嚮和風料理

Open Now

Now Closed

北角地鐵站出口的「嚮」，之前已經食過一次覺得唔錯，這次再來依然是點了咖喱飯（據說是招牌菜），這個椰香烤雞飯，首先椰香不突出，咖哩汁是好味的，野菜有豆角、西蘭花、紅蘿蔔、翠玉瓜都冇問題，唯有薯仔係未熟叉都叉唔入，敗筆！不過以$68來說整體水準也算是合格吧。其實如果薯仔換茄子也是不錯的。

同朋友想食啲唔太heavy嘅嘢 咁啱搵到呢間有比較健康嘅選擇 淨係沙律都有得揀雞 牛 全素基本上每道菜式都可以自由轉白飯 烏冬 拉麵 粟米飯想heavy啲就有咖喱系列Light啲就有定食慢煮豬軟骨撈烏冬豬軟骨煮到用筷子可以輕易夾開，擺入口滿滿膠原嘅感覺，幾冧身，除咗脂肪嘅部分，都有瘦肉嘅部分，有啲嚼口但係絕對唔係難咬。野菜嘅部分俾得幾多，呢樣嘢超加分，因為通常餐廳俾菜都係得幾條，無咁健康。咖喱汁就偏濃，沾少少都還好，成碗食應該有啲鹹。青芥烤雞沙律沙律菜轉咗做炒椰菜，冇咩調味淡淡地，食菜嘅原汁原味。烤雞扒啱啱好，可以鎖住肉汁。青芥醬應該係自己調，帶少少wasabi辣，配椰菜剛剛好。整體都幾大份，如果係主食嘅話一個女仔未必食得晒，我哋兩個share一個主食，但係就加多咗份肉同野菜，連埋沙律啱啱好，埋單188，除返開都係$94一個人勁抵食。而且環境唔會太嘈雜，幾啱幾個人傾偈食飯。

北角日本菜小店～ 最出名係咖哩飯～因為晚飯後要做gym所以就簡左簡單d既雞扒飯！☁️ 照燒雞扒定食 $70雞扒好嫩滑，定食份量都夠，另外唔夠protein既可以再加$28加多份雞扒🤣溏心蛋就冇乜調味同埋個蛋係偏熟少少的！

咖哩必試！人情味滿滿嘅和風餐廳🫶🏻位於北角站附近嘅日式料理，舖頭燈光柔和，座位闊落。首先要講嘅係豬軟骨咖哩飯，豬軟骨燉到好入味，肉質軟滑，一D都唔硬，食落唔油膩，配埋微微辣嘅甜味咖哩，層次感豐富，好有驚喜。至於蕃茄湯烏冬，湯底嘅蕃茄味唔算好濃，烏冬麵有彈性，呢道湯烏冬係偏清淡，雞扒味道正常，整體不過不失。我同朋友食飯期間，店員見隔離枱客人起身埋單，更主動提出拍埋隔離枱俾我地多啲空間擺食物，不停主動加茶，服務超有心。整體嚟講食物味道有水準，豬軟骨咖哩飯值得一試，店員嘅服務加分唔少。無論係想同朋友小聚定係單純想食一餐好味嘅日式料理，呢度都係一個唔錯嘅選擇。如果你係北角一帶，真係可以考慮嚟試下，保證唔會失望！

🇯🇵🍛🥢好味日式咖喱飯✨qr code 落單，免加一✅黑芝麻牛肋野菜特式飯 -$72特色飯係指南瓜粟米飯，喺飯裏面有唔少南瓜蓉同埋粟米粒增加口感。如果唔要特色飯嘅都可以揀白飯或者烏冬。多飯要加$4，食量細嘅都可以選少飯。呢個黑芝麻咖喱真係好特別，完全唔知道原來黑芝麻同咖喱係可以咁夾，成碟咖喱都係黑色，黑芝麻味十分香濃之餘，都食到咖喱獨有嘅香料味，微辣惹味，用QR code點餐可以叫多汁。加上呢個咖喱嘅質地並唔稀，完全感受到係落足料煮出嚟。牛肋肉煮到好腍好入味，容易入口。除左肉，裏面有多款野菜，包括兩件西蘭花、一件椰菜花、三件翠玉瓜、幾件薯仔、一粒蕃茄仔、幾條豆角及紅蘿蔔，全部野菜嘅口感都煮得剛剛好，紅蘿蔔好入味，蕃茄仔燒香咗一咬就爆汁，而翠玉瓜比較爽口，配搭真的是十分出色。入座後店員會隨即奉上一杯麥茶，都幾好飲幾香，付款後取回收據一星期內再用餐可以有九折優惠。

