嚮和風料理

餐廳：嚮和風料理地點：北角渣華道菜式：日式咖喱餐牌：沙律，小食，丼飯，烏冬，咖喱飯，定食，落單用QR code。蘿蔔牛肋白味噌沙律 $70蘿蔔牛肋白味噌沙律有9件牛肋，牛肋整得好淋，個白味噌汁味道甜甜地，好正，加有白芝麻粒同蔥花，更加香。有好多淋甜白蘿蔔。伴碟有沙律雜菜配粟米粒同車厘茄，伴白味噌好味，另上既醬汁都唔洗。呢度可以揀沙律菜或者熟菜。烤雞咖哩烏冬 $75烤雞咖哩烏冬有三件烤雞，加有白芝麻粒，皮少少脆，好多肉食。咖哩烏冬係咖哩汁撈烏冬，幼身烏冬又淋又滑，個汁微微辣，帶香濃黑椒味，好惹味。配料有半隻糖心蛋，椰菜絲，粟米粒，蔥花，撈埋食口感更好。烏冬可轉拉麵。慢煮豬軟骨烏冬 $72慢煮豬軟骨烏冬有兩大舊豬軟骨，豬軟骨整得非常淋，骨膠原重，味道入味，少少甜甜地，仲有微微薑味。烏冬係幼身，又淋又滑，可轉拉麵。個湯轉蕃茄濃湯加$5，好香濃番茄味，味道甜甜地。伴有淋滑入味糖心蛋半隻，椰菜絲，粟米粒，蔥花同木魚花，口感味道豐富。吉列炸生蠔 $40吉列炸生蠔一客四件，炸得皮脆肉多汁，點另上既醬汁容易入口。伴有加有凱撒沙律醬既沙律可減膩。吉列炸蝦 $38吉列炸蝦一客三條，炸得外皮酥脆，入面肉質都唔錯，蝦肉爽甜。伴有加有凱撒沙律醬既沙律菜，份量都唔少。雪碧 跟餐加$8零系可樂 跟餐加$8汽水夠凍，附上紙飲管。總括而言，食物保持一貫質素。價錢好實惠，餐廳裝修座位都唔差。可以一試。…Read More

同朋友搵食，第一眼見到呢間心諗：咁似「坐忘Campers」嘅又係主打咖喱豬軟骨特色飯／湯咖喱烏冬一入舖就成陣日式咖喱味，好香😍▶️ 慢煮豬軟骨烏冬 ($72)一定係食豬軟骨啦，話晒係佢哋名物好大碗，而且足料豬軟骨兩大嚿🐷炆得好腍一絲絲肉之間有啲軟腍腍嘅肥膏啫喱，入口即溶醬汁調味比較甜，混咗入湯就好少少，令本身清淡嘅湯底帶滷水甜味烏冬係稻庭烏冬，口感煙靭順滑，冇煮過龍好索湯汁且入味😋半隻糖心蛋重滷水汁味，蛋黃晶瑩剔透幾好係有好多椰菜紅蘿蔔絲同粟米粒做伴菜🌽營養均衡又健康面頭仲有木魚碎作點綴，增添和風味▶️ 椰香烤雞野菜咖喱飯 ($65)試咗少少朋友叫嘅呢個飯😛超多塊厚身雞扒，肉質鮮嫩，啖啖肉，中間帶適量油脂咖喱醬加咗椰汁之後味道偏甜🍛用咗特色飯，加入粟米粒同南瓜，不過被咖喱醬味道搶晒然而本身米嘅質感飽滿似珍珠米🍚唔會過濕同樣有好多蔬菜，例如翠玉瓜、椰菜花、紅蘿蔔、四季豆等🫛-材料好足，尤其肉類，烹調到位👍🏻豬軟骨同雞扒都好食！平日少食豬軟骨嘅我都覺得好食(好似仲好食過本身Camper’s🤫)服務好好，上菜快手，會主動幫手加茶環境lunch hour坐得比較迫，好多附近返工打工仔嚟食飯，兩點左右就開始少人位置唔錯，起正北角站A出口隔離，北角匯商場對面性價比ok，全日免加一，平均$70/人本身有lunch set，不過只限咖喱烤雞同咖喱牛肋骨定食食唔到Camper’s可以嚟呢間～ (係真係一模一樣嘅，只係暫時未有好多人知，唔使等位)…Read More

餐廳：嚮和風料理地點：北角渣華道菜式：日式咖喱餐牌：沙律，小食，丼飯，烏冬，咖喱飯，定食，落單用QR code。蘿蔔牛肋白味噌沙律 $70蘿蔔牛肋白味噌沙律有好多件牛肋，牛肋整得好淋，個白味噌汁味道甜甜地，好正，加有白芝麻粒同蔥花，更加香。下底有好多淋甜白蘿蔔。伴碟有熟既椰菜絲加紅蘿蔔絲沙律，伴白味噌好味，另上既醬汁都唔洗。呢度可以揀沙律菜或者熟菜。番茄牛肋野菜咖哩飯 $68番茄牛肋野菜咖哩飯有好多件牛肋肉，都係整得非常淋，又有牛味。野菜超多款，包括番茄，西蘭花，椰菜花，紅蘿蔔，黃瓜，豆角，薯仔等等，好豐富。個汁番茄味濃而帶少少辣，非常惹味，撈飯一流。可以選少飯，我地呢個分量係少飯。慢煮豬軟骨烏冬 $72慢煮豬軟骨烏冬有兩大舊豬軟骨，豬軟骨整得非常淋，骨膠原重，味道入味，少少甜甜地。烏冬係幼身，又淋又滑，可轉拉麵。個湯轉蕃茄濃湯加$5，好香濃番茄味，正。伴有淋滑入味糖心蛋半隻，椰菜絲，粟米粒，紅蘿蔔絲，蔥花同木魚花，口感味道豐富。炸豬扒 $32炸豬扒一大塊已經切開六片，方便食用。炸得皮脆肉嫩，點另上既醬汁更滑溜。伴有沙律可減膩。炸魷魚鬚 $30炸魷魚鬚一客多條，炸得外皮酥脆，入面肉質都唔錯，面頭加上七味粉，更加惹味，都唔算太辣。伴有加有沙律醬既沙律菜。玉泉忌廉 跟餐加$8零系可樂 跟餐加$8汽水夠凍，附上紙飲管。總括而言，非常欣賞呢度既咖哩同番茄湯，味道好好。價錢好實惠，餐廳裝修座位都幾好，北角街坊有口福。…Read More