Wagyu Donburi

觀塘工廈向來的有很多臥虎藏龍的美食～今天來到有漢堡扒界天花板美譽之稱的牛霸王，招牌手打和牛漢堡蘭王蛋丼飯果然名不虛傳，能媲美挽肉與米.ᐟ⧐ 招牌手打和牛漢堡蘭王蛋飯 HK$128 ⧏來到牛霸王必點這個招牌手打和牛漢堡蘭王蛋飯.ᐟ選用澳洲和牛，再以手打方式做成美味的漢堡肉，更可以自選喜愛的醬汁和配料，自由度大～這次選了秘制漢堡汁和日式泡菜，賣相精緻，和牛很有油脂香和肉香♡再配上粒粒飽滿的日本米飯及蘭王蛋，絕對無得輸.ᐟ⧐ 手打芝士安格斯漢堡蘭王蛋飯 HK$118 ⧏另外一款手打芝士安格斯漢堡蘭王蛋飯同樣很有人氣～這款則選擇了日式咖喱汁和芥辣酸瓜，漢堡扒裡有流心芝士，非常Juicy♡橙黃色的蘭王蛋除了視覺效果好外，撈飯更是一流.ᐟ⧐ 唐揚魷魚咀 HK$18 ⧏⧐ 甘栗紫薯餅 HK$18 ⧏另外套餐都可以優惠價加配小食和飲品，唐揚魷魚咀炸到金黃色十分酥脆，甘栗紫薯餅甜甜的很足料，賣相亦很不錯♡…Read More

係久違嘅觀塘工廈覓食記 其實工廈真係好多正野食食唔到日本過江龍唔緊要 係觀塘有得食類似😚一入去已經聞到好香嘅牛味🐮一路食一路keep住有客人入餐廳為求保持原汁原味 佢地食嘅手打系列都只可以堂食先食到❣️招牌手打和牛漢堡蘭王蛋飯 $128❇️秘製漢堡汁 ❇️日式泡菜招牌真係招牌 選用左澳洲和牛食得出手打嘅分別 咬一啖就已經感覺到牛香味🤩油脂慢慢係肉入邊滲出嚟而漢堡汁濃味 感覺偏似照燒汁❣️手打芝士安格斯漢堡蘭王蛋飯 $118❇️咖哩汁 ❇️芥辣酸瓜切開會帶熱溶芝士🧀佢地嘅咖哩汁唔係日本甜辣 而係帶少少少辣🤏雖然叫芥辣酸瓜 但食落唔會好刺鼻中和芝士膩的感覺 食落更有層次感🙈🥩 牛肉薯餅 (+$20)大大塊 炸到薯餅外層好脆口保持到內裡軟熟薯仔餡好足🥔帶陣陣牛肉香味🥤無糖可樂 (+$5)🐝 蜂蜜綠茶 (+$5)…Read More

今日又係OT既日子😢同同事兩人決定要食好啲氹番自己開心 不過為左轉頭拿拿林可以番上去 我地都係揀左係成業街搵食 見到個漢堡扒飯好似好正咁入到去坐低職員問我地有冇訂位 我地冇訂位好彩都有位 跟著好多人入黎食都有訂位 如果大家想食真係要訂位先坐低店員會解釋晒成個menu 比客人 例如招牌菜、廚師推介、每款醬同配菜既特式都會同客人講一次 我同同事都叫左兩款每日限量既漢堡扒飯♡招牌手打和牛漢堡蘭王蛋飯（秘製漢堡汁）配芥辣酸瓜 $128呢到既和牛係用澳洲既和牛 肉味濃口感比較鬆 配埋勁橙紅既蘭王蛋除左多左蘭王既香氣之外仲可以令到塊和牛漢堡更加滑 至於個芥辣酸瓜佢係以酸瓜蓉既形式出現 唔算好酸而且帶有Wasabi 既清香 佢完全唔係平時feel到辣個隻感覺 但同時你又好明顯知道佢係Wasabi 呢個感覺真係好過癮 秘製漢堡汁帶有小小柚子香鹹鹹甜甜咁撈飯同漢堡就一流♡手打芝士安格斯漢堡蘭王蛋飯（白味噌汁）配日式泡菜 $118安格斯漢堡比起和牛漢堡既肉質更為紮實 而且牛味都比和牛漢堡濃小小 加上漢堡扒中間釀左芝士係入面 芝士控食到一定好開心 日式泡菜就小小辣 呢到配菜都係行清爽既路線 好聰明咁將漢堡既膩拉番去平衡 白味噌汁偏杰身小小好似cream 既質地咁 麵豉味夠香 同漢堡一齊食又幾夾 都唔覺好大負擔♡紫芋甘栗餅 $28呢個餅炸既油溫控制得好 可以能夠將多餘既油都迫出黎 食落口感覺唔係好油亦夠鬆脆 紫芋食落好軟綿而且中間仲有一粒粒既栗子 口感配搭唔會好似食緊舊好鬆散既野咁♡白桃烏龍（熱） $15佢用一個日式茶具去沖一壺白桃烏龍 成set野勁有去左日本既感覺 白桃烏龍飲落有淡淡既桃香 茶體都好順滑♡蜂蜜綠茶（冷） $5唔算好甜 飲得到蜂蜜既清甜味…Read More

