澳門咖喱王新鮮腩

T06 必食獲獎川醬干炒牛河（$49）即炒，夠鑊氣，香味十足。份量以下午茶來說尚算合理。牛肉大約有四至五片，唔韌有咬口但無咩肉味。河粉滑，炒得夠乾身，而且條條都上哂色。川醬辣味十足，十分惹味。整體不錯，不愧稱之為「必食獲獎」。T04 法式紅酒牛腩飯（$49）呢個十分失望，餐廳話哂以牛腩作賣點，但係呢碗紅酒牛腩真係唔得。一上枱見到啲牛腩咁瘦，立即心知不妙，試食一件，肉質又韌又柴，而且又無肉味，同煲湯瘦肉沒有分別。前後有四件，件件都一樣咁差。另外碗白飯都不是太好，偏濕，軟淋淋。下午茶包熱飲一杯（凍飲+$3），如果兩款都係同價錢，絕對食牛河好過牛腩飯。…Read More

路經此店, 見門外寫著「港澳第ㄧ腩」丶「百份百無味精餐廳」丶「選用百份百新鮮牛腩」。 這樣吸引, 隨即拉着朋友入內, 要品嚐一下。茶餐廳格局, 但精心的裝潢較一般茶餐廳特別。 必食招牌清湯牛坑腩泡飯 : 一放在面前, 已聞到香氣四溢。 湯底清, 並非常香。 牛坑腩腍而不散及入味, 白蘿蔔吸收了清湯腩湯, 非常美味。 必食獲獎川醬干炒牛河 : 可選小丶中和大辣的川醬。 初次嘗試, 我就點了小辣。 川醬辣味不可小看, 使牛河更香辣惹味。 嗜辣的人可試辣度更高的川醬。 牛河炒得均勻，而片片牛肉嫩。 全港獨創即煎酒糟肉餅 : 見其寫着「即煎酒糟肉餅」已大感興趣, 還註明是「全港獨創」, 以我來說, 那是必食之選。 以人手刴的肉餅, 煎得外脆內嫰, 兼且帶着香香的酒味。 凍柑桔蜜 ($21) 丶 熱奶茶($16) : 凍柑桔蜜啖啖濃厚柑桔味, 不太甜, 好味道。 朋友亦說其熱奶茶香滑。註 : 星期六丶日丶紅日, 一律全日加$7。…Read More

準備晚餐期間石油氣突然用光了，餸菜唯有留待第二天才處理。今晚就在附近食飯吧。澳門咖哩王是美食雲集的白加士街內的其中一間茶餐廳，之前經過都見到有不少食客光顧，一於試試。＊＊＊＊＊＊＊＊＊＊＊澳門咖哩王雖然是一間茶記，但店內都乾淨企理，牆壁鋪上磚仔，帶點懷舊感覺。食店主打牛腩，所以菜單內大部份食物都跟牛有關，所有食品加$4都可加配冷熱飲，番茄湯加$6，不設加一，只是繁忙時間晚上6點和星期六日紅日加$7，價錢都合理。無味精鮮茄濃湯(跟餐加$6)鮮茄濃湯味道確是幾香濃，入面亦有番茄各蔬菜，質地不會太水汪汪，飲完也不覺口渴，這$6絕對抵加！澳門炒飯($69+7)澳門炒飯我們點了小辣，飯炒得夠乾身，不會太多油，份量都夠多。必食獲獎川醬干炒牛河($69+7)干炒牛河我們點了中辣，辣勁十足，我最喜歡是它用上薄河粉而非平時干炒牛河常用的厚身河粉。河粉又薄又夠滑。平時看十大邪惡粉麵，干炒牛河都會上三甲，這個干炒牛河比平時見到的油量較少，即使明知邪惡，但罪惡感都沒有那麼重。牛肉夠腍又夠大塊，不會太碎濕濕影響口感。澳門咖哩薯仔招牌牛腩拼薄餅($59+9+10)食店既然出名食牛腩，怎可以不試。這裡的咖哩牛腩飯可以加$10轉薄餅，牛腩亦可以加$9轉牛坑腩、爽腩或崩沙腩。本身對三款牛腩的分別不太了解，細問老闆後他也細心解答，最後就選了牛味較重的牛坑腩試試。其實本身我對牛腩興趣不大，因為無論有名氣的或沒有名氣的，食過幾次，每次牛腩都會黏牙，所以都食到有點怕怕，但這個牛腩卻非常鬆軟，而家一點也不黏牙，掛上咖哩汁後，味道非常濃郁，超正！咖哩濃稠適中，味道很濃郁。薄餅雖然是配角，但味道絕不比牛腩失色，因為即使我待了一會才吃，薄餅仍帶點微脆。左: 檸檬利賓納(跟餐加$10)酸酸甜甜幾好飲。右: 鴛鴦紅豆冰(跟餐加$10)這裡的紅豆冰都有幾款，我點的鴛鴦紅豆冰不單紅豆夠軟腍，鴛鴦底濃而不苦，絕對是必試！柑桔蜜(跟餐加$10)杯底都幾多柑桔，甜度適中。所謂高手在民間，論名氣它或許不及其他老店，但食物卻令人驚喜，其中咖哩牛坑腩、干炒牛河和鴛鴦紅豆永尤為出色，如果去開白加士街，除了旁邊兩間名氣食店外，也可試試澳門咖哩王。…Read More