Sushi Rin

上環有好多間🇯🇵廚師發辦お任せ，「鮨燐」CP值好高，絕對可以encore！最近仲做緊午市75折優惠，HK$348/位起就可以食到12道菜，從開胃前菜到甜品 ，其中有8款壽司🍣，真係好抵食！☺️我哋今次Farewell同事，所以就豪氣啲揀左HK$1680/位嘅晚餐，賣點在於其7款刺身～💕食材新鮮，份量足，真係食刺身都夠飽～😂從開胃前菜到甜品 ，其中有6款壽司🍣，當中竟然有馬糞赤海膽😍😍，總共17品。🔸先付：金平蓮藕· 半片· 鵝肝蓮藕薄片味道鹹甜，爽脆開胃；半片（はんぺん）質地如豆腐般綿密，口感柔軟，配上明太子醬，味道好惹味！😋鵝肝米紙，香脆米子和軟滑鵝肝形成強烈嘅對比～🥰🔹刺身1️⃣富士山🗻養殖鮭魚打破左鮭魚=橙白相間嘅既定印象，白富士山鮭魚強調其白色的魚身和細緻口感🫦，最重要‼️係無寄生蟲問題，可以放心食用！🥴鮭魚加上柚子皮、鹽、芝麻等簡單調味，就咁食就得，完全唔洗蘸壽司豉油都好夠味！😊一份有4塊，份量十足！🔹刺身 2️⃣北海道北寄貝肉質厚實，味道鮮甜爽脆。🔹刺身 3️⃣兵庫縣 真蠔🦪 加上簡單的酸汁啫喱，就已經好正～蠔味較為濃郁，略帶甘甜，但又不失海水🌊的鹹鮮，加上爽脆口感，令人想再啪多隻啊！🥰🥰🔹刺身 4️⃣秋刀魚秋刀魚是🍂秋季季節性魚，小編平時食魚都唔夠膽食魚腩，因為覺得好腥🥲，但今次大膽一試，竟然有意外驚喜！😳值得欽佩嘅係💕，師傅嘅「白刀切」真係好勁💪🏻！刀功好到一條細骨都冇，魚肉口感保持爽彈，仲好食過最近喺福岡食嘅！🤩😂腩位魚油脂香，配上薑蔥、豉油，鮮味十足～😌🔹刺身5️⃣ 白子都是秋季🍂季節性産品。店家自慢的白子，用昆布高湯處理過，入口完全💯冇腥味☺️，微韌的外層一咬即破，清香鮮甜，帶奶油般嘅濃郁感，入口即化～係香港🇭🇰食過最好食的白子！美味しい🤤🔹刺身6️⃣ 北海道養殖銀雪魚新鮮銀雪魚用檸檬🍋豉油醃過，魚肉肥美滑身，魚油脂香，冇諗過銀雪魚可以咁正！😂🔹刺身7️⃣ 拖羅是我今趟Omakase大好き❤️的第一位🥇！集大、中拖羅和赤身於一身的拖羅三重奏，用紫菜包着三兄弟，搭配紫蘇葉、芥末、蔥花，油香滿溢～🥰🥰👍🏻🔸和食：海鰻·舞茸菇·蘆筍天婦羅🍤新鮮熱辣即炸，炸皮薄脆，舞茸菇味香濃；蘆筍鮮嫩爽脆；海鰻軟滑。🔹壽司🍣1️⃣  九州深海池魚採用左池魚的魚腩位，魚肉油脂豐富，口感爽滑，無可挑剔。😽🔹壽司🍣2️⃣ 神奈川黑鯥魚秋冬季節是味道最佳的時節。😈魚皮輕微炙燒過，以逼出油脂，及增加魚肉的香氣，配上店家特調麵豉醬，鮮甜味美。😇🔹壽司🍣3️⃣ 神奈川太刀魚太刀魚塗上麵豉後炙燒過，配上海鹽，突出其魚肉厚實嫩滑的口感。😙🔹壽司🍣4️⃣ 牡丹蝦🦐新鮮的牡丹蝦，配上炙燒過的蝦膏，一次過品嚐到原隻蝦的鮮甜，perfect!😎🔹壽司🍣5️⃣ 筋子秋冬季節是味道最佳的時節。😈自家醃製過，所以味道比較甜身，用適量嘅柚子皮提鮮，更突顯出筋子的鮮甜～🥰🔹壽司🍣6️⃣ 海膽用上馬糞赤海膽，仲要足足一行！