River Sichuan Restaurant

西營盤正街川菜餐廳午市唔係太多人點半鐘今日叫咗個二人餐包三個餸兩碗飯同埋兩杯嘢飲250蚊搞掂第一樣選項揀左夫妻肺片滿滿嘅芫茜 正常味道第二樣揀咗個水煮魚片 最少辣裏面有大量芽菜同埋火鍋寬粉 味道幾好第三個選項就手撕包菜好入味…Read More

川之源, 在西環有兩間分店, 一間樓上店, 另一間則是在西環長命斜旁邊, 就算由地面上來都有電梯, 所以不用太過擔心 😆 況且現在有地鐵, 從地鐵C出口乘坐升降機再走路就更方便 😁餐廳裝潢有傳統中式風格, 用上紅色枱布, 由於新年期間, 除了門前的盆栽外, 還掛上新春燈籠, 附各種賀詞, 滿有氣氛的! 😊 雖然空間不大, 座位仍然很寬敞, 職員態度也很好。午市二人套餐 $288二人套餐分別有前菜, 主食, 熱菜, 另送白飯和甜品。涼拌木耳木耳爽口, 酸酸辣辣, 作為前菜很開胃 ☺️ 不過卻是全個餐最辣的, 吃不到辣的就別點這個為妙。蕃茄魚片其中一道不辣的菜餚, 蕃茄煮成蓉, 蕃茄味道溶入湯中, 湯底清甜帶酸, 有不少青蔥和薑片用來中和腥味。 餐廳奉上一個大碗盛裝, 份量驚人, 有多塊桂花魚片, 嫩滑無骨, 鮮味十足! 😋 送飯一流, 作為一個蕃茄控這個菜絕不能錯過!! 🥰手撕包菜椰菜十分清甜, 加入辣椒和花椒, 微微辣口, 避免吃到花椒就不會有麻痺感 😆重慶辣子雞 $158跟之前在深圳吃的一樣, 一大盆雞件跟大量辣椒, 花椒, 八角, 香蔥混在一起煮成, 驟眼看會被嚇到 🥴 實際上是可以接受的, 吃得多川菜後接受辣的程度都高了 😬 雞肉切粒, 是來自不同部位的, 部份會帶骨, 經過油炸非常脆口惹味!麻婆豆腐 $88四川款式麻婆豆腐, 有別於港式製作, 加入豆鼓, 青蔥, 黑椒, 花椒, 自家製豆瓣醬, 醬汁濃稠, 比港式麻婆豆腐味道更濃, 能做到麻, 辣, 香, 嫩 🤤 同樣送飯一流! 桂花冰粉所有餐都會奉送這款甜品, 像啫喱般透明清澈, 口感比涼粉更清涼爽口, 吃了一堆又麻又辣的四川菜, 再品嚐這款甜品簡直一流! 😚這段時間都經過吃四川菜, 無論在香港還是深圳, 開始發現四川菜的美味之處 😌 這間餐廳提供正宗四川味道, 而且十分貼心 🤗 菜餚有不同辣度, bb辣, 小辣, 中辣, 大辣等, 能夠迎合各種不同口味的客人, 也有不少不辣的菜式, 當然如果四川菜走辣就未免失去原本風味。…Read More

