Mint Thai House

每次經過元朗劇院對面，有間好chill嘅泰國餐廳，有戶外地方用餐，感覺開揚舒服。今晚行入呢間屹立元朗18 年嘅泰菜，一嚐特式泰國菜🇹🇭✅泰式燒牛仔骨$148份量頗大，醃得非常入味，肉質嫩滑，配埋泰式酸汁，非常惹味。✅甜柚鮮蝦沙律$108 一改以往對柚子蝦沙律嘅印象，用上大量紫椰菜，口感豐富，味道清新。✅馬拉盞炒椰苗 $98椰菜苗去泰國餐廳必食，配馬拉盞同炒簡直一絕，椰菜苗爽脆有咬口，新鮮清甜。✅廚師特色蝦醬炒飯$138 俾呢個炒飯外型吸引，有一層蛋衣覆蓋炒飯，濃濃蝦醬味，大量提子乾，清甜而不膩👍🏻 果然有廚師特色😎✅沙嗲豬牛雞六串$108串燒熱辣辣即叫即製，可以選擇豬牛雞各兩串，肉質多汁焦脆。沾上秘製沙嗲醬，濃郁花生香味，有點喧賓奪主🫣酒吧格局，環境令人放鬆，加返杯咸檸七喜，爽😊 天氣回暖，好適合一班朋友戶外聚餐。…Read More

上星期日日都30幾度，特別想食泰國嘢開下胃！🥵元朗圖書館對面就有間大件夾抵食嘅泰菜餐廳。餐廳有室外同室內座位，放擺咗好多熱帶綠植🌿，亦掛咗唔少特色裝飾，同時播放住泰國歌手MV，充滿泰國風情！菜式方面走海鮮系泰菜🦑，都幾啱口味，而且份量偏大，非常足料，兩個人食其實叫小食加主食已經好足夠！除咗普通 menu，仲有啤酒+伴酒菜嘅套餐🍻，最啱三五知己一齊夜繽紛！🍢沙嗲串燒 (豬+牛+雞) $118沙嗲串燒有豬、牛、雞各兩串，用啤酒杯裝，可以瀝乾多餘嘅油份，仲插住一束迷迭香吸油，塗上花生味十足嘅嘅沙嗲醬，食落惹味而唔油膩！雞肉燒得外皮焦脆內，入面保持嫩滑，豬軟腍入味，而牛肉牛味濃郁有韌勁，送酒一流！🍖酸子炸豬手 $168炸豬手同平時食嘅德國豬手好唔同，外皮酥脆，肉質軟腍，搭配酸梅子醬，酸酸甜甜，有啲似食緊梅子骨。🥘廚師特色蝦醬炒飯 $138呢個炒飯上碟已經好吸引，一串鮮甜大蝦插喺魔鬼魚乾同蛋炒飯上面，好 courful！將鹹香鮮味嘅魔鬼魚乾整砌，撈入蛋同蝦醬炒飯，增加上炒飯嘅口感，好有層次！🍹薄荷青檸梳打 $45梳打有薄荷同青檸嘅清香，一啖飲落去，涼爽嘅口感，解渴舒暢！🍍泰式菠蘿特飲 $35濃郁嘅菠蘿甜香，喺炎熱嘅天氣中帶來一股涼意！…Read More

剛搬到元朗要發掘下周圍的美食，根據Openrice食評就來到元朗劇院附近的薄荷葉泰國菜，是一間酒吧加泰國餐館。【香葉肉碎炒玉子豆腐】香葉肉碎和軟嫩的玉子豆腐，呈現出豐富的口感和風味。肉碎的香氣與玉子豆腐的滑嫩相輔相成，炒得恰到好處，使得每一口都能感受到肉碎香味。【泰式炒茄子】茄子經過炒煮後，保持了飽滿的口感和淡淡的甜味，搭配泰式調味料的酸、辣、甜、鹹的平衡，味道鮮美。這道菜的獨特之處在於泰式調味料的使用，加添了香葉和肉碎。【酸子炸豬手】豬手經過炸製後，表皮酥脆，內部肉質鮮嫩多汁。搭配酸梅子醬的酸甜口味，豬手的豐富肉味得到了很好的平衡，還有兩款泰式辣醬調味，幾香口。【廚師特色蝦醬炒飯】魔鬼魚乾和大蝦是主角，搭配蝦醬炒飯製作而成。魔鬼魚乾的咸香鮮味和大蝦的鮮甜相互輝映，炒飯的米粒鬆軟而飽滿。蝦醬炒飯的風味豐富，帶有一絲的鹹香和微辣。【椰青】清涼解渴一流。…Read More

