Cheung Hing Kee Shanghai Pan-fried Buns (Thomson Road)

📍灣仔 - 【祥興記上海生煎包 (譚臣道)】灣仔譚臣道76號地舖（港鐵灣仔站A3出口，步行約1分鐘）⁡行經灣仔，見到呢間舖頭，口痕入去食個生煎包。舖頭係企位設計，只有數張椅子可以坐一坐。⁡點咗一份4隻嘅《招牌生煎包》 $35 ，好快手，等咗幾分鐘就有得食👍🏻大家食嘅時候真係要小心，因為佢真係超！多！汁！😍個生煎包皮薄餡靚，包底煎到金黃脆脆哋，一咬落去勁爆汁，大啖咬嘅話啲汁可以話係飛出嚟（朋友食到飛晒汁）🤣🤣仲非常熱辣辣😋 真係唔錯😋⁡⁡⁡…Read More

在金鐘處理完一點事，上了一架往北角的電車，在柯布連道落車。那裡也是灣仔站的 A3出口。望到三聯書店，街角有間 Subway，轉入譚臣道，行幾步就到。到達時上午 11：45，有位男職員忙於煎包。店面是兩邊企位設計，有 6張酒吧式高凳。點了一客 6隻招牌生煎包 （$52），2隻黑松露生煎包（$33），一客蔥油拌麵 （$32）。等了兩三分鐘就有得食，熱辣辣。（要留意：店舖不收現金。我用了八達通俾錢。）招牌生煎包 ，皮薄，底煎脆，爆多汁。雖然佢枱面有提示，但人總是犯相同的錯。第一隻我一啖咬落去，爆到一枱都係汁。（臨走時我有自己抹番乾淨。）黑松露更香，可以唔蘸醋。蔥油麵，朋友想食，正常發揮。佢分左一半俾我，我加了少少辣醬。朋友覺得好滿足，我本來想再叫一個擔擔麵，但睇錯時間以為好趕，就到此為止。如果路過灣仔，會再幫襯。…Read More

店名: 祥興記上海生煎包地址: 灣仔譚臣道76號地舖灣仔站A3出口，行1分鐘環境: 4/5價錢:4/5味道: 4.5/5呢間生煎包係唔同地去都有，今次lunch time有少少餓，但又去到可以食得落一個餐，就叫左黎食😗招牌生煎包4隻 $346隻 $50佢雖然有堂食，但其實都係企位，大家堂食就要辛苦少少了😕🤨佢生煎包食落口仲係熱嘅，入面有好多肉汁，完全feel到個口比肉汁包住左嘅感覺🤩🤩大家可以選擇先咬開少少，飲左少少入面嘅肉汁先咁樣之後食就無咁熱了🤣🙈佢旁邊有醋同其他調味料可以加，大家可以按翻自己喜好，我自己就覺得原味已經好好食~😍…Read More

呢間生煎包有好多分店，三十幾蚊就有四粒爆汁上海生煎包，超級抵食！！！生煎包外脆內軟，非常足料，豬肉無偷工減料，湯汁更加係滿到就瀉，飲完汁再咬都係爆汁！大力推薦招牌生煎包！…Read More

经过时，店应该刚开门不久，反正好久都吃生煎包了，可以试试他们的得奖食品他们已经连续几年是不是米芝莲推介，估计水准不会太差。餐单很简单，都是不同款式和配搭的生煎包，口味只有三种。除此之外，他们还有面食供应。可惜店内没有座位，只能在靠墙的吧枱旁站着吃，本来有意再买一碗汤粉丝，但实在吃得不太自在，最后只点了生煎包。生煎包的皮不厚，除了馅料，还盛着不少汤汁。由于肚子饿，大口咬下去，汁液从包内喷出，溅在墙上和枱面。说实话，包内的肉和汤汁是很鲜甜，下次不要浪费。…Read More

