Wing Gor Kitchen

中秋節同屋企人食飯又去觀塘食私房菜 (第三間了)😂預先經openrice book位，之後有專人whatsapp菜單詳情俾我有套餐選擇或散叫項目費事麻煩，揀咗6位 $2688套餐🙈套餐入面都仲可以揀，好flexible《前菜》擺盤精緻，用日式木盤▶️ 本地水耕沙律菜伴芝麻醬將生菜同青瓜打成一個結，配上深煎芝麻醬同少少山葵，成件事好日式▶️ 榮哥自家甜酸齌 涼伴黑白木耳甜酸齌由麵筋整成，索入酸甜醬汁涼伴黑白木耳口感爽脆，帶少少麻油味第一次見白色木耳🤍▶️ 茶燻流心蛋伴黑魚子醬配厚切茄子茶燻流心蛋味道淡啲，不過蛋黃晶凝剔透成漿狀🥚厚切茄子特別🍆上面有啲粉粉地嘅嘢，下面係甜黑魚子醬，層次豐富《足料燉湯》每人可以自選一款，唔洗「跟大隊」▶️ 原盅燉川貝陳皮海底椰鱷魚肉湯▶️ 原盅燉姬松茸淮山甘荀黑毛豚肉湯▶️ 原盅藥膳龍躉骨鮮淮山湯▶️ 原盅燉哈蜜瓜螺頭黑毛豚肉湯我揀咗呢款，材料好足有熟哈密瓜🍈龍眼、黑毛豚脊骨、淮山上枱熱辣辣，飲落清甜黑毛豚脊骨好多肉😍似食緊清燉spare ribs《主菜》▶️ 黑松露醬炒花尾躉斑球配鮮露筍花尾躉斑球大大塊🐟肉質實正唔鬆散味道新鮮，配上濃濃黑松露香配菜有香菇同大量粗身露筍，咬落清脆▶️ 金流黃沙獻大虎蝦賣相好澎湃🤯按人頭計每人一隻底部係薯蓉，薯仔味重🥔入口幼滑，面頭焗到燶燶哋，好香脆😍大虎蝦巨型到成條龍蝦咁🦐肉質爽彈外殼佈滿流沙鹹蛋黃，勁惹味連殼食都得，好似軟殼蟹屋企人最鍾意呢度餸！▶️ 醬燒爽厚豚頰肉配柳丁汁青木瓜絲青木瓜絲用柳丁汁浸泡，加入檸檬汁，食落酸酸甜甜帶果味，好開胃😮厚豚頰肉用醬燒汁調味，經過慢烤肉質粉嫩，口感似豬頸肉咁爽彈🐷菜式帶有東南亞風味🇹🇭非一般豬扒▶️ 奶油日本小南瓜麵包盒好似人哋泰式咖喱包咁，超正正方方靚仔🍞日本小南瓜切條，又蓉又甜😍伴入草菇同三色椒，食食吓覺得好似食緊pizza🍕醬汁由南瓜同忌廉整成，似西餐南瓜湯同麵包好夾🎃食落冇咁乾個麵包勁好食！外皮烘焗到香脆，入面鬆軟煙韌又索汁係我最鍾意嘅菜式，出邊冇機會食到～可惜真係好大份同飽飽地，食唔晒又打包唔走🥺▶️ 招牌茶王燻雞佢哋招牌菜之一，多肉少骨外皮薄脆🍵帶茶葉煙燻香肉質鮮嫩滑捋捋，同時附有雞油雖然起咁多道菜式入面相對冇咁驚艷，但稱得上好食🐔▶️ 有機時令鮮蔬（魚湯)時令鮮蔬係菠菜，翠綠新鮮🥬上面有杞子，魚湯清淡味道較普通，勝在健康▶️ 大紅大紫炒飯配日本櫻花蝦第一次見又紅又紫嘅炒飯💜顏色來自紅菜頭，少女心爆發配料主要係紫薯粒，少見嘅配搭🍠健康得來又好食炒得乾身唔油膩👍🏻面頭有脆脆嘅日本櫻花蝦雖然大家食到尾都已經好飽，但最後只剩返少少🤣好勁《時令甜品》唔好睇小細細一個甜品，一樣咁多功夫外面係剔透嘅桂花啫喱，入面係白雪雪奶凍 