應該係人生第一次正式食川菜🤫從來都唔食得麻辣不過近期周圍不斷開川菜餐廳，好奇嘅我想試，見呢間喺HKU附近幾就腳就試試好彩餐牌提供唔少唔辣嘅菜式選擇🫶🏻辣度又可以自選BB、細、中、大辣，照顧到唔同「級別」嘅食客▶️ 蕃茄魚 ($218)感覺一定要叫招牌菜式唔食酸菜魚就試吓呢個唔辣嘅蕃茄魚份量驚人，好大煲，又好深滿滿都係魚片😻仲富有好多煮爛咗嘅蕃茄湯底飲落酸酸地，後尾帶啲好似胡椒粉嘅辛辣 (幾乎唔辣)，好接受到感覺似泰式酸辣湯／冬陰功湯魚柳唔係爽彈脆肉鯇type，有啲比較散，但整體質感唔錯，味道算新鮮，最正係完全冇骨🐟加咗薑同蒜蓉癖腥味，配埋蕃茄甜味好餸飯，嘗試將佢變成湯飯食～▶️ 重慶辣子雞 ($168)睇個樣真係嚇親🥵成碟紅卜卜，全部都係辣椒、花椒八角 、香蔥🌶️入面混入唔少辣子雞丁，雞丁係炸嘅，香口惹味唯一係細粒啲同有骨▶️ 手撕包菜 ($78)係一個辣版炒椰菜🥬椰菜好清脆用蒜片、葱花、乾辣椒、花椒一齊炒過，再落醋味道複雜，一次過品嚐到甜酸辣個人覺得有啲過鹹🙈但呢個亦係川菜特色撇除呢樣係幾好食嘅▶️ 白飯 ($17x 2)絲苗白飯，帶有米香味，啱晒餸呢啲咁濃味嘅菜式食到條脷麻咗，食返啖白飯中和返🥮▶️ 桂花冰粉 免費送嘅甜品，好有驚喜！質感似涼粉，入口滑捋捋本身凍凍地，好清涼🧊入面唔少桂花，帶出淡淡香味整體唔會太甜食完辣嘢鹹嘢食返碗簡直係完美😍-味道到位有鑊氣，雖然甚少川菜，但覺得唔錯，應該算正宗環境同服務OK，內部裝飾好中式晚餐價錢偏貴少少，計埋加一大概$280/ 人不過佢嘅午餐抵食，可能$140/人已經食到以上全部菜式算係一個新嘗試，起碼依家對川菜冇咁抗拒😗…Read More

今次同同事去咗西營盤試呢間正宗川菜‼️Weekday Lunch Set A 包涼菜 & 招牌魚 & 熱菜（3款都係3選1）配白飯，汽水🥤/豆漿或者揀桂花冰粉💰248✨水煮魚片 💫評分: 7.5/10📝酸菜魚其實都好吸引，不過最後都係試咗水煮魚片，辣度平時譚仔嘅三小辣，辣度幾惹味唔會好油，麻中有香，魚塊份量多唔腥同嫩滑入味，仲有芽菜同埋比平時食開再闊啲嘅薯粉，好有咬口，索晒啲湯，價錢幾抵食！✨蒜泥白肉💫評分: 7.2/10📝豬肉切薄片刀🔪功唔錯，蒜泥濃郁不過略嫌份量太少，幾入味同比平時更夠辣，肉嘅側邊仲有少少軟骨，有特色！✨手撕包菜🥬 💫評分: 7.6/10📝椰菜幾清甜、爽口，用左花椒炒食落都幾麻辣🌶，不過唔會覺得好膩，送飯一流🥳✨桂花冰粉 （如叫飲品要＋💰5/碗）💫評分: 7.2/10📝好淡淡嘅桂花味，唔係好食得出有甜味，凍冰冰解辣一流，配碎咗嘅啫喱令呢餐畫上完美句號！川之源 ℝ𝕚𝕧𝕖𝕣 𝕊𝕚𝕔𝕙𝕦𝕒𝕟 ℝ𝕖𝕤𝕥𝕒𝕦𝕣𝕒𝕟𝕥📍西環西營盤正街62號地舖(西營盤🚇 C出口行3分鐘就到)💫評分: 7.4/10💬如果平日去唔到食，假日都有二人套餐(💰288)不過嘢食有少少唔同，覺得平日食真係幾抵，食到捧住個肚🤰🏻，雖然自己唔係成日食川菜因為唔係好食得辣，不過都覺得呢間餐廳好正宗，午餐都有啲人氣😎…Read More

