NMC Noodles (Hau Fook Street)

去尖沙咀做完嘢岩岩喺午餐時間惗住求其啲食，呢間有唔同湯底就試下叫左懷舊藥膳雞湯米線同尖椒皮蛋雞湯米線一來就見到好多芫荽🫢唔識芫荽嘅朋友，記得叫走芫荽味道上正正常常的一碗藥膳湯雞件唔會好鞋👍🏼👍🏼配菜都算足皮蛋就稍嫌不值😌$24 切返出來得2隻，味道同出面無甚分別睇到其他食評原本都冇咩期望，食左都唔係人地講得咁差午餐來講叫抵食～…查看更多

周末十一點左右到達尖沙咀厚福街，只有寥寥可數的餐廳營業，所以就選擇了掛滿雜誌推介的農米莊試一下。餐廳大部分位置都有卡位，都尚算坐得闊落。待應服務態度不過不失，大多目無表情，可能太早未起身吧。🤣我點了一碗懷舊藥膳雞湯米線，轉烏冬加4蚊，再加12蚊要一杯涼粉紅豆冰特飲。要讚一讚啲雞好滑嫩，湯底絕對可以飲，唔算多味精，不過個人保守都係飲一，兩啖算。烏冬應該係噹噹，不過不失，成碗最好食應該係個雞。蟲草花得幾條同紅棗得一，兩粒，唔算係襯到個名，如果係養生麵，唔會推介呢一間。涼粉紅豆冰，涼粉幾好，紅豆應該加左糖水浸左好耐，食落淋身，整體還可以既。…查看更多

🇭🇰農米莊·懷舊藥膳雞湯米線$46呢間我上次已經食過架啦 我覺得佢個椰子雞湯好清甜 好好味 所以今次就再黎啦😎😎今次呢個藥膳雞湯藥材味就有D太重啦 食落有少少苦澀味 我自己無咁中意😭😭🤭不過佢D雞件都係咁滑既 佢既冬菇索晒湯都好好味 而且佢面頭既芫荽好多好正😈··📍尖沙咀厚福街2號地舖📍旺角豉油街68號地舖📍太子通菜街154號地舖…查看更多

晚市重開，厚福街兩排食店👨‍👩‍👧‍👦開始多返人排隊啦！星期日晚睇完戲🎬，過來呢邊搵吓有咩食。門外玻璃窗貼滿不同報導介紹藥膳湯底米線，仲推介連湯飲添，兩口子就被吸引過去了。小店無派籌，後來多咗人先叫我們排成一行。椰子雞湯米線 (6/10)：湯底不熱，飲落口是偏甜的椰子絲味，非清甜椰香。雞件尚算滑，可惜其他配菜少(餐牌圖上有真椰子肉🥥，實質是沒有的)，而且同碗麵不融合，似求其擺埋一齊而未經煮過。懷舊藥膳雞湯米線 (6/10)：湯底不熱，試完一啖完全無想飲晒成碗湯的意欲。米線普通，雞件有少許骨刺未清，尚可接受。其他配菜少同樣似是未煮過，味道分離。環境設施 (6/10)：卡位舒適，餐枱有少量污積。服務質素 (6/10)：幾組客人詢問後，店員先出來安排列隊。回頭率 (5/10)：第一次食米線個湯底居然完全不熱👎，明顯上碗前沒有煮過，其他配菜又似出餐前就咁放上去(乾身無味)，😟感覺店家浪費了藥膳材料。同位價錢有其他更好選擇呢！…查看更多

懷舊藥膳雞湯米線($58)2碗米線都係3件雞脾位，2件雞胸位。每碗既雞件部位分配平均，唔會出現成碗都係雞胸/雞脾既情況，係好事。雞脾當然嫩滑，雞胸都唔鞋(不過都係雞脾好食)。湯底有好重既藥材味，喜歡，配料有蟲草花、紅棗、杞子等，$58而言都好足料，好食。(個人口味: 3.8/5)椰子雞湯米線($58)+1罐裝可樂($8)最面有少少椰子粉，湯底好甜，充滿椰子味，每啖米線配一羹湯，連湯一齊食，好飽。米線亦都係我鐘意食個款，偏幼，煮得腍身。但係椰子味太重，我個人就覺得同米線唔係好夾。如果係藥膳湯底，我可以俾4分。(個人口味:3.2/5)…查看更多

