Rustico

二訪Rustico,今次終於有機會一嘗甜品以外既菜式。朋友一早訂定位，仲細心安排可以兩個人傾下計又有梳化位嘅地方，而餐廳亦都好配合安排我地坐呢個，無論舒適度打卡光感度都滿意既位置。首先，我地嗌左兩杯無酒精既飲品，分別係我選擇既Peach🍑 dream同埋朋友選擇既Pineapple cooler🍍。我個杯就酸酸甜甜，無預期既甜，反而酸味蓋過左甜味。西班牙飯黑毛豬份量相當少，少到我同朋友要尋寶甘先揾到幾粒，飯相較硬身，蝦夠鮮甜又大隻，但飯就只有薄薄一層，相對性價比較低。傳統西班牙炸脆條配雲呢拿雪糕和朱古力慕絲有7小條，不過咬感相較淋，如果炸得再脆身啲更好，不過呢樣野可能係個人感覺。廚師毫不猶豫地落左勁多肉桂粉，每一口都成嘴粉。😆朱古力慕絲藏下一個雲呢拿小雪糕夾雜左小雜冰粒，點住油條食一冷一熱好正。不過要講到今晚既驚喜，就係呢個用酥皮包住既香烤雞肉帕馬森凱撒沙律，呈上既時候店員話成個都食得超級令人嘩然，估唔到凱撒沙律都可以做到甘既水準。沙律菜夠新鮮，而且有洋蔥絲，雞肉同埋芝士做配搭，係一定一定要嗌，而嗌左唔會後悔既一個菜式吖，大推。👍💖😋…Read More

▪️香烤雞肉帕馬森芝士凱撒沙律 ʀᴏᴀsᴛᴇᴅ ᴄʜɪᴄᴋᴇɴ ᴄᴀᴇsᴇʀ sᴀʟᴀᴅ sᴇʀᴠᴇᴅ ᴡɪᴛʜ ᴘᴀʀᴍᴇsᴀɴ ᴄʜᴇᴇsᴇ $𝟷𝟹𝟾 呢個沙律真係超推介！個酥皮非常特別，撈埋雞肉同芝士一齊食好好味，完全唔覺得單調，係一個幾驚喜嘅沙律♡好味指數 🌕🌕🌕🌕🌑▪️"ʀᴜsʀɪᴄᴏ"特色西班牙炸蛋 "ʙʀᴏᴋᴇɴ ᴇɢɢ"伴香脆薯絲及辣肉腸碎 $𝟷𝟷𝟾薯絲炸到鬆脆可口，配搭辣肉腸同辣肉腸非常惹味，口感十足♡好味指數 🌕🌕🌕🌕🌖▪️招牌西班牙黑毛豬海鮮飯 ᴄʟᴀssɪᴄ ᴘᴀᴇʟʟᴀ ᴡɪᴛʜ ᴍᴇᴅɪᴛᴇʀʀᴀɴᴇᴀɴ sᴇᴀғᴏᴏᴅ ᴀɴᴅ ɪʙᴇʀɪᴀɴ ʙʟᴀᴄᴋ ᴘᴏʀᴋ $𝟸𝟺𝟾西班牙飯相對普通，冇咩特別驚喜，海鮮唔算好多，亦唔算特別新鮮♡好味指數 🌕🌕🌗🌑🌑▪️傳統西班牙ᴄʜᴜʀʀᴏ炸脆條配雲呢拿雪糕及朱古力慕絲 sᴘᴀɴɪsʜ ᴄʜᴜʀʀᴏ ᴡɪᴛʜ ᴅᴏᴜʙʟᴇ ʟᴀʏᴇʀs ᴏғ ᴠᴀɴɪʟʟᴀ ɪᴄᴇ ᴄʀᴇᴀᴍ ᴀɴᴅ ᴄʜᴏᴄᴏʟᴀᴛᴇ ᴍᴏᴜssᴇ $𝟽𝟻ᴄʜᴜʀʀᴏ拎上手仲係熱辣辣㗎!好夠鬆脆，點埋啲朱古力慕絲一齊食，好滿足🥰♡好味指數 🌕🌕🌕🌕🌑✔︎性價比🌕🌕🌕🌕🌑✔︎環境服務🌕🌕🌕🌑🌑✔︎打卡指數🌕🌕🌕🌑🌑✔︎推介指數🌕🌕🌕🌕🌗✔︎回頭指數 🌕🌕🌕🌕🌗…Read More

餐廳的裝修好靚好有西班牙小菜館的風情，入左去會令你忘記自己置身荔枝角。餐牌的菜式都好陌生，除左西班牙海鮮飯之外都唔係好識。*脆炸鱈魚球配蜜糖泡沫*大推!! 炸粉好薄，裡面有滿滿一絲絲的鱈魚肉，中間的蜜糖泡沫好得意，點黎食係唔同風味。*西班牙燴牛肚鷹嘴豆辣肉腸醬汁*店員知道我地叫牛肚，推介我地叫埋酸種包，可以點埋啲咁惹味的汁。牛肚好軟身，沾滿醬汁，醬汁望落似羅宋湯，但實際上充滿肉香，偶而咬到啲辣肉腸粒，好好味。*傳統烤焗多士,西班牙有機小蕃茄,香蒜及初榨橄欖油*反而呢個包冇咩特別，好薄，烘得好脆。*招牌西班牙黑毛豬海鮮飯*呢碟係最普通的，飯係有蝦膏的香氣，但偏油，而且海鮮比較少，黑毛豬更加唔知自己食左。不過黎食西班牙菜，好難唔食呢碟飯。值得一提的係呢到的店員超級趕，說話態度冇問題，但超快收走枱面的野，你放低佢就收，好似好想你快啲走。…Read More