炎炎夏日吃泰菜最有氣氛。薄荷葉泰國菜餐廳室內佈置了色彩繽紛的吊燈，大象的畫布，還有戶外座位，充滿泰國風情。先來一小碟有機前菜（$12）醃好的青瓜和蘿蔔，酸酸甜甜，清新可人。泰式豆腐湯（細）（$88）湯料以玉子豆腐和秀珍菇為主，加上魚露和香料烹製而成，淡淡鹹香，在夏天為食客補充水份。肉碎生菜包（$108）以薄荷葉及檸檬汁等調製，肉碎和生菜頗多，惹味香口。什菜粉絲煲（$118）大滿足的份量，一大班人吃，人人都吃到粉絲，什菜有紅蘿蔔、西蘭花、車厘茄、芥蘭等，包羅萬有，感覺健康。廚師特色蝦醬炒飯（$138）賣相吸睛，打卡一流。上面有蝦串及魔鬼魚乾，較為罕見。咸檸7up、青檸梳打（各$38）經典的飲料，咸檸7up鹹甜混和，青檸梳打清爽可口。這個公式能貼切形容薄荷葉泰國菜=泰式裝潢+泰式餸菜+夏日風情。…Read More

朋友知我早前去泰國旅行 係咁話想食泰國菜 咁我番到黎就同佢去食 呢間餐廳充滿民族風既感覺 有色彩鮮艷既民族風吊燈♡泰式燒豬頸肉 $108個豬頸肉好香脆 配埋個醬汁令到我同朋友都食唔停口 旁邊仲配埋個沙律菜🥗 好fresh♡細冬蔭公湯 $108個湯唔會太辣 份量同湯料都好充足 入面有香料、菇、仲有4隻蝦🦐 我同朋友都每人可以飲到3-4碗湯 好抵飲😋♡什菜粉絲煲 $118呢個什菜粉絲煲好飽肚 粉絲吸收唒d湯汁好好食 加埋有好多唔同款既菜岩唒我鍾意食咁多菜🥬♡廚師特色蝦醬炒飯 $138見到餐牌幅圖覺得幾吸引所以同朋友都同時揀左呢個飯 個飯上到黎同幅圖差唔多一樣 蝦醬炒飯外面包上一層蛋🥚蛋 上面有一塊魔鬼魚乾同埋一串蝦 食既時候將青瓜、洋蔥🧅、蝦米🦐、豬肉 同埋薑撈埋一齊就食得 個飯比較濃味 魔鬼魚乾好脆個炒飯真係好大碟 2個人食就食唔晒 下次都係同多d朋友一齊share會比較好…Read More

今次遠離一吓元朗市中心，走咗過嚟元朗圖書館呢邊搵食。經過呢間泰菜，見氣氛唔錯，就決定一試！呢間餐廳環境真係唔錯，餐廳唔算好大，但有室內同室外選擇，燈光稍暗，而且播放住音樂，都幾好feel。一坐低，餐廳職員立即送上餐前小食，青瓜好新鮮，配埋個醬汁，酸酸甜甜好開胃😋今次我哋2個人叫咗泰式燒豬脾仔、沙嗲、馬拉盞炒椰菜苗、廚師特色蝦醬炒飯同2杯可樂。首先嚟到嘅係馬拉盞炒椰菜苗，椰菜苗咬落有質感，配上馬拉盞嘅鹹香，夠晒惹味。個廚師特色蝦醬炒飯一嚟到真係好吸睛，頂層係蝦串，中間係魔鬼魚乾。將個蝦醬炒飯連埋配料撈埋一齊，食起嚟一啲都唔單調，而且仲有提子乾同青芒果，酸酸甜甜，夾埋啲飯一齊食，一啲都唔膩；而且個魔鬼魚乾都幾特別，鹹鮮鹹鮮嘅，起咗一個提鮮嘅作用。佢個泰式燒豬仔脾亦係驚喜之作，火候控制得啱啱好，保留到豬仔脾既嫩滑肉質，啖啖肉，加上泰式酸辣醬，更加惹味。個沙嗲都唔錯，即叫即燒，質感嫩滑唔柴皮，而且肉汁豐富，再配上惹味濃郁嘅沙嗲醬，令人回味無窮！整體嚟講，無論環境、食物同服務都唔錯，好啱朋友仔一齊出嚟飲吓啤酒，食個飯吹吹水😊…Read More