😍🤩味道甘甜味美，餘韻柔長～真係好正🙌🏻！🔸お椀 麵豉湯：味道唔會死鹹，可以清一清味蕾。🔹デザート甜品🍵：自家製的奶凍配上抹茶🍵和黑豆甘露煮，奶凍軟滑而不羶，平時唔鍾意食奶製品的小編都覺得好味道。👍🏻🥰在香港🇭🇰食過好多間Omakase，「鮨燐」整個菜單都好啱食，例如同事唔食內臟或鰻魚，師傅就為佢貼心安排左其他，可以tailor-made，雖然晚市唔算平，但真係一分錢一分貨，貴少少🤏🏽都貴得有道理！😎…Read More

店舖採用來自北海道、九州同埋沖繩等等嘅時令新鮮食材 而且師傅非常熱情友善 好細心咁講解每道料理食材💫今次係我第二次去呢間餐廳😚 個人非常鍾意佢嘅綠茶甜品奶凍！仲有海膽同埋拖羅都係冇得輸！係滿足嘅一餐🥰✨Dinner Menu 有四個唔同價錢 分別係HK$1380/HK$1680/HK$1880/HK$2780今次我哋叫咗HK$1680/pp嘅♡先付金平蓮藕爽脆 明太子魚卷 而我哋唔食內臟 所以廚師好細心幫我哋由鵝肝轉咗做三文魚籽+ 北海道蟹肉！個明太子魚卷好正😆♡ 7種刺身 富士山白三文魚/高部魚/北海道北寄貝/兵庫縣夢追星真蠔 /三重馬駮魚/新鮮秋刀魚/拖羅刺身中拖羅魚腩每款刺身都非常新鮮✨個人最鍾意嘅係生蠔同埋拖羅刺身！拖羅油香四溢 回想返都想再食多一啖😋另外今個月嘅秋刀魚都非常肥美～配上薑蔥豉油 魚味好重 但又唔會腥！♡和食舞茸/蘆筍/海鰻天婦羅脆漿做得好好，非常薄身！勁香脆🤩♡6種壽司靜岡金目鯛/香箱蟹蟹籽/兵庫縣甜蝦/長崎縣BB赤鯥魚/三文魚籽筋子/紫海膽海苔海膽就係我最期待嘅！入口即溶非常鮮甜🥰另外好鍾意大大粒嘅筋子！多到滿瀉😛甜蝦用花雕醃製過都好正！仲試咗幾款平時比較少食嘅魚壽司 魚香味濃郁！♡麵豉湯/甜品最後仲有熱辣辣嘅麵豉湯同埋自家製宇治抹茶奶凍 呢個勁好食！奶凍好重牛奶味 口感好滑好滑 仲好濃抹茶味💚…Read More

好朋友生日特登揀左Omakase慶祝生日，餐廳用上時令食材，主要食材來自北海道、九州和沖繩等等，仲可以自選壽司，一個人都可以好享受。💚先付💚甘筍蓮藕：蓮藕爽脆，甘筍甜味自然。明太子伴片：伴片口感好似魚蛋，入口煙韌，加上明太子鹹香味，味道獨特。日本鵝肝慕絲米子：鵝肝細膩滑順，米子脆口。💙刺身三種💙北海道九鰈魚：肉質柔軟，包住炙燒魚邊，加入蔥、辣椒和蘿蔔蓉調味。北海道真蠔：真蠔口感奶油般滑嫩，搭配沖繩水雲，加入了柚子酸汁和青檸汁，清爽而細膩。岩手縣石𢬎貝：脆口彈牙，帶鮮甜味，加上豉油青檸汁食。日本蠑螺切左一粒粒，肉質紮實，口感鮮爽，充滿鮮甜味。💜刺身二種💜北海道花咲蟹：蟹肉味道鮮甜，醬汁用左蟹膏整，為蟹肉增添多重口感。沙丁魚：切至細細粒，魚肉滑嫩細緻，用萬能葱、薑花、芝麻和八京蔥調味，香氣濃郁，提升鮮味。🩷燒物🩷鹿兒島A4和牛薄燒：和牛帶有微微焦香，保持油脂，入口即化，濃厚 XO醬跟和牛好夾。