Weekend朋友們想搵個地方同我暢飲食生日飯，西班牙菜係我哋首選，飲住sangria食tapas個感覺好carefree。呢間位於荔枝角嘅熱門西班牙餐廳氣氛熱鬧、未到7:30pm已全場爆滿，想嚟開飯局book定位好啲Deep Fried Spanish Cod Fritters w/Honey Foam脆炸鱈魚球配蜜糖泡沫> 鱈魚球口感creamy，入口有魚嘅海鮮味和薯蓉質感，點蜜糖泡沫幾得意、味道清甜Confit Prawn with Garlic, Chilli, Parsley & Extra Vigrin Olive Oil 初榨橄欖油浸香蒜海蝦配香脆多士> 蝦身充滿蒜香口感偏爽實，多士鬆脆配搭橄欖油一齊食好香口Spanish Style Stewed Beef Tripe w/Chick Peas & Chorizo西班牙燴牛肚鷹嘴豆配辣肉腸醬汁 > 鷹嘴豆辣肉腸醬汁幫牛肚大大加分，個汁好惹味又有粉粉哋嘅豆蓉口感，牛肚幾爽口入味份量也不少，伴食以下介紹個包、我哋好快ko晒Rustic Round Bread w/Spanish Tomato "Colgar", Garlic & Extra Vigrin Olive Oil 傳統烤焗多士 配 西班牙有機小蕃茄、香蒜及初榨橄欖油> 可愛小女生職員喺我哋面前在多士上擦蒜頭、小蕃茄和淋上橄欖油，個包當堂又香又好食，有機小蕃茄味道真係好甜Rustico Broken Egg w/Crispy Potatoes & Spicy Spanish ChorizoRustico 特色西班牙炸蛋"Broken Egg"伴香脆薯絲及辣肉腸碎 > 職員亦會在我哋面前戳穿“炸蛋”把蛋黃撈勻在薯絲上；薯絲係百分百酥脆香口，拌入蛋汁食法有趣滋味Traditional Slow Cooked Spanish Suckling Pig w/"Panadera" Baked Potatoes & Own Jus (Quarter)慢煮西班牙乳豬配香草焗薯 1份> 乳豬慢煮的火喉很到位，乳豬皮鬆化肉質軟嫩口感滑，當然不能錯過香草焗薯、粉糯的薯仔配合香草和肉汁煮出來很香好好食Classic Paella w/Fresh Seafood & Iberico Pork 招牌西班牙黑毛豬海鮮飯> 黑毛豬肉粒肉味okay亦有嚼感，海鮮有大蝦青口和蜆肉頗豐富質素正常，飯粒有咬口有層薄飯焦係底Spanish Churro w/Vanilla Ice Cream & Chocolate Mousse 傳統西班牙炸脆條"Churro" 伴雲呢拿雪糕及朱古力慕絲 > 新鮮炸起嘅churros鬆脆到暈，離遠都聞到肉桂嘅香味，揸上手熱辣辣，點chocolate mousse同vanilla雪糕食真心無得彈，香甜鬆脆Pink Classic Sangria by Jar> 成渣酒放滿生果睇見都清爽！建議飲之前將生果片篤盡佢、迫出柑橘香氣和酸甜味令啲酒充滿果子味更清新好飲…Read More

