Majimeya

茘枝角D2 出口，變身商場小市集，工餘消遣就腳又自在，今日專誠到鴨鴨🐥打卡，行前幾步就係北海道爐端🐙🦑🦐🐡眼見餐廳半開放式嘅廂房都坐滿曬人，小小廂房內四人卡座感覺好溫馨，我們冇訂座當然就坐大廳啦，店員招呼一樣週到啊👍五種刺身厚切大大件，新鮮乾爽，處理得宜已經贏了必點串燒，五種唔同味道，熱辣辣香口惹味，隨手一串，傾吓計特別輕鬆👍名字吸引，味道也獨特，醬油略帶甜味，配料亦多，整體效果不俗🍝壽司包括八款不同刺身🍣，件件新鮮，滋味無窮🐙🦑🐡麵底爽滑彈牙，拌著濃厚嘅湯，連配菜都特別好食，𠽌𠽌聲連湯帶麵，極速秒殺左😆😆😆上層啖啖蟹肉，下層是豐厚的蟹膏，輕輕攪拌、蟹肉鮮甜，蟹膏滑溜甘香，超級享受👍👍👍開心到抵當然要以甜品作結,紅豆大大粒，輭綿綿兼起曬沙，抹茶心太軟流心彈出，餅底鬆軟，surprise😘蜜瓜雪糕清新可口🍧，鮮果配搭色彩迷人，最開心係粉紅雪米糍，大大粒像尋寶般被白滑忌簾包着，仲有脆脆粟米片，咁豐富嘅配搭真係無法抵擋😍😍😍估唔到工業區都有咁全面嘅日式餐廳，無論環境及價錢都令人覺得舒服，下次約朋友傾計聚餐，預早少少book個廂房卡座，一定更加滿意😘…Read More

朋友住荔枝角，説附近有間不錯的日本餐廳，帶我們去食好西咁話，所以今天便來會一會這間北海道爐端。北海道爐端位置方便，地鐵站行五分鐘左右便到。店鋪門外掛滿燈籠，加上日本的門簾和假趟門，裝修充滿舊日本的味道。店內同樣以木為主，最吸晴莫過於這個貼牆的木酒櫃，擺滿各式各樣的日本酒。北海道爐端燒的座位寬敞舒適，還有好幾間”小廂房”，私穩度高，聚會談心一流。食物方面，最愛這個網燒安格牛，外表看著平平無奇，還有少許烤燶了，誰知吃落十分驚喜！肉質鮮嫩，沾著醬汁吃更惹味，但本身牛肉牛味香濃，不沾醬已經很美味，軟腍無骨，吃落十分方便，所以很快搶吃光了。炸年糕炸年糕外面炸至金黃色，香脆可口，內𥚃卻煙韌軟糯，強烈的口感對比，非常美味。海膽忌廉薯餅海膽忌廉薯餅又是另一樣我們十分喜歡的食物。本身不好海膽，但這道菜的海膽新鮮沒異味，不抗拒。外面炸得金黃香口，內𥚃的是忌廉薯仔蓉，忌廉的比例較多，所以口感更軟滑流心，像吃炸鮮奶般。我們點著點著，點了五款有明太子的食物，來個明太子宴席吧！明太子本身味道較咸，建議送飯更好味。明太子雞蛋卷我和朋友都愛吃雞蛋卷，每次餐牌有都會點，這次亦不意外。雞蛋卷稍稍煎香，內𥚃嫩滑相當，中間夾著滿滿的明太子，送飯一流。明太子雞翼原以為明太子雞翼只是把明太子鋪在雞翼上面，誰知原來是釀在雞翼𥚃，一起炸至金黃色，咸香可口，雞翼去骨，吃落十分方便且啖啖肉。明太子燒魷魚鬚明太子燒魷魚鬚，明太子似乎失了蹤？ 當時沒有注意到，不過魷魚鬚燒得剛剛好，多汁爽口，韌度適中，容易咬開，充滿牛油香味。明太子飯團我不愛吃飯，但很喜歡吃飯團，尤其是包著紫菜更美味，北海道爐端的飯團很煙韌，包著咸咸的明太子剛好，不用再加調味，若果紫菜大塊點，可以包著整個飯團更好。明太子茶漬飯朋友點了明太子茶漬飯，說味道不錯，試了一口湯底，隱隱的一陣酒味，帶點甘，拌著飯吃倒不覺，可能被明太子的咸香覆蓋了，吃著吃著朋友說像飲了酒般心跳加速。串燒方面，我們每人點了兩串，分別有牛舌，汁燒牛柳粒串，白膳串，汁燒帆立貝和雞腎串。我吃了牛舌和帆立貝，味道可以。牛舌非常厚，爽口彈牙，加了少許椒鹽更惹味。帆立貝大粒新鮮，鋪滿燒汁，甜甜的。吃飽了，第二個胃說要吃甜品，於是我們點了抹茶心太軟和抹茶千層蛋糕。甜品味道一般般，不夠咸點好吃。抹茶心太軟整個焗熟，沒有了流心的效果，千層蛋糕不夠香滑，不用留胃吃了。menu…Read More

