Kitchen One Roast Goose (MOSTown Street (Phase 3))

相信大部分香港人都喜歡叉燒，我和太太也不例外。早前與朋友聚會，話題轉到「叉燒」，兩位分別住在大埔和沙田區不約而同的朋友，大讚大壹燒鵝馬鞍山店的叉燒。我和太太曾光顧大壹燒鵝銅鑼灣店，卻沒有留下半點印象。前陣子經過馬鞍山，剛好是下午6點，想起朋友提到大壹馬鞍山店的叉燒，試試無妨。門外有3個客人等候外賣，店內已8成滿座。我們點了叉燒飯和拔絲咕嚕肉。叉燒飯大約有10件叉燒，甜度剛好、淋淋哋邊邊卻有點點脆，少少肉汁感覺不會乾，與香軟白飯一起放入口，正👍🏻。拔絲咕嚕肉上菜時仍感到鑊氣，輕咬一啖，脆香的外層，咬深一點嘗到肉汁。伴菜是鮮菠蘿片及蕎頭，酸酸哋非常惹味。整體來說，叉燒好味，高於一般水平而矣；拔絲咕嚕肉有少少驚喜，但拔絲的份量再減少一點更好，溫度下跌令大量拔絲黏著，影響味道。…Read More

見到好多人都話佢嘅「拔絲咕嚕肉」好好食，所以特登嚟試吓，兩個人食唔到好多嘢，叫多碟燒鵝飯拔絲咕嚕肉-果然係拔絲，名不虛傳，咕嚕肉外脆內軟，除了肉，仲有菠蘿、蕎頭、無花果，覺得依個餸好有心思燒鵝飯-可能唔係髀，所以冇乜肉食，得兩三舊有肉，大部份都係皮，不過啲皮都好好食蔥蓉同個甜豉油汁撈飯好好食紅豆冰-紅豆軟綿綿，好多紅豆，唔會過甜，味道啱啱好❤️好好食😋👍🏻下次再嚟過❤️P.S 依度啲侍應都好好人…Read More

馬鞍山地膽朋友帶路去咗一間餐室吃小炒和燒味，這裏環境雖然不算得華麗，但感覺尚算乾淨。來到呢度，又點會唔叫燒未呢。燒鵝髀燒腩飯果然名不虛傳，燒鵝的肉質十分鮮嫩， 皮薄肉靚，肥瘦適中。而燒腩仔層次分明，外皮燒得非常脆又唔會太硬。椰菜粉絲櫻花蝦煲分量十足，粉絲煮得夠乾身 ，完全吸收了櫻花蝦的鮮味， 有肉碎調一調味不至於太齋，整碟餸一啲都唔肥膩。拔絲咕嚕肉呢味餸好多好評，試吓先。。。 份量同樣十足，咕嚕肉炸得脆脆的又不會太硬， 除了加了麥芽糖有拔絲效果，還了加了一個很重要的配角蕎頭， 豐富了層次，酸酸甜甜，好味!…Read More

一早已經知道馬鞍山係美食沙漠，聽聞呢間燒鵝好好食，自家製作，曾為馬友嘅我梗係要去試一試啦！餐廳都幾多人去食，但係上菜都幾快。我哋兩公婆叫咗一份例牌燒鵝、拔絲咕嚕肉、雲耳百合蜜豆炒鮮淮山。燒鵝賣相已經好吸引，燒得好靚。食落皮脆肉嫩，還很 juice😋😋拔絲咕嚕肉，用了無花果，新鮮菠蘿加蕎頭來煑，甜酸味很夾，夾起一件真係見到拉絲架🤩而雲耳百合蜜豆炒淮山，清得來夠鑊氣。總括來說，價錢雖然貴啲，但燒鵝美味，小菜也不錯😊…Read More

每次去大壹通常都是買外賣燒味回家吃，很少會在店內進食，今次難得有朋自遠方來，所以選擇堂食。除了燒味之外，還有很多菜式可以選擇。例如：海鮮、小菜、煲仔菜等等，一般炒粉麵飯都有。晚市時段(17:30-22:00)會有燒味飯套餐供應選擇，價錢由$58起。這間大壹最出名的就是燒鵝和燒腩仔。我和朋友約好了19:30門口等，但等位的時候發現當晚燒腩仔一早經已售罄。唯有叫個大壹燒鵝(例牌)先夠盡興！果然不負所望！燒鵝上枱時熱辣辣，熱到出煙！燒鵝層皮又脆又夠入味！還有我最愛的燒鵝髀！平時都是食燒味飯多，很少叫炒粉麵飯。大壹炒飯入面會有燒鵝粒和一些小辣椒粒。原來炒飯都幾好食，夠鑊氣，有少少辣，加上燒鵝粒有少少鹹鹹地，味道都幾夾。我們還叫了個小菜 — 拔絲咕嚕肉。本身以為「拔絲」只不過是一個噱頭，估不到原來這個咕嚕肉真的可以做到「拔絲」效果！咕嚕肉外脆內軟，配上菠蘿、喬頭和無花果，味道酸酸甜甜，很適合喜歡吃微酸的我。…Read More

今日去到馬鞍山搵朋友，講起想食燒腩仔，朋友就話去呢度，平時佢屋企都會買呢度啲燒味返去加餸wor🤣夜晚7點半去到見到入面超多人，我地等左10分鐘左右先有位，最可惜既係去到見到門口有個牌寫住是日燒腩仔售馨.... 😭冇燒腩仔唯有嗌其他野食，兩個人嗌左一小菜一炒飯拔絲咕嚕肉份量勁多，啲肉食極都有，甜酸醬開胃，仲做到少少外脆內軟既口感！超推介！大壹炒飯加左辣椒同香料，食落有少少泰式既感覺，食到停唔到口😆啲人成日話馬鞍山係美食沙漠，但我去過幾次都食到好好食既野😆 都唔係咁沙漠姐😆…Read More