之前行開D2 Place，發現樓下竟然有間門面非常歐式嘅bistro，原來係西班牙餐廳嚟😌 望入去裝修同環境都好靚，好似去咗歐洲啲家庭式經營嘅小餐館咁，於是前排就拉埋屋企人去try try佢😋本身我唔係好好紅酒，但唯獨sangria因為加咗水果而令我冇咁抗拒🤣 佢呢度嘅sangria飲落偏甜，易入口，幾啱我呢啲唔鍾意酒味太濃烈嘅人飲🙌🏻呢個鱈魚球係店員推介嘅小食，果然冇介紹錯！鱈魚球內裡薯蓉十分綿密，係融合咗西班牙風味嘅馬介休球，再點埋個蜜糖製嘅泡沫醬汁，呢個配搭又幾新鮮🤪嗌咗呢個多士真係令我大開眼界😯 原來店員會即場幫我哋喺多士表面塗抹上有機蕃茄仔、生蒜同埋淋上橄欖油，可謂真嘅「即叫即整」🤣 而味道亦都好唔錯，不過可能加蒜嘅時候重手咗少少，食落都有啲辣🫣呢個燴牛肚又幾特別，第一次食以西式方法烹調嘅牛肚，牛肚燴得好腍，亦好索汁，加上個汁辣辣哋咁，好惹味😗 呢個蝦同樣幾唔錯😚 幾鍾意佢個醬汁，加咗橄欖油好香，加上索晒蝦嘅鮮味，用嚟點多士一流！而啲蝦都幾新鮮，食落爽口彈牙，唔係嗰啲霉霉哋嘅蝦🤞🏻呢個名為「Broken Egg」嘅菜式係呢度嘅招牌菜😋 係將一大堆薯絲、流心蛋、辣肉腸碎同拌埋一齊食，味道好夾！不得不讚佢個薯絲真係炸得好香脆😌佢呢度嘅乳豬有別於其他餐廳，係以慢煮嘅形式烹調嘅，慢煮令到肉質非常嫩滑🤤 但同時佢嘅外皮亦都十分香脆，點上粗鹽食一流😚佢呢度嘅paella亦好特別，除咗有蝦、青口同蜆之外，仲加咗黑毛豬🤩 加上少許檸檬汁，令成個飯食落更有鮮味，但佢有別於其他paella，口感較濕潤，不過同樣好食👍🏻Dessert Time😽 最後我哋嗌埋churros食，鮮新炸起熱辣辣🤤 肉桂粉超多，再夾埋個朱古力慕絲同埋雲呢拿雪糕一齊食，prefect match!總括而言，呢間西班牙小餐館真係比到我好似去咗歐洲嘅感覺，非常鍾意佢嘅餐廳環境😍 加上佢嘅菜式都好唔錯，特別推介佢嘅慢煮乳豬，真係做到皮脆肉嫩😳 下次都會再嚟幫襯🤞🏻同你一齊搵更多好嘢食😋…Read More

朋友準備離開香港，我同佢食返餐好嘅歡送佢🥲，佢揀咗位於D2 Place地下嘅「Rustico」。好彩我有訂定枱，實在估唔到平日晚上都咁爆場，可能因為有消費券嘅關係啦。餐廳環境靚就唔使多講，我仲記得有唔少電視劇都會嚟呢度取景📺，哈哈。我哋獲安排坐喺高枱，空間感佳，但可惜枱面就比較細。不過都唔使擔心嘅，因為店員會將菜式逐一送上。脆炸鱈魚球配蜜糖泡沫($98)，🐟鱈魚球一客有六粒，外層炸至金黃香脆，並唔油膩。鱈魚化身成球狀，幾特別，魚肉鮮甜，肉質細嫩。碟中間嘅泡沫係蜜糖口味🍯，甜甜哋，就好似醬一樣咁俾人沾嚟食，但就輕盈好多。菜式設計新穎，令人印象深刻。傳統烤焗多士、西班牙有機小蕃茄、香蒜及初榨橄欖油($48)，依個Tapas要落手DIY整嚟食，先可享最佳滋味。🍞薄脆多士有兩大片，並配以蕃茄、蒜頭同橄欖油一齊食，簡單美味，但蕃茄同蒜頭要靠自己壓碎。