自家制炸蝦餅 ($88)• 外皮口感香脆，油炸的程度剛好，没有油膩感，包裹著彈牙充實的蝦肉。• 內𥚃的蝦肉富有彈性，充滿蝦獨有的鮮味，跟香脆外層互相配合，口感豐富。廚師特色蝦醬炒飯 ($138)• 首先值得一讚的是賣相十分有心思，甚少見到這麼精緻的泰國菜。• 炒飯的配料甚多分成幾部份，最頂的是有機香草、一串三隻經過燒烤處理的鮮蝦、一片魔鬼魚乾，繼而是包裹著炒飯的網狀雞蛋，旁邊的是各式各樣調味配料，在吃之前需要自己動手把配料來個大兜亂。• 味道層次相當豐富，蝦醬的味道不會太突出，咸度主要來自那片魔鬼魚乾片，吃的時候要盡量弄碎配料才能均勻。咖哩大蝦 ($238)• 極力推薦這道咖哩✨香口的咖哩非常惹味，而大蝦亦交足貨。• 大蝦經過開邊處理，蝦肉吸收了香濃咖哩的惹味，加上彈牙有口感的蝦肉，相當滋味。• 把薄餅 (4塊 | $55)浸入香濃的咖哩之內同樣滋味十分。馬拉盞炒椰苗 ($98)• 椰苗口感爽脆，菜葉幼嫩，均勻吸收馬拉盞醬料的味道。 …Read More

位於元朗劇院附近既餐廳，環境幾舒服，而且燈光暗暗地幾有氣氛，有室內室外坐位，幾岩一大班frd聚舊用餐。自家製炸蝦餅$88食泰國菜點可以唔嗌炸蝦餅，一碟有8件份量都唔少，外皮炸至金黃色，食落非常香脆，而且外皮炸粉唔厚，所以食落啖啖肉仲幾彈牙。馬拉盞炒通菜$78尼碟馬拉盞炒通菜鹹香可口，帶有少許海鮮醬味，菜口感爽脆，加埋蒜粒、蝦米粒口感更豐富。廚師特色蝦醬炒飯$138不得不說依款炒飯賣相100分，擺盤落足心機，正中間用一串蝦貫穿左用薄薄一層網狀蛋包住既炒飯，真係好靚😭旁邊材料有洋蔥、花生、青瓜、辣椒、肉、蝦乾，而最重要既一款材料就係魔鬼魚乾！我覺得係整個菜式既靈魂，味道鹹香超級開胃🥴 記得將佢整散再將所有材料撈混先食👍🏻口感同味道會更佳明爐酸辣魚$198 尼個明爐酸辣魚同平時出邊食既湯底唔同，尼款湯底顏色偏紅望落都幾辣，飲落酸酸甜甜帶點微辣。魚方面餐廳選用爐魚，經過油炸方式再放落明爐上面煮，魚皮雖然浸咗湯但食落仍帶點酥脆，而旁邊既蔬菜有西蘭花、椰菜花、通菜，索哂酸辣汁超正😭整體尼條魚非常惹味餸飯一流😋椰青$45每次食泰國菜必嗌飲品，椰青夠新鮮，食落清甜而且又解渴🤤士多啤梨特飲$32不但有士多啤梨果肉，仲加左少少椰果類，口感豐富，無糖漿既味道亦唔會太甜，推介比大家💪🏻…Read More

元朗出名多好西，今次試左劇院附近嘅Mint Thai House，個環境好jeng，暗暗地有d彩色燈，好chill🤘🏻一坐底就上左一碟有機前菜，酸酸地好開胃🤤呢間餐廳嘅菜式都好精緻同美觀，碟碟都擺得好有心思😊😊最impress到我嘅係廚師特色蝦醬炒飯，個炒飯賣相靚之餘，竟然仲有魔鬼魚乾😮擺得咁靚，就梗係相機食先😝幫個飯影完相之後，我地仲要自己meet細d魚乾撈勻佢，真係好特別😝😝食飽之後小酌兩杯，jeng爆😇…Read More