天氣轉涼，晚餐本來想去打火鍋，突然想起和朋友吃過的咖哩小店😀吃爆這次點了兩個咖哩飯，電話掃碼下單可以點多汁😎雜菇茄子牛肋咖哩飯，咖哩🍛配的粟米南瓜飯，沒有特別強的調味，但增加了飯的口感和香氣(也可以改選白飯)，牛肋肉還是一樣軟嫩，蔬菜清爽好吃，醬汁好像比上次稀了一點，可能是蔬菜出水的關係。但日本菜煮蔬菜真的非常合我口味，用最少油煮出食材原味💜蕃茄牛肋野菜咖哩飯，喜歡蕃茄酸甜口感的必點這個🍑蕃茄不會有青味，沒煮化，還是有口感而且原本味道不會被醬料蓋過😙炸多春魚，拍不出有多巨型，反正好吃。炸得超級蘇香，但如果怕魚味的不要點。

呢排好鍾意去食咖喱飯嚮和風喺地鐵站出口隔離 超級方便服務態度幾好啲嘢食更加唔使講慢煮豬軟骨咖喱飯真係必食食落去一啲都唔嚡啲嘢菜都好入味 就係冧咗啲 我鍾意脆啲價錢亦都合理下次試埋其他總括而言極度推薦

🍛椰香烤雞野菜咖喱飯 $65椰汁同咖喱咪唔太突出，野菜份量幾足（可惜入唔太到味），鐘意食菜嘅人應該都幾滿足，而且個飯加左南瓜同粟米，係呢間餐廳嘅特色飯😋，撈埋咖喱食都ok，烤雞口感都還好，不過小編覺得如果多少少肉會開心d🥹。賣相：⭐⭐⭐⭐味道：⭐⭐⭐(粒半)CP值：⭐⭐⭐⭐Lunch 嚟講價錢算還好😗如果鐘意食咖喱同埋野菜可以去試下嘅，小編聽同行朋友講佢哋覺得都幾好食，鋪頭入面環境都唔錯，幾乾淨。

🚙北角港鐵站A出口旁邊有一間日式和風主題餐廳，💡門面新淨光猛，🍱提供不種類定食選擇，而且價錢親民，🥟是平日輕輕鬆松吃個飯的好選擇。🍛肥牛野菜咖喱飯 $75肥牛數量多到數不完，一片又一片鋪滿半只碟，🥩肥牛鮮嫩入味，🥔厚切薯仔加上各類瓜菜配搭，剛好滿足一餐健康營養所需。🎃米飯原本是健康的南瓜粟米飯，🍚但吃不慣的可以轉白飯或者烏冬。🌶️日式咖喱汁並不如印度咖喱的香辣，🍬反而是小辣帶點甜味，質地並不濃稠，可以狠狠乾一大碗飯。🍗炸雞翼 （4件） $28炸雞翼十分出色，即叫即炸，上枱時還是仲熱辣辣，皮脆充滿肉汁。🍋檸檬可樂 $8📍嚮和風料理 🏠北角渣華道124-132號渣華商業中心地下D號鋪⏰11:30 - 21:30🚙港鐵北角站A1出口，步行約1分鐘#hkig #hkfoodie #hongkongfood #hkfood #hkfoodporn #hkfoodies #instafood #hkfoodbloggers #hkigers #ilovesharingfood #openrice #hkinfluencer #foodiehk #相機食先 #香港美食 #北角美食 #香港食評 #香港美

去接男朋友收工，男朋友就帶去附近揾野食，見“嚮和風料理”外面嘅佈置好靚，所以試下。唔知老闆係咪迪士尼fans呢🤭⭐️金比羅沙律蓮藕, 薯仔, 茄子全部新鮮熱辣炸起，雖然係炸，但係唔會成個碟都係油，第一次食熱嘅沙律，好特別⭐️慢煮豬軟骨烏冬轉白芝麻湯(+$5)烏冬上面，除左有豬軟骨，仲有半隻半熟蛋、一大堆椰菜、粟米、木魚絲、蔥，芝麻湯好香，豬軟骨好淋，烏冬好食⭐蕃茄牛肋野菜咖喱飯最鐘意食日式咖哩，甜甜地😋一落枱就見到食彩繽紛，因為有好多配菜：薯仔、蕃茄、西蘭花、椰菜花、翠肉瓜、紅蘿蔔、豆角，牛肋骨好淋，個飯撈左d粟米粒，食落口感豐富左⭐玉泉忌廉跟餐加8蚊整體黎講，所有菜式都大大碟，好抵食，仲要每個菜式都有蔬菜，好健康😍仲有會加菜嘅服務員，讚👍