多士同手掌面積差唔多大，食一塊都幾飽。西班牙燴牛肚鷹嘴豆辣肉腸醬汁($138)，牛肚正呀喂🐮，佢經常出現喺潮州粉麵店，但原來亦係其中一道西班牙傳統菜餚嘅食材。牛肚炆得夠稔，不過同時亦保持彈性，而且蜂巢形狀令佢非常掛汁。醬汁有啲似牛尾羅宋湯🍅，微微酸幾開胃，當中更加入咗鷹嘴豆同辣肉腸供一併食用。招牌西班牙黑毛豬海鮮飯($228)，食西班牙菜又點少得燴飯Paella呢🍚！海鮮飯好大盆，雖然鍋底唔深，但份量足夠二人食有突。西班牙飯用上多種香料調味，食落超香濃，又夠濕潤。由於個人喜好鍾意食酸嘢，所以我建議吱啲檸檬汁。餸料方面有黑毛豬同海鮮，包括蝦🦐、蜆同青口。即使佢哋唔大隻，但鮮味搭救。香烤黑毛豬什錦拼盤配扒田園蔬菜($338)，豬，全部都係豬🐷！拼盤大到差啲唔夠位放上枱面，好有氣勢。三款豬涵蓋唔同部位，包括豬肩肉、豬脊肉同埋胛心肉，幾款肉喺質感同油脂分佈上都略有不同。個人認為中間嘅胛心肉最正，皆因佢最肥美，而且經燒烤後，脂肪位帶點微脆。整體味道唔錯，但略嫌鹽粒落得重手咗少少。豬肉以外，拼盤仲配以各式田園蔬菜🥦，例如有白蘆筍、新薯、茄子、翠玉瓜、椰菜仔同三色椒等，好豐富啊。傳統西班牙Churro炸脆條伴朱古力慕絲($65)，西班牙油炸鬼老是常出現🤣。佢哋每條都炸得好脆，而外圍就蘸咗唔少砂糖同玉桂粉。伴旁仲有一杯朱古力慕絲🍫，質感偏稀，不過朱古力味就好鬼香。飲品方面，我哋要咗一紅一白西班牙水果酒Sangria($88/杯)🍷，佢以汽水杯裝住，所以容量比一般多。我哋估唔到佢嘅酒味都幾重，飲佢都飲到有啲醉醺醺😳。個人認為白酒嗰杯較易入口。總括嚟講，Rustico水準不俗👍，難怪朋友臨別香港前都點名要嚟呢度食飯。餐廳定價屬中高水平，不過佢絕對對得住個價錢，亦令你能大飽口福。我好開心又發掘多咗一間高質西班牙餐廳喇🇪🇸！…Read More

平時行街經過D2，總會見到下面有間西班牙餐廳好chill，好有氣氛，好想入去試下！今日同男朋友終於都有機會去食吓了。一來到餐廳，我同男友人都點左杯Sangria，學人chill 一 chill先。1杯紅，1杯白。酒入面都加左啲水果同soda 水同糖，所以都甜甜地，又開胃，好適合咁夏天飲用。首先，我地點左脆炸鱈魚球配蜜糖泡沫作為前菜小食鱈魚球炸得剛剛好，外脆内軟，入面有一絲絲的魚肉，好鮮味！加上蜜糖泡沫蜜糖，有份清甜新鮮的感覺。西班牙燴牛肚鷹咀豆辣肉腸醬汁牛肚同鷹咀豆煮得好腍，醬汁含有豐富的蕃茄味。分量幾多，如果三四個朋友來share，就Perfect池👍🏻香烤黑毛豬什錦拼盤配扒田園蔬菜三款黑毛豬烤得火喉適中，特別係豬肩肉粉嫩，肉汁肉味豐富，蔬菜都Grill得好香又juicy!招牌西班牙黑毛豬海鮮飯持應都好細心咁提我哋小心唔好掂倒個獲同趁熱食。依個飯係我最滿意既餸菜！食得出海鮮係幾新鮮，蝦彈牙又鮮甜，蜆仲有啲海水味喺入面，又加上肉味香濃的黑毛豬肉，加上檸檬汁更加鮮味。傳統烤焗多士待應端來剛剛烤焗完的多士，介紹我地如何食用，及後，她幫我地把香蒜及蕃茄塗抹整塊面包，之後加上橄欖油及海鹽，讓我們知道，原來可以簡單得來好好味道。西班牙Churro炸脆條伴雲呢嗱雪糕及朱古力慕絲一客有6條，外層剛剛炸好，灑上砂糖及肉桂粉。加上朱古力慕士雪糕一起來食。冰火相融，讚讚😍👍🏻呢間西班牙餐廳，總括黎講，食物令我食得很滿意。而且其實成間餐廳個氣氛好好。好適合幾個朋友來聚會，如果想食，最好打電話來預約，因為我見星期一來也滿座…Read More