餐廳裝修好有格調，似係一間酒吧，裝飾充滿泰國特色。還播放泰國歌曲和MV，頗有氣氛﹗餐廳以自家農田種植泰式香料蔬菜作賣點，保證新鮮有質素﹗有機前菜$12:青瓜爽脆，醬汁調得開胃，酸酸甜甜辣辣﹗馬拉盞炒通菜$78:通菜脆口嫰綠，香味惹味， 味道不會過咸，帶有少許海鮮醬味﹗沙嗲豬牛雞各兩串$108:以啤酒杯裝住肉串，小茴香葉作裝飾，肉串處理得頗好，食落不會有雪藏味，配有沙嗲醬，香口YUMMY~石榴$32:飲落好清新，又有香濃石榴味。軟殼蟹咖哩$178:咖哩不辣，洋蔥、青椒等配料，帶有少少甜味，椰汁味濃郁。廚師特色蝦醬炒飯$138:賣相美觀，上面有蝦，香料葉，魔鬼魚乾，到下面的薄網蛋，包覆住炒飯，肉，辣椒，洋蔥，花生，青瓜等，非常豐富。蝦好鮮味，魔鬼魚乾新鮮炸起，脆得似薯片，可以用手撕成碎粒，好重魚香咸味~可以混合炒飯一起吃﹗炒飯偏向少少濕身，蝦醬味不會過咸，好味~…Read More

呢排成日都想食泰國菜，今次就去到新界食泰國菜，想搵間可以坐耐啲飲下啤酒食住泰國菜既餐廳，真係搵到呢間bar形式既泰國菜餐廳。環境唔算位於市中心，但人流都不少，店內有泰國掛飾，除左播英文歌，不時播下泰文歌，亦有室外坐，環境氣氛唔錯。餐牌先黎個餐前小食串燒(雞、牛、豬)(6串) $108第一次食串燒用杯上，仲有小茴香同另附上沙嗲醬。串燒都燒得好香，本身已經醃過，食落各有鹹焦香，各款肉串亦大小均稱，店員教落先搽上少少沙嗲醬再自己手撕啲小茴香加係肉串上，食落帶小茴香既香料香氣更惹味。廚師特色蝦醬炒飯 $138好多時食泰國野都係菠蘿炒飯，menu見到呢個廚師特色蝦醬炒飯既造型好特別就叫嚟試下。賣相精緻，最高插住三隻熟蝦，質素正常，之後有一大塊炸魔鬼魚脆片，然後係煎薄蛋皮包住蝦醬炒飯。店員簡介要先整碎炸魔鬼魚脆片( 愈碎愈好)，然後連同碟邊所有配料撈匀再食，仲會比濕紙巾你，等你整完可以抹手，十分細心。擺盤同食法有少少似馬來西亞既Nasi Lemak(椰漿飯)，都係有伴碟配炒飯底，伴碟有蝦乾、青木瓜絲、青瓜絲、提子乾粒、肉、洋蒽、辣椒粒等等等等，配上炸魔鬼魚碎片，每啖都好香口，炒飯炒得夠乾身，蝦醬唔會過鹹，加上配料一齊食口感好豐富，必食之選！Mint Beer $58/Pint望落去真係綠綠地色，但飲落薄荷味唔重。總括而言，食物味道不錯，特別係廚師特色蝦醬炒飯真係高質，酒既選擇亦不少，元朗多一間同朋友聚餐既好地方。…Read More