約西環友食飯，佢話無咩胃口，於是提議食辣嘢開下胃，鍾意食辣嘅我當然舉手贊成。叫得川之源，當然係以四川菜作招徠，不過餐牌都有「唔辣」系列，所以都可以叫唔食得辣嘅朋友一齊去。本身以為周末會只有單點，但原來有個假日二人套餐($288)立即點一個開心share！套餐就特色前菜、招牌菜、熱菜各選一個，再送兩碗白飯及兩碗冰粉。最特別係菜式可以揀辣度，有BB辣、小辣、中辣及大辣，今次試小辣，有機會要試中辣！水煮魚片 紅噹噹嘅顏色已經好吸引，舖面果層辣油真係令人流哂口水，撈一撈都發現有好多塊魚片，唔會坊間有啲食幾片就無，魚片都好滑。仲有其他芽菜、寬粉，寬粉索盡辣油精華，超正！ 酸辣青瓜酸辣兼備，又唔會有死鹹，青瓜爽脆，真係愈食愈開胃！手撕包菜以為佢唔辣，少年你太年輕了！佢除咗少許辣之外，仲加咗花椒，增加咗麻嘅口感，而菜都好清甜。桂花冰粉作為這一餐嘅句號，這款甜品真的滿分。冰涼嘅凍感加上桂花嘅清香，一掃整頓嘅辣味，好舒服，如果唔係太飽真係會叫多碗食。雖然二人餐得幾款菜式，但我哋兩個人食已經飽到捧住個肚走，環境都乾淨企理，雖然做川菜但入去都唔會好大陣味。另外佢哋每檯都會有一壺茶，雖則免費但都幾清香。…Read More

香港島西區從來都是我認為超多美食的好地方,這幾年陸續出入西區幾個地鐵站和區域,試過不同的小食和料理。今次想為各位介紹一間在地鐵站附近的川菜料理,確實值得推介,因為在香港,正宗的川菜實在不多。我點了288元的午市二人套餐,內容如下:主菜: 酸菜魚&2碗白飯 - 魚片滑得很,配上大量的酸菜和湯底,吃得津津有味,幸好選擇了BB辣,否則我一定滿頭大汗。還有少量粉絲在內,配上白飯真的是川菜最好食的主菜!  前菜: 四川涼麵  - 中辣的醬料與蔥花,加上彈牙的涼麵,總是一道很棒的開胃菜~小菜: 手撕包菜  - 蔬菜當然也是川菜不可或缺的一部分,花椒和辣椒為手撕包菜獻出精彩的辣味,是我最愛的川式小菜甜品: 四川冰粉 - 最後以一道桂花冰粉劃上句號,消除口腔的辣味,甜品不一定要西式也可以很好吃!飲品: 暖暖的麥菜竟然這是我第一次在香港吃川菜,意想不到呢,有機會探索西區,又渴望挑戰川菜的朋友,絕對可以一戰,價格可算太高,環境都好乾淨~…Read More

今日去行街前經西環就特登去川之源食除咗lunch set 仲有啲午市二人餐或者麻辣乾鍋二人餐諗咗好耐食水煮魚好定乾鍋好最後都係揀咗二人餐食水煮魚二人餐可以揀一款小食，一款主菜（水煮魚或酸菜魚或蕃茄魚）、一款小菜所以唔食辣其實都可以揀🍅蕃茄魚水煮魚係用咗無骨龍脷柳啱哂啲唔鍾意食有骨嘅人龍脷柳都幾滑配埋芽菜、薯粉撈埋白飯🍚一齊食😋食完最尾仲有特色嘅桂花粉好香桂花味，清清甜甜食完辣野再食喉嚨特別舒服😌…Read More