💛刺身二種💛北海道鹽水海膽配北海道牡丹蝦：海膽口感好似奶油咁香滑，牡丹蝦肉質鮮甜，蝦膏味道濃郁。拖羅手卷：集合大拖羅、中拖羅、赤身三個層次，赤身的鮮，拖羅的滑，油脂與魚肉細膩感，加左紫蘇葉、八京蔥，口感層次豐富。🩵燒物🩵北海道喜之次：日本深海魚，魚皮燒至焦香，魚身柔軟，魚脂四溢，加少少青檸汁食。🍚北海道產蝦夷鮑土鍋飯鮑魚鮮味濃郁，米飯吸收高湯的香氣。🍮抹茶奶凍抹茶香濃，配搭甜滑奶凍，口感輕柔又細膩。…Read More

這間高級日本餐廳位於上環蘇杭街，主打精緻的廚師發辦，嚴選來自日本時令當季的食材，每日新鮮空運到港。店內座位均為廚師吧枱，能欣賞師傅的手藝，又能與師傅們溝通，有什麼忌口記得跟師傅說，會有其他替代食物。晚市時段設有三款級別的套餐，週年祭季節限定14貫壽司可享六五折，不過今日跟朋友選擇中級別的套餐。晚市套餐 - $1680/位九州黃粟米凍湯採用可生食級別的粟米極香甜多汁，凍湯綿密清爽。梅酒蕃茄香甜多汁的蕃茄有陣陣酒香。北海道松葉蟹肉絲絲甘甜的蟹肉軟滑綿密多汁。北海道鮫鰈魚薄切鮫鰈魚甜美細嫩，可蘸上甘香的肝醬，而魚邊炙燒出甘甜魚油，肥美又爽口。長崎縣華漣生蠔肥美肉厚的蠔身嫩滑鮮甜，海水味不太重很清甜，有酸爽的沖繩水雲。北海道扇貝碩大肥美有濃郁鮮甜的海味。靜岡縣金目鯛細膩軟熟，魚油豐富又甘甜，配醋麵豉。根室縣池魚仔纖維幼細的池魚碎切，油份好豐富，入口香甜爽口，有白京蔥、芝麻及蔥蓉。三重縣鰆魚豐富的魚油脂帶點甜，有陣陣煙燻香氣。三重縣大拖羅、中拖羅及赤身大拖羅有雪花般的豐富魚脂，有極甘香的魚油，而中拖羅油份適中沒有筋，再加上沒有脂肪的赤身，但勝在魚味濃郁，三種口感好豐富。甘鯛立鱗燒一片片豎起的魚鱗超香脆，甘香的魚肉細滑鮮美，對比強烈，配蝦醬及柚子蘿蔔。大分縣深海池魚油份豐富且纖維幼細，香甜爽口。岩手縣赤貝鮮紅色的貝肉清爽彈牙，鮮甜帶海潮香。長崎縣新鮮鯖魚肥美甘香而完全沒魚腥味，白昆布增添香氣。神奈川黑鯥魚油份重而無渣，配辣椒蘿蔔蓉。北海道牡丹蝦肥碩的蝦肉極富彈性，鮮爽無比，燒香的蝦頭膏好鮮甜好甘香。北海道根室海膽鮮橙色的海膽肥大肉厚，入口隨即化開，質感好奶滑，有著甘香濃郁的鮮甜味。味噌湯濃稠的麵豉豆香，有豆腐及昆布等。抹茶奶凍自家製奶凍細膩嫩滑，入口即化，有著濃郁的奶香味，淋上濃郁的抹茶，有陣陣沉穩的茶香，還有軟糯的黑豆香甜。…Read More

上星期晚上朋友帶我來拜訪「鮨燐」品嚐Omakase😍 位於上環的「鮨燐」門口設計作風低調，很有神秘感🎏。「鮨燐」的主要食材是來自北海道、九州、沖繩等，選用時令食材而且很新鮮❣️店內設計裝潢感覺舒適，除設置吧枱座位，還設有廂房，啱晒三五知己一邊傾偈一邊品嚐美食🥰而可以一邊享受食物一邊欣賞到板前廚師👨‍🍳手藝的吧枱座位只有10個，所以好難book位的🤭 期間師傅好專業地介紹每道菜的食材及食法，我跟朋友都十分享受這一餐晚飯，好開心舒服👍 Dinner Menu $1,880/人晚餐Omakase包括先付、刺身七款、和食兩款、壽司六貫、吸物及甜品🤩 🔹️先付1️⃣靜岡縣糖漬蕃茄經過糖漬的小蕃茄🍅去除了番茄酸澀味，面頭灑上淡雪鹽，味道酸酸甜甜之餘，口感清爽。