今日就同朋友去咗嚮和風料理食飯 餐廳係正北角地鐵站隔離, 好有日式風情, 主打日式便當, 價錢親民慢煮豬軟骨野菜咖喱飯日式咖喱質感濃厚, 帶少少辛辣, 咖喱味香濃, , 仲有好多野菜, 豬軟骨炆到好淋身, 中間嘅軟骨入口即化, 撈埋南瓜粟米飯, 飯粒飽滿增加口感什菇烤雞忌廉烏冬份量超大, 面頭好多雜菌, 配搭烤雞烏冬煙靭彈牙, 忌廉湯底濃郁炸魷魚鬚即叫即炸, 咬落香口彈牙炸吉列蠔 好香脆，粉漿唔會太厚, 蠔肉鮮味芥末椒鹽豆腐口感外脆內滑, 好滑嫩

慢煮豬軟骨烏冬（白芝麻湯），烤雞烏冬（蕃茄湯），吉列炸生蠔，吉列炸蝦，炸雞翼，炸魷魚鬚，食咁多野都係人均$150。慢煮豬軟骨烏冬搭配白芝麻湯，湯頭濃郁，豬軟骨都算好軟嫩幾入味。烤雞烏冬揀左蕃茄湯底，酸甜適中，雞扒正常發揮。吉列炸生蠔同吉列炸蝦外皮酥脆，肉質都鮮嫩，炸雞翼和炸魷魚鬚就油份較重，魷魚鬚都彈牙。性價比超高，夠平，應支持下香港僅有的地區小店。嚮和風料理北角渣華道124-132號渣華商業中心地下D號舖#北角 #北角美食 #日式餐廳 #日式料理 #豬軟骨 #拉麺 #烏冬 #吉列蝦 #吉列蠔 #晚飯 #晚餐 #foodie #foodiehk

餐廳地理位置超級方便，一出地鐵就到了。餐廳設計木系小清新，有種家庭温馨的感覺☺️餐廳價錢超級親民，平均70多元就有交易，而且不收加一，份量充足👍🏻🐮蕃茄牛肋野菜咖哩飯好大盤，牛肋和野菜份量都很多。咖哩小辛口很香，稀稠適中，佐飯一流👍🏻牛肋切成小塊，煮得軟腍，肉味濃😋🐤青芥烤雞沙律超適合健康一族，有四大塊烤雞，下面是滿滿的沙律菜，雞肉很香很嫩👍🏻$10加購了温泉蛋，超juciy !🐮肥牛$25加購，份量很多，肥瘦適中。🐷慢煮豬軟骨必吃！整體感覺超級軟腍，味道超惹味。軟骨也煮得非常軟😋🦪吉列炸生蠔炸得香脆，生蠔挺新鮮甜美。🐤炸雞翼相當香口，雞皮非常脆🤤🍹飲品跟餐還有折扣優惠👍🏻檸檬可樂凍咖啡🌟非常超值的日式餐廳，座位也舒適，下次一定會再來。

北角健康日式料理👍1. 慢煮豬軟骨咖喱飯 $75份量超大份 個飯有南瓜 食落多啲口感又甜甜地 幾易入口 個咖喱汁都唔會太辣 但又未去到日式個種濟甜 個汁夠撈飯 個豬軟骨超大舊 煮得好腍好入味 有筋有肉 比例啱啱好2. 蘿蔔牛肋白味噌定食 $72蘿蔔清甜 食落冇咩渣 炆得幾腍 牛肋都入味 肉味幾出 都幾腍 送飯一流 清清地咁 仲有啲沙律菜同湯 健康嘅一餐3. 照燒雞扒 $28照燒汁甜甜地 雞扒厚度適中 雞皮輕輕煎一煎幾香脆📍嚮和風料理 北角渣華道124-132號渣華商業中心地下D號舖

係北角放工之後同同事食埋飯先翻屋企😋見到呢間餐廳都比較新所以今次就試下佢啦😚價錢方面覺得性價比都算高- 滑蛋雞親子丼$58滑蛋用嚟撈飯 令人哋感到十分開胃啲雞好滑身😋而且仲會附送埋個湯添- 肥牛烏冬$70肥牛份量十足 仲有啲木魚碎 粟米 生菜同溫泉蛋係側邊😋烏冬煮嘅腍度適中 咬落去口感煙靭😋另外我仲配咗豬軟骨啲豬軟骨好入味 點埋醬汁食落仲好香添- 炸魷魚鬚 $30炸粉食落鬆軟 唔用覺得油膩- 照燒雞扒 $28個照燒雞扒一樣 都係好滑配埋個照燒汁 用黎送飯又係幾好嘅配搭- 炸雞翼 $28上層加左少少芝麻喺面令到雞翼更加惹味