Wonder Garden Cafe

等咗好耐，終於都可以約埋另一位愛麗絲發燒友嚟“朝聖”一下。Cafe 要book 位，但唔滿座都唔俾walk in （因為同一架電梯上去有靚女walk in 但失敗）。一出電梯見到個門面其實已經有少少失望，因為門口隻兔先生剪影已經爛咗🤥店員確認book 位然後請我哋坐到收銀前面嘅檯度坐，明明仲有其他檯，然後我哋揀咗另一張柱旁嘅檯。環境非常細，只有七至八組檯櫈，所以真心係cafe 而唔係餐廳。檯同檯之間都幾迫，主題佈置亦都唔係太精致，令到滿心歡喜嘅我哋都幾失望。食物方面，餐牌有兩款，$188 for 1/ $428 for 2。不過佢二人餐就減咗個餐湯，如果唔係會更抵食。二人餐包兩款前菜，其實就係沙律。我哋點咗「活生生的花園The Garden of Live Flowers 」同「跟著白兔先生Follow the Rabbit 」，其實就係煙三文魚沙律同香橘沙律。味道正常啦，個三文魚沙律幾好食，不過份量都大份，食完一盤菜都飽咗3成。叫多咗個小食-「火烈鳥打槌球Flamingo's Croquet」，即係兩款味道嘅雞翼，肉質嫩滑，沒有生也沒有煮得過熟，讚！主菜可以揀兩款，一個飯一係意粉。我哋揀咗「大磨菇下的生活Living under the Mushroom 」同「公爵夫人的寶盒」即係黑松露野菌意粉同牛肝菌藍青口燴意大利飯。嗱，個意粉唔知點解炒得好有鑊氣，即係咁，意粉係唔應該有鑊氣嘅……不過個燴飯就好好食，出乎意料。😋😋😋甜品包一款「是日甜品」同「愛麗絲杯子蛋糕」各一，點知蛋糕七點就賣晒，仲要隨便俾個石板街雪糕，勁失望。🤧🤧🤧個杯子蛋糕就係美心包裝孖寶加糖霜，自己諗咩味。餐飲包兩杯，可以嗌普通咖啡或茶又得，特飲又得。我哋叫咗主角「愛麗絲Alice 」同「獨角獸Unicorn 」。大家估吓係咩嚟？忌廉溝鮮奶同玫瑰荔枝梳打。飲品方面我哋一致俾滿分，又靚又好飲。不過提一提，又係只收現金，記得帶定錢啊！最後仲要講個洗手間，成地水，仲要連廁紙架都無。如果佢搬去觀塘工廈有幾千呎就會回頭，如果唔係……88啦。…Read More

先旨聲明，小妹影相從來算不上好所以有很多靚景去到我手都打折扣，不好意思。（笑）不過這間愛麗絲的秘密花園的確是漂亮。幫襯得心花怒放，尤其是不小心摧毀愛麗絲的時候。（笑, 不想看字可以skip到甜品）老老實實，我很少幫餐廳影咁多環境相不過這間真係太多野影由天花板到窗邊剪影都是裝飾過的牆身有漂亮的裝飾投映著愛麗絲的電影椅子每張也不同動物枱面上的裝飾碗和餐具單是影裝飾影了好一陣子點餐比較隨意，點了二人餐($428)之後可以自己order，多了錢的補差價就好白皇后花園—有機豆腐香煎雞肉芝士沙律($52)相當特別的一個沙律中間有切成細片粒狀的豆腐入口輕怡配上芝麻醬很清新易入口作為頭盤很開胃掉進兔仔洞 - 鮮製菠菜忌廉雞肉長通粉($138)用青瓜片捲成一個洞的樣子，旁邊擺了兔仔餅乾賣相特別這個醬汁做得很好，菠菜忌廉味道濃厚得來不膩，長通粉索了醬汁之後變得十分滋味入口又滑溜值得推介！