想在香港品賞西班牙料理原來並不是一件難事，位於荔枝角的Rustico就是一個好選擇。餐廳裝潢充滿異國風情，燈光昏暗，樓底夠高，環境浪漫而溫馨。值得一讚是間隔很有心思，有玻璃窗傍的窗邊位、幾道拱門內的雅座，中間位都有牆間隔，毗鄰的桌與桌之間即有高玻璃板。- - - - - - -前菜小食點了一些西班牙特色菜，好有驚喜。😋1.《傳統烤焗多士西班牙有機小蕃茄、香蒜及初榨橄欖油》 $48侍應見我們第一次來，主動幫我們炮製多士和介紹這個西班牙食法。首先將生蒜去皮，再在多士上磨出香味，然後將小蕃茄在多士上抹成醬，最後灑上海鹽同幾滴初榨橄欖油。多士超香脆，加上各種配料非常美味。.2.《手切特選伊比利亞黑毛豬燻肉薈萃》$148西班牙火腿的熟成是一種工藝的程序，主要分黑毛豬同白毛豬兩種。Serrano ham來自白毛豬，是當地人常見的傳統食品；Iberian ham 來自黑毛豬，味道比白毛豬較濃。Chorizo, Salsichon & Sobrasada 都是西班牙的肉腸，混合各種調味料的豬肉製品，熟成後再度煙燻，最後自然風乾，切片食用。直接生吃或配麵包pizza吃也是很常見的吃法。Chorizo是西班牙最具代表性的肉腸，口感厚實，其鮮紅色來自於紅甜椒，看似辣口，實際只是煙燻味較重。Salsichon 與Chorizo相似，但肥肉比例較高，煙燻味不濃，易入口。Sobrasada主要是剁到看不到豬肉的豬肉醬加紅椒，口感較淋，但也只是微辣。Rustico 這道cold cuts 使用Iberian ham，配多士吃就很美味。.3.《特色西班牙炸蛋伴香脆薯絲及辣肉腸碎》 $98又名broken egg。起初以為是薯條，原來內有乾坤 — 薯仔絲下蓋着一隻太陽蛋，切開少少就是傾瀉的流心，太陽蛋煎得滑而不油，我們還以為真的是炸蛋😂幼滑的蛋白、流心的蛋黃、惹味的辣肉腸碎加非常香脆的薯絲，多重口感，令人一口接一口。.主菜點了paella 和suckling pig — 家傳戶曉的西班牙菜，但如何將這些經典的菜式做得出色才考功夫，而Rustico沒有令人失望！.4.《招牌西班牙黑毛豬海鮮飯》 $228正宗的西班牙海鮮飯paella會用鐵鑊煮然後直接上桌。Rustico 的paella也是鐵鍋上桌的，侍應提我們要小心鑊燙手，拍照後要儘快攪拌。🥰我食過最好食的西班牙海鮮飯。飯粒吸收了湯汁的精華，鮮味十足；攪拌後的米飯軟硬適中，有輕微咀嚼感而飯粒分明。黑毛豬肉粒肉質非常彈牙。海鮮也幾新鮮，青口同蜆加了香草調味，一點也不腥；大蝦也鮮甜爽嫩。另可加點檸檬汁提鮮。.5.《慢煮西班牙乳豬伴焗馬鈴薯》 $308不需多著墨，重點是真正的皮脆肉嫩 — 外皮烤得香脆，內裡肉質嫩滑、口感細膩，可見廚師的真功夫。伴碟的焗馬鈴薯也調味不俗。.6.