從荔枝角D2出口走到D2 place，很快便找到這間北海道爐端。餐廳採用日本居酒屋設計，開放式廚房，木系裝潢，日式燈籠。有一大個酒櫃陳列著各式日本酒。另有私穩度較高的卡位。擺設見心思。最愛這櫻花粉紅的陶瓷杯子。明太子雞蛋卷 Spicy cod roe egg omelette $68層層玉子燒口感濕潤，不加多餘調味，味道清淡。蛋卷內包著粒粒明太子，略鹹，配合清淡的蛋卷剛好。炸明太子雞翼 Fried chicken wings with spicy cod roe $52/2隻輕輕炸過的無骨雞翼，雞皮微脆，肉質仍能保持嫩滑。去骨設計非常貼心，每一口都是肉，包著大大粒明太子，口感特別，調味適中，味道不錯。醬油味炸年糕 Fried baron mochi $48/3件賣相低調，像幾顆炸饅頭，但出乎意乎地好吃！！本來怕年糕會很韌很黏牙，但完全不會；外層炸得微脆，內裡非常軟糯綿滑，並有流心芝士，鹹香可口，材料簡單但相當好吃，值得encore。海膽忌廉蟹肉炸薯餅 Fried crab cream croquette with sea urchin $68/3件第二個驚喜！薯餅炸得外脆內軟，薄薄一層麵包糠裹著忌廉薯蓉，口感非常軟滑，並有少許蟹肉點綴。  每件薯餅均伴以大大片海膽，鮮甜香滑，有畫龍點精之效，食過翻尋味。明太子牛油燒魷魚鬚 Grilled squid legs with cod roe & butter $58魷魚鬚燒得香口，略韌，帶牛油香，明太子味不突出。網燒安格斯牛扒 $178來到爐端燒專門店當然要點招牌燒肉，安格斯牛扒份量十足，有臉那麼大！燒得油香四溢，牛扒雖比想像中薄，但更易入口，無筋無渣，完全不韌。中心仍呈淺粉紅，肉質嫩滑。(左起) 汁燒牛柳粒串 $46；汁燒帆立貝串 $40；鹿兒島雞腎串 $26；白鱔串 $42；牛舌串 $42牛柳粒伴以微甜燒汁，珠玉在前，跟安格斯牛扒比相對失色，但仍然美味。白鱔肉質幼嫩。明太子茶漬飯 $32 高湯吃不出茶味，反而有酒味，喝完有心跳加速的感覺！原來加了日本餐酒，蠻特別。很多明太子，鹹香味美。明太子飯團 $20/件繼續吃明太子，簡直是明太子放題！抹茶心太軟 $48 港女們點了兩客抹茶甜品，翠綠的抹茶心太軟口感鬆軟，不太流心，甜度適中。抹茶北海道千層蛋糕 $58看到千層蛋糕馬上心心眼！抹茶味不夠濃，但賣相搭救。餐牌…Read More

呢幾個月試過鐵板燒，又試過拉麵、海鮮丼、日式燒肉、涮涮鍋、浜燒……等等專門店，喺串燒專門店較少到訪，因為成日覺得啲串燒細細串好似食極都唔飽，收費又唔喺平。但最近有街坊推介荔枝角D2 Place二期嘅「北海道爐端」，定價相宜，加上近我，食完行返屋企都仲得，當喺散步消化吓。晌門口，已見佢哋嘅裝修都花過心思，深木系一派北海道小木屋格，掛滿極富和風嘅燈籠。走進餐廳裡面，同樣甚有氣氛，唔同位置，都擺設唔同嘅裝飾，齋影環境，都呃得吓人去咗北海道嘅餐廳。餐廳近窗嘅一邊，設立多個小個室，更有私隱度，如知道有呢啲房，訂枱時就要求坐裡邊啦，不過，就無特別查問有咩要求如要知室嘅話。雖然睇店名，讓人感覺都喺主力為串燒，其實，翻一轉餐牌，你就見有好多其他類型食物。打開餐牌，先喺各式各樣嘅啤酒、雞尾酒、餐酒、特飲、燒酌……等等飲品。再翻，仲有前菜、沙律、刺身、特色小菜、特色意粉、炸物、燒物。甚至乎丼飯、拉麵都有，甜品亦自不然唔少得啦。數吓數吓，真喺有過百款嘅食物，但有咁多嘢賣，會唔會周身刀，無張利呢！反而，我哋一心嚟打算食串燒，大部份嘅串燒食物卻印問另一張簡便嘅餐牌上；此外，亦加插一啲推介菜式及鍋物。之但喺，一向都有影低啲餐牌留個記鍍，最怕啲餐牌過咗膠，影出嚟會反晒光，當然，以餐廳而言，就好管理！