特偉兄弟孖寶—牛肉芝士迷你漢堡＋雞肉豆腐迷你漢堡($78)有一黑一白的漢堡配薯條薯條略嫌不夠硬身，不過醬汁不錯我吃的黑漢堡中間是充滿肉汁的牛肉芝士味道濃厚竹炭的面包亦比較特別size比較小，女生亦可以一口一個（來，張開血盆大口～）公爵夫人的寶盒—野牛肝菌藍青口燴意大利飯($118)risotto 最緊要個汁這個汁就做得不錯濕得來不會水汪汪菇味香濃。但相比之下, 掉進兔仔洞比較好吃。點題之作愛麗絲杯子蛋糕Alice cupcake（笑, 前方高能注意）很特別的甜品影了很多相其實條腿和裙子是糖霜做的一碰就會軟掉一個側手翻愛麗絲就要自己站起來了應該冇人會想吃糖霜吧於是拔出來, 原來是靠兩根籤插進cupcake愛麗絲就變成這樣了(笑)我都不好意思了我讓她優雅地翹了腳cupcake倒是幾香幾新鮮,沒有溢油感而且面頭的奶油亦不算太甜比我想像的要好吃而且好好玩笑死了是日甜品紅心王后的餡餅—雜莓荔枝軟心慕絲蛋糕($56)面頭的紅色糖漿我不太喜歡，帶點藥水味，不過裡面的餡不錯慕絲很smooth士多啤梨味明顯荔枝部分亦很可口左:妙妙貓—凍青檸藍梳打($52)右:時光怪客—凍巨峰提子梳打($46)顏色漂亮味道正常不愛喝甜的話, 我建議喝左邊的凍青檸藍梳打因為糖漿是自己加的總結我自己不算是愛麗絲的粉絲，但是在這間餐廳度過了非常愉快的一個晚上。座位不算多，記得訂檯另外臨走仲有一個拍照位，有佈景和道具可以拍照這一點我覺得很好另外，以「gimmick型cafe」而言，這裡的食物算是相當好食女生應該會喜歡…Read More

不知道大家對這家愛麗絲主題的樓上Cafe還有沒有印象呢? (´・ω・｀)由於之前去的時候是試業中，而且沒有怎樣拍到照~所以知道這店更新過餐牌後就再來喔還特地選了晚上的時間和朋友吃晚餐 (因為之前去過下午茶時間)另外現在這裡採取了預約制，就是先要在網上訂座。有關詳情可到她們的專頁查看很開心今次能好好的拍照了！還終於看到那本立體的Alice故事書餐牌方面多了這本棕色的Menu～圖文並茂的讓客人更容易了解菜式套餐除了Set For 1 / 2 之外，還有Tea Set (*˘︶˘*)飲品方面~沒想到還會有期間限定，是用丸久小山園的宇治抹茶製作的抹茶鮮奶！順帶提提大家：記得要like餐龐的專頁成為會員～～之後再上載照片和打卡會免收加一服務費雖然Set For 1 可以加錢轉主食，但我們選的剛好也要加錢。店員就建議我們改成別的套餐所以我和朋友選了Set For 2 ($428) 因為這個對於頭盤和主食的選擇都沒有限制頭盤有湯或是沙律可選～～但朋友說不想飲湯。因此揀了兩款沙律其中一款是 ~ The Garden of Live Flowers - 活生生的花園就是用煙三文魚圈成花的形狀，貌相很不錯~只是覺得稍微鹹了一點配自家制的黃芥醬，還有很清新的沙律菜。另一款則是 ~ Follow the Rabbit - 跟著白兔先生這個會特別一點，選用的是羽衣甘藍。有自身獨特的味道，或許第一次吃會覺得不太習慣但營養優點極多~是近年大熱的健康食品來喔 (●′ω`●)配上酸酸甜甜的香橘，那果肉還頗多汁～吃起來很開胃呢套餐包括飲品 - Alice 愛麗絲 & Cheshire Cat 妙妙貓前者的是忌廉溝鮮奶～感覺上鮮奶的比例多一點後者的那杯則是青檸藍梳打。