淡淡桂花味配上牛奶香🥛唔甜且滿足到甜品口癮-係一個較fusion私房菜，唔淨止得中式元素又日式又有東南亞風味由前菜到甜品都好有驚喜🎖️無可挑剔最鍾意係「奶油日本小南瓜麵包盒」同「金流黃沙獻大虎蝦」賣相精緻，近乎Fine Dining份量好足，食到超飽🤰🏻最後打包咗薯蓉同少少炒飯環境以私房菜嚟講舒服企理，俾咗間房我哋，有私隱度又闊落地理位置方便，觀塘站D4出口行幾分鐘就到服務ok，上菜有次序且快手，差唔多一次過上晒主菜，唔需要等性價比唔錯，計埋服務費，平均$450/人免三支酒水費亦冇切餅費，適合嚟開party🍷中秋節仲有每位減$50優惠，滿$2400再送張$50超市禮券非常高質嘅私房菜😌屋企人全部都大贊好食，我自己都有意外驚喜除咗我哋都仲有三四台客，推介大家同朋友話屋企人過節嚟試～…查看更多

觀塘🇭🇰 讚口不絕私房菜✨👏🏻.同屋企人食生日飯，想食中菜但又唔想咁大路去酒樓，搵左呢間《榮哥廚房私房菜》 果然無錯😚 家中長輩們都大讚好好食👏🏻👍🏻💯.🔸川蜀味王時令田雞煲 $𝟐𝟎𝟖田雞煲熱辣辣 麻辣味好香 田雞超入味😋 望落細細煲 但份量都唔少！.🔸蜜鮮鳳梨柔嫩安格斯牛里肌肉 $𝟑𝟒𝟖原隻菠蘿上🍍 賣相100分 菠蘿酸酸甜甜 牛里肌肉都好嫩 唔會煮得太熟 咬落一啲都唔會韌👍🏻.🔸懷舊盤龍鱔 $𝟔𝟑𝟖（時價）好大條鱔 一條約2斤重 食極都仲有但係都食唔停口 鱔肉好嫩口好滑 啖啖肉～😚.🔸黑松露醬炒花尾躉班球配鮮蘆筍 $𝟑𝟐𝟖一上菜就聞到好香黑松露味🤩 啖啖肉 無骨 蘆筍都好鮮甜 超快清碟😛.🔸九肚魚鍋貼 $𝟐𝟑𝟖炸得好脆好香 九肚肉有少量芫茜 食落更有味道👅 唔食芫茜的我都覺得好食～.🔸慢煮西班牙黑毛豬粉嫩叉燒 $𝟐𝟔𝟖識食一定食半肥瘦叉！肥瘦岩岩好 真係好粉嫩🤩.🔸招牌茶王燻雞 $𝟒𝟎𝟖必食嘅招牌菜 好似炸子雞咁但係有茶葉燻過嘅味 雞皮又薄又脆 雞肉好滑😛.🔸榮哥亂炒王 $𝟐𝟏𝟖有魷魚🦑韭菜花 紅蘿蔔絲🥕 蝦🦐 絕對唔係hea炒 好足料😛.🔸水鄉蝦醬芥蘭苗煲 $𝟏𝟗𝟖好重蝦醬味 超級香🤩 肉碎配蝦醬好香 配白飯食一流 芥蘭都好新鮮 .🔸他鄉炒米絲 $𝟐𝟑𝟖超有驚喜💯 24個月西班牙黑毛豬火腿配福建莆田米粉，用極幼嘅米粉 蛋絲 火腿絲炒成 食落好乾爽 唔會痴埋一舊🥳.每樣菜底都好驚喜 賣相靚之餘仲好味道👅 鐘意食中菜就要黎試下呢間私房菜🥳 除左散叫 佢地仲有套餐 方便一啲選擇困難症嘅人去食😂 .總結就係：大推💯‼️.📍榮哥廚房私房菜🗺️觀塘觀塘道436-484號觀塘工業中心3期4樓L室..#mytaste_觀塘#mytaste_中菜…查看更多