黑芝麻煙肉沙律 $48先嚟一道沙律，和風沙律用上胡麻醬喺慣常嘅事，然而，用黑芝麻醬就甚少見。道沙律除咗有沙律菜，仲有粟米、蕃茄、青瓜、煙肉碎及滑豆腐粒，黑芝麻醬喺另上，淋多淋少隨個人喜好。本身啲食材新鮮，淋上香濃嘅黑芝麻醬後，口感清爽，味道濃香。講明嚟食串燒，見佢牆上掛咗個「5款串燒」嘅優惠組合，睇過款式都啱口味，再搵啲單價嚟對比，可以講喺4送1咁，精明又想慳番啲嘅消費者就大多數都揀佢啦。5款串燒 $1165款串燒包括和風芥末豬腩串、帆立貝串、鹽燒雞翼、免治雞軟骨棒、日本蕃薯仔，一碟放齊5款串燒，又燒得好靚仔，非常吸引。和風芥末豬腩串雖然喺豬腩串，入口一啲都唔覺肥膩，可能就喺因為個芥末醬汁，帶微微芥末味，辣度隱若，卻出奇地有減膩之效，再者，肉質帶點點爽脆感，確喺幾好食。帆立貝串啲帆立貝又大粒，又有睇頭，燒得好似披上一層黃金大衣。口感唔錯，軟腍得嚟有少少彈牙，仲有點碳火香添。鹽燒雞翼開邊做成單骨雞翼，食起嚟比較易，外皮入口十分香脆，不過，話喺一隻，兩人分嘅話人其實一人食得半隻，好似一陣風咁兩啖食晒。免治雞軟骨棒一大條免治雞肉棒，食落好腍，有鬆化之感，再咬落去，有啲咬口感，就喺因為裡面混咗雞軟骨，口感過癮。日本蕃薯仔啲蕃薯仔細細粒，一口一件，質感十分粉糯，帶蕃薯香，塗上點點蜜糖，更感清甜。牛舌 $385串串燒就梗喺未夠喉啦，追加一串牛舌，喺朋友嘅至愛，小弟亦鍾意食，因為口感柔韌，又有一股獨有嘅羶味，就咁鹽燒，唧啲檸汁，已非常好食。秋葵 $22平衡番啲邪惡嘅肉類，秋葵喺最心水嘅串燒野菜，燒過之後，秋葵嘅口感無咁滑潺潺，反而，就多咗份脆口感。入門口之前，門外貼咗唔少雜誌報導，不過太密麻麻，無乜點睇；相對哋，就留意到一塊座地黑板，介紹其松葉蟹海鮮鍋，因為畫得精細有趣味。晌餐牌中就搵嚟搵去都唔見有，向店員查詢，原來就喺另頁餐牌中嘅豬骨湯海鮮鍋。豬骨湯海鮮鍋 $178雖然話喺一人前鍋物推介，但兩個人食絕對卓卓有餘。整份鍋物捧出嚟，真喺頗大份，野菜墊底，上面鋪滿多款海鮮：松葉蟹腳、虎蝦、廣島蠔、帆立貝，樣樣都打孖（帆立貝除外），配上半份烏冬，所以，喺咪兩個人食都無問題呢！若然咁都仲未夠，又或對個別食材有興趣，無問題，可以追加各款海鮮料及烏冬。松葉蟹腳成日都講，小弟都鍾意食蟹，但就唔鍾意拆蟹，所以，隻蟹腳拆好晒，一熟就食得，爽呀！蟹肉好鮮甜，肉質細緻，唯可惜食得一隻就梗喺唔夠喉啦。虎蝦算唔上超大隻，但至少唔喺啲蝦毛仔，蝦肉爽口，幾有蝦鮮味，用料唔失禮呀！廣島蠔啲蠔滾完都唔喺好縮，仲保持住幾大隻嘅身形，蠔肉仲喺幾肥美吓，入口蠔味都算濃，質素不賴。帆立貝對比起串燒嘅做法，灼過嘅帆立貝口感更彈牙，而且，更有一份鮮甜味，始終，個豬骨湯做得不俗，所以，我哋都飲清光唔好嘥。抹茶心太軟 $48食到尾，大家仲有啲位，不如一客甜品兩份共享吧！幾款甜點，友人就建議心太軟，本以為就咁一件心太軟（因餐牌相喺咁），上枱嘅成品有意外靚嘅賣相。件心太軟可能喺細個裝，軟易焗過籠，所以，唔喺好流心，反而成為軟心，其實我仲鍾意，因為流心就較視覺感，抹茶漿瀉晒食唔到幾多，反而軟心就啖啖滋味。此外，抹茶味香濃而帶少少甘苦，紅豆軟腍而清甜，襯少少生果粒，滿意嘅一道甜點。最近一連睇咗兩輯南韓綜藝節目：「尹食堂（第一輯）」、「姜食堂」，賣點喺搵藝人營運一間餐廳，好睇又好笑，其實，都知搞間食店真喺唔易。做客人嘅，可以講喺以逸待「爐」，嚟到點完菜就等食，食完拍拍屁股就走得。講番「北海道爐端」，環境好，招呼到位，做菜都有番咁上下水準，難得定價親民，值得推介俾我班美孚街坊朋友。…Read More