糖漿落多了點，雖然不會很甜~但不夠青檸的酸味主食方面，我選的是 - Fish~Footman Flower 魚傭人之花 是燴意大利飯！整個飯的口感很Creamy~味道也很濃，亦有飛魚籽的鹹香但竟然有我不喜歡吃的爽脆青瓜粒來增加口感 (ÒωÓױ)另外和之前那個沙律一樣，三文魚有點偏鹹了一點。還有那個兔兔則像是春卷皮喲朋友點的則是 - Living Under the Mushroom 大蘑菇下的生活即是野菌意大利麵加上黑松露 ( ´∀｀) 是偏身的麵條吃光光後會發現這個碟子是時鐘來喔！最後來到甜品的部份!! 愛麗絲杯子蛋糕是不是很像愛麗絲跳進兔子洞的情境呢?! Σ(・ω・ノ)ノ 但那部份的位置果然是能看不好吃不過下邊的牛油蛋糕倒是不錯喲～不會太甜還很鬆軟的。另外一款則是 Mad Hatter's Hat 瘋帽匠的帽子一看就知道是朱古力的甜品!! 朱古力黑糖蘋果肉軟心慕絲蛋糕~面層的黑朱古力帶苦味但之後那些的甜度有點高 >___< 如果一個人吃光光的話會覺得有點膩耶…Read More

最近見到朋友紛紛去一間餐廳打咭，令到自己都心郁郁想去，可惜餐廳主題都幾"女仔"，唔通"這些機會不是我的？"希望在明天，今日終於有個機會去。愛麗絲並唔屬於我既童年回憶，不過鐘意影相既我都比呢度既裝修設計吸引住。餐廳不乏影相位，連枱上擺設都好特色。蛙傭人 $44蛙傭人是一杯凍奇異果梳打，因為其綠色的外表，就好像青蛙一樣，被命名為蛙傭人，另外，餐廳還在飲料內加上藍蝶花，令飲品更加夢幻。奇異果的味道不會很酸，微甜的口感，配合梳打感覺很清涼解渴。愛麗絲的茶壺 $58黑松露芝士忌廉烤多士，是一個鹹點，多士被烤得很香脆而且熱烘烘的，面頭充滿黑松露芝士，黑松露的味道很突出，拿起多士有拉絲的效果，而且很香。愛麗絲杯子蛋糕 $60愛麗絲掉進杯子蛋糕內，賣相很特別，但愛麗絲的腳是不能吃的，是滿滿的朱古力醬，杯子蛋糕很有牛油香，而且很鬆軟。神秘鏡中屋 $128黑松露田園野菌意大利麵，意大利麵煮得彈牙，感覺較為乾身，而且黑松露味香濃，份量夠多，很飽肚。常常聽到人講餐廳食環境，我都不明白，今日終於真係體會到食環境的餐廳。…Read More

朋友要我陪佢來主題咖啡店，今次原來黎愛麗絲秘密花園，呢度裝潢都做得貼合，由天花至地板都悉心裝飾。座位及擺設都有動物圖案，如置身於花園中，地板是仿草地，透明玻璃窗有剪影圖案，感覺很夢幻。朋友一早已被呢個影相位吸引，眼見其他客人都輪流等影相，還有道具以作個人裝扮，影相盡玩。其中一個道具令我感興趣，就係扭曲變形的時鐘。還有人人必影之書本燈，燈色會轉換。朋友的愛麗絲特飲是藍色的忌廉溝鮮奶，味道跟平常的一樣，特別在有夢幻藍色還有瓶子裝着，份量幾大杯。白兔先生的焦糖咖啡，細細杯，咖啡味較輕，反而焦糖味重頗甜，幸好拉花精美細心。愛麗絲的茶壺，紅色多士片上加入芝士焗成，還用麵包糠鋪成茶壺圖形烤，酥香又濃芝士味，只係松露味較淡。再來是雞肉豆腐漢堡包，迷你得來好的骰可愛，雞肉有豆香而且彈牙質感，多汁又嫩，日式做法。另一個係西式的牛肉漢堡包，最年多見的黑色麵包多用竹炭粉做，牛肉較碎但肉汁豐富，味道不差。荔枝燴意大利飯，咸甜之間出奇地夾，奶油濃厚味道，加上米飯軟綿，同蔬菜粒爽口，幾樣野都可以夾到，創意素菜最岩女仔食。