觀塘開新店嘅速度真係快得驚人😆食極都食唔哂🤣🤣今次去咗近期都多人推介嘅漢堡扒店🥩一入店店員就好親切介menu☺️再加上簡潔柔和嘅木系裝修，整體感覺好舒適，好有家的感覺🥰🧀手打芝士安格斯漢堡蘭王蛋飯 ($118)顏色鮮艷嘅蘭王蛋真係叫人望到都流哂口水🤤漢堡口感厚實，切開仲有芝士餡🧀叫人好滿足🥰醬汁揀咗秘調漢堡汁，甜甜酸酸，幾開胃幾好送飯😋🥩招牌手打和牛漢堡蘭王蛋飯 ($128)呢個口感同安格斯漢堡完全唔同😲好軟熟😆😆而牛肉味更濃好多😋估唔到同樣係牛肉漢堡，味道同口感都有咁大分別😌兩個都好值得一試😆呢個配咗日式咖喱汁，比想像中辣😝配埋芥辣酸瓜，好惹味👍🏻🥗日式和風沙律 (+$18)🍸凍蜂蜜綠茶 (+$5)🍯熱柚子蜜 (+$5)…Read More

- 觀塘｜牛霸王 -▪️招牌手打和牛漢堡蘭王蛋飯🐮🥚🍚配秘製漢堡汁、日式泡菜漢堡扒係手打，都幾厚身。用上澳洲和牛，食落口感柔軟，而且好juicy，充滿油脂香。漢堡扒上面有一層日式泡菜，然後再有一層蘿蔔蓉，可以解膩。而最上面就放上呈橙紅色嘅蘭王蛋蛋黃，蛋香非常濃郁。另外秘製漢堡汁味道鹹鹹甜甜，再配埋以日本米煮成、粒粒飽滿嘅白飯，夠晒滋味▪️手打芝士安格斯漢堡蘭王蛋飯🐮🧀🥚🍚配白味噌汁、芥辣酸瓜漢堡扒用上安格斯牛，牛味就更加濃，口感亦都比較紮實啲，而入面仲包住芝士，少少流心狀態，好邪惡😈。芥辣酸瓜味道酸酸辣辣，幾開胃。白味噌汁以麵豉加忌廉調配而成，帶有鹹香味▪️牛肉薯餅🐮🥔炸到金黃色，香脆得嚟唔會油膩。薯蓉包住粒粒牛肉，口感豐富▪️雞皮餃子🐔雞皮好酥脆，而內餡就保持嫩滑多汁▪️白桃烏龍 (熱)🍑🫖用茶壺裝住，再自己倒落杯仔飲，都幾大壺，兩個人飲都夠牛霸王📍觀塘成業街19-21號成業工業大廈1樓26號舖…Read More