《傳統西班牙Churro 炸脆條伴雲呢拿雪糕及朱古力慕絲》 $68Churro是西班牙經典甜品之一。炸油條外脆內軟，撒上細小糖粉，甜絲絲而不膩；沾一點雲尼拿雪糕及朱古力慕絲，外冷內熱，軟滑的mouse可可味濃郁，美味昇華。.7.《Sangria》 $88飲品方面我們各點了一杯red wine同white wine 的Sangria。Sangria是西班牙傳統飲料，葡萄酒加上各種切成小塊的鮮果，非常易入口。Red wine 葡萄酒味較重，white wine就比較清甜。沒有到過西班牙，但這兒的每一道菜式都別有一番異國風味，感覺很正宗，味道也很出色，非常推薦大家試下。💃💃…Read More

收工後同朋友去荔枝角搵食，經過D2 Place見到西班牙餐廳Rustico裝修好有格調，有歐洲小鎮餐館既感覺，餐牌又幾多選擇，平日收工時間都差唔多坐無虛席，就決定入去食餐廳既裝潢令人覺得置身於外國，真係好掛住可以去旅行既日子～餐廳都有認真採取防疫措施，有高隔板隔開鄰桌，就可以令我地食得安心！Rustico有個Special Offer係15:00 - 17:30 係Drink Menu 裡既飲品都有買一杯送一杯優惠，真係好抵！難怪係附近工作既人收工會落黎飲返杯嗌個Tapas同同事傾下計我地就各點左一杯Red Wine同White Wine 既Sangria ($88)，Sangria係西班牙傳統飲品，亦即係西班牙水果酒。葡萄酒裡面有切成小塊既水果，凍飲非常之美味！Sangria - Red Wine既酒香味較重，而White Wine 就比較清新同甜味重d，兩款都好適合係夏天飲~ 亦都適合想飲少少但又唔想酒精成份太重既食客！另外Drink Menu裡都有好多款酒精／無酒精既好選擇，適合各類食客值得一讚既係staff服務好細心，全晚上菜速度快之餘，會等我地品嚐完一碟先再上下一碟，令食物可以保持最理想既溫度同口感。而且當晚亦主動幫我地更換左3-4次碟，睇得出佢地好留意食客既需要，呢樣好令我地滿意Tapas方面我地點左 脆炸鱈魚球配蜜糖泡沫($98)，上枱時炸物既香氣令我地垂涎三尺，橙金色既外表亦都好吸引呢！咬落去第一個感覺係好脆口，食落去竟然係意想不到既柔軟感～內層係鱈魚肉混合薯蓉，點埋配上既蜜糖泡沫，就會多左種清甜既味道係個味道同層次感豐富既小食。另一個Tapas我地揀左傳統烤焗多士, 西班牙有機小蕃茄, 香蒜及初榨橄欖油($48)，諗住配合埋Middle Course一齊食。Staff見我地第一次黎，就主動幫我地炮製多士!首先用香蒜及蕃茄抹整塊多士面，再滴上橄欖油，最後加少少鹽粒就食得！多士係超香脆而各種配料既味道都好配合，用料新鮮，非常濃郁好味Middle Course西班牙燴牛肚鷹嘴豆辣肉腸醬汁($178)有豐富醬汁，用多士黎點就最好不過！牛肚及鷹嘴豆煮得非常軟腍欣賞佢地味道適中，唔會太鹹。一碗大約有6-7塊，份量都幾多，足夠3-4人share。招牌西班牙黑毛豬海鮮飯($228)都令我地好滿意staff提我地小心個鑊會燙手，同埋要儘快攪拌防止飯粒燶左會有飯焦。