四寶食堂 (將軍澳中心)

四寶食堂喺將軍澳開咗新分店，湖水藍色嘅門面，加上喺商場裏面，感覺光猛舒適，係新式嘅茶餐廳格局🍴加上門口menu都幾吸引，食物選擇繁多，唔怪得過哂晚飯時間都大排長龍、座無虛席啦！🥳🥘湖南土匪鮑魚雞煲+每天精選養生燉湯+米飯 ($108)呢款菜式上菜嘅時候熱辣辣🔥嗞嗞聲，有種好似仲喺個鑊到炒緊嘅感覺，相當夠鑊氣！每件雞食落都好嫩滑，帶湖南四川嘅麻辣香味，撈飯一流！鮑魚足足有三粒，燜得好腍好入味，再配埋雞煲醬汁一齊食勁惹味呀😍🥣養生燉湯是日係雪梨蟲草花瘦肉燉湯，味道清甜、非常足料，天氣咁凍真係要飲返碗滋潤下😋🍍拔絲山渣汁菠蘿咕嚕西班牙黑豚肉 ($98)呢款小菜加$28都可以轉餐，同樣有燉湯同白飯；咕嚕肉每一塊都大大件，份量十足👍🏻咬落去好鬆脆，外層沾滿咗酸酸甜甜嘅山楂汁，非常開胃！山渣汁仲多到可以玩埋拉絲🤣🤣菠蘿切成船嘅造型上碟，整得幾精緻✨而且用咗新鮮菠蘿，食落味道係天然甜味，一啲都唔酸，超juicy呀！🐥拔道腩水門雞(半隻) ($88)雞件色澤分明，啖啖肉好嫩滑；雞皮亦爽滑唔肥膩，配埋佢嘅甜豉油同秘製醬汁一齊食，好惹味😍🫘雪山紅豆冰 ($28)一杯好經典嘅港式飲品，紅豆味濃而且份量好足夠，配埋忌廉都唔會太甜～🍇巨峰提子氣泡茶 ($28)名義上係巨峰提子，但飲落味道幾似利賓納🤣不過係有氣版嘅利賓納！總結：呢到有多款新穎特色小菜，碟碟都份量十足有水準，而且上菜速度都幾快，坐得舒服，以後又多一個飯堂喇😆推介！…Read More

冇黎一排原來將軍澳中心嘅店舖唔同左好多😮見到有間新開嘅餐廳主打港式美食🇭🇰 又多人排隊就睇下有咩吸引力～.🌟每天精選養生燉湯 + 湖南土匪鮑魚雞煲 + 米飯 + 前菜 + 熱飲 ($136)冬天最鐘意就係點返個燉湯🥣今晚嘅燉湯用左黨蔘　味道甘甜滋潤而前菜蒜泥白肉黑毛豬🐷　味道亦都好好調味啱啱好 唔會太濃味　好好送飯至於土匪鮑魚雞煲就非常足料　一上菜已經聞到土匪嘅獨特味道😳雞肉香辣嫩滑🌶️ 仲有鮑魚添 成個set好豐富😎 .🌟拔絲山渣汁菠蘿咕嚕西班牙黑豚肉 ($98) 其他小菜只要加$28就可以轉餐 包埋燉湯同熱飲佢睇落同普通咕嚕肉差唔多 但係味道絕對係更加好食👍🏻特別係用左西班牙黑豚肉 食落肉質更加軟腍而且山渣汁竟然整到拔絲效果 所以能夠好好咁包住黑豚肉😚菠蘿亦都採用新鮮菠蘿🍍 水果嘅甜味天然 配埋咕嚕肉更加好食.🌟香煎紐西蘭西冷牛扒 + 嫩滑炒蛋 + 脆皮菠蘿油 ($98)西冷牛扒好有驚喜 估唔到茶餐廳嘅牛扒都整得咁好食🥩牛肉味濃郁 配上嘅醬汁亦都好夾配菜有炒蛋🥚同菠蘿油好有茶餐廳風味最值得欣賞嘅係菠蘿油嘅牛油🧈係用碗仔加冰🧊分開上咁就可以食嘅時候先加入菠蘿包 唔會咁快溶 非常細心🥰.🌟脆豬甜奶、粒粒花生醬 ($28)豬仔包烤得香脆 甜奶🥛同花生醬🥜就係最簡單亦係最好嘅配搭.🌟雪山紅豆冰 (+$6)小菜跟左餐 所以只要加少少錢就可以將杯熱飲轉特飲紅豆冰🫘上面有一個忌廉雪山🗻 而且仲加上可可粉令紅豆冰更有特色.🌟西柚氣泡茶 (+$7)西柚味清新 感覺有啲似西柚味嘅有氣檸檬茶味道幾特別🍹.店舖用QR code落單 而且店員亦都好幫手見到有個客人想睇實體menu都會拎俾佢睇😙…Read More

今日去將軍澳上堂，決定搵朋友食飯。見到呢間餐廳好多人排隊，一於試試。座位好闊落，餐廳好光猛，較為新式的茶餐廳。餐廳的選項非常多。用QRCODE 下單。最後我地點選了以下食物。1. 拔絲山渣汁菠蘿咕嚕西班牙黑豚肉（$98）一上菜勁香的咕嚕肉味道，食落啖啖肉，酸酸甜甜非常開胃，菠蘿超級JUICY，仲可以做到少少的拔絲效果。2. 椒鹽豆腐金磚（$68）表皮酥脆，內軟，椒鹽味不太濃烈。3. 薑蔥炒海蜆（$126）海蜆新鮮、粒粒都有肉，且隻隻都開，薑蔥炒非常香。4.燉湯5.蒜泥白肉黑毛豬小菜可以有幾款選項，揀左蒜泥白肉黑毛豬，有別於平常食到好重口味的蒜泥白肉。在軟熟的黑毛豬上舖上蒜泥，都有佢既風味。6.檸檬茶7.雪山紅豆冰（$28）紅豆粒非常淋，配上好像雪山的CREAM，不算太甜。…Read More

知到尼間鋪頭都有幾間分店，今日放咗工見到冇乜人排隊即刻嚟試吓，坐多一陣之後都見人龍，入到去環境都幾乾淨，同埋主要用粉紅色藍色既色調，坐得幾舒服，用QR code點餐都幾方便😝😝我地叫左拔絲山楂汁菠蘿咕嚕西班牙黑豚肉、拔道腩水門雞飯、每天精選養生燉湯+湖南土匪鮑魚雞煲+米飯、雪山紅豆冰，☺️☺️上菜速度都幾快，菠蘿咕嚕肉真係超級好食，冇骨之餘，食落去啖啖肉，隔離嘅菠蘿超級甜又多汁，水門雞飯除咗雞翼之外，雞肉都去晒骨，肉質仲好嫰滑，仲有埋秘製醬汁，真係好惹味，呢個餐仲有埋湯飲，都幾抵食，基本上見到每一枱客人都有叫燉湯，好奇心之下，我哋都試咗😋😋，今日既例湯係木瓜湯，咁啱今日嘅天氣又好乾燥，飲返就補一補，感覺都好足料，鮑魚雞煲都足足有三隻嘅鮑魚仔，雞件份量都好多，唔算話好辣，而且都會重口味，岩曬餸飯，個雪山紅豆冰都非常之好飲，有得揀少甜少冰，上面仲有好多cream，正！！見到隔離枱都有叫其他野食例如蔥油豬扒菠蘿包同瑞士汁炒牛河，睇落去都好吸引😍😍整體來講野食都非常之好食，坐低又舒服，店員服務都好好，都值得再嚟食多幾次😉😉…Read More