牛霸王，位於觀塘成業街19-21號成業工業大廈1樓26號舖。 店內簡約風格設計， 店員有禮， 餐廳以丼飯專門店為主， 我當然要點來食下啦！晚餐🍱 ～招牌手打和牛漢堡蘭王蛋飯$128、 手打芝士安格斯漢堡蘭王蛋飯$118、 蜂蜜綠茶$5、可口可樂$5。🔸招牌手打和牛漢堡蘭王蛋飯 ～ 有三款秘製醬汁和兩款配料， 可按自己的喜愛而選配， 我就選了秘製漢堡汁和日式泡菜配和牛漢堡， 和牛漢堡扒肉質軟腍，油香味重，濃滑蛋香的蘭王蛋， 配上惹味帶甜的漢堡汁和開胃的泡菜， 味道豐富。 🔸手打芝士安格斯漢堡蘭王蛋飯 ～ 白味噌汁和芥末酸瓜配安格斯漢堡，味噌汁味道不濃，帶鹹香， 芥末酸瓜口感軟綿清爽， 芝士安格斯漢堡肉質扎實，有嚼口，味道香濃。🔸蜂蜜綠茶和可口可樂 ～ 兩者跟餐只需加$5，抵飲。 推介這裏的招牌漢堡， 美味又抵食。 🏷️溫馨提示～ 整個用餐體驗均屬個人分享意見， 只作參考😊。 …Read More

本新想試招牌手打和牛漢堡蘭王蛋飯但收工去到都7點幾8點 已經賣哂🥲唯有留番下次再黎食啦😤今次就食左🌟手打芝士安格斯漢堡蘭王蛋飯賣相十分滿分 我俾十分一咬舊牛肉就知道唔係平時食連鎖店既牛肉👍🏻 牛味好濃郁 中間夾住酸青瓜 仲溝左小小wasabi 解膩一流👍🏻 d汁仲要好多 岩哂鐘意汁撈飯既人🤩另外仲叫左🌟咖喱吉列豬扒飯🐷 吉列豬扒炸到外脆內軟 入面仲有肉汁唔會乾爭爭👍🏻追加左個小食🌟雞皮餃子雞皮好簿包住肉碎 上枱仲係熱辣辣 好香脆👍🏻…Read More

最近喺觀塘工廈又發掘到新開嘅好嘢食🥰 店走簡約日系風 環境幾舒服 以丼飯為主 店員好有禮貌咁遞上Menu紙 同介紹主打同牆上嘅Chef’s Special 聽完同另一半就嗌咗佢哋嘅每日限量供應嘅漢堡丼飯大家Share嚟食～ 💛招牌手打和牛漢堡蘭王蛋丼飯💛手打芝士安格斯漢堡蘭王蛋丼飯 配菜（2選1）同汁（3選1）可以自選，我哋就揀咗泡菜做配菜 汁就秘制漢堡汁同白味增汁～再加配咗雞皮餃子小食～ 成餐飯都係$241🤭好抵食 手打和牛漢堡幾厚身夠哂牛味而且唔會好實的的佢嘅肉汁配搭蘭王蛋味又濃又香😋😋🤤 加夾埋少少泡菜嘅微辣提升味覺享受😋 佢嘅秘制漢堡汁有少少柚子嘅清香有肉味之餘唔會可重油膩感🤤🤤 簡直一流勁好送飯❤️ 而手打芝士安格斯同樣漢堡都幾厚身肉質比和牛相對冇咁淋但油花配合埋芝士亦幾香濃而且漢堡補留有肉汁配埋蘭王蛋香配上白味贈汁嘅濃香而唔咸嘅汁再撈埋泡菜嘅口感都唔錯👍 兩碗丼嘅份量都好夠，小食嘅雞皮餃子 外脆內軟做得幾好又好味😋 飲品方面嗌咗柚子蜜同店員推介嘅白桃烏冬茶🥰壺茶一上枱已經聞到桃味陣陣再谷咗陣先飲茶嘅清香配有陣陣白桃味，由於唔係有糖嘅茶飯後飲可以一解咀內嘅油膩感，真係唔錯嘅配搭❣️飲完第一壺仲可以麻煩店員幫忙加熱水～…Read More