海鮮幾新鮮，有大蝦、青口、蜆肉，另外當然唔少得咬落去幾爽口既黑毛豬肉，加少少檸檬汁就更鮮味。Main Course - 香烤黑毛豬什錦拼盤配扒田園蔬菜 ($338) 包括左三款黑毛豬肉 - 豬肩肉、豬脊肉、胛心肉。黑毛豬肩肉肉質較嫩且柔軟，肉味豐富。而豬脊肉肉質較爽滑，肉汁比較多。胛心肉油脂部份較豐富，肉質細膩爽口。最後，當然少不了甜品，每次食西班牙菜，我地都會點傳統西班牙Churro($65) Rustico既Churro整得好正宗，炸脆條係粗身既，鋪滿粗砂糖，有甜絲絲而無膩既感覺，再配合埋雲呢嗱雪糕及朱古力慕絲，有外冷內暖既口感，好滿足呢！令呢餐有個完美既總結…Read More

第一次同愛人食西班牙菜，平時通常連其他歐洲菜都比較少食。一出地鐵站就比餐廳既外觀吸引，好似平時睇戲見到既地中海餐廳。由於我地有book枱 所以唔駛等即刻入得☺一入餐廳有一位外籍侍應招呼，果刻真係好似去左西班牙🤣呢排細食左，我地就咁叫左2個餐，1個頭盤，1個甜品同1杯飲品鱈魚球配蜜糖泡沫:一咬入口味道鬆軟，但有點鹹，當再點蜜糖泡沫，感覺相容香蒜墨汁魷魚意粉:哈哈，食到我同愛人排牙同嘴嘴都黑哂，要瘋狂飲水同抹嘴 我覺得味道就一般，甚至偏鹹，份量適中。招牌西班牙黑毛豬海鮮飯:呢個必點歷來最好食既炒飯，除左份量味道恰到好處外，西班牙米個味道超超超好食!唔會太鹹! 海鮮又夠新鮮，有大蝦，青口，細扇貝，豐富美味。連我愛人都讚好西班牙炸脆條配chocolate moose:最後一道甜品，帶有餘韻🐟炸脆條本身都幾甜，反而點埋choccloate moose 味道又岩岩好熱飲雖然細杯左少少，但無損整體感覺，waitress都好好人，好helpful。愛人對呢間餐廳好滿足，好高評價…Read More

D2 Place 一期、二期都有好多餐廳🍴，呢間西班牙🇪🇸餐廳已經喺度開咗好多年，環境裝修好靚，好有西班牙農村風味，來過好多次，😋食物質素亦好👍穩定。伊比利亞🐖黑毛豬熏肉🥓唔錯，咸香十足，幾開胃🤤。🔥脆炸🐟鱈魚球好😋香脆，肉質🥰鮮嫩，配埋蜜糖🍯泡沫🤏甜甜地咁，感覺唔會太油膩👍。🦐海蝦他他好鮮味，有少少🤏調味唔會好寡，😍鍾意食🦐生蝦嘅一定要試吓，配埋新鮮芒果🥭粒同埋杏仁醬汁一齊食🤤另有一番風味😋。佢呢個西班牙🇪🇸海鮮飯🥘有黑毛豬🐖肉粒係入邊，好香口，不過蜆仔同青口就唔係太肥美，同埋入面多啲🦑海鮮就更好啦👍。呢度😍甜品款式唔算話太多，不過款款都好精緻🥰美味，呢一個係焗🍎蘋果肉桂撻🥧脆餅伴雲呢拿🍨雪糕，有少少berry伴埋一齊食好refreshing，雲呢拿雪糕入邊有雲呢拿籽👍，而且脆餅食起上嚟唔會太飽肚，作為飯後甜品啱晒😋。…Read More

生日飯比原定預約時間早到左，但因為有位所以可以提早入環境舒服，但個人認為如果窗邊D檯同櫈可以矮返少少就好了😅叫左一個前菜兩個主菜同兩個甜品前菜叫左個有風乾牛肉既沙律（冇影相），牛肉份量都算多，舖滿隻碟，兩個人岩岩好因為生日飯，所以整體感覺都算好既，甜品補返成條數唔知D字係佢地主動寫上去定自己叫人寫上去既🤨…Read More