2️⃣山口縣黑梅貝黑梅貝肉質彈牙，用昆布加以烹調，簡單帶出原味👍🏻3️⃣北海道松葉蟹師傅拆了一絲絲的松葉蟹蟹肉出來🦀，再伴入菊花及紫蘇花，肉質鮮甜美味🥰 🔹️刺身七款1️⃣赤羽太肉質細嫩，口感清爽，面頭灑上竹炭鹽，味道清甜。2️⃣岩手縣赤貝新鮮赤貝外表呈橙紅色、帶光澤，鮮味十足，師傅拍一拍左個貝身，令肉質更爽口。底部有黏滑的沖繩水雲伴上少許醋汁，好醒胃😊3️⃣大分縣深海池魚師傅將魚肉連魚皮輕微炙燒🔥，從而將魚油迫出，魚肉肉質綿密肥美，入口魚油好甘香，面頭配上海鹽及麵豉醬，口感味道都好豐富。4️⃣剝皮魚剝皮魚以秋冬為最時令，肉質爽彈，清甜中帶魚香✨配搭剝皮魚肝醬一起食，口感豐腴潤澤。5️⃣北海道扇貝扇貝貝肉厚身飽滿，味道鮮甜，口感柔軟而多汁。6️⃣白象拔蚌師傅將白象拔蚌切成條狀，不僅入口時嚼口更好，比起切成片狀更耐吃。象拔蚌味道濃厚鮮甜，口感爽脆利落，加上清新青檸汁點綴🍋‍🟩，入口後慢慢嘗到象拔蚌的甜味。7️⃣燒象拔蚌邊象拔蚌邊經過炙燒後🔥，口感嚼勁十足，爆脆爽甜❣️ 🔹️和食1️⃣北海道毛蟹師傅拆了一絲絲的毛蟹蟹肉及蟹腳出來🦀，面頭更擺上毛蟹蟹膏，一啖放入口一起食，鮮味濃郁，口感豐富。2️⃣天婦羅🔸️北海道海膽紫蘇葉包裹著海膽做成天婦羅，炸得外皮酥脆，入口啖啖海膽好鮮味又幸福🥰🔸️北海道黃粟米粟米只簡單加天婦羅炸漿油炸，粟米天然甜而不膩🌽🔸️北海道行者大蒜行者大蒜食用部位是葉子，葉片食落有濃厚的蒜味，整體清香👍🏻 吃壽司前送上一碟自家醃製的醋漬送口，味道甜美又清爽。 🔹️壽司六貫1️⃣淡路島針魚只有最新鮮的針魚才會是透明魚身，並閃爍著銀光。師傅將魚身以鬢辮方式地梭織，針魚味道比較清淡爽口，卻油脂豐厚，吃起來既有脂肪的甘甜柔潤☺️。2️⃣長崎縣赤鯥師傅將魚肉連魚皮輕微炙燒🔥，從而將魚油迫出，肉質彈牙且油脂豐富。3️⃣北海道牧丹蝦牡丹蝦蝦肉肥美🦐，肉質綿軟中帶彈性，面頭更放上牡丹蝦蝦膏，味道鮮甜爽口🤩4️⃣間八魚間八是指體長達2m以上的大型鰤魚，師傅將魚肉連魚皮輕微炙燒🔥，從而將魚油迫出，肉質結實，配搭柚子胡椒醬，味道肥而不膩。5️⃣北海道雲丹 用料十足，絕不手軟‼️用上北海道海膽，色澤為淺橙黃色而飽滿挺身，味道濃厚甘甜，回甘強，口感幼滑又creamy🤩6️⃣龍珠卷卷物非常好足料🥰以自家醃製醬油漬蛋黃，配上濃厚鮮味的炙燒大吞拿魚腩及赤身，還有日本蔥一起吃，口感及味道相當豐富，幸福感滿滿❣️ 北海道蝦姨鮑魚 蝦夷鮑魚與蘿蔔蓉一起烹調及浸泡🦪，肉質軟嫩，面頭伴有蝦夷鮑魚肝醬，令鮑魚鮮味清爽，yummy👍🏻 🔹️吸物麵豉湯味道很清甜，很暖胃。 🔹️甜品抹茶奶凍質感滑溜，微甜加上抹茶香，奶香味也很濃郁🥛…Read More