📍 牛霸王今次又返黎觀塘覓食，知道有好多新店開業🤩呢間位於工廈既丼飯專門店，餐廳主打手打和牛漢堡扒同牛丼飯，淨係睇賣相已經好高質咁！😎餐廳嘅裝修設計好日系，燈光明亮💡座位寬闊，坐得幾舒服😌🐂招牌手打和牛漢堡蘭王蛋飯 $128餐廳既招牌菜式，每日限量供應✨遲啲黎都食唔到🥺和牛漢堡扒既肉質軟腍，但又保留到牛肉既口感～牛肉味濃郁，一咬開香味已經撲鼻而來🤤牛肉亦唔會乾爭爭，食落有肉汁，係幾juicy!!!🥰另外，醬汁都好有誠意，醬汁可以三選一，揀左秘制漢堡汁，質地比較稠身，而味道係咸咸地，幾好餸飯😝🧀手打芝士安格斯漢堡蘭王蛋飯 $118安格斯牛既質地幾結實，筋位多所以更有咬口，口感會更加煙韌～牛肉味都同樣濃郁，唔差得過和牛漢堡😌加上芝士，味道反而唔係話好重🫣醬汁揀左白味噌汁，似係忌廉汁啲朋友🤤帶有淡淡既奶香味😍配料就揀芥辣酸瓜，將酸瓜打成蓉，味道酸酸地幾開胃！🍑白桃烏龍（熱） （套餐加配$15）白桃味香濃，入口甘香清甜😍期間限定飲品，值得一試！仲用左set日式茶具，儀式感十足🥳🍯蜂蜜綠茶（凍）（套餐加配$5）味道正正常常，冇乜特別～⭐️好味指數：8.5/10📍 牛霸王 (觀塘)觀塘成業街19-21號成業工業大廈1樓26號舖#觀塘 #牛霸王 #成業街 #成業工業大廈 #和牛 #和牛漢堡 #丼飯 #芝士 #安格斯 #白桃烏龍 #限量供應 …Read More

漢堡扒係一種食完覺得幸福嘅食物，細個成日食😋 近排見到觀塘工廈有間主打食和牛漢堡扒嘅餐廳，即刻去試吓～裝潢簡約，有點無印風格，幾舒適～ 除咗漢堡扒飯，呢度仲有幾款丼飯、沙律、小食，新張優惠6pm後幫襯有85折，幾抵！🔸招牌手打和牛漢堡蘭王蛋飯 $128必食！揀咗最經典嘅秘製漢堡汁配日式泡菜，味道相對濃味啲，漢堡汁帶點柚子香～ 澳洲和牛漢堡扒表面少少焦香，入口軟綿綿，有少少入口融化嘅感覺，好好味！蘭王蛋蛋味香濃，配漢堡扒嘅油脂香，加埋日本米飯，好夾！每啖都好好味！仲可以揀多飯、多汁等，好貼心👍🏻🔸手打芝士安格斯漢堡蘭王蛋飯 $118試埋呢款😆 橙紅色蘭王蛋加青綠色酸瓜，造型好打卡！安格斯漢堡肉質無咁軟綿綿，肉味更濃！加咗芝士更香濃～ 揀咗白味噌汁配芥辣酸瓜，醬汁係用白味增推忌廉製成，味道比較清淡，唔鍾意太濃味人士揀呢款汁啱晒～ 自家製酸瓜幾惹味，用蘭王蛋汁撈飯食一流！🔸雞皮餃子 $18幾香口！但size比較細，唔多夠喉😂🔸熱柚子蜜 +$5🔸熱白桃烏龍 +$15…Read More

官塘工廈一向都係揾食好地方，新開咗呢間日式料理，配合埋簡單舒服嘅木系裝修，忍唔住即刻想試下呢度主打手打漢堡，有和牛漢堡同埋美國安格斯漢堡，和牛漢堡牛脂味重，店家加咗蘿蔔蓉同日本泡菜，令到味道香濃得嚟清爽，仲有蛋味一流嘅蘭王蛋，漢堡加入蛋液又再香滑啲，勁好餸飯美國安格斯漢堡入面加咗芝士，牛肉味濃厚之餘芝士味夠香，好有食 burger 嘅感覺，安格斯漢堡一樣配埋蘭王蛋，呢個漢堡真係可以 encore手打漢堡仲可以自己揀唔同嘅配菜同醬汁，漢堡汁帶少少甜味，同漢堡好夾，但我更鍾意呢度嘅咖哩汁，香口得嚟又帶啲微辣，佢仲有個白味噌汁都好吸引，下次再試除咗手打漢堡之外，仲有其他日式丼飯，選擇都唔少，咖哩吉列豬扒飯都唔錯，新鮮熱辣夠脆口另外不得不讚呢度嘅服務，店員會好細心咁介紹餐牌上面嘅菜式，勁有禮貌，好加分…Read More