今次同幾個朋友去觀塘工業中心試咗間私房菜，一早預訂咗個4人餐，有超過10道菜而且份量多，冇大食嘅朋友一定會食剩，仲有食物味道都唔錯，人均$450，都算合理🌟榮哥自家甜酸齋🌟涼拌雲耳先黎有兩碟開胃前菜4個人share，甜酸齋調嘅味唔會過酸，好食過平時食開果啲🌟本地水耕沙律菜伴芝麻醬🌟雙色墨魚仔🌟茶燻流心蛋伴黑魚子醬配厚切茄子呢3個小食整得幾精緻，我特別鍾意個茄子，因為隻蛋整得滑，配上少少魚子醬幾香，而茄子大大件充滿照燒汁嘅味道🌟原盅燉哈密瓜螺頭黑毛豚肉湯🌟原盅燉姬松茸淮山甘筍黑毛豚肉湯湯就每款有兩盅，兩款都好足料，我飲咗哈密瓜螺頭黑毛豚肉湯，因為第一次見用哈密瓜黎煲湯，勁大舊瓜，湯同件瓜一樣咁清甜🌟香煎北海道帶子海中寶呢樣係蝦滑包住粒帶子整成球狀，蝦滑好彈牙，入面粒帶子鮮甜🌟桂花炒素翅雞蛋整成碎粒，連埋芽菜、素翅一齊炒，賣相幾靚，味道都ok🌟韓泡汁煮牛面肉配雙色蘿蔔（微辣）牛面肉同蘿蔔煲炆得好淋好入味，而且個汁帶有少少辣，更加惹味🌟招牌茶王燻雞雞皮薄而且烤得脆，雞肉嫩滑，兼夠味，仲帶有清香嘅茶葉味🌟魚湯有機時令鮮蔬呢碟係魚湯浸莧菜，魚湯冇腥味，莧菜夠嫩🌟大紅大紫炒飯飯連紅薯粒一齊炒，而我估計餐廳用咗紅菜頭汁令個飯紅紅地色，不過就冇食到紅菜頭味，所以應該人人都啱食 🌟時令甜品最尾每人有兩粒流心芝麻湯圓，糯米皮好煙韌好滑，一咬開入面啲芝麻真係湧出黎，好正周圍好多枱係一大班人黎食，下次約多朋友或家人食飯會再黎呢間…查看更多

今晚食咗一間係觀塘嘅私房菜，由於之前未試過食私房菜，所以好有驚喜，每一款菜式都係好特別。前菜有木耳同埋榮哥自家甜酸齋。本地水耕沙律菜伴芝麻醬，啲沙律菜新鮮爽脆，配上啲芝麻醬、柚子同芥末，非常開胃。雙色墨魚仔，橙色墨魚用咗韓式辣醬，辣辣地好好味。茶燻流心蛋伴黑魚子醬配厚切茄子，茶燻香氣非常誘人，配上厚切嘅茄子，炸得外脆內軟，口感十分豐富。流心蛋更係一大亮點，加咗少少黑魚子醬，令香味更為獨特。燉湯方面非常出色，4位食客有兩款湯選擇。原盅燉哈密瓜螺頭黑毛豚肉湯，好少見用哈密瓜，味道相對清甜。原盅燉姬松茸淮山甘荀黑毛豚肉湯，松茸味就令到湯嘅味道好濃郁。香煎北海道帶子海中寶，手打蝦膠入面釀咗帶子，啲帶子煎到啱啱好，彈牙有鮮味，真係好好食！桂花炒素翅，係一味環保嘅素食菜式。翅的質感十分真實滑溜，加入芽菜增添咗菜式嘅清爽口感。韓泡汁煮牛面肉配雙色蘿蔔，口味帶少少辣，雙色蘿蔔煮到好入味，牛肉亦煮得十分軟腍，配上微辣的韓式泡菜汁，令人回味無窮。招牌茶王燻雞，肉質鮮嫩而且味道濃沃，雞肉經過燻製後，香氣撲鼻。大紅大紫炒飯，顏色非常鮮艷，炒飯上面鋪咗飯素，入面混合咗紫薯，令視覺同味覺得到滿足。魚湯有機時令鲜蔬，菠菜非常翠綠，仲有幾粒杞子，非常健康。時令甜品係薑汁芝麻湯圓，湯圓芝麻味道香濃，再配上啲薑汁，好食之餘好暖胃！…查看更多