去到農米莊差不多五點了，無諗過仲有下午茶，唔理咁多點咗先講。友人極力推薦椰子雞湯米線，碗麵來到有好香椰子味，先試吓個湯椰子味濃郁，而啲雞肉好滑喎，件數都唔少，仲有雲耳，最後連湯都飲埋一滴都無剩。朋友叫咗個懷舊藥膳雞湯米線，好香嘅中藥湯味道，有杞子、蟲草花、雲耳啦，雞件滑滑，一點雪味都無，真係好好食呀，下次我要食呢碗。最得意係嗰度嘅哥哥仔話仲係下午茶時間，價錢好似$45仲要加$4就有凍檸茶飲添，咁梗係叫哥哥仔快啲同我落單啦，真係好好人呀，必再來💪🏻…查看更多

平時食米線都會選擇譚仔或者南記，今日朋友話帶我食d養生米線，就係厚福街呢間農米莊雖然價錢都比普通米線貴大約3分1，不過佢既口號係連湯都可以飲晒既米線，似乎係落足料所以就一試～懷舊藥膳雞湯米線 $58呢個標明係「養生之選」既藥膽湯底米線，配有冬菇、雲耳、杞子、紅棗、蟲草花等等，唔會有好重既藥材味反而配上雞肉湯底更加清甜，米線亦唔會煮得過稔，最要挑剔就係雞肉既肉質一般～對於經常食濃味米線例如譚仔既我，偶爾食d養生米線都係唔錯既選擇…查看更多

平日喺厚福街食飯都見呢間食店都會有人龍，星期日晚飯時段難得唔使排隊，立刻去食個米線。兩個人分別點咗兩個米線🍜懷舊藥膳米線🍜湯底清澈，但好夠藥材味。配菜非常多，基本上唔使加配料都已經好夠飽，有好甜嘅杞子、紅棗、生菜、豆卜、腐竹、蟲草花同農米雞。農米雞好彈牙，雞味濃，真材實料。🐔椰子雞湯米線🐣椰子雞湯椰子味非常濃厚，仲見到有一粒粒椰絲。配料都一樣豐富：木耳、生菜、豆卜、腐竹同農米雞。朋友好鍾意個湯夠香甜。佢仲點咗隻溏心蛋，另外一碗咁上，入面加咗半碗仔雞湯。溏心蛋睇落都幾好咁，我就試飲咗d湯，應該係本身原味湯底，雞湯清甜，果然有料到食完米線最怕湯頭重味精，但呢度嘅湯真係飲晒都冇口乾。怕味精嘅人今次真係唔怕出街飲湯。下次都會想再來，試吓黑蒜雞湯同麻辣雞湯😋…查看更多

剛剛新開已經好多人食，所以吸引左入去試下，藥膳雞湯米線湯底夠濃，雞件夠嫩，好味！仲有多款小食，尖椒皮蛋都不錯，一口黑松露吉品鮑魚就一般，鮑魚好細粒（$36），會繼續試其他湯底米線…查看更多

今日放假同幾個好友去尖沙咀聚舊，喝完嘢就同幾個好友揾宵夜食，經過一間米線鋪，門口寫住可以一碗連湯都可以飲晒嘅米線，就同幾個朋友入去試試，因為都成夜晚1:00鐘，冇乜選擇...原來佢哋主打健康米線，裝修簡潔乾淨，除咗健康湯底之外還有其他麻辣，酸辣，沙嗲基本米線鋪都會有嘅湯底，我就揀咗個懷舊雞湯藥膳米線，配料有雞件，蟲草花，杞子，唐生菜，冬菇，腐足，雲耳等等...啲雞好滑好有雞味，食完之後我完全唔口喝，終於明白點解可以連湯都飲晒，因為真係好好食，最終真係連湯都飲晒，下次夜晚去尖沙咀肚餓唔驚冇嘢食😊…查看更多