啤酒溝燒烤 (Closed)

放假日頭去咗深水埗Cafe Hea，走嗰時喺附近買埋嘢食先返屋企。我喺外賣App搵定食乜📱，見有間叫「啤酒溝燒烤」嘅餐廳好似幾抵食，就一於試吓。我由落單去到餐廳十五分鐘左右，食物已經差唔多搞掂，都算快手🥡。餐廳近楓樹街嗰邊，驟眼睇似外賣店，但好似都有堂食座位。串燒望落燒得幾靚仔，而且外賣包裝穩陣。燒安格斯牛仔骨($45/份)，🍖牛仔骨入味，帶少少黑椒香，肉質唔韌。燒五花腩串($25/3串)， 🐷豬腩肉抵食，一個價錢有三串，肥膏位燒完後微脆。燒翠玉瓜($12)，🥒翠玉瓜燒完都仲保持多汁，味道清新。燒土豆片($10)，🥔燒薯仔片好正，佢集薄脆同軟熟嘅口感於一身。雞腎($12)同雞軟骨($12)，🐔兩者細細串，同樣係爽脆之選，雞腎更係一啲都唔硬。汁燒八爪魚鬚($20)，餐廳選用細隻嘅魷魚🦑，用竹籤串起魚鬚，食落易入口，屋企長老都食到。燒手打牛筋丸($18)，🍡牛筋丸有三粒，質感彈牙，貨源唔差。金黃炸饅頭($15/3隻)，炸饅頭勁正💛，饅頭外層炸得香脆，但並唔油膩，再沾埋煉奶食，甜甜的，而內層麵包就幾鬆軟。錫紙燒特級肥牛($38/份)，🍝肥牛份量多，用汁煮令每片都好夠味，如果有金菇墊底就無得輸

👧🏻😋👅🍽✨價廉物美串燒店🥰-啤酒溝燒烤🇭🇰 深水埗鴨寮街101號地舖 🇭🇰-🫶🏻門面比較細, 所以價錢都有所反映超抵食😌 但另一邊都好多d堂食位闊落d🫶🏻個menu好清楚分晒唔同種類, 亦超多選擇-🧄惹味蒜蓉燒原條茄子 $28 🍆 🫕惹味芝士燒原條茄子 $38 🍆 ✨茄子係串燒店必食, 蒜味就基本好重蒜但唔但太鹹, 個皮都燒黑晒, 成條一條皮都冇剩啪晒🤤✨芝士就好少燒配串燒店茄子, 老實講就一定冇蒜味咁夾, 但鍾意芝士既人真係抗拒唔到😂 勁厚身極邪惡-🍢串燒🍢💯燒惹味鴨舌 (5粒) $22 肥美多肉鴨舌正👅💯燒土豆片 (3片) $10 好特別! 少見! 薄薄薯仔片燒完都係腍身但好香薯味💯燒手打牛筋丸 (3粒) $18 手打係唔同D, 彈牙爽口超juicy-🧀 燒流心芝士年糕 (2件) $28🥯金黃炸饅頭 (3個) $15✨芝士年糕唔係講笑, 唔係平時放題食果種, 個皮好軟糯, 芝士好滑流出黎, $28兩件值得✨炸饅頭童年回憶! 炸到金黃色外脆內軟, 入面個包仲係好soft, 配煉奶一流-🐚蒜蓉燒大蟶子 (2隻) $45💯海鮮外賣凍左就係差減D🤧 不過係正, 質地好新鮮, 蔥蒜連埋海

喚「啤酒溝燒烤」不一定只有啤酒可飲；又，眼見以為只得排排坐半路邊，3號風球下，老闆引領去轉角有充足冷氣、光猛之房間安坐。較少串燒店有燒大雞髀，大概難熟易燶。聰明的用兩支竹簽掰開燒，不會皮燶心不熟，而且叉開吃更方便。芝麻下手夠重，肉汁外滲，吃時有感外脆內軟口水流。就是吃完這個才追加兩隻燒全翼。燒雞全翼，燒到有類似氣炸的效果，脆到連雞翼尖啲骨都可以咬碎吞掉！前後點了兩款燒原條茄子，調味料如孜然粉灑得均勻，連邊角也有香料味道，而且茄子皮燒到剛好夠腍身又不燶，可連皮吃不浪費。個人比較喜歡蒜蓉味，始終其滲透力強，配吸味的茄子終歸是絕配。清酒煮蜆用了沙白蜆，肉質較一般扁殼蜆脹滿鮮甜。而這碟每隻都開口就知新鮮！燒鹿兒島一口豚的口感正合我意，一啖爽口一啖彈牙，同時有少許有嚼口不靭之筋位，媲美日式串燒店水準。燒安格斯牛仔骨都識到店家對揀選食材之要求，用到安格斯牛仔骨幾乎找不到平常見到的肥膏，全是結結實實的肉質，而有接近牛胸爽的牛味。

#深水埗 #楓樹街 內街新開咗間 #串燒 舖街口仲有錶位🅿️唔好以為冇堂食 又或者熱辣辣都要坐喺街原來轉角位 隔兩個舖位內有乾坤😂 入面開哂枱枱櫈櫈俾大家坐底涼著冷氣吹水飲啤酒食串燒（由左至右）燒惹味台灣腸 $15燒五花腩串 $25/3串燒雞軟骨 $12燒豬肉串 $12燒牛肉串 $18燒雞肉串 $12燒豬頸肉 $18燒日本一口和牛粒 $32串燒雞中翼(2隻) $10/2隻串燒雞全翼 $12惹味蒜蓉燒原條茄子 $28燒原條鮮魷魚 $35燒翠玉瓜 $12燒土豆片 $10 燒秋葵 $15錫紙燒雜菇 $33包括 冬菇 娃娃菜 雞髀菇 金針菇#即叫即燒 所以要預返啲時間#營業時間 1800-0200味道方面💁🏻‍♂️好似大陸掃街咁 重調味不過興幸冇燒到好乾