炎炎夏日, 熱得沒有胃口, 就想吃點刺激性食物就來嘗嘗這家泰菜-薄荷葉這家店的地點並不位於元朗太中間的位置而是位於市區的邊緣﹐圖書館那邊終於來到店前﹐氣氛很是不錯內部裝潢七彩的裝潢﹐為店面增添格調加上旁邊的 Bar枱﹐感覺很Chill厚厚的餐牌和桌上的用具都很簇新 先來前菜 - 越式紙米卷擺碟非常漂亮﹐賣相很田園看下去很清新﹐有著蟹柳﹐甘荀﹐青瓜等的味道﹐很是 Juicy 加上外皮很薄﹐不會影響口感和味道﹐讚！馬拉盞炒通菜 通菜很翠綠﹐很脆口加上點點辣味和淡香的馬拉盞味﹐味道配合剛好﹐很好吃廚師特色蝦醬炒飯賣相滿分！炒飯外鋪了一層薄薄的網紋蛋對﹐是蛋！本人是首次看到這種蛋的做法　蛋迷大愛！再上面是插了香草﹐魔鬼魚乾和蝦而吃法也是非常過癮！　（有職員熱心教導）先把上面的東西抽起﹐在飯山的最高點挖一個洞﹐然後把所有配料放進去﹐把整個飯撈勻再把魔鬼魚乾渣碎再食用。雖然複雜﹐但過程也是很有趣的而味道也有驚喜﹐有點甜也有點咸﹐並不像平常的炒飯有洋蔥和菜等等增加口感﹐也有一點辣椒畫龍點睛的是魔鬼魚乾不只是香脆﹐也帶有濃濃魚味！這個飯﹐不論是創意或味道真的是很不錯﹐大推檸檬魚　被森林包圍的魚﹐也有它的獨有吃法。就是把魚放到生菜包中一併吃魚完全不會很乾﹐而是多汁也肉滑香料很足不過不會蓋過其他味新鮮蔬菜會為你先清一下口腔　魚也很大條﹐兩個人吃或有點多﹐划算　飲品方面﹐我倆就點了椰青和石榴特飲椰青很新鮮﹐很甜也椰味十足而石榴特飲應該是用新鮮石榴汁完全不覺得化學和太甜是自然果甜清甜﹐整個平衡剛剛好從地點菜式創新和味道來說﹐薄荷葉是一家很值得來試試的餐廳我和朋友不喝酒﹐可能喝酒的感覺或會更爽！…Read More

到元朗探朋友，之後男友想食泰菜，就在附近找到一間環境很有氣氛的，餐廳空間不大，坐位算是舒適唔太迫，室外還有數張枱而滿坐了。冬陰公湯（$88）食泰國菜，必叫冬陰公湯尤其這麼凍的天氣，賣相不是很精緻反而是特色簡單，湯飲起來味道異常豐富，蝦的鮮味非常搶鏡，而南薑、香茅、檸檬葉、辣椒等不同配料亦各司其職，一個大融和後無比和諧，不會過酸、過辣。平衡才是精采之處。味道不錯。馬拉盞炒通菜（$68)通菜份量相當多，通菜相當青綠爽脆與馬拉盞少辣香濃口感匹配，泰式炒菜十分惹味 廚師特色蝦醬炒飯($108)很精緻，蝦醬炒飯口感豐富鮮香，每一顆米粒都充溢著濃郁的香味，魔鬼魚乾硬但味道很，蝦肉富有彈性，炒飯食不停口柚子蜜($20)冬天來一杯暖暖的柚子蜜太窩心，甜甜的味道。…Read More