卡邦尼海鮮意大利粉，扁意粉偏軟，不過順滑掛到醬汁，有點似伊麵，味道濃郁好奶香。配料有青口及蝦，多點菇類更好。荔枝軟心雜莓慕絲蛋糕，酸酸甜甜不膩，內有果肉很清甜，慕絲軟滑，食完無負擔。愛麗絲杯子蛋糕影相很合適，賣相吸引又有趣，牛油忌廉夠滑，蛋糕鬆軟偏乾身。食完發現碟子也很特別，有時鐘圖案，而餐具同杯碟也特意用可愛貼題的款式，優雅得來不失童話feel。食飽當然要影個痛快，除左有景有道具，仲有呢本書，打開有立體感，很好玩很靚既書，店員特別提醒要珍惜本書，我見咁靚梗係錫住黎慢慢欣賞同影下相。…Read More

之前係IG見好到多靚相，加上網上睇相都好吸引，女孩子當然喜歡靚靚背景，可以自拍打卡，又可以玩又有野食，呢度係主題cafe，可以滿足哂我地願望啦。由於之前太難book位，所以拖到最近再book，情況有所改善，我同友人book左晚上來，一來放工岩時間，二來晚上也有機會叫到tea time forever！ 下午茶架套餐。一入門口已經有點神秘，唔通真係會跌入秘密花園。入座之後見到中央位置呢個影相位，旁邊好多小道具供客人影相擺pose，大玩一番。不過都係食完先玩，我地安排坐仿壁爐附近，呢度枱櫈都好優雅美觀，絕對係女仕既天堂。連玻璃窗都設計得有外國風格，加上愛麗絲內人物剪影，很悉心佈置，真係掛住影相，都忘記左我好肚餓未點餐。除左有下午茶架嘆tea，仲有晚餐set，有齊頭盤、主菜甜、品及飲品。時間岩岩好，白兔先生好趕時間，我地點完餐就周圍望，搵影相目標。有啦，呢本發光書，仲會轉色，等我帶你走入美食世界。白兔先生的焦糖咖啡，拉花好靚，奶泡細滑，好重焦糖味，咖啡味較輕，微暖有陣陣香味，都幾香甜。愛麗絲特飲，個名已經吸引，原來係藍忌廉溝鮮奶，顏色很夢幻吧，微甜很奶味。愛麗絲的茶壺，影反了。仔細一看，多士上的麵包糠烤出茶壺的圖案，很用心。還有碟子是時鐘圖案。其實係黑松露芝士忌廉夜烤多士。紅色麵包好特別，有少少拉絲效果，芝士份量很多，咸香滋味，松露味唔夠突出。另外餐具也想大讚，用金色刀叉及匙，而且餐碟用紅鶴碗，超靚超開心。特偉兄弟雙胞胎，有兩款迷你漢堡包，還有薯角及沙律，頭盤小食都很豐富。黑色包有牛肉芝士迷你漢堡及雞肉豆腐迷你漢堡，牛肉漢堡味道較重，牛味濃，味道似牛肉肉醬意粉，因為有蕃茄味，但肉質有點易散。另一款包是雞肉豆腐漢堡，以為會好腍，但原來好嫩好有彈性，而且好多肉汁，用芝麻醬汁好和風。薯角雖有點腍，但薯肉飽滿粉綿，而且有沙律感覺較健康。智慧阿布索倫，即係好有智慧個條藍色毛毛蟲，最後會變成蝴蝶個角色。呢道原來係手作卡邦尼海鮮意大利麵，醬汁雖唔多，但味道好濃稠好creamy，有青口、蝦仔同好多煙肉，食完都有點膩，不過個意粉同平時唔同，係較幼身的扁意粉，特別軟滑又有質感。甜絲絲的色彩，主菜是甜的？！未食過呢個組合，細看之下，原來係貴妃荔枝會意大利飯，生果配肉類都食過，但用來煮飯又會點，味道都幾夾幾有創意。甜甜地真的有如甜品，配粟米同青瓜粒，好健康好清爽的味道，素菜之選。味道甜中帶咸，口感creamy，飯粒較軟身，很易令人接受。食到後有點甜膩，男仕也可能唔岩。紅心皇后的餡餅，紅卜卜又心形，一睇就知代表紅心皇后，係荔枝軟心雜莓慕絲蛋糕。