跟同事外出工作，順便在附近午餐正街那邊非常鄰近西營盤C出口，相距只有三分鐘路程選擇很多，但還是忍不住吃了川菜店內也有很多年青女士及外籍人士選擇了「午市二人套餐A」 - $248包括涼菜、招牌、熱菜、白飯及飲品或甜品，一套感覺較滿足辣度除了基本的小中大辣，還有BB辣重慶口水雞麻辣鮮爽的口水雞，清嫩的雞肉配上麻香鮮辣的口水汁一入口即嘗到強烈的麻香滋味雞肉炮製得鮮爽嫩滑彈牙，口水汁以約十多種香料調配，層次豐富美味，不會有油溢味酸菜魚片(無骨)無骨的魚片肉質嫩滑肥美，又不易散口感醇厚的酸菜魚湯底，味道新鮮、香辣，又帶點酸手撕包菜將撕成一小片的椰菜炒至帶輕軟，但莖部口感依然帶爽脆味道香辣，又帶點咸鮮及醋酸頭桂花冰粉晶瑩剔透的冰粉，口感像果凍般香生爽滑帶點桂花的清香味，非常解辣及清熱大和豆漿&康師傅酸梅湯…Read More

近年已經比較少返大陸，疫情下更加唔使諗返大陸食嘢啦！其實我多麼懷念酸菜魚嘅味道🤔喺香港食過好幾間嘅酸菜魚，但始終都無一間係我想食嘅味！今日終於俾我食到一間非常好食嘅酸菜魚👉🏻👉🏻👉🏻川之源🐟酸菜魚奶白色嘅湯底，一入口就即時濁親，我估唔到係咁辣😅我本身係好怕辣嘅人，但魚湯嘅鮮甜，加上薑味嘅後勁十足，令我越飲越過癮！味蕾已經適應咗，真係勁好飲😚湯裏面有啲酸菜、醃瓜片、粉絲等，魚肉又大塊，又夠滑！正呀！🐔重慶口水雞望落去好似幾辣，但食入口就知屬於少辣，啱晒我！雞肉都算多，唔錯！🐷川式回鍋肉一片片嘅豬腩肉，咬落夠爽口！而且食入口唔覺得好油膩，又夠惹味！勁勁勁好食！配菜又夠多，有啲尖青椒、大葱、紅辣椒等，全部都唔辣，仲入哂回鍋肉嘅香味！呢款菜式係我強烈推薦👍🏻👍🏻👍🏻👍🏻👍🏻👍🏻🥬手撕包菜碟菜炒得好爽脆，又唔會太油！感覺上都幾健康🤣🐯虎皮尖椒紅油拌尖椒，味道帶少少微酸辣！夠開胃！🧆干煸田雞芝麻、大豆芽、辣椒乾等配料，炒埋田雞粒，夠哂火喉🔥仲炒得好乾身，又係唔油！唔錯👍🏻唔錯👍🏻🏅黃金饅頭饅頭每個都炸到金黃色，咬落熱辣辣，夠哂脆😋😋😋😋😋食完仲有個飯後甜品送👇🏻👇🏻👇🏻👇🏻👇🏻🌼桂花冰粉清甜爽滑嘅甜品，啖啖都有桂花香味😌一解辣味！夠窩心💗…Read More

星期六行左成朝之後約朋友係西環食lunch，繼續係懷緬大學生活系列。今次黎到川之源，顧名思義食川菜。呢度餐牌有辣有唔辣。兩個人叫左兩個涼菜，一個菜，一個魚！老闆娘仲送左桂花冰粉添！蒜泥青瓜（$38）- 原條青瓜，好大份，又爽脆，好開胃！傷心涼粉（$38）- 係我最鍾意既川北涼粉！好滑，紅油又夠曬香。原來呢度用既紅油都有得賣，真係想買番支番去。酸菜魚（$168）- 超大碗，好多舊魚同酸菜，有粉絲添！重要呢度既魚係無骨既！叫左呢個唔洗叫白飯喇。酸菜好好食，原來有特製配方醃酸菜。手撕包菜（$58）- 野菜一片片加上少少油，平衡番啲油膩野。桂花冰粉- 老闆每人送一碗，係解辣好幫手，清甜可口，夠曬桂花味，正！呢度平日有做午市套餐，幾抵食，不過星期六日假期就無喇，真係可惜。題外話，今日食完飯竟然唔記得攞銀包！好彩過兩分鐘老闆追出黎比番個銀包我！真係好人…Read More