平時專程山長水遠來吃飯就興高采烈，這天在元朗放工，順道吃晚飯卻毫無頭緒。一邊行一邊search，對甚麼都提不起興趣，最後選了泰國菜。找到來，見到黑漆漆的室內掛著吊燈，幾有情調，氣氛不錯。原來這間泰國菜是farm to table，用自己種的香料，誤打誤撞似乎㝷到寶。甫坐下，店員先送上微辣的青瓜粒。辣辣地又清涼，幾開胃，青瓜不是預期的爽，反而是熟掉的腍。邊吃邊看餐牌。看餐牌時，店員上前問要不要先點飲品，除了啤酒，推介椰青和咸檸七。冰凍的椰青十分清甜，不過裡面的椰青肉很厚，嘗試刮出來但得費盡九牛二虎之力。以為刮出來的椰青肉會又乾又硬，沒想到都幾滑，不腍不硬。落完單後，店員送來一大籃蝦片，似乎剛炸好，拿上手還暖暖的，好香口好脆，都幾驚喜。不過吃了幾塊，開始上菜，準備得很快。放下紙米卷的同時，店員毫無先兆，無說一句便拿走了整籃蝦片，有點奇怪。上錯了也得講一聲吧。越式紙米卷紙米卷濕度剛好，煙煙韌韌，很不錯。包著的餡料則有點普通，只有蟹柳、生菜、蘿蔔絲和椰菜絲，混了從未在紙米卷見過的沙律醬。雖然很不正宗，但蟹柳加沙律醬永無出錯。另外配上自家製的紅酒醋，酸酸的幾清新，不過跟沙律醬不是太夾。馬拉盞炒芥蘭喜歡它完全不油膩，不過馬拉盞味不夠，只有很淡很淡的蝦米香。芥蘭少少老，莖可以形容成爽，但爽得近乎硬。廚師特色蝦醬炒飯炒飯以賣相先聲奪人，真的十分漂亮，店員特地為我們介紹。炒飯以薄薄的蛋網包著，上面是魔鬼魚乾，以竹籤串著蝦，插在上面。拿走店方自家種植的香料，先把魔鬼魚乾弄碎，跟旁邊的洋蔥、生芒果絲、辣椒和醬汁拌勻，就可以吃了。魔鬼魚乾硬脆，蝦爽口，各種配料拌在一起，口感層次豐富。炒飯完全不油膩，不太濕但可以再乾身少少，有淡淡的蝦醬味，夠味而不鹹，整體不錯。班蘭咖喱雞一叫咖喱，堪稱超強sales的店員立即推介薄餅。沒有正宗roti的一層一層般酥，軟腍而有咬口，味道又不算很香，只屬一般。咖喱沒有期待的班蘭香，夠濕卻很厚稠，稠至一團團般，有點古怪。雖然店員說此咖喱本應如此，青咖喱則會較水，但始終覺得麻麻。雞肉很多，細細件，食落方便，不過完全不入味，口感亦一般，不嫩。整體不俗，氣氛好，服務亦佳，店員主動介紹又會問覺得如何，還有泰國菜難得的精緻擺碟。以元朗來說價錢稍貴，不過行酒吧路線的餐廳都是定價高一點，加上有farm to table概念，食物吃起來不夠正宗泰國菜惹味，但不油不膩，感覺健康。…Read More

經過一星期繁忙的工作， 最期待就是星期五，找間舒適的餐廳， 慢慢享受一餐就是我最喜愛的Good Friday ! 好好放鬆一下吧 ！我鐘意食泰國菜， 因為泰菜是酸酸辣辣， 香料特別多， 好有特色 ！聽朋友介紹元朗劇院附近有一間泰國菜， 上了openrice 一看， 原來是「薄荷葉泰國菜」， 又見到有二百幾個好評， 食物有正面評價， 環境也很舒適， 正合我心意 ！星期五， 梗係要鬆一鬆啦 ！ 從遠望見，有種泰國feel，好似去了泰國咁! 餐內佈置獨特，掛上泰式燈飾，播著輕鬆嘅音樂 ！ So Relax ! 《 廚師特色蝦醬炒飯 ＄108 》   做到好似藝術品的蝦醬炒飯，外貌非常吸引，非常漂亮，隻蝦好似跳緊舞咁，一見到就想食啦 ！ 店員建議我們把魔鬼魚乾壓碎， 再撈埋旁邊的青瓜絲，芒果絲， 蝦米和辣椒等一起吃。師傅把蛋做成網狀包住炒飯， 這樣撈起非常乾身，充滿蛋香！ 加上鹹香的魔鬼魚，口感增添不少， 做得十分出色， 值得推介 ！《 班蘭咖喱豬 + 薄餅 $140 》班蘭咖喱豬，香料十足，質感香濃，咖喱味不算太辣，適合怕辣嘅朋友，配上熱辣辣的烤餅， 效果不錯! 沾了咖喱的烤餅， 特別好味 ! 《招牌火焰燒雞 $148》原隻火燒雞上， 最啱相機食先嘅朋友， 店員將玫瑰露洒加上燒雞， 即場表演火燒雞  看完表演後， 再斬件上枱給客人享用! 燒雞香口，有好重嘅洒味，加上香料，味道特別， 帶出雞件嘅雞香味， 肉質juicy ! 《椰青 $40》食泰國野， 點可以唔叫椰青呀 ！椰青嘅鮮甜又涼快 ！ Fresh ! 《青檸梳打 $32》 食完泰國嘢， 叫番杯青檸梳打， 真係涼快 ！ 餐廳也有推出優惠， 客人儲電子印花，到儲到一定的數量，便可免費換領食物，第一次登記有五個印花送！ 之後每滿$ 150就一個印花！梗係要登記啦！整體覺得食物有質素，份量足，服務態度好好， 環境幾舒服。最緊要冇用餐限時，可以慢慢食，唔會俾人趕，咁先係Good Friday ！…Read More