朋友想吃燒鵝，於是便找了這間名叫大壹燒鵝的餐廳。首先出場的是老火湯，我們見老火湯加購價只需$12一碗，便加了兩碗，可以每人一碗☺️見價錢這麼便宜也沒有太大期望，怎料湯料十足，而且味道香濃，有媽媽的感覺呢😚😚喝完暖透心呢！！！到主角了，是肥美多肉的燒鵝髀呀🤤味道香濃而不會太咸，喜歡它有陣特別的香味，吃燒鵝不吃皮是罪喔，記得一定要連皮吃！我們倆搶着吃，很快便清了一碟😛下次可能要叫半隻才夠吃呢！因為只有兩個人，不能叫太多餸，所以在士多啤梨骨和拔絲咕嚕肉中決擇，最後當選的是咕嚕肉👏🏻👏🏻👏🏻絕對沒有選錯，是我吃過最好吃的咕嚕肉，每一塊肉都沒有骨，而且非常脆口！它是真的能夠做到拔絲的效果，不是只有熱騰騰的時候，而是凍了也有拔絲的效果👍🏼比平時吃的咕嚕肉不同的是竟然有無花果,加上甜甜酸酸的汁，非常夾呢！最後放上餐牌照給大家參考。…Read More

馬鞍山新港城三期地下開了間茶餐廳，開張時大排長龍；旣然期待已久要試，就擇日不如撞日入去碰碰運氣啦！好彩時間尚早，不需等位。但隨後已陸續坐滿曬人。大壹燒鵝脾义燒雙併飯燒鵝肉質嫩滑不乾身，食落 juicy 又惹味。义燒是半肥瘦，又淋又滑；就算厚切亦不鞋口，是我至愛。拔絲咕嚕肉以梅頭豬肉切件再沾上薄薄脆漿，固外表炸得很脆很香，而豬肉咬落非常淋身和啖啖肉，完全無骨。最重要的是果個酸甜汁味道適中，芡汁亦不太濃，剛好把炸肉掛上做成拔絲效果。值得一提是配料全不馬虎，採用新鮮菠蘿、無花果和蕎頭；能幫助增加食慾。蒜茸白菜仔D菜仔洗得乾淨食落冇沙，而且炒得很有鑊氣，油水足。]]]]]]]:11]…Read More

馬鞍山已往給人感覺是美食沙漠，沒有什麼好食的店舖，過了今晚之後我應會改變這看法……近月見有間食市新開張，廚窗掛滿了燒得好靚的各式燒味，今天行經此店ㄧ於去試ㄧ試。晚市時候食客都坐得滿滿，心中亦有種期待的感覺，店內裝修設計簡約，跟ㄧ般茶餐廳沒什麼分别，但直望見有個廚窗掛滿了準備燒烤的乳豬和燒鵝，便知道這裡的招牌燒味是什麼了…… 再睇睇餐牌，原來不只有燒味，還有好多好吸引的小菜選擇，真係睇了ㄧ陣子才可選出今晚食什麼。當然，首要點個燒味飯，再加兩個小菜吧！乳豬燒鵝飯，乳豬外皮燒到赤紅色，好靚😍燒鵝亦烤得好靚，鵝皮程現出的格仔紋理，果然是真材實料。嚐ㄧ口後，薄薄的乳豬皮夾住ㄧ層脂肪，再配上乳豬醬汁，鬆脆可口，食指大動。燒鵝醃得剛好，肉質嫩滑，鵝油還滲入了白飯中，甘香美味，好快便食完整不碟飯。拔絲咕嚕肉，看似簡單不過的菜式，但要調配適宜真係要花很多心機。好似這碟拔絲咕嚕肉，炸過的梅頭肉腍滑又有咬口，配菜不但用上新鮮菠蘿，還有無花果和蕎頭作配搭，真係又好味又有不同層次的酸甜味。醬汁方面稀稠程度恰到好處，將肉塊緊緊包住醬汁，還可拔出一條條的醬汁絲，真係冇得頂。避風塘軟殼蟹，顧名思義這道菜式，著重於火喉的功力。這店師傅，將軟殼蟹沾上一層薄薄脆漿，炸得外脆內軟，食下去不會全口油。再配上炸得香脆的金蒜、豆豉、葱段ㄧ起食，真正惹味非常。食了這麼多的油炸菜餚，飮番杯檸茶來清清口腔都十分不錯。總括來講，此晚食的晚餐真是有驚喜，沒想到看似ㄧ間平凡不過的茶餐廳，原來是對食物有著一絲不茍的食店，我相信日後我會是常客之ㄧ。…Read More

和朋友在馬鞍山新港城睇電影，順便用膳，同行朋友在附近居住，她帶我們到新港城3期中心地下的「大壹燒鵝」吃晚飯，謂質素不錯且街坊價錢。侍應很有禮貌的招呼我們安座，上菜也快。燒鵝飯份量頗大，白飯可以兩人分享，燒鵝皮脆香酥，鵝肉豐厚鵝味濃、脂肪少，的確是名不虛傳的招牌菜。 有驚喜的乳豬瀨粉，脆卜卜的乳豬件和嫩滑的乳豬肉，吃得十分滋味！拔絲咕嚕肉，配料有喬頭、無花果和菠蘿，咕嚕肉外脆肉鬆化，甜酸味道皆宜。椒鹽鮮魷是佳選，鮮魷肉質鮮爽，椒鹽調味合味道，如果喜歡重味道，也可佐小碟子的椒鹽。免茶費，免小費，又抵食。…Read More