有金薄裝飾好華麗，雜莓慕絲唔算好軟滑，但都幾輕盈，酸酸地好醒神，內有荔枝果肉好甜美，正好中和雜莓酸味，最底的蛋糕片也夠濕潤。點可以少左 愛麗絲杯子蛋糕，今次係愛麗絲跌入杯子蛋糕，很有趣吧。蛋糕較札實有蛋香，牛油忌廉厚身軟滑，仲有幾朵花，而愛麗絲用糖膠做，做得幾靚。食飽飽就發現神秘的妙妙貓飄過，唔係！應該一直係上空望緊我，夠神秘啦。食完問店員取愛麗絲故事書，聞說由外國購入，唔係普通英文故事書，係有「機關」。打開就知，圖案變得立體。故事變得更真實更有趣，好似呈現係眼前，或者我已經跌入夢幻世界中。返回現實吧，最後結帳也用盒子裝著單據，很有特色的咖啡店。…Read More

朋友同我講最近旺角新開咗間Alice Cafe，對於我呢個咁鐘意夢幻嘢嘅人泥講，梗係要去八卦下啦！Wonder Garden Cafe位於旺角近油麻地交界，就係日船對面，係咪相當易搵呢？上到去，推開門就有侍應招待，因為要執一執櫈，需要稍等一會。等待期間就留意一下入口裝修，地下係黑白階磚，左右牆放咗印有故事嘅圖片，抬頭一望滿天係特製嘅撲克牌加特式裝飾，真係有種準備進入童話嘅感覺啊！終於入得去喇！店內善用花花草草，動物圖案嘅櫈，再配蕾絲嘅餐桌同各種小擺設。果然係愛麗絲野餐嘅感覺啊！侍應細心地為我地介紹佢地手繪嘅餐牌。慢慢點餐後，影影相又自拍下，大概十分鐘左右食物陸續送到！率先送到嘅係自家搭配嘅特飲：水果系列梳打，夢幻嘅漸變顏色，睇得又飲得！接着有烤多士同龍蝦湯，多士顏色鮮豔，芝士香味撲鼻，而且十分足料，真係有黑松露係上面架！龍蝦湯都唔錯，好啱送多士！輕食叫咗兩款沙律加一碟雞翼； 沙律新鮮，份量適合二人享用。至於呢碟「秘制紅黑鴛鴦雞翼」，相當玩味！紅色汁係燒烤茄汁味道、而以想不到嘅黑色汁竟然係朱古力醬汁！立刻諗起屋企個小朋友，大小朋友喜歡試新嘢，可以一嘗！哈哈哈哈。其後主菜分別叫咗三樣：菠菜雞肉芝士長通粉、卡邦尼海鮮意大利粉、意式蘋果燴意大利飯。個人特別推介：意式蘋果燴意大利飯！首先菜式比較獨特，唔係周圍都有得食，而且價錢適宜；其次味道有驚喜，因為意大利飯一般容易比人一種好溜嘅感覺，但呢個飯由於用咗果肉！所揮發嘅果酸溶入係飯裡面，提升咗新鮮度之餘，微甜嘅味道令人相當開胃！差唔多飽，叫咗幾款甜品作結今個晚餐：今晚有個特別款叫「愛麗絲裙底」，聽到嘅時候仲心裡嘩然咗。原來係用糖膠製作而成嘅愛麗絲杯子蛋糕！主題相當有趣，而且影相一流！除此之外仲叫咗焦糖蘋果肉朱古力慕絲蛋糕，同荔枝軟心雜莓慕絲蛋糕！個人相當喜歡樣子平凡嘅紅心慕絲蛋糕！自己不太喜歡過甜的甜品，所以加入酸酸甜甜嘅果肉於慕絲蛋糕裡面，減低咗朱古力予人好溜嘅感覺外，同時又增加咗特別嘅口感。簡簡單單，情人節仲可以買件送比伴侶添啊！－－－－－－－總結一下，CAFE真係花咗好多嘅心思，令人更加投入到夢幻嘅世界，大家都非常開懷同放鬆。店內放置咗幾本Alice嘅故事書，係繁忙時間等緊食又無嘢做嘅時候，可以睇下書又或者玩下書，真係非常貼心呢！城市人咁大壓力，間中去下呢種CAFE SHOP都真係唔錯嘅選擇！溫馨提示：等候嘅地方比較狹窄，所以建議有興趣試嘅朋友，事前記得預約啊！…Read More