同屋企人出街食成日諗唔到食咩好，今次發掘咗一間中式私房菜，近地鐵站之餘菜式又創新，以後又多一個選擇了💙🌝自家甜酸齋甜酸齋酸酸甜甜非常開胃，更有雲耳和百合，好適合作為前菜🌝雙色墨魚仔+茶燻流心蛋伴黑魚子醬配炸厚切茄子+本地水耕沙律菜伴芝麻醬墨魚仔非常Q彈，有兩款味道，一款帶有麻油香，而另一款則帶少許香辣味。茶燻流心蛋伴黑魚子醬配炸厚切茄子：這道菜的茶燻味道非常特別，加上流心蛋下的厚切茄子有一層脆脆口感，讓人一吃難忘。沙律菜清爽非常新鮮，有調和味蕾的作用。🌝原盅嫩川見陳皮海底椰鱷魚肉湯湯入口淡淡椰香，而味道清新，口感非常特別，鱷魚肉的鮮美加上川見陳皮和海底椰的香味，讓人感到非常滿足。🌝原盅嫩哈密瓜螺頭黑毛豚肉湯這款湯較上一款湯更清甜，味道非常鮮美，哈密瓜的清香和黑毛豚肉的鮮嫩更是讓人回味無窮。🌝蝦球水芙蓉蘆筍汁味道清新，配上嫩滑水蛋，與蝦球的鮮美非常搭配。🌝油浸時令鮮魚經過油炸的馬友魚外皮非常酥脆,肉質鮮嫩，配上醬汁真係大人小朋友都會鐘意食😋🌝士多啤梨黑豚肉排骨在黑豚肉排骨上灑上酸甜的士多啤梨醬汁，下層更配上脆米餅，口感非常豐富🫶🏻🌝招牌茶王燻雞不愧係招牌菜！茶燻的味道和燻雞肉的鮮美非常搭配，讓人回味無窮。🌝米王有機時今鮮蔬嫩滑的菠菜搭配清甜上湯，健康又美味🌝糖心黑蒜炒飯炒飯跟黑蒜的配搭非常夾，加上翠肉瓜粒和蛋絲的配料增加炒飯香氣，讓人一吃就愛上。🌝薑汁芝麻湯圓食得出手造的感覺，湯圓口感Q彈，加入薑汁後增加辛辣味道，整體味道不太甜，而芝麻味非常香濃，幾好味😋榮哥廚房私房菜不單保留了傳統中菜風味，仲融入了創意元素，讓菜品更加豐富多彩，值得推介！…查看更多

一直都想到這店晚餐，今次難得有機會，約左好耐冇見的朋友共進晚餐 以為在工廠大廈那邊應該行很遠的，沒想到一落港鐵樓梯就到，雖然有下雨，但真的幾步路就到，懶得開傘都OK 每枱都有屏風隔住，自成一角，傾計都開心D！我們一早訂了4位，所以已經有我們專屬的菜單，菜單上會寫上訂座客人名字及日期的 ^_^嘩！睇菜單都覺得食物很豐富 榮哥自家甜酸齋，起初以為色澤不夠就不夠味！怎知酸酸甜甜，恰到好處，醒胃！另一款小食，雲耳白耳，爽口彈牙，營養豐富！茶燻流心蛋伴墨魚子醬配厚切茄子、本地水耕沙律菜伴芝麻醬及雙色墨魚仔，非常有心思的雙色墨魚仔！茶燻流心蛋伴墨魚子醬配厚切茄子，茶燻流心蛋，香甜軟滑、帶有濃濃的煙燻味，再配上厚切茄子，份外好味！本地水耕沙律菜，新鮮、爽脆，不用伴芝麻醬都 OK！原盅燉龍脷葉青橄欖金桔黑毛豬豚肉湯！以前有D咳嗽，D人話煲龍脷葉飲，但我都未飲過 ^_<現在終於飲到喇 湯很清甜，清熱潤肺、治喉嚨不適，這段疫情期間飲用，很合適、很貼心呢！黑松露醬炒花躉尾班球配鮮露筍，龍躉班球肉質嫩滑，再配上露筍，惹味 韓泡汁煮牛面肉配雙色蘿蔔，牛面肉，細嫩的肉味，配上濃郁的汁，非常入味！蜜椒比利時杜洛克 St. Louis 橄欖豬肋骨，濃香幼滑，肉香四溢的豬肋骨，烤得香口、入味 招牌茶王燻雞，香而不膩、皮脆肉嫩 食了咁多濃郁美味的菜，終於食下清清地既有機時令鮮蔬！