今晚朋友幫我𪊴祝生日，帶我去咗上環一間餐廳「鮨燐」食 Omakase，最後叫了Dinner Set $1,680，包括《前菜三點》🥢 菜之花 嘅野菜煮，上面係鰹魚花🥢 螢光魷魚 配上柚子味噌醬🥢 沖繩水雲 上面係靜岡小蕃茄及食用菊花《7種刺身》🥢 鮫鰈魚 (右口魚)，中間係右口魚裙邊 及 九州博多萬能蔥，點少少Wasabi及豉油食就已經好美味🥢 來自日本淡路島 針魚刺身，點返隔離嘅薑醋豉油 食用就可以，賣相好特別，味道方面較清新🥢 長崎縣小長井真蠔 上面係土佐啫喱，係一種酸汁，不用再點其它醬汁，食落口非常鮮甜好味🥢 九州間八魚 左邊上面係北海道麵豉醬三星漬，小小辣辣地，食落口好惹味；另一邊是火炙，上面柚子胡椒。一次過可以食到兩種不同口味，正🥢 燒北海道平貝，用少少鼓油燒過，夾住紫菜一起食，已經好好食🥢 中拖羅，上面落咗喜馬拉雅山岩鹽，代替了豉油，夾住紫蘇葉一起食，估唔到這個配搭相當不錯🥢 燒拖羅，師傅叫我們食嘅時候，要小心啲魚油，食落口非常肥美《和食》🥢 北海道響螺，上面黃色係柚子皮，響螺爽口彈牙🥢 鹽麴櫻鱒、烏魚子、栗子甘露煮鹽麴能提升櫻鱒本身風味，之後再食烏魚子，最後才食栗子，目的是中和之前較重口味，估唔到這個菜式有這麼細心嘅設計，贊《6種壽司》🥢 梭子魚，上面係烏魚子碎，有少少鹹香味，這個配搭食落又幾美味🥢 北海道牡丹蝦 中間配上蝦膏，令味道更香濃🥢 天草池魚，肉質甜美，師傅係上面加上薑蔥，令口感更佳🥢 北海道鳥貝 肉質細嫩，味美可口🥢 北海道赤海膽 味道十分濃郁，鮮甜好味🥢 赤鯥魚 油脂含量較豐富，而且有一種獨特甜味《湯》🥢 味噌湯 由三款唔同味噌調劑出來，味道真的不錯《甜品》🥢 京都宇治抹茶奶凍，上面有一粒黑豆，是甘露煮的…Read More

廚師發辦非常受人歡迎，因為每餐均由師傅決定吃什麼，驚喜萬分，而且款式又多又精緻，所以今晚也來了朋友公司附近的鮨燐來享受一餐盛宴。水雲首先當然要吃些前菜，來自日本沖繩縣當地人稱為「水中的雲」，口感像海帶，清涼可口，營養豐富，它柔軟黏滑的質感加入了黑醋，酸酸甜甜非常開胃。白梅貝來自北海道的白梅貝生長於鳥取至秋田的日本海沿岸，其鮮甜味不容置疑，口感爽彈，海水味濃，極具小漁村風味。剝皮魚 剝皮魚的肝臟最為珍貴，師傅巧妙地用新鮮魚肝及蔥花塗滿了剝皮魚薄切，令鮮味更突出，層次感更豐富，第一件先吃原味，之後才加入wasabi及豉油更能感受它的鮮甜。粒貝原件生猛粒貝即開即做，加入些少青檸汁及柚子汁，更加能夠吊出鮮甜味。白子 師傅做法特別用心，先用溫熱木魚水淋一淋，令其收縮呈現半生熟，吃落口感似爆珠，在口腔裡爆開的感覺非常獨特，配上酸汁蘿蔔蓉及昆布能有效去除腥膩感。 鰤魚鰤魚其實是超巨型的油甘魚，這件屬於鰤魚的下腩位置，色澤紅彤，格外腴盈肥美鮮甜，白色的脂肪細紋散佈平均，入口滑溜柔軟。