🤤講起香港好食的生煎包 又點少得祥興記! 可能好多人都聽過, 但實在太好食, 忍唔住一定要同大家分享!😍可以話係暫時全港食過最好食又抵食的生煎包~ (如果大家有食過其他覺得好食的生煎包店, 可以同生煎包控既我地分享一下🤤🤤)係店內的玻璃窗可以見到係即包即煎, 保證新鮮製作!😎🔸招牌生煎包 ($32)有4件, 附送兩小盒醋同一盒豆瓣醬~份量適中, 已經好小口咬落去, 濃濃的湯汁就即刻爆岀黎😍 啜住個開口, 吸收曬D精華, 超鮮味~雖然係外賣返去食, 經過15分鐘路程, 但仲keep到溫度, 差d仲燙親😅 (大家食的時候都要小心點)豬肉陷好鮮嫩, 每個都皮薄底脆多汁, 真心無得輸!👍🏻👍🏻👍🏻🔹因為驚唔夠飽, 所以加左個 咖喱牛肉粉絲湯 ($29)牛肉都幾入味, 啖啖湯都充斥住濃濃的牛肉味, 咖喱都幾辣嫁, 食到要係甘狂飲水先得😂😂粉絲好彈牙, 份量原來一d都唔少, 變左食得太飽XD😂 如果自己1個食, 其實4-5個生煎包都夠飽的了👌🏻(❗️P.S: 呢到堂食係要企的, 無坐位提供, 幾時黎到都見到好多人排隊, 今次我地午市時來食, 已經要等十幾張飛, 等左20分鐘左右, 受歡迎程度可想而知XD)😋味道 9/10 😍回頭指數 10/10🔴…Read More

尋晚去灣仔聽講座前，係附近搵d野食醫下個肚先。之前係荃灣已經好想食呢間生煎包，無奈拎左米芝蓮後比業主瘋狂加租下結業。趁今日可以路過此店，緊係要試下啦。店舖勁近地鐵站，一落天橋過對面就見到。店舖設立食，非常方便。我點了一客招牌生煎包4粒。立食位置有醋同豆辦醬，玻璃鏡亦貼了一張溫馨提示，建議客人點了黑松露生煎包，就不用沾醋食。我點的是原味生煎包，所以決定醋同豆辦醬都要試下。第一粒先試原汁原味，輕輕咬一口，皮未破，但已經聽到"滋滋"聲，再咬第二口，肉汁爆出，濺到玻璃鏡上，真的很誇張，哈哈......肉汁好清甜，包的味道剛剛好不會太咸，但覺得皮可以再煎得香脆d。。。到食第二粒時，先發覺店舖貼了另一張溫馨提示，教客人食之前最好先弄破一小口，以免比肉汁燙到第二粒決定沾醋。吸取了教訓，今次先用筷子弄一個小孔，見到肉汁好似溶岩咁湧出，即時吸了三、四啖。以為差不多吸完，再一口咬下，又有肉汁不斷流出來，肉汁好似懂得不斷自我複製一樣......配醋食感覺不會膩，同肉汁好夾到第三粒就沾豆辦醬。今次弄了一小口孔，即時吸了五啖肉汁，再放入口咬，沒有之前既湧泉效果，食入口不會太論盡。但我一向不慣食太咸食物，所以覺得配豆辦醬食口味過咸，不適合我。而最後一粒決定沾醋食，平衡一下前一粒既豆辦醬味道。總括而言，價錢合理，值得一試。…Read More

每次去上海都一定要去小楊生煎，成日心思思掛住。知道香港開咗呢間祥興記，之前去過尖沙嘴店，而嗰日星期六經過呢度灣仔店，當然又要入去食啦！之前響尖沙嘴店試過黑松露味，但我都係中意正宗原味生煎包。其實約咗Mr. C去食lunch，不過唔緊要啦，佢應該唔會話我“偷食”小小既。。。我就點咗一客四件「招牌生煎包」$30呢間店裏面大過尖嘴嗰間，裏面有幾排靠鏡位可以企響度食。枱面上放咗醋、辣椒醬、餐具。好快就ready，熱辣辣既生煎包久等啦！生煎包非常新鮮，皮薄多汁。而且汁好熱，食既時候要非常小心，如果唔係就會辣襯條俐。每一個生煎包底部都煎得金黃色脆脆既。好正！另外，可以自行用枱面既醋等等自己調味。好滿足！…Read More