周一晚上諗極都諗唔到食乜，開車黎到荔枝角D2 Place 後揀咗評價較高既Rustico 西班牙餐廳🇪🇸長長舖位有位半身高玻璃窗，比部份高枱可以直接採光🌞 之餘，又可以輕挨窗邊扮文青👩‍🎓內部都頗大，估計坐到40人，樓底夠高，枱同枱之間又闊😇 重點係Rustico 燈光昏暗，有悠揚音樂🎶 好適合呷番杯Sangria慢慢長坐，係浪漫環境享受一頓美饌🍽️同其他高端西餐相比, Rustico 親民啲，餐牌有中文同圖片🖼 輔助選擇Cheese Platter 🧀 一黎比佢嚇親，除左一盤四款既芝士外，仲有另一大盤麵包搭杏甫乾同堅果條，芝士一共四款，車打芝士（應該係⁉️）浸左疑似橄欖油入面（西餐知識有限😝），比平時香口同無咁滯，另外有款軟身奶芝士可以夾麵包，硬芝士就咁食剛好，而藍芝士，我相信香港人口味可能難接受啲🤔可惜吖，開車唔飲酒，唔係芝士同Sangria 應該係蜜友😩另一個前菜炸鱈魚球配蜜糖泡沬🐠 ，賣相已經💯(餐廳個燈光真係un-igable😥) 金黃既魚球比蜜糖泡沫🍯 包圍，甜中帶香脆，加埋內部熱盪既魚肉, 讚 👍今餐絕對係眼界大開，呢味broken egg 🍳一黎仲以為係薯條，店員問要唔要幫手混，先知原來蛋在下方⬇️ 努力撈完一輪，用羹匙潷起一啖混有蛋白，蛋黃，肉碎，薯蓉加埋炸香脆幼身薯條一啖咬落去，多重口感加埋重油同澱粉令人無法抗拒🥰最後既招牌西班牙黑毛豬海鮮飯🐷🥘，成個大盤好似A4紙咁濶上枱，唔睇得都嚇得😂 係西班牙米 🍚上穿插住黑毛豬肉粒🐖 表面有青口, 蜆🐚同大蝦🦐 係度舞動, 個畫面充滿異國風情💃🕺錯估咗Rustico 既份量，令自己再無胃口去食甜品，估唔到係荔枝角可以搵到咁高質既西餐，真係好適合dating 人士。當然美好環境同美味食物有價🤑埋單651蚊，留意餐廳係可以計番D2 Place 免費泊車單據💵 …Read More

早前，跟朋友仔傾開計，D2 Place 2 期開了戲院，原來他從來都未去過 D2 Place！由於他喜歡食西餐，於是，他建議走到 D2 Place 1期地下的西班牙餐廳 <Rustico>！餐廳鄰近 D2 Place 1期商場門口，又近荔枝角地鐵站 D2 出口！十分方便！門口設於商場外！當我們一去到餐廳門口，我已被其紅色西班牙情調的門面吸引住嘞！Menu意想不到！當日比預期 28度熱，最高溫度 29 度！是時候喝凍飲吧！Rustico heart $68橙紅色的特飲看似西瓜汁，混合 Soda、紅桑子汁、...，冰凍酸甜！不錯喝！焗生蠔 $98/隻 x4焗生蠔火候恰到好處！蠔身嫩滑又保持多汁！橙紅色的醬汁，其實是濃郁的龍蝦汁！鮮美帶甘，提升生蠔鮮美！香烤特色西班牙豬腩肉 $128一客有3片，比預期大塊， 豬腩肉脂肪豐腴，甘香鮮美又富肉汁，拌上混合羅勒葉及蕃茄的醬汁，別有一番風味！招牌西班牙黑毛豬海鮮飯 $218正所謂，一分錢一分貨！單看賣相就覺得少配料！ 勝在味道搭夠！蝦也算鮮甜，幸好肉質不霉！意大利飯煙韌有咬口，口感討好又夠入味！紅酒煮香梨伴檸檬雪芭 $65這道甜品可說是減低邪惡感吧！ 以天然的水果雪梨配紅酒燉熱，清潤微爽，酸甜有致！檸檬雪芭絕對是解膩的佼佼者！兩者配合無敵！…Read More