鯖魚鯖魚本身味道較濃厚，所以師傅加入了海鹽，紫蘇葉及昆布中一下味道，鯖魚油脂特別豐潤，肉質細緻嫩滑，帶來滿口脂香。鮟鱇魚肝 鮟鱇魚肝被譽為海裡的鵝肝，足以證明其身分地位舉足輕重，師傅用了汁煮方法，味道偏甜，馥郁濃香，灑上黑七味粉解一些膩感。中拖羅吞拿魚腩顏色粉紅，脂肪比例較高，油脂非常甘香，不過瘦不過膩，味道非常平衡。大拖羅大拖羅明顯地油脂最濃香，脂肪分佈好像雪花般，因為它入口即溶，所以師傅特地用了紫菜包裹，讓油脂在口腔內一次過爆發。燒鰤魚 燒至外面香脆，很考究功夫，時間亦掌握得當，師傅把它做得比較厚身，由於它是下腩位，所以便加入黑七味粉及椒絲平衡一下油香。啫喱師傅說這個啫喱是用了檸檬及柚子基因混合而成的新植物，兩種果味亦能同時品嚐到，酸酸甜甜的作為中場休息，可以清一清味蕾。深海池魚壽司深海池魚是以清、甜、爽見稱的，而其味道比一般的池魚更鮮甜，肉質爽更滑肥美。赤貝壽司 赤貝甘甜中略帶澀味，風味獨蘊，所以師傅用了青檸柚子汁來去除澀味，師傅把它切成蝴蝶型的造型，外觀滿分。扇貝壽司扇貝柱肉圓而爽甜，比帶子更厚身、圓大、肉質亦更細嫩，吃起來鮮甜爽彈。北海道馬糞海膽壽司海膽是人見人愛的，北海道馬糞海膽色澤為淺橙黃色，味道濃厚甘甜，回甘力強，海膽膏的瓣塊較小，極其鮮美，非常滿足。松葉蟹壽司師傅細心地把松葉蟹撕成條狀，混入蟹膏，用以增加鮮甜味，比原件吃的味道更為細膩可口。左口魚裙邊壽司左口魚裙邊是一條左口魚裡最為肥美的部分，富有嚼勁，咬落既爽又甜，甘甜魚油緩緩滲出，層次豐富。經師傅火炙後，真的是入口即溶，香嫩無比，所以加入了紅蓉及蔥花以解膩。豚肉豆乳鍋整碗豆乳湯不用加入味精，豆乳豆味濃香，配搭嫩滑豚肉，已經非常鮮甜清新。麵豉湯不能用平常一般開水沖的麵豉湯相比，師傅說這種麵豉的級數很高，特地在日本搜羅回來的。抹茶奶凍最後吃甜品，完結了一餐美味又多款式的盛宴，抹茶奶凍本來已是我所喜好，抹茶與鮮奶融為一體，香滑濃香。…Read More

朋友好喜歡吃日本菜，這次，他提議去上環吃omakase，我當然拍手叫好啦！🎈室內環境餐廳有2層，我們被安排坐樓下的位置，地方整潔，又有侍應適時提供服務，如遞上毛巾、加茶等等，都十分快速。🎈Menu無菜單料理其實也有菜單可供選擇，分別有三個價位，由$1180至$1580，我們就選擇了主要吃壽司的$1180set，包括了先付、14貫壽司、湯和甜品。🍴🍴🍴🍴✨先付這是來自愛知縣的無花果，上面的蛋黃醬加入了無花果去製成，配著涼涼的無花果，很適合在炎炎夏日享用。還有第二道先付，是經油炸過、翡翠色的新銀杏，只有以鹽作調味，簡單的調味不會覆蓋銀杏本來的甜味，口感煙韌。✨右口魚師傅為我準備的第一貫壽司是右口魚，是味道較淡雅的白身魚之一，只有簡單的碎蔥伴隨著，入口清新，魚肉細嫩。✨間八魚再來是間八魚，肉質較剛才的為厚實，師傅新鮮磨了一點柚子皮，酸酸的，帶來清新的感覺。