Outdark (飛達商業中心)

Open Now

Now Closed

同friend聚會一講到食韓國嘢（炸雞/炒年糕）就好鍾意去呢度✨✨✨三個人總共食咗$816，叫咗兩樣嘢食兩款嘢飲。米酒呢？就必叫嘅。今次試吓士多啤梨味，一入口其實有少少藥水味，不過飲吓飲吓都OK。你個friend就叫咗杯熱情果，唔會太甜，酸酸地都唔錯。炸雞我哋就揀咗兩隻味（蜜糖蒜香同甜辣），夠味得嚟仲脆身嘅，係整得大嚿咗啲。配菜有薯條、薯角、薯格🤣上面有啲調味粉，超惹味。個忌廉海鮮炒年糕好足料！海鮮有蝦、魷魚同蜆，除咗年糕之外，仲有魚糕同炒菜。側邊仲有芝士、泡菜、紫菜飯同腸仔。包你一定食到嘔🤣🤣🤣🤣

整體嚟講三個人，三樣嘢食連埋4杯飲品，平均唔使$300一位，價錢上覺得係幾合理嘅，至於環境都比較靜啦，亦都比較浪漫，都覺得幾適合拍拖或者一班朋友嚟食嘢，不過見到佢呢都幾滿座嘅，所以如果來嘅話就一定要book位。😂😂

好耐冇食韓國嘢，見呢間係由韓國開到嚟香港於是嚟試下餐廳佈置得好有心思，門外就有大大個啤啤熊超可愛，入去時又有個鐵網比情侶可以掛情侶鎖，仲有個gimmick係可以寫信一年後餐廳會寄返postcard比收信人添最開心嘅係餐廳整到暗暗地掛咗好多星星掛飾，可以食住嘢仰望星空香蒜蜜糖炸雞$178-超級大份！有薯條薯格厚薯片仲有唔少得嘅主角炸雞。炸雞皮超酥脆，雞肉又夠嫩滑，香蒜蜜糖味醬汁香甜得嚟又有啲啲蒜嘅辛辣味，令炸雞冇咁膩，食到唔停口店員仲比咗香蒜蜜糖、醬油、甜辣同辛辣醬汁，切合唔同人嘅口味忌廉海鮮炒年糕$298-中間：魷魚炸過好香脆又有咬口，年糕好煙韌，仲有蜆同魚糕食外圍：粟米水牛車打芝士可以拉絲，同魷魚紫菜飯等食另有一番滋味，菠蘿香甜夠醒胃，仲有韓國泡菜食添呢度情侶嚟夠浪漫，一班人嚟食物夠豐富，相當唔錯