廿一由八

情人節未有情人，於是同朋友去咗喱間隱世又Chill爆嘅「廿一由八」享受吓單身嘅浪漫。初時以為好偏僻，點知原來喺香港大學對面過條馬路行3分鐘左右就到。Cafe 裝潢以木為主，大型落地玻璃加埋幾棵中型植物，感覺悠閒寫意非常舒服。坐底睇睇餐牌好快就決定嗌個 DUET SET 二人套餐，揀咗「巴馬火腿忌廉芝士果仁卷」，「進擊的美式孖醬炸雞漢堡」，「美國肉眼扒配時蔬及壓薯」，仲追加咗個甜品「楓糖碧根脆脆」。果仁卷口感Creamy鹹鹹地有微少Rum酒味非常特別冇得輸。炸雞漢堡兩塊炸雞好厚超大塊肉汁非常豐富。肉眼扒嘅配菜種類多壓薯煎得幾香。個脆脆其實係 French Toast，有個雲尼拿雪糕球喺上面賣相幾好，厚多士外微脆內鬆軟仲有非常濃厚嘅...玉桂味，真係超邪惡。為咗中和吓，最後嗌咗杯熱Latte，上面個拉花應該係...梵高個徒弟拉嘅，都...幾有創意吖。非常欣賞「廿一由八」嘅店內環境和傢俬，特別係張梳化坐得我好舒服，食物質素唔差，日後一定會再拜訪。…Read More

最近同朋友去咗香港大學行吓，離開時發現喺山坡下面有間幾Chill嘅咖啡店，本身諗住入去坐坐嗌杯Latte吹吓水，點知吹吹吓就食埋佢個$388嘅晚餐。巴馬火腿忌廉芝士果仁卷只能說非常足料非常美味，果醬仲有粒粒果肉，值得一試。法式紙包柑橘三文魚柑橘汁溶入三文魚肉內令三文魚咬落香甜鮮嫩，特製嘅五香法式多士口感鬆軟又惹味，沙律菜新鮮之餘佢仲加咗檸檬和蜜糖，都幾特別。楓糖碧根脆脆估唔到喱個 French Toast 咁大個，楓糖漿基本上包住整個多士，麵包帶少少鹹，配搭剛剛好唔會生痱滋。草莓薄荷士多啤梨味突出，薄荷味唔太重，仲加了少少酒，作為餐飲係一個唔錯嘅選擇。…Read More

在港大附近的🪵木系Cafe簡約的店面，進去環境舒適，音樂好聽，店員很好，會主動加檸檬🍋水，是個與好友聚餐傾偈的好地方1️⃣巴馬火腿忌廉芝士果仁卷咸甜口，搭配果仁的口感，口感豐富，搭配果醬，好吃不膩，餡的搭配剛剛好，一口一個2️⃣法式紙包柑橘三文魚配托斯卡納五香法式多士和沙律🥗🐟三文魚份量很足，一向對三文魚麻麻的我來說，這次吃了很多，而且很新鮮，煮得很好，不會很腥，搭配柑橘🍊口感好清新，多士也很好吃，面上的配料，融合在多士里，很特別少吃到這種味道，好吃😋3️⃣甜品-檸檬🍋芝士🧀蛋糕跟三文魚那個包包很像，都是法式多士，軟綿綿的口感，搭配檸檬🍋芝士醬好好吃很清新的口感，醬料很足很喜歡，以為會有點膩，但吃起來不會，最後都吃完了😋barbie with gin好喝不知不覺中，有點酒的味道，不會醉，好喝…Read More