✨帆立貝切開還是很厚的帆立貝，可想而知牠本來的size有多大，肉質爽口鮮甜，也很新鮮，師傅在上面加了海鹽跟新鮮海草，跟較濃味的帆立貝很match，然後wasabi也較多，帶出了帆立貝的鮮味。✨池魚口感非常爽脆，脂肪比例適中，一點腥味都沒有，魚片透明色澤潤，一口咬入，首先是清甜的感覺，然後有魚油香味慢慢滲出。還配上了主要以米、麵豉製成的三星漬作調味。✨深海池魚有著銀色魚皮的深海池魚，也比池魚為貴，味道更濃郁，肉質鮮嫩，只需輕咬，配上木魚花醬跟醬油，彷彿就像為深海池魚度身訂造的醬料似的。✨響螺來自北海道的響螺，師傅將之厚切，一粒壽司有2片厚厚的螺肉，再輕輕抹上醬油，不用太多的調味，已能帶出螺肉的海水味、鮮甜。✨赤貝貝類中再濃味一點的，就是赤貝了。師傳的助手在旁邊幫忙即開赤貝，原來赤貝的內臟是深紅色的，樣子有點嚇人，但洗淨後則非常好吃，師傅還𠝹了花紋，令其味道更更突出，果然一道比一道更鮮味。✨秋刀魚接下來，來到較重味的秋刀魚，由牠的淺紅色魚肉，代表牠的味道會較白身魚為濃味，所以師傅用了較濃味的調味——「薑蔥」，薑蔥除了可以辟走腥味，還有提鮮的作用，跟秋刀魚搭配很適合。✨鱈魚有著雪白色魚肉的鱈魚，師傅先抹上一抹醬油，也加了薑蔥作調味料，看上去平平無奇，但原來入口即溶，油脂非常豐富，魚油瞬間溶化，充滿整個口腔。✨三文魚籽師傅加上了滿滿的三文魚籽，是要加到滿出來才停手，畫面很震撼呢！整粒壽司放進口中，一粒一粒在口中爆開，鮮味無窮。✨海膽採用了來自北海道的馬糞海膽，顆粒幼細且明顯，入口鮮甜美味，壽司飯吸收了海膽的味道，加上脆卜卜的紫菜，十分滿足。✨赤身赤身是吞拿魚腩中較瘦的部位，主要嚐其肉質的甜美，油脂不多，師傅預先將刺身𠝹了花紋，再掃上醬油，閒置一會兒備用，再製成壽司給我們。果然，入口有鮮甜的魚肉，也有醬油漬的感覺，也有柚子皮的香味。✨中拖羅接著是中拖羅，油脂較赤身為多，不用什麼調味料，只是掃上醬油，便可以享用，油脂的香味在口中蔓延，越發濃郁。✨火炙腦天腦天即吞拿魚頭頂的肉，一條吞拿魚只有兩片腦天，肉質細嫩，油份極豐富，魚味都十分濃郁。經炙燒後，油脂已迅速溶化，要立刻放入口中，就連下面的壽司飯也吸滿魚油。✨火炙右口魚最後還有這一道火炙右口魚，師傅還搭配了爽口的右口魚裙邊，裙邊的油脂格外豐富，火炙後，香氣四溢。✨烏冬吃完14貫壽司，還有這道稻庭烏冬呢，麵條呈扁長長，不難與讚歧烏冬分辨開來。每條麵條厚度一致，口感細滑，幾乎不廢力，就能把麵條吸走。✨抹茶奶凍甜品方便，是店家自製的抹茶奶凍，還有一粒黑豆作點綴，味道不太甜，抹茶味也很香濃，為今晚畫上完美句號。🎈總結這家鮨燐的性價比很高，十四貫的壽司，由專業的師傅逐一安排，由淡味到濃味，一次過嚐了十多樣不同的魚類，還可以跟師傅聊聊天，有任何喜惡，都可以跟師傅講，不用怕無菜單會吃到不喜歡的菜式。…Read More