別以為是清湯，是清甜有味的湯配菠菜，味道一流！通常食到最後都很飽，食不下粉麵飯的，而且這款又其貌不揚，本想作罷！沒想到平平無奇的「他鄉炒米絲」，有意想不到的驚喜！原來用24個月西班牙黑毛豬火腿配福建莆田米粉！炒得入味、香口！食晒成碗呢 ^_<最後，每人都有時令甜品，芝麻湯丸！流心的芝麻湯丸，再配上姜湯，很滿足呢 ^_^…查看更多

到咗8月生日月, 今次約埋3個舊同事, 一行4人聚舊飯局.其中一個提議兼訂埋呢私房菜.地點非常就腳, 港鐵一出來都到, 落雨都唔洗開遮.環境地方以中式裝潢為主, 地方闊落.枱與枱間距好大, 私隠度十足.食得私房菜, 當然係廚師發辦.每枱根據時令,人數,喜好,價錢, 菜單各有不同.首先上枱係前菜:1. <<本地水耕沙律菜伴芝麻醬>>2. <<雙色墨魚仔>>3. <<茶燻流心蛋伴黑魚子醬配厚切茄子>>先估唔到中式菜擺盤都咁精緻.一人一份, 以小竹盤上枱.沙律菜好新鮮, 好清爽.兩隻墨魚仔分別有兩種口味, 一隻辣一隻唔辣, 彈牙鮮味.最吸引嘅係流心蛋茄子!!似日式溏心蛋軟綿綿, 本身有茶香; 再加上少少魚子醬, 未食已經流口水.茄子雖然好厚身, 但炸得好靚, 外脆内軟.同時上枱仲有餐前小吃:1. <<榮哥自家甜酸齋>>2. <<黑白木耳>>各一碟. 酸甜爽口, 好開胃.<<原鼎燉龍利葉青欖柑桔黑毛豚肉湯>>燉湯份量十足, 每人可以飲兩大碗.龍利葉清熱潤肺, 青欖生津止渴解酒毒, 柑桔抗氧化降血壓, 好適合香港人夏天飲!!仲見到食到起碼仲有無花果, 淮山, 桂圓, 螺頭等等材料.啖啖清甜滋潤, 果香十足.桂圓美味甘甜!!<<黑松露醬炒花尾躉斑球配鮮露筍>>黑松露當然香氣滿滿, 斑球啖啖肉, 魚味濃! 竹筍清新爽口, 夠入味.<<韓泡汁煮牛面肉配雙色蘿蔔>>牛面肉稔到不得了, 味微辣.最快清哂係D蘿蔔, 吸收哂D精華!!<<蜜椒比利時杜洛克 St. Louis 橄欖豬肋骨>>一人只得一件, 非常精緻.豬肋骨香口而juicy, 夠離骨.杜洛克橄欖豬肉質果然軟腍!!<<招牌茶王燻雞>>一上枱, 上等龍井香片已經香氣四溢; 雞皮香脆,雞肉嫩滑!!細緻中見真章! <<米王有機時令鮮蔬>>淡淡米香配上有機菠菜苗,  外表翠綠, 入口爽而無澀味!<<他鄉炒米絲>>炒得乾身, 唔油膩.份量十足, 起碼有6大碗.以高級黑毛豬火腿, 配以莆田米粉.又睇得又食得.<<姜汁芝麻湯圓>>湯圓皮薄到一眼已經芝麻.口感軟腍Q彈, 以此甜品為美好嘅呢一餐作總結, 非常滿足.…查看更多

