、焦糖洋蔥、烤菇、羽衣甘藍同墨西哥辣椒。Burger個樣幾吸引😍，但為咗營造澎湃嘅效果，佢係疊到東歪西倒，疊返整齊後就發現個包唔算好大個😧。除咗牛肉以外，其他配料都幾好味，特別係焦糖洋蔥同墨西哥辣椒，甜味辣味並存。只可惜所謂嘅「牛小排🥩」似牛腩多啲😑，用嚟做漢堡包嘅餡可算係九唔搭八；我認為用返免治肉或者真牛扒會好好多。BBQ醬無問題，但覺得會同手撕豬肉夾啲，配牛腩唔知點解會令我聯想起叉燒包。紫薯網絲春卷($18)，春卷出奇地幾有驚喜，雖然可能都係入貨。本身覺得春卷炸到好燶，唔係越南網絲嗰種，但食落都夠酥脆。最特別係中間嘅紫薯蓉餡🍠，口感細錦，甜甜香香，份量適中，整體幾好食。清新檸檬批(單點$46/套餐加配$34)，我奉勸大家唔好睇餐枱上個甜品餐牌，因為唔係每日都有晒咁多種，如果想食最好問返店員。幸好呢日嗰兩款甜品之中有我想食嘅檸檬批🍋，件批比想像中大好多！不過味道有點強差人意，可能唔啱我口味吧。批邊鬆散唔夠脆，檸檬餡質感過於軟身，無應該要有嘅酸味，似食緊嘉頓瑞士卷，我同朋友講咗句：唯一可取之處就係夠大件囉😅。飲品方面，原來我哋嗰兩個主食都係午餐嚟，所以送指定飲品或汽水，叫做好過無。如果想飲啤酒就要另外再加錢。我哋要咗可樂同冷萃冰茶，🍵後者係無甜味嘅茶，亦唔好幻想佢係檸茶。總括嚟講，我認為呢間小店係屬於一試無妨嘅水平😬，味道絕對唔稱得上難食，但硬係有啲怪咁，唔係好識形容。再者，主食主要係得金邊粉同漢堡包兩種，性價比又唔高。如果無新菜式，我未必有興趣再幫襯。不過服務方面，店員們嘅態度幾好，有禮貌兼主動，都抵讚嘅🙏🏻。…Read More