💭最近有朋友介紹上環有家好吃日本菜，今天相約朋友吃晚飯，當然要去吃一下，看個究竟。這家餐廳是位於蘇杭街的「鮨燐」，裝修非常和式風格，一共兩層，下層只有不到十個位，幸好有先訂位，不然都吃不到呢～◾️晚餐Omakase 餐牌分為三個價位，$1180、$1380及$1580，我和朋友選擇了以壽司為主的$1180套餐，一共有14貫壽司，另有先付、碗物和甜品。先付🥗愛知縣無花果經大吟釀蒸過的無花果，再加上由麵豉打成的醬，味道清清甜甜，好味道。🥗新銀杏青綠的新銀杏經油炸過，沒有太多調味，只有少許鹽巴，口感帶點煙韌，味帶甘甜。◾️然後進入壽司環節，一共有14貫壽司，順序排列如下：🍣鮫鰈魚壽司先以白色魚作開首，鮫鰈魚魚肉味道偏淡，魚肉口感帶煙韌，師傅在魚肉下沾上蔥花，並以醬油在表面輕輕一抹，能為魚肉提味，吃起來更有層次。🍣間八魚壽司間八魚即紅魽，在表面灑上柚子皮，非常清新的氣息，肉質紮實有咬口，味道甘甜，不油膩。🍣凡立貝壽司肉質爽口，灑上海鹽及加上新鮮海藻，吃起來味道更鮮，甜味更突出。🍣深海池魚壽司肉質有口感，魚味較濃厚，加上利用木魚花調配的醬汁，味道更有層次感。🍣車海老壽司車海老即花竹蝦，顏色紅白分明，非常誘人。師傅先將蝦膏切碎，再捏入蝦內，吃起來彈牙爽口，味甘甜，蝦膏味濃郁。🍣響螺壽司來自北海道的響螺，薄薄一片，吃起來非常爽脆，有咬口之餘，味道亦很鮮甜。🍣赤貝壽司顏色呈橙紅色，帶有光澤，表面灑上柚子皮，淡淡清香，厚肉，肉質爽脆，甜味較清爽。🍣秋刀魚壽司入秋後的秋刀魚最肥美，配上薑末同蔥花，可以除腥之餘，亦有提鮮作用。魚肉鮮甜，肉質彈牙。🍣銀鱈魚壽司雪白的魚肉油脂感足，非常肥美，魚油香，入口細嫩爽滑，配上柚子胡椒醬，微微辛辣令魚的鮮甜味更突出。🍣三文魚子壽司於表面灑上少許柚子皮，中和三文魚籽的咸，吃起來味道更有層次，咸中帶點果香清新。🍣馬糞海膽壽司顏色呈金黃色，入口甘甜，鮮味濃郁，十分滋味。🍣赤身壽司顏色呈赤紅色，屬於吞拿中脂肪較少的部分，肉質較結實，師傅於準備材料時把赤身放於醬油內淺漬，醬油的淡咸，配上柚子皮，使得赤身的甘甜味更突出。🍣中拖羅壽司屬於腩與背的中間，一半赤身一半腩，油分不會過膩，魚味算是濃郁，肉質較軟滑。🍣腦天壽司「腦天」即吞拿魚頭頂的肉，每條魚只有小小兩片，非常難得。經過炙燒後，油香陣陣，吃起來真正的入口溶化，非常美味。🍣右口魚魚鰭壽司同樣以炙燒處理，表面微微燒香，口感爽口滑嫩，魚油非常豐滿，油香的極致。碗物🍜稻庭烏冬冷食的稻庭烏冬，口感滑溜，細長有致，不消一會就吃完了。甜品🍮抹茶奶凍自家製抹茶奶凍，配上黑豆一顆，奶味濃郁，甜度適中，好味。💭總括而言，鮨燐的Omakase 晚餐質素很高，食材用料新鮮之餘，師傅在壽司的次序安排上，可見其用心之處。先由白身魚開始，再慢慢到最後濃味而油份重的部位，由淡到濃的轉變，掌握得非常好，可以體驗到不到層次的變化，非常完整。十四貫壽司吃得很滿足，以一千多的價錢來說，性價比很高，吃Omakase的好地方又多一間！…Read More