屋企人生日，揀左去呢間餐廳慶祝。一聽到私房菜，感覺就係價錢比較貴、裝潢高尚堂煌，不過今次呢間設於工廈嘅私房菜，無論價格同裝潢都係比較平民貼地一啲，但食物質素亦認真唔錯，用料上乘。環境亦非常寧靜，用餐當晚目測全場只有唔夠十張枱，就算坐滿晒客人，空間都仍然非常寬敞，好適合一家大細嚟開餐😋.訂咗位之後，店員會預先透過Whatsapp聯絡，將菜單發俾我，方便預先點餐以及先繳付訂金 ($200/位)。而當晚我哋一家7口用餐，所以我就揀咗個6人餐加多一位。.👉 前菜：- 本地水耕沙律菜伴芝麻醬- 雙色墨魚仔- 茶燻流心蛋伴黑魚子醬配厚切茄子擺盤好精緻，而且味道好清新，特別係沙律菜非常之鮮甜！.👉 原盅位上時令燉湯：- 哈蜜瓜螺頭黑毛豚肉湯- 川貝陳皮海底椰鱷魚肉湯兩款湯都好好味，唔會太咸冇好強嘅味精味道，而且非常足料，同埋因為係原盅燉嘅，所以每位都可以自己揀選唔同嘅款式。值得一提，個湯嘅保温效果驚人！由於冬甩妹條脷抵受唔到好高溫度，所以飲湯速度較慢，飲咗接近半個鐘，個湯都仲係微熱！.👉 主菜：澳洲皇帝蝦王 (金流黃沙獻) 外層金流黃沙非常出色！屋企人連蝦殼都食埋😆 隻蝦都好新鮮好好味，雖然都頗大隻，不過每人得一隻感覺有啲唔夠喉，另一可惜之處係，伴碟嘅薯蓉比較遜色，薯仔味唔濃亦冇奶香，完全唔好食。.👉 清蒸生猛沙巴龍躉斑龍躉斑就比較普通，無咩特別，不過條魚都好肥美、好新鮮。.👉 士多啤梨黑豚肉排骨士多啤梨味酸酸甜甜，幾好味，而且黑豚肉排骨肉質好嫩滑，推介👍 不過伴碟嘅米通一啲都唔脆而且完全無味，有點可惜。.👉 奶油日本小南瓜麵包盒可能食到呢一味菜，大家已經有7成飽，呢個時候再來一個咁飽肚嘅麵包，感覺有點太膩。另外，對於本身都幾鐘意食南瓜嘅冬甩妹黎講，呢款日本小南瓜唔係我杯茶，可能小南瓜用咗黎煮汁嘅關係，令到味道略為變淡咗啲，而且南瓜醬汁同個麵包亦唔係好夾。.👉 招牌茶王燻雞雞肉非常嫩滑，連雞胸位置都完全唔「鞋」，相信燻煮時間需要非常準確，先可以保持到肉質如此嫩滑多汁。而且雞皮烘烤得極之香脆，唔錯唔錯！.👉 有機時令鮮蔬 (魚湯) .👉 他鄉炒米絲 (24個月西班牙黑毛豬火腿配福建蒲田米粉) 冬甩妹本身未食過蒲田米粉，原來好好味架！米粉呈超幼絲狀，而且炒得非常乾身，再配上黑毛豬火腿絲，別有一番風味😋 而且份量都好多，最後仲打包咗留返第二日食。(第二日返熱都仲係好好味！) .👉 甜品：福元爆漿芝麻湯圓呢個真心好好味！冬甩妹本身都好鐘意食芝麻湯圓，今次呢個芝麻湯圓近乎完美。有流心效果，而且餡料好幼滑，冇任何過大嘅顆粒，口感一流👍 而且外層好薄、芝麻餡夠多、甜度亦都非常適中，用如此高質嘅甜品作為呢一餐嘅結尾，實在係太滿足啦！😇.👉總結：💲人均消費約$400/位總括而言，呢間餐廳好適合家庭聚會/多人聚會，特別係慶祝生日，因為餐廳唔收切餅費。而食物味道亦不過不失，個別有幾道菜係特別出色的👍 比較少食私房菜嘅朋友值得來試一試。.👉注意事項：最低消費每位$380 (未包加一) 付現金可免茶芥$15/位自攜酒水，頭兩支免收費無切餅費…查看更多