好一段時間對這家店有興趣，但一直未有機會，但今天只是路過，相請不如隅遇，就入內要了個招牌生煎包，看看它是否名大於實。本人一向對食的感覺是好個人，亦不會曉得什麼是最好，只可以分享我對食物和料理的感覺。當第一啖放入口，湯全灟出來，所以只可以食到肉是新鮮，飽滿，皮又真係薄，亦都因為皮薄，存熱量不夠，所以一啖咬落去，不會辣嘴。第二個生煎包，今次我好小心的咬下去，盡量保存湯汁和肉包都一齊入口，這一啖未至於令我驚為天人，但我明白什麼是米芝蓮推介了，真的不錯。👍到完成後，灟出來的肉汁我也一滴不留的完成了。不是極力推介，但如果你未食過，也應該要要試。😉…Read More

放工後獨自一人，由跑馬地坐電車到灣仔，正想走向巴士站時突然想先吃完晚飯才回家，望望四周見到後街有一光亮的招牌，玻璃窗後的師傅正在把包子一個一個整齊排放到平底鍋裡，店內傳出一把聲音:「入嚟食吖，哩邊叫嘢食!」我的腳便踏進店了。生煎4隻又份量不足成一頓晚餐，便多點了上海薺菜鮮肉雲吞。付款後先給我招牌生煎包，賣相不錯。牆身不少提示要在頂先咬一少口，小心包內湯汁熱燙。咬開一少口湯的香氣滲出，包內的湯都是滿滿的，湯汁清甜鮮味，肉質滑而不膩，包有煙靭的口，包底煎得香香脆脆。吃第三隻是才記起可加點醋，加數滴醋後湯汁變得更清香。上海薺菜鮮肉雲吞沒有太大驚喜，雲吞皮較厚身，入口爽滑彈牙。招牌生煎包值得一吃再吃。…Read More

原本位於荃灣的祥興記，因為米芝連推介而被迫執笠。自從在尖沙咀捲土重來之後，分店愈開愈多。最近還闖進灣仔這個美食天堂。 位於地鐵站A3出口，人流不絕。餐廳以外賣為主，亦設高枱讓人立食。 開放式廚房設計，見到師傅密密包 除了生煎，還有麵食，一定吃得飽。 由左至右：黑松露生煎包 $15/隻 - ★★★☆☆鮮蝦生煎包 $36/4隻 - ★★★☆☆招牌生煎包 $28/4隻 - ★★★★☆  每款都買了一盒，務求一次試晒所有味道 但計返條數，好想雙拼的較抵食⋯⋯先試招牌生煎包，即原味。外皮蠻脆口，內𥚃肉汁滿滿，非常juicy。肉汁味道較平常的淡而清甜，不會過份濃味。黑松露生煎包的味道也偏淡，黑松露味輕描淡寫的帶過。但我覺得與生煎的味道不太夾，有些畫蛇添足之感。 鮮蝦生煎包 $36/4隻 - ★★★☆☆   鮮蝦生煎包，即原味加蝦肉版。加了蝦之後，肉汁未覺更鮮甜，而且蝦肉不夠爽口。下次只吃原味就夠了。 老上海雙檔粉絲湯 $29 - ★★☆☆☆  怕只吃生煎不夠飽，就加多碗麵吧。 相比生煎，麵食只能果腹，質素遠遠不及生煎包。 老上海雙檔粉絲湯，上湯無味、粉絲過腍、豆腐味也不突出。但没期望過粉絲湯有多好吃，所以算無失望吧。…Read More