今日跟太太一家人去九龍工業大廈三期其中一間樓上舖<<榮哥廚房私房菜>>食好嘢，這間店的位置相當便利:)，很容易搵到，在觀塘港鐵站D出口行過去，大概5分鐘去到，十分方便，現場十分清潔企理，店內有十數張枱，現場19:00左右，己經係坐滿約九成坐位。要預約。今日點了一個六人套餐，價錢櫃2218，現金付款不用茶介錢。沙律、黑木耳、枝豆、糖心蛋配茄子 共四個前菜，沙律十分新鮮，黑木耳爽口，糖心蛋的煙燻味吸引，另如果枝豆用蒜頭炒更為香口。主菜方面蜜瓜湯、清蒸杪巴龍躉、蒸蛋配龍蝦(略咸)、野菌帶露筍(推介)、招牌雞(推介)、野菌薈飯、菜苗。全部份量足夠，味道無得頂，這間值得推介。…查看更多

公司要聚餐，廿幾個人唔知食咩好老細話不如包房食私房菜本身都麻麻地中菜仲要係圍餐啲friend ，但係呢間真係令我好驚喜🌸✨唔講咁多，去相！沙律菜爽甜，塊塊都好新鮮唔會見到有一兩塊係霉嘅食完為大餐打打底🏃‍♀️呢個蛋一絕！好有茶燻味道個黃好棉好流心茄子有天婦羅嘅感覺個人唔太好茄子🍆配蛋食落又幾好喎鱷魚肉湯聽落好恐怖😱冇食肉齋飲湯，飲落唔會成嘴油食埋海底椰好滋補🤣帶子一咬落就覺得好彈牙！！唔係霉到一夾就碎嗰啲好鮮好爽口🌸✨😘入面仲有啲甜甜地嘅瓜陪襯鮑魚好新鮮爽口彈牙個人唔算太好鮑魚但係都覺得好味✨全晚亮點之一！個士多啤梨醬好甜但係又唔會搶咗豬肉個味😍😍😍豬肉咬落啖啖肉🥳唔會齋咬骨咁配米餅不得了💆‍♀️全晚真係高潮一浪接一浪😂😂😂個蟹好好味！！雖然有啲重味咸咗少少但係啲醬汁入晒啲蟹肉到蟹蓋仲有膏😱😱😱配片麵包食沾醬真係好過癮食到好飽嘅時候仲有雞！但係呢個係亮點二！個雞好有燻煮嘅味道好特別😍好少可可以食到呢種味道仲有雞皮好脆口雞肥膏好滑雖然好邪惡但係我都啪咗三四舊🤣菜都好新鮮魚湯濃郁中規中矩嘅🌸🤘食到最後有埋湯圓🤣🤣🤣🤣飽到唔想食但係老細係咁話要食😂😂😂臣不得不吃食落又幾滑！同埋薑湯幾甜好夠辣收尾都係佳品😘想講全晚侍應哥哥服務態度都好好🥳喺到畀個讚佢🤘✨唯一係去廁所唔太方便，個廁所真係唔算好乾淨，女仔嘅話唔好著長裙去啦💁‍♀️你懂的…查看更多

平日的生日晚飯，我們通常選擇在某大集團旗下的酒樓，但總是欠缺什麼似的！我們今次來一個新嘗試，去試官塘工業大廈內的私房菜，由於有不少餐單供選擇，我們最後挑選了適合老人家及我們成年人吃的菜式！每上一度菜式，都有驚喜，老闆也很樂意講解每道菜的做法，好像看似簡單的招牌茶王燻雞🐔，原來要花上兩天才可以完成，否則就不能保持嫩滑的雞肉。另外我很欣賞溫室南瓜北海道特級帶子，因為好像一件藝術品般，但可以用🥄慢慢食寶盒內的蔬果及南瓜肉。原盅燉湯是用真材實料，妨似飲住家湯般…查看更多